ਹੈਦਰਾਬਾਦ- ਤੇਲੰਗਾਨਾ ਦੇ ਹੈਦਰਾਬਾਦ ਜ਼ਿਲ੍ਹੇ ਦੇ ਬਾਹਰੀ ਇਲਾਕੇ 'ਚ ਇਕ ਵਿਅਕਤੀ ਨੇ 14 ਸਾਲਾ ਅਨੁਸੂਚਿਤ ਜਾਤੀ ਦੇ ਮੁੰਡੇ ਦੀ ਬੁਰੀ ਤਰ੍ਹਾਂ ਕੁੱਟਮਾਰ ਕੀਤੀ। ਦਰਅਸਲ ਮੁੰਡਾ ਉਸ ਵਿਅਕਤੀ ਦੇ ਘਰ 'ਚੋਂ ਦਰੱਖਤ ਤੋਂ ਅਨਾਰ ਤੋੜ ਰਿਹਾ ਸੀ। ਵਿਅਕਤੀ ਨੇ ਅਨਾਰ ਤੋੜਨ ਦੇ ਦੋਸ਼ ਵਿਚ ਰੱਸੀ ਨਾਲ ਬੰਨ੍ਹ ਕੇ ਮੁੰਡੇ ਨੂੰ ਕੁੱਟਿਆ। ਪੁਲਸ ਨੇ ਦੱਸਿਆ ਕਿ ਇਹ ਘਟਨਾ 22 ਜੂਨ ਨੂੰ ਸ਼ਾਬਾਦ ਡਵੀਜਨ ਦੇ ਕੇਸਾਰਾਮ ਪਿੰਡ ਵਿਚ ਵਾਪਰੀ। ਅਨੁਸੂਚਿਤ ਜਾਤੀ ਭਾਈਚਾਰੇ ਨਾਲ ਸਬੰਧਤ ਪੀੜਤ ਦਰੱਖ਼ਤ ਨਾਲ ਅਨਾਰ ਤੋੜਨ ਲਈ ਉਸ ਵਿਅਕਤੀ ਦੀ ਚਾਰਦੀਵਾਰੀ ਟੱਪ ਕੇ ਅੰਦਰ ਗਿਆ ਸੀ। ਉਨ੍ਹਾਂ ਮੁਤਾਬਕ ਘਰ ਦੇ ਮਾਲਕ ਨੇ ਮੁੰਡੇ ਨੂੰ ਫੜ ਲਿਆ ਅਤੇ ਰੱਸੀ ਨਾਲ ਉਸ ਦੇ ਹੱਥ-ਪੈਰ ਬੰਨ੍ਹ ਕੇ ਉਸ ਦੀ ਕੁੱਟਮਾਰ ਕੀਤੀ। ਇਸ ਘਟਨਾ ਦੀ ਤਸਵੀਰ ਵਾਇਰਲ ਹੋਈ ਹੈ, ਜਿਸ ਵਿਚ ਪੀੜਤ ਨੂੰ ਜ਼ਮੀਨ 'ਤੇ ਲੇਟਿਆ ਵੇਖਿਆ ਗਿਆ।
ਇਹ ਵੀ ਪੜ੍ਹੋ- ਕੁੜੀ ਨੇ ਤੋੜਿਆ ਰਿਸ਼ਤਾ ਤਾਂ ਗੁੱਸੇ 'ਚ ਆਏ ਮੰਗੇਤਰ ਨੇ ਘਰ 'ਤੇ ਚਲਾ ਦਿੱਤੀਆਂ ਤਾੜ-ਤਾੜ ਗੋਲੀਆਂ
ਘਰ ਦਾ ਮਾਲਕ ਇਕ ਸਰਕਾਰੀ ਸਕੂਲ ਦਾ ਸੇਵਾਮੁਕਤ ਹੈੱਡਮਾਸਟਰ ਹੈ। ਓਧਰ ਪੀੜਤ ਦੀ ਮਾਂ ਵਲੋਂ ਦੋਸ਼ੀ ਖਿਲਾਫ 24 ਜੂਨ ਨੂੰ ਸ਼ਿਕਾਇਤ ਦਰਜ ਕਰਵਾਈ ਗਈ। ਦੋਸ਼ੀ ਅਤੇ ਉਸ ਦੇ ਪੁੱਤਰ ਖਿਲਾਫ਼ IPC ਦੀ ਧਾਰਾ-342 ਅਤੇ 324, ਕਿਸ਼ੋਰ ਨਿਆਂ ਐਕਟ ਅਤੇ ਅਨੁਸੂਚਿਤ ਜਾਤੀ ਅਤੇ ਅਨੁਸੂਚਿਤ ਜਨਜਾਤੀ ਦੀਆਂ ਵੱਖ-ਵੱਖ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ। ਪੁਲਸ ਵਿਚ ਦਰਜ ਸ਼ਿਕਾਇਤ ਮੁਤਾਬਕ ਜਦੋਂ ਪੀੜਤ ਦੀ ਮਾਂ ਮਕਾਨ ਮਾਲਕ ਨੂੰ ਮਿਲਣ ਪਹੁੰਚੀ ਤਾਂ ਦੋਸ਼ੀ ਨੇ ਉਸ ਨੂੰ ਗਾਲ੍ਹਾਂ ਕੱਢੀਆਂ। ਇਕ ਅਧਿਕਾਰੀ ਨੇ ਦੱਸਿਆ ਕਿ ਫਿਲਹਾਲ ਇਸ ਮਾਮਲੇ ਵਿਚ ਅੱਗੇ ਦੀ ਜਾਂਚ ਜਾਰੀ ਹੈ।
ਇਹ ਵੀ ਪੜ੍ਹੋ- ਵਾਲ-ਵਾਲ ਬਚੇ ਕੇਂਦਰੀ ਮੰਤਰੀ ਜੋਤੀਰਾਦਿਤਿਆ ਸਿੰਧੀਆ, ਮੰਚ ਦਾ ਟੈਂਟ ਡਿੱਗਣ ਨਾਲ ਮਚੀ ਭਾਜੜ
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਜਦੋਂ ਸਪੀਕਰ ਨੇ ਹਰਸਿਮਰਤ ਨੂੰ ਵਿਚਾਲਿਓਂ ਰੋਕ ਕੇ ਪੁੱਛਿਆ 'ਕੀ ਅਸੀਂ ਤੁਹਾਨੂੰ ਪਹਿਲਾਂ ਮੌਕਾ ਨਹੀਂ ਦਿੱਤਾ?
NEXT STORY 
