ਨਵੀਂ ਦਿੱਲੀ : ਰਾਜਧਾਨੀ ਦਿੱਲੀ 'ਚ ਹਰ ਰੋਜ਼ ਹਜ਼ਾਰਾਂ ਵਿਦੇਸ਼ੀ ਸੈਲਾਨੀ ਆਉਂਦੇ ਹਨ। ਇਸ ਦੌਰਾਨ ਇੱਥੇ ਆਈ ਇਕ ਰੂਸੀ ਮਹਿਲਾ ਯੂਟਿਊਬਰ ਨੂੰ ਦੁਰਵਿਵਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਮਹਿਲਾ ਇੱਥੋਂ ਦੀ ਮਸ਼ਹੂਰ ਸਟ੍ਰੀਟ ਮਾਰਕੀਟ ਸਰੋਜਨੀ ਨਗਰ ਵਿੱਚ ਬਲਾਗਿੰਗ ਕਰ ਰਹੀ ਸੀ ਤਾਂ ਉਦੋਂ ਇਕ ਨੌਜਵਾਨ ਨੇ ਉਸ ਨਾਲ ਦੁਰਵਿਵਹਾਰ ਕਰਨਾ ਸ਼ੁਰੂ ਕਰ ਦਿੱਤਾ। ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਔਰਤ ਨੌਜਵਾਨ ਤੋਂ ਛੁਟਕਾਰਾ ਪਾਉਣਾ ਚਾਹੁੰਦੀ ਸੀ ਪਰ ਉਹ ਯੂਟਿਊਬਰ ਨੂੰ ਆਪਣਾ ਦੋਸਤ ਬਣਾਉਣ 'ਤੇ ਅੜਿਆ ਰਿਹਾ। ਮਹਿਲਾ ਯੂਟਿਊਬਰ ਨੇ ਇਸ ਘਟਨਾ ਨਾਲ ਜੁੜਿਆ ਇਕ ਵੀਡੀਓ ਸ਼ੇਅਰ ਕੀਤਾ ਹੈ, ਜਿਸ ਨੂੰ ਦੇਖ ਕੇ ਲੋਕਾਂ ਦਾ ਗੁੱਸਾ ਸਿਖਰਾਂ 'ਤੇ ਹੈ। ਲੋਕਾਂ ਵੱਲੋਂ ਨੌਜਵਾਨ ਨੂੰ ਬੁਰੀ ਤਰ੍ਹਾਂ ਝਿੜਕਣ ਤੋਂ ਬਾਅਦ ਯੂਟਿਊਬਰ ਤੋਂ ਅਜਿਹੀ ਹਰਕਤ ਲਈ ਮੁਆਫ਼ੀ ਮੰਗੀ ਹੈ।
ਇਹ ਵੀ ਪੜ੍ਹੋ : ਹੋਟਲ 'ਚ ਨੌਜਵਾਨ ਦੀ ਸ਼ੱਕੀ ਹਾਲਾਤ 'ਚ ਮੌਤ, ਅਮਰੀਕਾ ਜਾਣ ਦੀ ਤਿਆਰੀ ਕਰ ਰਿਹਾ ਸੀ ਮਾਪਿਆਂ ਦਾ ਇਕਲੌਤਾ ਪੁੱਤ
ਰੂਸੀ ਔਰਤ ਦਾ ਨਾਂ ਕੋਕੋ ਹੈ। ਉਸ ਦਾ ਯੂਟਿਊਬ 'ਤੇ Koko in India ਨਾਂ ਦਾ ਚੈਨਲ ਹੈ। ਹਾਲ ਹੀ 'ਚ ਉਹ ਸਰੋਜਨੀ ਨਗਰ ਮਾਰਕੀਟ ਤੋਂ ਆਪਣੇ ਚੈਨਲ 'ਤੇ ਲਾਈਵ ਸੀ। ਇਸ ਦੌਰਾਨ ਇਕ ਨੌਜਵਾਨ ਉਸ ਦੇ ਨਾਲ-ਨਾਲ ਚੱਲਣ ਲੱਗਾ। ਫਿਰ ਉਸ ਨੇ ਕਿਹਾ ਕਿ ਉਹ ਰੋਜ਼ਾਨਾ ਉਸ ਦੀਆਂ ਵੀਡੀਓਜ਼ ਦੇਖਦਾ ਹੈ। ਇਹ ਸੁਣ ਕੇ ਪਹਿਲਾਂ ਤਾਂ ਕੋਕੋ ਖੁਸ਼ ਹੋ ਗਿਆ ਪਰ ਅਗਲੇ ਹੀ ਪਲ ਉਹ ਬਦਤਮੀਜ਼ੀ ਕਰਨ ਲੱਗਾ। ਨੌਜਵਾਨ ਨੇ ਕੋਕੋ ਨੂੰ ਕਿਹਾ- 'ਤੁਸੀਂ ਬਹੁਤ ਸੈਕਸੀ ਹੋ। ਕੀ ਤੁਸੀਂ ਮੇਰੀ ਦੋਸਤ ਬਣਨਾ ਚਾਹੋਗੇ? ਕੋਕੋ ਇਹ ਸੁਣ ਕੇ ਅਸਹਿਜ ਹੋ ਜਾਂਦੀ ਹੈ। ਫਿਰ ਨੌਜਵਾਨ ਤੋਂ ਪਿੱਛਾ ਛੁਡਵਾਉਣ ਲਈ ਉਸ ਨੂੰ ਹਿੰਦੀ 'ਚ ਸਮਝਾਉਂਦੀ ਹੈ ਕਿ ਉਹ ਨਵੇਂ ਦੋਸਤ ਬਣਾਉਣ ਤੋਂ ਸੰਕੋਚ ਕਰਦੀ ਹੈ ਪਰ ਨੌਜਵਾਨ ਮੰਨਣ ਨੂੰ ਤਿਆਰ ਨਹੀਂ ਹੁੰਦਾ ਅਤੇ ਲਗਾਤਾਰ ਉਸ ਦਾ ਪਿੱਛਾ ਕਰਦਾ ਰਹਿੰਦਾ ਹੈ।
ਇਹ ਵੀ ਪੜ੍ਹੋ : ਸਪੇਨ 'ਚ ਪੰਜਾਬੀ ਨੌਜਵਾਨ ਦੀ ਦਿਲ ਦਾ ਦੌਰਾ ਪੈਣ ਨਾਲ ਮੌਤ, ਪਿੰਡ ਪਹੁੰਚੀ ਮ੍ਰਿਤਕ ਦੇਹ ਦਾ ਕੀਤਾ ਗਿਆ ਸਸਕਾਰ
ਯੂਟਿਊਬਰ ਕੋਕੋ ਨੇ ਆਪਣੇ ਇੰਸਟਾ ਅਕਾਊਂਟ 'ਤੇ ਵੀਡੀਓ ਸ਼ੇਅਰ ਕਰਦਿਆਂ ਲਿਖਿਆ, 'ਉਸ ਨੂੰ ਇੰਡੀਅਨ ਫ੍ਰੈਂਡ ਪਸੰਦ ਨਹੀਂ।' ਵੀਡੀਓ 'ਚ ਨੌਜਵਾਨ ਨੂੰ ਇਹ ਕਹਿੰਦਿਆਂ ਸੁਣਿਆ ਜਾ ਸਕਦਾ ਹੈ ਕਿ ਉਹ ਭਾਰਤੀ ਕੁੜੀਆਂ ਤੋਂ ਬੋਰ ਹੋ ਗਿਆ ਹੈ। ਕਿਉਂਕਿ ਕੋਕੋ ਹਿੰਦੀ ਚੰਗੀ ਤਰ੍ਹਾਂ ਜਾਣਦੀ ਹੈ, ਇਸ ਲਈ ਉਹ ਤੁਰੰਤ ਨੌਜਵਾਨ ਦੇ ਇਰਾਦੇ ਨੂੰ ਸਮਝ ਗਈ।
ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਜਿਵੇਂ ਹੀ ਨੌਜਵਾਨ ਨੇ ਉਸ ਨਾਲ ਦੁਰਵਿਵਹਾਰ ਕਰਨਾ ਸ਼ੁਰੂ ਕੀਤਾ ਤਾਂ ਉਹ ਉਸ ਤੋਂ ਛੁਟਕਾਰਾ ਪਾਉਣ ਲਈ 'ਓਕੇ, ਬਾਏ' ਕਹਿ ਕੇ ਸਟ੍ਰੀਮਿੰਗ ਬੰਦ ਕਰ ਦਿੰਦੀ ਹੈ ਪਰ ਜਦੋਂ ਲੋਕਾਂ ਨੇ ਇਸ ਵੀਡੀਓ ਨੂੰ ਸੋਸ਼ਲ ਮੀਡੀਆ 'ਤੇ ਦੇਖਿਆ ਤਾਂ ਉਨ੍ਹਾਂ ਨੂੰ ਨੌਜਵਾਨ ਦੀ ਹਰਕਤ 'ਤੇ ਗੁੱਸਾ ਆ ਗਿਆ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਅਜਿਹੇ ਲੋਕਾਂ ਕਾਰਨ ਹੀ ਭਾਰਤ ਦੀ ਬਦਨਾਮੀ ਹੁੰਦੀ ਹੈ। ਲੋਕਾਂ ਨੇ ਨੌਜਵਾਨ ਖ਼ਿਲਾਫ਼ ਕਾਰਵਾਈ ਦੀ ਮੰਗ ਕਰਦਿਆਂ ਯੂਟਿਊਬਰ ਤੋਂ ਮੁਆਫ਼ੀ ਮੰਗੀ ਹੈ।
ਨੋਟ:- ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿੱਚ ਜ਼ਰੂਰ ਸਾਂਝੇ ਕਰੋ।
ਜਗ ਬਾਣੀ ਈ-ਪੇਪਰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇਸ ਲਿੰਕ 'ਤੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਪੁਲਸ ਯਾਦਗਾਰ ਦਿਵਸ ਮੌਕੇ ਦੇਣਗੇ ਸ਼ਹੀਦ ਪੁਲਸ ਕਰਮਚਾਰੀਆਂ ਨੂੰ ਸ਼ਰਧਾਂਜਲੀ
NEXT STORY 
