ਨੈਸ਼ਨਲ ਡੈਸਕ : ਰਾਮ ਦੀ ਨਗਰੀ ਅਯੁੱਧਿਆ ਦੇ ਵਿਕਾਸ ਲਈ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਸੀਐੱਮ ਯੋਗੀ ਦੀ ਤਾਰੀਫ਼ ਕਰਨੀ ਇੱਕ ਔਰਤ ਨੂੰ ਭਾਰੀ ਪੈ ਗਈ। ਮਹਿਲਾ ਦੇ ਪਤੀ ਨੇ ਉਸ ਨੂੰ ਤਿੰਨ ਤਲਾਕ ਦੇ ਦਿੱਤਾ ਤੇ ਉਸ ਨੂੰ ਮਾਰਨ ਦੀ ਵੀ ਕੋਸ਼ਿਸ਼ ਕੀਤੀ, ਜਿਸ ਤੋਂ ਬਾਅਦ ਪੁਲਸ ਨੇ ਦੋਸ਼ੀ ਅਤੇ ਉਸ ਦੇ ਪਰਿਵਾਰ ਦੇ 7 ਮੈਂਬਰਾਂ ਖਿਲਾਫ ਮਾਮਲਾ ਦਰਜ ਕਰ ਲਿਆ ਹੈ।
ਰਿਪੋਰਟ ਮੁਤਾਬਕ ਮਰੀਅਮ ਨਾਂ ਦੀ ਔਰਤ ਨੇ ਯੂਪੀ ਦੇ ਬਹਿਰਾਇਚ 'ਚ ਪੁਲਸ ਨੂੰ ਦਿੱਤੀ ਆਪਣੀ ਸ਼ਿਕਾਇਤ 'ਚ ਦੋਸ਼ ਲਗਾਇਆ ਹੈ ਕਿ ਪਹਿਲਾਂ ਵੀ ਉਸ ਦੀ ਕੁੱਟਮਾਰ ਕੀਤੀ ਗਈ ਸੀ ਅਤੇ ਉਸ 'ਤੇ ਗਰਮ ਦਾਲ ਸੁੱਟੀ ਗਈ ਸੀ। ਜਾਣਕਾਰੀ ਮੁਤਾਬਕ ਜਿਸ ਦਿਨ ਪਤੀ ਨੇ ਮਰੀਅਮ ਨੂੰ ਤਿੰਨ ਤਲਾਕ ਦਿੱਤਾ, ਉਸੇ ਦਿਨ ਅਯੁੱਧਿਆ 'ਚ ਰਹਿੰਦੇ ਪਤੀ ਦੇ ਪਰਿਵਾਰ ਵਾਲਿਆਂ ਨੇ ਵੀ ਮਰੀਅਮ ਦਾ ਗਲਾ ਘੁੱਟਣ ਦੀ ਕੋਸ਼ਿਸ਼ ਕੀਤੀ। ਪੀੜਤਾ ਨੇ ਦੱਸਿਆ ਕਿ ਮੈਂ ਬਹਿਰਾਇਚ ਦੇ ਜਰਵਾਲ ਰੋਡ ਥਾਣੇ ਦੇ ਮੁਹੱਲਾ ਸਰਾਏ ਦੀ ਰਹਿਣ ਵਾਲੀ ਹਾਂ।
ਉਸ ਨੇ ਦੱਸਿਆ ਕਿ 13 ਦਸੰਬਰ 2023 ਨੂੰ ਮੇਰਾ ਵਿਆਹ ਦਿੱਲੀ ਦਰਵਾਜ਼ਾ ਮੁਹੱਲਾ, ਅਯੁੱਧਿਆ ਦੇ ਰਹਿਣ ਵਾਲੇ ਅਰਸ਼ਦ ਨਾਲ ਹੋਇਆ ਸੀ। ਮੇਰਾ ਵਿਆਹ ਦੋਵਾਂ ਧਿਰਾਂ ਦੀ ਸਹਿਮਤੀ ਨਾਲ ਅਤੇ ਆਪਣੇ ਸਾਧਨਾਂ ਤੋਂ ਵਧੇਰੇ ਖਰਚ ਮਗਰੋਂ ਮੇਰਾ ਵਿਆਹ ਕਰਵਾਇਆ ਗਿਆ ਸੀ। ਪੀੜਤ ਔਰਤ ਨੇ ਵੀਡੀਓ 'ਚ ਅੱਗੇ ਕਿਹਾ ਕਿ ਹੁਣ ਉਸ ਨੂੰ ਪੀਐੱਮ ਅਤੇ ਸੀਐੱਮ ਦੀ ਤਾਰੀਫ਼ ਕਰਕੇ ਪ੍ਰੇਸ਼ਾਨ ਕੀਤਾ ਜਾ ਰਿਹਾ ਹੈ।
ਪੀੜਤਾ ਨੇ ਕਿਹਾ, 'ਜਦੋਂ ਮੈਂ ਵਿਆਹ ਤੋਂ ਬਾਅਦ ਸ਼ਹਿਰ ਆਈ ਤਾਂ ਮੈਨੂੰ ਅਯੁੱਧਿਆ ਧਾਮ ਦੀਆਂ ਸੜਕਾਂ, ਸੁੰਦਰੀਕਰਨ, ਵਿਕਾਸ ਅਤੇ ਮਾਹੌਲ ਬਹੁਤ ਪਸੰਦ ਆਇਆ। ਇਸ 'ਤੇ ਮੈਂ ਆਪਣੇ ਪਤੀ ਦੇ ਸਾਹਮਣੇ ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ ਅਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਤਾਰੀਫ ਕੀਤੀ।
ਔਰਤ ਮੁਤਾਬਕ ਇਸ ਤੋਂ ਬਾਅਦ ਉਸ ਦੇ ਪਤੀ ਅਰਸ਼ਦ ਨੇ ਗੁੱਸੇ 'ਚ ਆ ਕੇ ਉਸ ਨੂੰ ਬਹਿਰਾਇਚ ਸਥਿਤ ਆਪਣੇ ਪੇਕੇ ਘਰ ਭੇਜ ਦਿੱਤਾ। ਜਰਵਾਲ ਰੋਡ ਥਾਣੇ ਦੇ ਇੰਚਾਰਜ (ਐੱਸਐੱਚਓ) ਬ੍ਰਿਜਰਾਜ ਪ੍ਰਸਾਦ ਨੇ ਦੱਸਿਆ ਕਿ ਕੁਝ ਸਮੇਂ ਬਾਅਦ ਰਿਸ਼ਤੇਦਾਰਾਂ ਦੇ ਦਖਲ ਤੋਂ ਬਾਅਦ ਉਹ ਆਪਣੇ ਪਤੀ ਨਾਲ ਰਹਿਣ ਲਈ ਅਯੁੱਧਿਆ ਵਾਪਸ ਆ ਗਈ।
ਗਲਾ ਘੁੱਟਣ ਦੀ ਕੀਤੀ ਕੋਸ਼ਿਸ਼ : ਪੀੜਤ
ਔਰਤ ਨੇ ਕਿਹਾ ਕਿ ਵਾਪਸ ਆਉਣ ਤੋਂ ਬਾਅਦ ਅਰਸ਼ਦ ਨੇ ਮੁੱਖ ਮੰਤਰੀ ਅਤੇ ਪ੍ਰਧਾਨ ਮੰਤਰੀ ਨੂੰ ਗਾਲ੍ਹਾਂ ਕੱਢੀਆਂ ਅਤੇ 'ਤਲਾਕ, ਤਲਾਕ, ਤਲਾਕ' ਕਹਿ ਕੇ ਤਿੰਨ ਤਲਾਕ ਦੇ ਦਿੱਤਾ। ਮਰੀਅਮ ਨੇ ਦੋਸ਼ ਲਾਇਆ ਕਿ ਉਸ ਦੀ ਸੱਸ, ਛੋਟੀ ਭਰਜਾਈ ਅਤੇ ਦਿਓਰਾਂ ਨੇ ਉਸ ਦਾ ਗਲਾ ਘੁੱਟਣ ਦੀ ਕੋਸ਼ਿਸ਼ ਕੀਤੀ। ਜਿਸ ਦਿਨ ਉਸ ਦੇ ਪਤੀ ਨੇ ਉਸ ਨੂੰ ਤਿੰਨ ਤਲਾਕ ਦਿੱਤਾ, ਉਸ ਨੇ ਉਸ ਦੀ ਕੁੱਟਮਾਰ ਵੀ ਕੀਤੀ।
ਪੂਰੇ ਪਰਿਵਾਰ ਖਿਲਾਫ ਮਾਮਲਾ ਦਰਜ
ਉਸ ਦੀ ਸ਼ਿਕਾਇਤ ਦੇ ਆਧਾਰ 'ਤੇ ਔਰਤ ਦੇ ਪਤੀ ਅਰਸ਼ਦ, ਸੱਸ ਰਾਏਸ਼ਾ, ਸਹੁਰਾ ਇਸਲਾਮ, ਸਾਲੀ ਕੁਲਸੂਮ, ਜੀਜਾ ਫਰਾਨ ਅਤੇ ਸ਼ਫਾਕ ਸਮੇਤ 8 ਲੋਕਾਂ ਖਿਲਾਫ ਮਾਮਲਾ ਦਰਜ ਕੀਤਾ ਗਿਆ ਹੈ। ਪੁਲਸ ਨੇ ਦੱਸਿਆ ਕਿ ਹਮਲਾ, ਦੁਰਵਿਵਹਾਰ, ਧਮਕੀਆਂ ਅਤੇ ਦਾਜ ਰੋਕੂ ਕਾਨੂੰਨ ਅਤੇ ਮੁਸਲਿਮ ਵੂਮੈਨ (ਪ੍ਰੋਟੈਕਸ਼ਨ ਆਫ ਰਾਈਟਸ ਆਫ ਵੂਮੈਨ ਇਨ ਮੈਰਿਜ) ਐਕਟ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ।
ਦਿੱਲੀ 'ਚ ਭਾਰੀ ਮੀਂਹ ਤੋਂ ਬਾਅਦ ਸੜਕਾਂ 'ਤੇ ਭਰਿਆ ਪਾਣੀ, 15 ਸਾਲਾ ਲੜਕੇ ਦੀ ਡੁੱਬਣ ਨਾਲ ਮੌਤ
NEXT STORY 
