ਜੈਪੁਰ - ਰਾਜਸਥਾਨ ਸਰਕਾਰ ਨੇ ਮੰਗਲਵਾਰ ਰਾਤ ਅੱਠ ਜ਼ਿਲ੍ਹਾ ਕੁਲੈਕਟਰਾਂ ਸਮੇਤ 33 ਭਾਰਤੀ ਪ੍ਰਸ਼ਾਸਨਿਕ ਸੇਵਾ (ਆਈਏਐਸ) ਅਧਿਕਾਰੀਆਂ ਦਾ ਤਬਾਦਲਾ ਕਰ ਦਿੱਤਾ। ਇਹ ਜਾਣਕਾਰੀ ਇੱਕ ਆਦੇਸ਼ ਵਿੱਚ ਦਿੱਤੀ ਗਈ ਹੈ। ਪ੍ਰਸੋਨਲ ਵਿਭਾਗ ਵੱਲੋਂ ਜਾਰੀ ਹੁਕਮਾਂ ਅਨੁਸਾਰ ਅਲੋਕ, ਜੋ ਇਸ ਸਮੇਂ ਨਵੀਂ ਦਿੱਲੀ ਦੇ ਪ੍ਰਮੁੱਖ ਰਿਹਾਇਸ਼ੀ ਕਮਿਸ਼ਨਰ ਵਜੋਂ ਸੇਵਾਵਾਂ ਨਿਭਾਅ ਰਹੇ ਸਨ, ਦਾ ਤਬਾਦਲਾ ਊਰਜਾ ਵਿਭਾਗ ਦੇ ਵਧੀਕ ਮੁੱਖ ਸਕੱਤਰ ਵਜੋਂ ਕਰ ਦਿੱਤਾ ਗਿਆ ਹੈ। ਇਸ ਵਿਚ ਕਿਹਾ ਗਿਆ ਹੈ ਕਿ ਅਪਰਨਾ ਅਰੋੜਾ ਨੂੰ ਜੰਗਲਾਤ, ਵਾਤਾਵਰਣ ਅਤੇ ਜਲਵਾਯੂ ਪਰਿਵਰਤਨ ਵਿਭਾਗ ਦਾ ਵਧੀਕ ਮੁੱਖ ਸਕੱਤਰ ਬਣਾਇਆ ਗਿਆ ਹੈ। ਹੋਰ ਆਈਏਐਸ ਅਧਿਕਾਰੀਆਂ ਵਿੱਚ ਦਿਨੇਸ਼ ਕੁਮਾਰ, ਨਵੀਨ ਮਹਾਜਨ, ਭਾਨੂ ਪ੍ਰਕਾਸ਼, ਵੀ. ਸਰਵਣ ਕੁਮਾਰ ਅਤੇ ਉਰਮਿਲਾ ਰਾਜੋਰੀਆ ਸ਼ਾਮਲ ਹਨ। ਨਮਰਤਾ ਵਰਸ਼ਨੀ ਨੂੰ ਬੀਕਾਨੇਰ ਕਲੈਕਟਰ ਭਗਵਤੀ ਪ੍ਰਸਾਦ ਕਲਾਲ ਦੀ ਜਗ੍ਹਾ, ਰਾਜੇਂਦਰ ਸਿੰਘ ਸ਼ੇਖਾਵਤ ਨੂੰ ਸ਼ਾਹਪੁਰਾ ਕਲੈਕਟਰ ਟੀਕਮਚੰਦ ਬੋਹਰਾ ਦੀ ਜਗ੍ਹਾ, ਲੋਕ ਬੰਧੂ ਨੂੰ ਸ਼੍ਰੀਗੰਗਾਨਗਰ ਕਲੈਕਟਰ ਅੰਸ਼ਦੀਪ ਦੀ ਜਗ੍ਹਾ ਨਿਯੁਕਤ ਕੀਤਾ ਗਿਆ ਹੈ। ਬਾੜਮੇਰ ਦੇ ਕੁਲੈਕਟਰ ਅਰੁਣ ਕੁਮਾਰ ਪੁਰੋਹਿਤ ਨੂੰ ਨਾਗੌਰ ਦਾ ਕੁਲੈਕਟਰ ਬਣਾਇਆ ਗਿਆ ਹੈ ਅਤੇ ਨਿਸ਼ਾਂਤ ਜੈਨ ਨੂੰ ਬਦਲ ਦਿੱਤਾ ਗਿਆ ਹੈ। ਸਾਂਚੌਰ ਦੀ ਕਲੈਕਟਰ ਪੂਜਾ ਕੁਮਾਰੀ ਪਾਰਥ ਨੂੰ ਜਲੌਰ ਦਾ ਕੁਲੈਕਟਰ ਬਣਾਇਆ ਗਿਆ ਹੈ ਅਤੇ ਉਨ੍ਹਾਂ ਦੀ ਜਗ੍ਹਾ ਸ਼ਕਤੀ ਸਿੰਘ ਰਾਠੌਰ ਨੂੰ ਨਿਯੁਕਤ ਕੀਤਾ ਗਿਆ ਹੈ। ਨਾਗੌਰ ਦੇ ਕੁਲੈਕਟਰ ਅਮਿਤ ਯਾਦਵ ਨੂੰ ਭਰਤਪੁਰ ਦਾ ਜ਼ਿਲ੍ਹਾ ਕੁਲੈਕਟਰ ਬਣਾਇਆ ਗਿਆ ਹੈ। ਭਾਰਤੀ ਪ੍ਰਸ਼ਾਸਨਿਕ ਸੇਵਾ ਦੇ ਪੰਜ ਅਧਿਕਾਰੀਆਂ ਨੂੰ ਅਗਲੇ ਹੁਕਮਾਂ ਤੱਕ ਉਨ੍ਹਾਂ ਦੀਆਂ ਮੌਜੂਦਾ ਅਸਾਮੀਆਂ ਸਮੇਤ ਹੋਰ ਡਿਊਟੀਆਂ ਨਿਭਾਉਣ ਦੇ ਹੁਕਮ ਦਿੱਤੇ ਗਏ ਹਨ। ਇਨ੍ਹਾਂ ਵਿੱਚ ਰਾਜੇਸ਼ਵਰ ਸਿੰਘ, ਆਲੋਕ, ਸ਼ਿਖਰ ਅਗਰਵਾਲ, ਸ਼੍ਰੇਆ ਗੁਹਾ, ਆਲੋਕ ਗੁਪਤਾ ਸ਼ਾਮਲ ਹਨ।
ਇਹ ਵੀ ਪੜ੍ਹੋ - ਜਲਦਬਾਜ਼ੀ 'ਚ ਨਹੀਂ ਲਿਆਂਦਾ ਜਾ ਸਕਦਾ MSP ਕਾਨੂੰਨ, ਸਰਕਾਰ ਨਾਲ ਗੱਲਬਾਤ ਕਰਨ ਕਿਸਾਨ: ਅਰਜੁਨ ਮੁੰਡਾ
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਕਿਸਾਨਾਂ ਦਾ ਰਾਹ ਰੋਕਣ ਤੇ ਅੱਥਰੂ ਗੈਸ ਦੇ ਗੋਲੇ ਦਾਗਣ 'ਤੇ ਹਾਈਕੋਰਟ ਨੇ ਹਰਿਆਣਾ ਸਰਕਾਰ ਨੂੰ ਲਾਈ ਫਟਕਾਰ
NEXT STORY 
