ਨਵੀਂ ਦਿੱਲੀ— ਕੇਂਦਰੀ ਗ੍ਰਹਿ ਮੰਤਰੀ ਰਾਜਨਾਥ ਸਿੰਘ ਨੇ 28 ਜੂਨ ਤੋਂ ਸ਼ੁਰੂ ਹੋਣ ਵਾਲੀ ਸਾਲਾਨਾ ਅਮਰਨਾਥ ਯਾਤਰਾ ਤੋਂ ਪਹਿਲਾਂ ਸੁਰੱਖਿਆ ਵਿਵਸਥਾ ਦੀ ਵੀਰਵਾਰ ਨੂੰ ਸਮੀਖਿਆ ਕੀਤੀ। ਸਿੰਘ ਨੇ ਸਮੀਖਿਆ ਬੈਠਕ 'ਚ ਅਮਰਨਾਥ ਯਾਤਰਾ ਦੇ ਹੋਰ ਰਸਤਿਆਂ 'ਤੇ ਸੁਰੱਖਿਆ ਬੱਲਾਂ ਦੀ ਤਾਇਨਾਤ 'ਤੇ ਚਰਚਾ ਕੀਤੀ ਗਈ ਹੈ। ਉਨ੍ਹਾਂ ਨੇ ਸੁਰੱਖਿਆ ਵਿਵਸਥਾ 'ਚ ਸ਼ਾਮਿਲ ਸਾਰੀਆਂ ਪਾਰਟੀਆਂ ਨੂੰ ਸੁਰੱਖਿਆ ਦੇ ਬਹੁ ਪੱਧਰੀ ਇੰਤਜ਼ਾਮ ਕਰਨ ਦੇ ਨਿਰਦੇਸ਼ ਦਿੱਤੇ। ਗ੍ਰਹਿ ਮੰਤਰੀ ਨਾਲ ਇਸ ਬੈਠਕ 'ਚ ਰਾਸ਼ਟਰੀ ਸੁਰੱਖਿਆ ਸਲਾਹਕਾਰ ਅਜੀਤ ਡੋਭਾਲ ਅਤੇ ਜੰਮੂ ਕਸ਼ਮੀਰ ਦੇ ਪੁਲਸ ਮੁੱਖ ਐੱਸ. ਪੀ. ਵੈਧ ਨੇ ਹਿੱਸਾ ਲਿਆ। ਬਾਅਦ 'ਚ ਸੈਨਾ ਮੁੱਖ ਜਨਰਲ ਬਿਪਿਨ ਰਾਵਤ ਵੀ ਬੈਠਕ 'ਚ ਸ਼ਾਮਲ ਹੋਏ। ਸਿੰਘ ਨੂੰ ਯਾਤਰੀਆਂ ਲਈ ਹੋਰ ਸਹੂਲਤਾਂ ਜਿਵੇਂ ਕਿ ਪਾਣੀ, ਆਰਾਮ ਕੈਂਪਸ ਅਤੇ ਸਿਹਤ ਸੰਬੰਧੀ ਸੇਵਾ ਦੇ ਬਾਰੇ 'ਚ ਜਾਣਕਾਰੀ ਦਿੱਤੀ ਗਈ।
ਜਾਣਕਾਰੀ ਮੁਤਾਬਕ ਗ੍ਰਹਿ ਮੰਤਰਾਲੇ ਦੇ ਇਕ ਮੁੱਖ ਅਧਿਕਾਰੀ ਨੇ ਦੱਸਿਆ ਕਿ ਪਿਛਲੇ ਸਾਲ ਅਮਰਨਾਥ ਯਾਤਰੀਆਂ ਦੀ ਬੱਸ 'ਤੇ ਹੋਏ ਅੱਤਵਾਦੀ ਹਮਲੇ ਦੇ ਮੱਦੇਨਜ਼ਰ ਅਧਿਕਾਰੀਆਂ ਨੇ ਬਹੁ ਪੱਧਰੀ ਸੁਰੱਖਿਆ ਵਿਵਸਥਾ ਦੀ ਯੋਜਨਾ ਬਣਾਈ ਹੈ। ਇਸ ਦੇ ਤਹਿਤ ਯਾਤਰਾ 'ਤੇ ਉਪਗ੍ਰਿਹਾਂ ਰਾਹੀਂ ਯਾਤਰਾ ਮਾਰਗ ਅਤੇ ਹੋਰ ਸਥਾਨਾਂ 'ਤੇ ਜੈਮਰ ਸੀ. ਸੀ. ਟੀ. ਵੀ. ਕੈਮਰੇ ਲਗਵਾਉਣਾ, ਬਖਤਰਬੰਦ ਬੰਕਰਸ ਦੀ ਸਥਾਪਨਾ ਅਤੇ ਤੁਰੰਤ ਕਾਰਵਾਈ ਦਲ ਦੀ ਤਾਇਨਾਤੀ ਆਦਿ ਵਰਗੇ ਕਦਮ ਚੁੱਕੇ ਜਾਣਗੇ।
ਉਨ੍ਹਾਂ ਦੱਸਿਆ ਕਿ ਜੰਮੂ ਕਸ਼ਮੀਰ ਪੁਲਸ ਅਤੇ ਅਰਧ ਸੈਨਿਕ ਬੱਲਾਂ ਦੇ ਲਗਭਗ 40 ਹਜ਼ਾਰ ਜਵਾਨਾਂ ਨੂੰ ਯਾਤਰਾ ਮਾਰਗ 'ਤੇ ਕਰੀਬ ਦੋ ਮਹੀਨੇ ਤੱਕ ਤਾਇਨਾਤ ਰੱਖਿਆ ਜਾਵੇਗਾ। ਜ਼ਿਕਰਯੋਗ ਹੈ ਕਿ ਪਿਛਲੇ ਸਾਲ 10 ਜੁਲਾਈ ਨੂੰ ਅਨੰਤਨਾਗ 'ਚ ਅਮਰਨਾਥ ਯਾਤਰੀਆਂ ਦੀ ਬੱਸ 'ਤੇ ਹੋਏ ਅੱਤਵਾਦੀ ਹਮਲੇ 'ਚ 9 ਯਾਤਰੀਆਂ ਦੀ ਮੌਤ ਹੋ ਗਈ ਸੀ ਅਤੇ 19 ਹੋਰ ਜ਼ਖਮੀ ਹੋ ਗਏ ਸਨ।
ਇੰਡੀਅਨ ਆਰਮੀ' 'ਚ 10ਵੀਂ ਪਾਸ ਨੌਜਵਾਨਾਂ ਲਈ ਨਿਕਲੀਆਂ ਭਰਤੀਆਂ, (ਵੀਡੀਓ)
NEXT STORY 
