ਗੈਜੇਟ ਡੈਸਕ- ਐਲੋਨ ਮਸਕ ਦੀ ਸੈਟੇਲਾਈਟ ਬੇਸਡ ਇੰਟਰਨੈੱਟ ਸਰਵਿਸ 'ਸਟਾਰਲਿੰਕ' ਨੂੰ ਭਾਰਤ 'ਚ ਇਕ ਜ਼ਰੂਰੀ ਲਾਇਸੈਂਸ ਮਿਲ ਗਿਆ ਹੈ। ਮਸਕ ਦੀ ਕੰਪਨੀ ਪਿਛਲੇ ਕਈ ਸਾਲਾਂ ਤੋਂ ਭਾਰਤ 'ਚ ਆਪਣੀ ਸਰਵਿਸ ਸ਼ੁਰੂ ਕਰਨਾ ਚਾਹੁੰਦੀ ਸੀ। ਇਕ ਨਿਊਜ਼ ਏਜੰਸੀ ਮੁਤਾਬਕ, ਟੈਲੀਕਾਮ ਮਿਨੀਸਟਰੀ ਤੋਂ ਮਸਕ ਦੀ ਕੰਪਨੀ ਨੂੰ ਇਕ ਮਹੱਤਵਪੂਰਨ ਲਾਇਸੈਂਸ ਮਿਲ ਗਿਆ ਹੈ।
ਇਸਦੇ ਨਾਲ ਹੀ ਕੰਪਨੀ ਭਾਰਤ 'ਚ ਆਪਣੀ ਸਰਵਿਸ ਸ਼ੁਰੂ ਕਰਨ ਦੇ ਕਰੀਬ ਪਹੁੰਚ ਗਈ ਹੈ। ਸਟਾਰਲਿੰਕ ਤੀਜੀ ਕੰਪਨੀ ਹੈ, ਜਿਸਨੂੰ ਭਾਰਤ 'ਚ ਡਿਪਾਰਟਮੈਂਟ ਆਫ ਟੈਲੀਕਮਿਊਨੀਕੇਸ਼ਨ ਨੇ ਲਾਇਸੈਂਸਰ ਦਿੱਤਾ ਹੈ। ਇਸ ਤੋਂ ਪਹਿਲਾਂ OneWeb ਅਤੇ ਰਿਲਾਇੰਸ ਜੀਓ ਨੂੰ ਵੀ ਸੈਟੇਲਾਈਟ ਸਰਵਿਸ ਸ਼ੁਰੂ ਕਰਨ ਦਾ ਲਾਇਸੈਂਸ ਦੇ ਦਿੱਤਾ ਗਿਆ ਹੈ।
ਸਟਾਰਲਿੰਕ 'ਤੇ ਗੱਲ ਕਰਦੇ ਹੋਏ ਕੇਂਦਰੀ ਮੰਤਰੀ ਜੋਤੀਰਾਦਿਤਿਆ ਸਿੰਧੀਆ ਨੇ ਕਿਹਾ ਸੀ ਕਿ ਸਟਾਰਲਿੰਕ ਦੀ ਸੈਟੇਲਾਈਟ ਸਰਵਿਸ ਟੈਲੀਕਮਿਊਨੀਕੇਸ਼ਨ ਦੇ ਗੁਲਦਸਤੇ 'ਚ ਇਕ ਨਵੇਂ ਫੁੱਲ ਦੀ ਤਰ੍ਹਾਂ ਹੈ। ਪਹਿਲਾਂ ਦੇ ਸਮੇਂ 'ਚ ਸਿਰਫ ਫਿਕਸਡ ਲਾਈਨਜ਼ ਸੀ ਅਤੇ ਉਨ੍ਹਾਂ ਨੂੰ ਵੀ ਮੈਨੁਅਲੀ ਰੋਟੇਟ ਕਰਨਾ ਪੈਂਦਾ ਸੀ। ਅੱਜ ਸਾਡੇ ਕੋਲ ਬ੍ਰਾਡਬੈਂਡ ਕੁਨੈਕਟੀਵਿਟੀ ਦੇ ਨਾਲ ਮੋਬਾਈਲ ਕੁਨੈਕਟੀਵਿਟੀ ਵੀ ਹੈ।
'ਆਪਟਿਕਲ ਫਾਈਬਰ ਕੁਨੈਕਟੀਵਿਟੀ ਨੂੰ ਵੀ ਸਥਾਪਿਤ ਕਰ ਦਿੱਤਾ ਗਿਆ ਹੈ। ਸੈਟੇਲਾਈਟ ਕੁਨੈਕਟੀਵਿਟੀ ਬਹੁਤ ਜ਼ਰੂਰੀ ਹੈ ਕਿਉਂਕਿ ਰਿਮੋਟ ਏਰੀਆ 'ਚ ਅਸੀਂ ਤਾਰ ਨਹੀਂ ਵਿਛਾ ਸਕਦੇ ਜਾਂ ਟਾਵਰ ਨਹੀਂ ਲਗਾ ਸਕਦੇ, ਇਥੇ ਕੁਨੈਕਟੀਵਿਟੀ ਨੂੰ ਸਿਰਫ ਸੈਟੇਲਾਈਟ ਰਾਹੀਂ ਹੀ ਬਿਹਤਰ ਕੀਤਾ ਜਾ ਸਕਦਾ ਹੈ।'
ਕੀ ਹੈ Starlink ?
ਸਟਾਰਲਿੰਕ ਐਲੋਨ ਮਸਕ ਦੀ ਕੰਪਨੀ SpaceX ਦੀ ਇਕ ਸੈਟੇਲਾਈਟ ਇੰਟਰਨੈੱਟ ਸਰਵਿਸ ਹੈ। ਇਹ ਲੋਅ ਅਰਥ ਆਰਬਿਟ (LEO) ਸੈਟੇਲਾਈਟ ਬੇਸਡ ਇੰਟਰਨੈੱਟ ਸਰਵਿਸ ਹੈ। ਇਸਦੀ ਮਦਦ ਨਾਲ ਦੁਨੀਆ ਦੇ ਦੂਰ-ਦਰਾਜ ਦੇ ਇਲਾਕਿਆਂ 'ਚ ਹਾਈ-ਸਪੀਡ ਇੰਟਰਨੈੱਟ ਪਹੁੰਚਾਇਆ ਜਾ ਸਕਦਾ ਹੈ। ਪਿਛਲੇ ਕਾਫੀ ਸਮੇਂ ਤੋਂ ਚਰਚਾ ਹੈ ਕਿ ਸਟਾਰਲਿੰਕ ਦੀ ਸਰਵਿਸ ਭਾਰਤ 'ਚ ਲਾਂਚ ਹੋਵੇਗੀ।
ਸਟਾਰਲਿੰਕ 500 ਤੋਂ 550 ਕਿਲੋਮੀਟਰ ਦੀ ਉਚਾਈ 'ਤੇ ਬਹੁਤ ਸਾਰੇ ਸੈਟੇਲਾਈਟਸ ਰਾਹੀਂ ਕੰਮ ਕਰਦੀ ਹੈ। ਇਹ ਕੋਈ ਪਹਿਲਾ ਮੌਕਾ ਨਹੀਂ ਹੈ ਜਦੋਂ ਭਾਰਤ 'ਚ ਸਟਾਰਲਿੰਕ ਦੀ ਚਰਚਾ ਹੋ ਰਹੀ ਸੀ। ਕੰਪਨੀ ਨੇ ਸਾਲ 2021 'ਚ ਭਾਰਤ 'ਚ ਪ੍ਰੀ-ਬੁਕਿੰਗ ਸ਼ੁਰੂ ਕਰ ਦਿੱਤੀ ਸੀ। ਹਾਲਾਂਕਿ, ਭਾਰਤ ਸਰਕਾਰ ਤੋਂ ਜ਼ਰੂਰੀ ਲਾਇਸੈਂਸ ਨਾ ਮਿਲਣ ਕਾਰਨ ਉਸ ਸਮੇਂ ਕੰਪਨੀ ਨੂੰ ਪ੍ਰੀ-ਬੁਕਿੰਗ ਰੋਕਣੀ ਪਈ ਸੀ।
ਚਾਕਲੇਟ ਦਾ ਲਾਲਚ ਦੇ ਕੇ ਨਾਬਾਲਗ ਦੀ ਕਈ ਵਾਰ ਰੋਲੀ ਪੱਤ, 22 ਸਾਲਾ ਮੁਲਜ਼ਮ ਗ੍ਰਿਫਤਾਰ
NEXT STORY 
