ਕੋਲਕਾਤਾ : ਹਨੀ ਟ੍ਰੈਪ ਦੇ ਜ਼ਰੀਏ ਫੌਜ ਅਤੇ ਸੁਰੱਖਿਆ ਨਾਲ ਜੁਡ਼ੇ ਅਧਿਕਾਰੀਆਂ ਨੂੰ ਆਪਣੇ ਜਾਲ 'ਚ ਫਸਾ ਕੇ ਖੁਫੀਆ ਜਾਣਕਾਰੀ ਇਕੱਠੀ ਕਰਣ ਅਤੇ ਅੱਤਵਾਦੀ ਸੰਗਠਨ ਲਸ਼ਕਰ-ਏ-ਤੋਇਬਾ ਲਈ ਨਵੇਂ ਜਵਾਨ ਭਰਤੀ ਕਰਣ ਵਾਲੀ ਸ਼ੱਕੀ ਅੱਤਵਾਦੀ ਤਾਨਿਆ ਪਰਵੀਨ ਨੂੰ ਰਾਸ਼ਟਰੀ ਜਾਂਚ ਏਜੰਸੀ (ਐੱਨ.ਆਈ.ਏ.) ਨੇ ਆਪਣੀ ਹਿਰਾਸਤ 'ਚ ਲੈ ਲਿਆ ਹੈ।
ਐੱਨ.ਆਈ.ਏ. ਨੇ ਦੱਸਿਆ ਕਿ ਤਾਨਿਆ ਦੇ ਕਬਜੇ ਤੋਂ ਇੱਕ ਲੈਪਟਾਪ, ਮੋਬਾਇਲ ਫੋਨ ਅਤੇ ਕਈ ਦਸਤਾਵੇਜ਼ ਮਿਲੇ ਸਨ। ਇਸ ਦੀ ਜਾਂਚ 'ਚ ਪਤਾ ਲੱਗਾ ਕਿ ਉਹ ਖੁਫੀਆ ਜਾਣਕਾਰੀਆਂ ਇਕੱਠੀ ਕਰ ਅੱਤਵਾਦੀ ਸੰਗਠਨ ਨੂੰ ਭੇਜਦੀ ਸੀ। ਉਹ ਪਾਕਿਸਤਾਨ ਸਥਿਤ ਅੱਤਵਾਦੀ ਸੰਗਠਨ ਲਸ਼ਕਰ-ਏ-ਤੋਇਬਾ ਨਾਲ ਜੁਡ਼ੀ ਹੈ। ਉਹ ਪਾਕਿਸਤਾਨ ਦੇ ਵਟਸਐਪ ਨੰਬਰ ਦੀ ਵਰਤੋ ਕਰਣ 'ਚ ਵੀ ਸ਼ਾਮਲ ਹੈ ਅਤੇ ਪਾਕਿ ਅਤੇ ਕਈ ਹੋਰ ਦੇਸ਼ਾਂ ਦੇ ਕਈ ਵਟਸਐਪ ਗਰੁੱਪ ਦਾ ਹਿੱਸਾ ਹੈ। ਉਸ ਕੋਲੋਂ ਫੌਜ ਨਾਲ ਜੁਡ਼ੀਆਂ ਗੁਪਤ ਜਾਣਕਾਰੀਆਂ ਸਬੰਧੀ ਕਈ ਦਸਤਾਵੇਜ਼ ਵੀ ਮਿਲੇ ਹਨ।
ਇਹ ਵੀ ਪਤਾ ਲੱਗਾ ਹੈ ਕਿ ਕਰਫਿਊ ਅਤੇ ਇੰਟਰਨੈਟ ਬਲਾਕੇਡ ਦੇ ਬਾਵਜੂਦ ਪਰਵੀਨ ਪਾਕਿਸਤਾਨ ਅਤੇ ਕਸ਼ਮੀਰ ਮੈਸੇਜ ਭੇਜਦੀ ਸੀ। ਕੋਲਕਾਤਾ ਪੁਲਸ ਦੀ ਸਪੈਸ਼ਲ ਟਾਸਕ ਫੋਰਸ (ਐੱਸ.ਟੀ.ਐੱਫ.) ਨੇ ਇਸ ਸਾਲ 18 ਮਾਰਚ ਨੂੰ ਉੱਤਰੀ 24 ਪਰਗਨਾ ਜ਼ਿਲ੍ਹੇ ਦੇ ਬਾਦੁਰੀਆ ਤੋਂ ਪਹਿਲੀ ਮਹਿਲਾ ਸ਼ੱਕੀ ਅੱਤਵਾਦੀ ਤਾਨਿਆ ਪਰਵੀਨ ਨੂੰ ਗ੍ਰਿਫਤਾਰ ਕੀਤਾ ਸੀ। ਉਸ ਤੋਂ ਪੁੱਛਗਿੱਛ ਤੋਂ ਬਾਅਦ ਉਸ ਨੂੰ ਦਮਦਮ ਸੈਂਟਰਲ ਜੇਲ 'ਚ ਸਖਤ ਸੁਰੱਖਿਆ 'ਚ ਰੱਖਿਆ ਗਿਆ ਸੀ।
ਉਥੇ ਹੀ ਐੱਨ.ਆਈ.ਏ. ਨੇ ਬੈਂਕਸ਼ਾਲ ਕੋਰਟ ਸਥਿਤ ਐੱਨ.ਆਈ.ਏ. ਅਦਾਲਤ 'ਚ ਤਾਨਿਆ ਦੇ ਰਿਮਾਂਡ ਨੂੰ ਲੈ ਕੇ ਅਰਜ਼ੀ ਦਿੱਤੀ। ਕੋਰਟ ਨੇ ਤਾਨਿਆ ਨੂੰ ਐੱਨ.ਆਈ.ਏ. ਦੀ ਹਿਰਾਸਤ 'ਚ ਭੇਜ ਦਿੱਤਾ। ਸੂਤਰਾਂ ਮੁਤਾਬਕ ਤਾਨਿਆ ਤੋਂ ਲਸ਼ਕਰ-ਏ-ਤੋਇਬਾ ਨਾਲ ਜੁਡ਼ੀ ਕਾਫ਼ੀ ਜਾਣਕਾਰੀ ਮਿਲ ਸਕਦੀ ਹੈ ਜਿਸ ਦਾ ਖੁਲਾਸਾ ਉਸ ਨੇ ਹੁਣ ਤੱਕ ਨਹੀਂ ਕੀਤਾ ਹੈ।
ਬਿ੍ਰਟਿਸ਼ ਰਿਪੋਰਟ 'ਚ ਭਾਰਤੀ ਵਿਦਿਆਰਥੀਆਂ ਨੂੰ ਪੜਾਈ ਤੋਂ ਬਾਅਦ 4 ਸਾਲ ਦਾ ਵੀਜ਼ਾ ਦੇਣ ਦਾ ਜ਼ਿਕਰ
NEXT STORY 
