ਨੈਸ਼ਨਲ ਡੈਸਕ - ਨਵੀਂ ਦਿੱਲੀ ਰੇਲਵੇ ਸਟੇਸ਼ਨ ਦੇ ਪਲੇਟਫਾਰਮ 14 ਤੋਂ ਇਕ ਤਸਵੀਰ ਸਾਹਮਣੇ ਆਈ ਹੈ, ਜਿਸ ਨੂੰ ਦੇਖ ਕੇ ਲੋਕ ਆਪਣੀ ਮਾਂ ਦੇ ਪਿਆਰ ਨੂੰ ਯਾਦ ਕਰ ਰਹੇ ਹਨ। ਇਹ ਤਸਵੀਰ ਇੱਕ RPF ਕਾਂਸਟੇਬਲ ਦੀ ਹੈ, ਜੋ ਆਪਣੇ ਮਾਸੂਮ ਬੱਚੇ ਨੂੰ ਢਿੱਡ ਨਾਲ ਬੰਨ੍ਹ ਕੇ ਡਿਊਟੀ ਕਰਦੀ ਨਜ਼ਰ ਆ ਰਹੀ ਹੈ। ਇਹ ਤਸਵੀਰ ਨਵੀਂ ਦਿੱਲੀ ਰੇਲਵੇ ਸਟੇਸ਼ਨ ਦੇ ਉਸੇ ਪਲੇਟਫਾਰਮ ਤੋਂ ਆਈ ਹੈ, ਜਿੱਥੇ ਦੋ ਦਿਨ ਪਹਿਲਾਂ ਭਾਜੜ ਮਚ ਗਈ ਸੀ, ਜਿਸ ਵਿੱਚ 18 ਲੋਕਾਂ ਦੀ ਮੌਤ ਹੋ ਗਈ ਸੀ। ਇਹ ਤਸਵੀਰ ਫਿਲਹਾਲ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ।
ਲੋਕ ਇਸ ਮਹਿਲਾ ਕਾਂਸਟੇਬਲ ਦੀ ਮਮਤਾ ਨੂੰ ਸਲਾਮ ਕਰ ਰਹੇ ਹਨ। ਇਸ ਦੇ ਨਾਲ ਹੀ ਕੁਝ ਲੋਕ ਰੇਲਵੇ ਨੂੰ ਅਜਿਹੀ ਜਗ੍ਹਾ 'ਤੇ ਤਾਇਨਾਤ ਕਰਨ ਲਈ ਕੋਸ ਰਹੇ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਬੀਤੀ ਰਾਤ ਨਵੀਂ ਦਿੱਲੀ ਰੇਲਵੇ ਸਟੇਸ਼ਨ ਦੇ ਪਲੇਟਫਾਰਮ ਨੰਬਰ 13-14 'ਤੇ ਭਾਜੜ ਮਚ ਗਈ ਸੀ। ਉਸ ਸਮੇਂ ਪਲੇਟਫਾਰਮ 'ਤੇ ਮਹਾਕੁੰਭ 'ਚ ਜਾਣ ਵਾਲੇ ਲੋਕਾਂ ਦੀ ਭਾਰੀ ਭੀੜ ਇਕੱਠੀ ਹੋ ਗਈ ਸੀ। ਇਹ ਭਾਜੜ ਵੀ ਇਕ ਟਰੇਨ ਦਾ ਪਲੇਟਫਾਰਮ ਅਚਾਨਕ ਬਦਲਣ ਕਾਰਨ ਹੋਈ।
ਭਾਜੜ ਵਿੱਚ 18 ਲੋਕਾਂ ਦੀ ਮੌਤ
ਲੋਕ ਜਲਦੀ ਤੋਂ ਜਲਦੀ ਦੂਜੇ ਪਲੇਟਫਾਰਮ 'ਤੇ ਪਹੁੰਚਣ ਲਈ ਪੌੜੀਆਂ ਵੱਲ ਵਧੇ, ਪਰ ਇਸ ਦੌਰਾਨ ਕਈ ਲੋਕ ਡਿੱਗ ਪਏ ਅਤੇ ਭੀੜ ਨੇ ਉਨ੍ਹਾਂ ਨੂੰ ਕੁਚਲ ਦਿੱਤਾ। ਇਸ ਹਾਦਸੇ 'ਚ 18 ਲੋਕਾਂ ਦੀ ਮੌਤ ਹੋ ਗਈ ਸੀ। ਇਸ ਹਾਦਸੇ ਤੋਂ ਬਾਅਦ ਰੇਲਵੇ ਨੇ ਸਾਰੇ ਪਲੇਟਫਾਰਮਾਂ 'ਤੇ ਸੁਰੱਖਿਆ ਪ੍ਰਬੰਧ ਸਖ਼ਤ ਕਰ ਦਿੱਤੇ ਹਨ। ਇਸ ਸਿਲਸਿਲੇ ਵਿੱਚ ਆਰ.ਪੀ.ਐਫ. ਦੀ ਇੱਕ ਮਹਿਲਾ ਕਾਂਸਟੇਬਲ ਨੂੰ ਹਾਦਸੇ ਵਾਲੀ ਥਾਂ 'ਤੇ ਡਿਊਟੀ 'ਤੇ ਲਗਾਇਆ ਗਿਆ ਹੈ। ਇਸ ਕਾਂਸਟੇਬਲ ਦਾ ਛੇ-ਸੱਤ ਮਹੀਨੇ ਦਾ ਬੱਚਾ ਹੈ ਅਤੇ ਉਹ ਬੱਚੇ ਨੂੰ ਛੱਡ ਨਹੀਂ ਸਕਦੀ, ਅਜਿਹੇ ਵਿੱਚ ਉਹ ਬੱਚੇ ਨੂੰ ਢਿੱਡ ਨਾਲ ਬੰਨ੍ਹ ਕੇ ਡਿਊਟੀ ਕਰ ਰਹੀ ਹੈ। ਇਸ ਮਹਿਲਾ ਕਾਂਸਟੇਬਲ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ।
ਸੋਸ਼ਲ ਮੀਡੀਆ 'ਤੇ ਹੋ ਰਹੀ ਸ਼ਲਾਘਾ
ਇਸ ਵੀਡੀਓ ਨੂੰ ਦੇਖ ਕੇ ਲੋਕ ਮਾਂ ਦੇ ਪਿਆਰ ਨੂੰ ਸਲਾਮ ਕਰ ਰਹੇ ਹਨ। ਲੋਕ ਮਹਿਲਾ ਕਾਂਸਟੇਬਲ ਦੀ ਉਸ ਦੀ ਡਿਊਟੀ ਅਤੇ ਮਾਂ ਦਾ ਫਰਜ਼ ਨਿਭਾਉਣ ਲਈ ਤਾਰੀਫ ਕਰ ਰਹੇ ਹਨ। ਇਹ ਔਰਤ ਪਲੇਟਫਾਰਮ 'ਤੇ ਮੌਜੂਦ ਲੋਕਾਂ ਨੂੰ ਸੁਚੇਤ ਕਰ ਰਹੀ ਹੈ ਅਤੇ ਸ਼ਾਂਤੀ ਬਣਾਈ ਰੱਖਣ ਅਤੇ ਟ੍ਰੇਨ ਦਾ ਇੰਤਜ਼ਾਰ ਕਰਨ ਦੀ ਸਲਾਹ ਦੇ ਰਹੀ ਹੈ। ਜਾਣਕਾਰੀ ਮੁਤਾਬਕ ਸ਼ਨੀਵਾਰ ਨੂੰ ਹੋਏ ਹਾਦਸੇ ਤੋਂ ਬਾਅਦ ਰੇਲਵੇ ਕਿਸੇ ਹੋਰ ਅਣਸੁਖਾਵੀਂ ਘਟਨਾ ਨੂੰ ਰੋਕਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਇਸ ਦੇ ਲਈ ਰੇਲਵੇ ਪੁਲਸ ਦੇ ਨਾਲ ਆਰ.ਪੀ.ਐਫ. ਦੀ ਡਿਊਟੀ ਲਗਾਈ ਗਈ ਹੈ।
ਦਿੱਲੀ : ਹਾਰ ਦੇ ਬਾਵਜੂਦ ਤਾਹਿਰ ਹੁਸੈਨ ਦੇ ਰੈਲੀ ਕਰਨ ਦਾ ਵਾਇਰਲ ਦਾਅਵਾ ਹੈ ਗ਼ਲਤ
NEXT STORY 
