ਨਵੀਂ ਦਿੱਲੀ— ਜਦੋਂ ਬੇਟਾ ਕੋਈ ਵੱਡਾ ਅਤੇ ਚੰਗਾ ਕੰਮ ਕਰਦਾ ਹੈ, ਤਾਂ ਹਰ ਮਾਂ ਨੂੰ ਆਪਣੇ ਬੇਟੇ ’ਤੇ ਸਭ ਤੋਂ ਜ਼ਿਆਦਾ ਮਾਣ ਹੁੰਦਾ ਹੈ। ਇਕ ਮਾਂ ਆਪਣੇ ਬੱਚਿਆਂ ਨੂੰ ਖ਼ੁਦ ਤੋਂ ਵੀ ਅੱਗੇ ਵੱਧਦੇ ਵੇਖਦੀ ਹੈ ਤਾਂ ਉਹ ਜਿੱਤ ਜਾਂਦੀ ਹੈ। ਸਹਾਇਕ ਸਬ-ਇੰਸਪੈਕਟਰ (ਏ. ਐੱਸ. ਆਈ.) ਮਾਂ ਅਤੇ ਸੁੁਪਰਡੈਂਟ ਆਫ਼ ਪੁਲਸ (ਐੱਸ. ਪੀ.) ਬੇਟੇ ਦੀ ਕਹਾਣੀ ਦੁਨੀਆ ਦੇ ਸਾਹਮਣੇ ਆਈ ਹੈ। ਸੋਸ਼ਲ ਮੀਡੀਆ ’ਤੇ ਦੋਹਾਂ ਦੀ ਇਕ ਤਸਵੀਰ ਕਾਫੀ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ ’ਚ ਐੱਸ. ਪੀ. ਬੇਟਾ ਅਤੇ ਏ. ਐੱਸ. ਆਈ. ਮਾਂ ਦੋਵੇਂ ਇਕ-ਦੂਜੇ ਨੂੰ ਸੈਲਿਊਟ ਕਰਦੇ ਨਜ਼ਰ ਆ ਰਹੇ ਹਨ। ਇਹ ਤਸਵੀਰ ਆਪਣੇ ਆਪ ਵਿਚ ਹਜ਼ਾਰਾਂ ਸ਼ਬਦਾਂ ਨੂੰ ਬਿਆਨ ਕਰਦੀ ਹੈ।
ਵਾਇਰਲ ਹੋ ਰਹੀ ਮਾਂ ਅਤੇ ਬੇਟੇ ਦੀ ਇਹ ਤਸਵੀਰ ਦੁਨੀਆ ਦੇ ਸਾਹਮਣੇ ਇਸ ਸੱਚ ਨੂੰ ਸਾਬਤ ਕਰ ਰਹੀ ਹੈ ਕਿ ਇਕ ਮਾਂ ਆਪਣੇ ਬੇਟੇ ਲਈ ਕਿੰਨੇ ਬਲੀਦਾਨ ਦਿੰਦੀ ਹੈ ਅਤੇ ਚਾਹੁੰਦੀ ਹੈ ਕਿ ਉਸ ਦਾ ਬੇਟਾ ਅਜਿਹੀ ਥਾਂ ਅਤੇ ਉੱਚਾਈ ’ਤੇ ਪਹੁੰਚੇ, ਜਿੱਥੋਂ ਉਸ ਨੂੰ ਵੇਖ ਕੇ ਹਰ ਕੋਈ ਉਸ ਵਰਗਾ ਬਣਨ ਦੀ ਖ਼ਾਹਿਸ਼ ਰੱਖੇ। ਸੋਸ਼ਲ ਮੀਡੀਆ ’ਤੇ ਇਸ ਤਸਵੀਰ ਨੂੰ ਗੁਜਰਾਤ ਲੋਕ ਸੇਵਾ ਆਯੋਗ (ਕਮਿਸ਼ਨ) ਦੇ ਚੇਅਰਮੈਨ ਦਿਨੇਸ਼ ਦਾਸਾ ਨੇ ਟਵਿੱਟਰ ’ਤੇ ਸ਼ੇਅਰ ਕੀਤੀ ਹੈ।
ਟਵਿੱਟਰ ’ਤੇ ਤਸਵੀਰ ਨੂੰ ਸ਼ੇਅਰ ਕਰਦੇ ਹੋਏ ਦਿਨੇਸ਼ ਨੇ ਕੈਪਸ਼ਨ ’ਚ ਲਿਖਿਆ ਕਿ ਇਕ ਏ. ਐੱਸ. ਆਈ. ਮਾਂ ਲਈ ਸਭ ਤੋਂ ਤਸੱਲੀਬਖ਼ਸ਼ ਪਲ ਕੀ ਹੋ ਸਕਦਾ ਹੈ ਕਿ ਜਦੋਂ ਉਸ ਦਾ ਐੱਸ. ਪੀ. ਬੇਟਾ ਉਸ ਦੇ ਸਾਹਮਣੇ ਖੜ੍ਹੇ ਹੋ ਕੇ ਸਾਲਾਂ ਦੀ ਵਚਨਬੱਧਤਾ ਅਤੇ ਪਿਆਰ ਨਾਲ ਸਮਰਪਿਤ ਮਮਤਾ ਦੇ ਪ੍ਰਤੀ ਪ੍ਰੇਮ ਨਾਲ ਸਲਾਮੀ ਦੇ ਰਿਹਾ ਹੈ। ਦੱਸ ਦੇਈਏ ਕਿ ਇਸ ਤਸਵੀਰ ’ਚ ਐੱਸ. ਪੀ. ਵਿਸ਼ਾਲ ਨਜ਼ਰ ਆ ਰਹੇ ਹਨ ਅਤੇ ਉਹ ਆਪਣੀ ਏ. ਐੱਸ. ਆਈ. ਮਾਂ ਨੂੰ ਸੈਲਿਊਟ ਕਰ ਰਹੇ ਹਨ। ਮਾਂ ਉਨ੍ਹਾਂ ਨੂੰ ਸੈਲਿਊਟ ਕਰ ਰਹੀ ਹੈ।
ਜੰਮੂ ਕਸ਼ਮੀਰ: ਰਾਜੌਰੀ ’ਚ ਅੱਤਵਾਦੀਆਂ ਨਾਲ ਮੁਕਾਬਲੇ ’ਚ ਫ਼ੌਜ ਦਾ ਅਧਿਕਾਰੀ ਸ਼ਹੀਦ, ਇਕ ਅੱਤਵਾਦੀ ਢੇਰ
NEXT STORY 
