ਨਵੀਂ ਦਿੱਲੀ — ਇਸ ਸਾਲ ਭਾਰਤ ਦੇ ਸਭ ਤੋਂ ਬਜ਼ੁਰਗ ਹੱਜ ਯਾਤਰੀਆਂ 'ਚ ਹੱਜਨ ਅਸਗਰੀ (99) ਅਤੇ ਹੱਜਾਨ ਚੰਦਰੀ (98) ਸ਼ਾਮਲ ਹਨ, ਜੋ ਬੁੱਧਵਾਰ ਨੂੰ ਦਿੱਲੀ ਦੇ ਆਈਜੀਆਈ ਹਵਾਈ ਅੱਡੇ ਤੋਂ ਮਦੀਨਾ ਲਈ ਰਵਾਨਾ ਹੋਈਆਂ। ਦੋਵੇਂ ਔਰਤਾਂ ਹਰਿਆਣਾ ਦੇ ਨੂਹ ਜ਼ਿਲ੍ਹੇ ਦੀਆਂ ਰਹਿਣ ਵਾਲੀਆਂ ਹਨ। ਭਾਰਤ ਸਰਕਾਰ ਦੇ ਘੱਟ ਗਿਣਤੀ ਮਾਮਲਿਆਂ ਦੇ ਮੰਤਰਾਲੇ ਦੇ ਨਿਰਦੇਸ਼ਕ ਅਤੇ ਭਾਰਤ ਦੀ ਹੱਜ ਕਮੇਟੀ ਦੇ ਸੀਈਓ ਡਾ. ਲਿਆਕਤ ਅਲੀ ਅਫਾਕੀ (ਆਈ.ਆਰ.ਐਸ.), ਹੱਜ ਯਾਤਰਾ 'ਤੇ ਜਾਣ ਵਾਲੀਆਂ ਦੇਸ਼ ਦੀਆਂ ਸਭ ਤੋਂ ਬਜ਼ੁਰਗ ਔਰਤਾਂ ਨੂੰ ਦੇਖਣ ਅਤੇ ਉਨ੍ਹਾਂ ਦੇ ਯਾਤਰਾ ਦਸਤਾਵੇਜ਼ ਪੇਸ਼ ਕਰਨ ਲਈ ਖੁਦ ਮੌਜੂਦ ਸਨ। ਇਸ ਮੌਕੇ ਡਾ: ਅਫਾਕੀ ਨੇ ਬਜ਼ੁਰਗ ਮਹਿਲਾ ਹੱਜ ਯਾਤਰੀਆਂ ਨੂੰ ਸ਼ਾਲ ਅਤੇ ਗੁਲਦਸਤੇ ਭੇਂਟ ਕਰਕੇ ਸ਼ੁੱਭ ਕਾਮਨਾਵਾਂ ਦਿੱਤੀਆਂ ਅਤੇ ਹੱਜ ਦੌਰਾਨ ਉਨ੍ਹਾਂ ਦੀ ਸੰਪੂਰਨ ਸਿਹਤ ਅਤੇ ਸੁਰੱਖਿਅਤ ਘਰ ਵਾਪਸੀ ਲਈ ਅਰਦਾਸ ਕੀਤੀ |
ਉਨ੍ਹਾਂ ਨੇ ਹੱਜ਼ਨ ਨੂੰ ਭਾਰਤੀਆਂ ਦੀ ਸੁਰੱਖਿਆ, ਦੇਸ਼ ਦੇ ਵਿਕਾਸ ਅਤੇ ਸਥਿਰਤਾ ਅਤੇ ਸ਼ਾਂਤੀ ਲਈ ਪ੍ਰਾਰਥਨਾ ਕਰਨ ਦੀ ਅਪੀਲ ਕੀਤੀ। ਜ਼ਿਕਰਯੋਗ ਹੈ ਕਿ ਭਾਰਤ ਸਰਕਾਰ ਦੇ ਘੱਟ ਗਿਣਤੀ ਮਾਮਲਿਆਂ ਬਾਰੇ ਮੰਤਰਾਲੇ ਦੀ ਹੱਜ ਕਮੇਟੀ ਦੀ ਸੁਰੱਖਿਆ, ਨਿਗਰਾਨੀ ਅਤੇ ਅਗਵਾਈ ਹੇਠ ਹੁਣ ਤੱਕ ਭਾਰਤ ਤੋਂ 161 ਉਡਾਣਾਂ ਰਾਹੀਂ 48 ਹਜ਼ਾਰ 986 ਭਾਰਤੀ ਹੱਜ ਯਾਤਰੀ ਸਾਊਦੀ ਅਰਬ ਪੁੱਜੇ ਹਨ, ਜਿਨ੍ਹਾਂ ਵਿੱਚ 241 ਖਾਦਿਮ- ਉਲ-ਹੁਜਾਜ ਵੀ ਉਨ੍ਹਾਂ ਦੀ ਮਦਦ ਲਈ ਮੌਜੂਦ ਹਨ, ਜਿਨ੍ਹਾਂ ਵਿੱਚੋਂ 32,313 ਸ਼ਰਧਾਲੂ ਮਦੀਨਾ ਵਿੱਚ ਅਤੇ 16673 ਮੱਕਾ ਵਿੱਚ ਮੌਜੂਦ ਹਨ।
ਵਰਣਨਯੋਗ ਹੈ ਕਿ ਭਾਰਤ ਦੇ ਕੁੱਲ 1,75,025 ਹੱਜ ਯਾਤਰੀਆਂ ਵਿਚੋਂ, 1,40,020 ਹੱਜ ਯਾਤਰੀ ਭਾਰਤ ਦੀ ਹੱਜ ਕਮੇਟੀ ਦੁਆਰਾ 8 ਮਈ ਤੋਂ ਮੱਕਾ ਅਤੇ ਮਦੀਨਾ ਲਈ ਸਾਰੀਆਂ ਯਾਤਰਾ ਸਹੂਲਤਾਂ ਦੇ ਨਾਲ ਵੱਖ-ਵੱਖ ਏਅਰਲਾਈਨਾਂ ਰਾਹੀਂ ਹੱਜ ਯਾਤਰਾ ਕਰ ਰਹੇ ਹਨ।
ਗਰਮੀ ਦਾ ਕਹਿਰ, ਦੁਪਹਿਰ ਵੇਲੇ ਮਾਲ ਢੋਣ ਵਾਲੇ ਜਾਨਵਰਾਂ ਦੀ ਵਰਤੋਂ 'ਤੇ ਪਾਬੰਦੀ
NEXT STORY 
