ਵੈੱਬ ਡੈਸਕ- ਦੁਨੀਆ ਦੇ 2 ਹਿੱਸਿਆਂ 'ਚ ਇਸ ਸਮੇਂ ਕੁਦਰਤ ਦਾ ਕਹਿਰ ਛਾਇਆ ਹੋਇਆ ਹੈ। ਇਕ ਪਾਸੇ ਭਾਰਤ 'ਚ ਮੋਂਥਾ ਚੱਕਰਵਾਤ ਨੇ ਦਹਿਸ਼ਤ ਪੈਦਾ ਕੀਤੀ ਹੋਈ ਹੈ, ਤਾਂ ਦੂਜੇ ਪਾਸੇ 15 ਹਜ਼ਾਰ ਕਿਲੋਮੀਟਰ ਦੂਰ ਕੈਰੀਬੀਆਈ ਦੇਸ਼ ਜਮੈਕਾ 'ਚ ਹਰੀਕੇਨ ਮਲਿਸਾ ਨੇ ਤਬਾਹੀ ਮਚਾਉਣ ਲਈ ਦਸਤਕ ਦੇ ਦਿੱਤੀ ਹੈ।
ਇਹ ਵੀ ਪੜ੍ਹੋ : ਬਾਬਾ ਵੇਂਗਾ ਦੀ ਵੱਡੀ ਭਵਿੱਖਬਾਣੀ! ਇਸ ਸਾਲ ਦੇ ਅੰਤ 'ਚ 'ਕਰੋੜਪਤੀ' ਬਣਨਗੇ ਇਨ੍ਹਾਂ ਰਾਸ਼ੀਆਂ ਦੇ ਲੋਕ, ਲੱਗ ਸਕਦੀ ਹੈ ਲਾਟਰੀ
ਕੈਟੇਗਰੀ 5 ਦਾ ਸਭ ਤੋਂ ਖਤਰਨਾਕ ਤੂਫ਼ਾਨ
ਮੌਸਮ ਵਿਗਿਆਨੀਆਂ ਮੁਤਾਬਕ 'ਮਲਿਸਾ' ਹੁਣ ਕੈਟੇਗਰੀ-5 ਦਾ ਹਰੀਕੇਨ ਬਣ ਗਿਆ ਹੈ — ਜਿਸ 'ਚ ਹਵਾਵਾਂ ਦੀ ਗਤੀ 250 ਕਿਮੀ ਪ੍ਰਤੀ ਘੰਟਾ ਤੱਕ ਹੋ ਸਕਦੀ ਹੈ। ਇਸ ਨਾਲ ਬਹੁਤ ਹੀ ਖਤਰਨਾਕ ਸਮੁੰਦਰੀ ਲਹਿਰਾਂ ਅਤੇ ਭਾਰੀ ਬਾਰਿਸ਼ ਦੀ ਸੰਭਾਵਨਾ ਹੈ। ਮਲਿਸਾ ਤੋਂ ਪਹਿਲਾਂ ਇਹ ਤੂਫ਼ਾਨ ਹੈਤੀ ਅਤੇ ਡੋਮਿਨਿਕਨ ਗਣਰਾਜ ਵਿਚ ਤਬਾਹੀ ਮਚਾ ਚੁੱਕਾ ਹੈ, ਜਿੱਥੇ ਘੱਟੋ-ਘੱਟ 4 ਲੋਕਾਂ ਦੀ ਮੌਤ ਹੋ ਗਈ ਹੈ।
ਇਹ ਵੀ ਪੜ੍ਹੋ : 2026 'ਚ Gold ਦੀਆਂ ਕੀਮਤਾਂ 'ਚ ਆਏਗਾ ਤੂਫਾਨ! ਬਾਬਾ ਵੇਂਗਾ ਦੀ ਭਵਿੱਖਬਾਣੀ ਸੁਣ ਤੁਸੀਂ ਰਹਿ ਜਾਓਗੇ ਹੈਰਾਨ
ਜਮੈਕਾ 'ਤੇ ਸਭ ਤੋਂ ਵੱਧ ਖਤਰਾ
ਸੋਮਵਾਰ ਤੜਕੇ ਇਹ ਤੂਫ਼ਾਨ ਜਮੈਕਾ ਦੇ ਦੱਖਣੀ ਤਟ ਦੇ ਨੇੜੇ ਪਹੁੰਚ ਗਿਆ ਹੈ। ਵਿਗਿਆਨੀ ਕਹਿੰਦੇ ਹਨ ਕਿ ਜੇ 6 ਤੋਂ 10 ਫੁੱਟ ਉੱਚੀਆਂ ਲਹਿਰਾਂ ਉੱਠਦੀਆਂ ਹਨ, ਤਾਂ ਜਮੈਕਾ ਦਾ ਬਹੁਤ ਸਾਰਾ ਇੰਫਰਾਸਟ੍ਰਕਚਰ — ਜਿਸ 'ਚ ਹਵਾਈ ਅੱਡਾ, ਪਾਵਰ ਪਲਾਂਟ, ਫਿਊਲ ਟਰਮਿਨਲ ਤੇ ਬੰਦਰਗਾਹ ਸ਼ਾਮਲ ਹਨ — ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋ ਸਕਦਾ ਹੈ। ਕਲਾਈਮਟ ਮਾਹਿਰ ਲਿਜ਼ ਸਟੀਫ਼ੇਨਜ਼ ਨੇ ਚਿਤਾਵਨੀ ਦਿੱਤੀ ਹੈ ਕਿ 'ਮਲਿਸਾ' ਜਮੈਕਾ ਲਈ ਤਬਾਹੀ ਦਾ ਸਬਬ ਬਣ ਸਕਦਾ ਹੈ ਅਤੇ ਲੋਕਾਂ ਨੂੰ “ਕਲਪਣਾ ਤੋਂ ਪਰੇ ਪ੍ਰਭਾਵਾਂ” ਲਈ ਤਿਆਰ ਰਹਿਣਾ ਚਾਹੀਦਾ ਹੈ।
ਇਹ ਵੀ ਪੜ੍ਹੋ : ਇਨ੍ਹਾਂ 2 ਬਲੱਡ ਗਰੁੱਪ ਵਾਲੇ ਲੋਕਾਂ ਦਾ ਦਿਮਾਗ਼ ਚੱਲਦਾ ਹੈ ਸਭ ਤੋਂ ਤੇਜ਼, ਰਿਸਰਚ 'ਚ ਹੋਇਆ ਵੱਡਾ ਖ਼ੁਲਾਸਾ
ਭਾਰਤ 'ਚ 'ਮੋਂਥਾ' ਦਾ ਅਲਰਟ
ਇਸੇ ਸਮੇਂ, ਭਾਰਤ 'ਚ ਵੀ ਚੱਕਰਵਾਤ ਮੋਂਥਾ ਦੀ ਦਹਿਸ਼ਤ ਹੈ। ਮੌਸਮ ਵਿਭਾਗ (IMD) ਦੇ ਅਨੁਸਾਰ, ਮੰਗਲਵਾਰ ਤੱਕ ਇਹ ਤੂਫ਼ਾਨ ਇੱਕ ਗੰਭੀਰ ਸਾਈਕਲੋਨਿਕ ਸਟੌਰਮ ਬਣ ਸਕਦਾ ਹੈ।
ਇਹ ਆਂਧਰਾ ਪ੍ਰਦੇਸ਼ ਦੇ ਤਟ ਨਾਲ ਟਕਰਾ ਸਕਦਾ ਹੈ — ਕਾਕੀਨਾਡਾ, ਮੱਛਲੀਪਟਨਮ ਤੇ ਕਲਿੰਗਪਟਨਮ ਦੇ ਵਿਚਕਾਰ। ਤੂਫ਼ਾਨ ਦੇ ਦੌਰਾਨ ਹਵਾਵਾਂ ਦੀ ਗਤੀ 100–110 ਕਿਲੋਮੀਟਰ ਪ੍ਰਤੀ ਘੰਟਾ ਤੱਕ ਹੋ ਸਕਦੀ ਹੈ। ਸੂਬਾ ਸਰਕਾਰ ਨੇ ਅਲਰਟ ਜਾਰੀ ਕਰ ਦਿੱਤਾ ਹੈ, ਸਕੂਲ ਬੰਦ ਹਨ ਅਤੇ ਕੁਝ ਟਰੇਨਾਂ ਵੀ ਰੱਦ ਕੀਤੀਆਂ ਗਈਆਂ ਹਨ।
- ਜਮੈਕਾ: ਹਰੀਕੇਨ 'ਮਲਿਸਾ' ਕੈਟੇਗਰੀ-5 ਤੂਫ਼ਾਨ, ਜਾਨੀ ਤੇ ਮਾਲੀ ਨੁਕਸਾਨ ਦਾ ਡਰ।
- ਭਾਰਤ: ਚੱਕਰਵਾਤ “ਮੋਂਥਾ” ਦੇ ਕਾਰਨ ਦੱਖਣੀ ਤਟਾਂ 'ਤੇ ਹਾਈ ਅਲਰਟ।
- ਵਿਗਿਆਨੀ ਚਿਤਾਵਨੀ: ਮੌਸਮੀ ਤਬਦੀਲੀ ਕਾਰਨ ਤੂਫ਼ਾਨ ਹੋ ਰਹੇ ਹਨ ਹੋਰ ਵੀ ਜ਼ਿਆਦਾ ਖਤਰਨਾਕ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਵੱਡੀ ਖ਼ਬਰ ; 30 ਅਕਤੂਬਰ ਤੱਕ ਛੁੱਟੀ ਦਾ ਐਲਾਨ ! ਬੰਦ ਰਹਿਣਗੇ ਸਕੂਲ ਤੇ ਆਂਗਨਵਾੜੀ ਕੇਂਦਰ
NEXT STORY 
