ਲਖਨਊ- ਸਮਾਜਵਾਦੀ ਪਾਰਟੀ (ਸਪਾ) ਦੇ ਮੁਖੀ ਅਖਿਲੇਸ਼ ਯਾਦਵ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਹਰਿਆਣਾ ਵਿਧਾਨ ਸਭਾ ਚੋਣਾਂ ਵਿਚ 'ਇੰਡੀਆ' ਗਠਜੋੜ ਦੀ ਇਕਜੁਟਤਾ ਇਕ ਨਵਾਂ ਇਤਿਹਾਸ ਲਿਖੇਗੀ। ਉਨ੍ਹਾਂ ਨੇ 'ਐਕਸ' 'ਤੇ ਇਕ ਪੋਸਟ ਵਿਚ ਕਿਹਾ ਕਿ ਹਰਿਆਣਾ ਦੇ ਵਿਕਾਸ ਅਤੇ ਸਦਭਾਵਨਾ ਦੀ ਵਿਰੋਧੀ ਭਾਜਪਾ ਦੀ 'ਨਕਾਰਾਤਮਕ, ਫਿਰਕੂ, ਵੰਡਵਾਦੀ ਰਾਜਨੀਤੀ' ਨੂੰ ਹਰਾਉਣ 'ਚ ਸਮਰੱਥ ਹੈ, ਅਸੀਂ ਆਪਣੇ ਸੰਗਠਨ ਅਤੇ ਸਮਰਥਕਾਂ ਦੀ ਤਾਕਤ ਨੂੰ ਉਸ ਨਾਲ ਜੋੜਾਂਗੇ।
ਅਖਿਲੇਸ਼ ਨੇ ਕਿਹਾ ਕਿ ਮਾਮਲਾ ਦੋ-ਚਾਰ ਸੀਟਾਂ 'ਤੇ ਉਮੀਦਵਾਰ ਖੜ੍ਹੇ ਕਰਨ ਦਾ ਨਹੀਂ ਹੈ, ਸਗੋਂ ਲੋਕਾਂ ਦੇ ਦਰਦ ਅਤੇ ਦੁੱਖ ਨੂੰ ਸਮਝਣ, ਉਨ੍ਹਾਂ ਨੂੰ ਭਾਜਪਾ ਦੀ ਜੋੜ-ਤੋੜ ਦੀ 'ਭ੍ਰਿਸ਼ਟ ਰਾਜਨੀਤੀ' ਤੋਂ ਮੁਕਤ ਕਰਾਉਣ ਅਤੇ ਹਰਿਆਣਾ ਦੀ ਭਲਾਈ ਲਈ ਹੈ। ਉੱਤਰ ਪ੍ਰਦੇਸ਼ ਦੇ ਸਾਬਕਾ ਮੁੱਖ ਮੰਤਰੀ ਨੇ ਕਿਹਾ ਕਿ ਹਰਿਆਣਾ ਚੋਣਾਂ 'ਚ 'ਇੰਡੀਆ' ਗਠਜੋੜ ਦੀ ਏਕਤਾ ਨਵਾਂ ਇਤਿਹਾਸ ਲਿਖੇਗੀ।
ਅਖਿਲੇਸ਼ ਨੇ ਦੋਸ਼ ਲਾਇਆ ਕਿ ਪਿਛਲੇ 10 ਸਾਲਾਂ 'ਚ ਭਾਜਪਾ ਨੇ ਹਰਿਆਣਾ ਦੇ ਵਿਕਾਸ ਨੂੰ 20 ਸਾਲ ਪਿੱਛੇ ਧੱਕ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਸਾਡਾ ਮੰਨਣਾ ਹੈ ਕਿ ਇਹ ਸਮਾਂ ਸਾਡੇ ਜਾਂ 'ਇੰਡੀਆ' ਗਠਜੋੜ ਵਿਚ ਸ਼ਾਮਲ ਕਿਸੇ ਵੀ ਪਾਰਟੀ ਲਈ ਆਪਣੀਆਂ ਸਿਆਸੀ ਸੰਭਾਵਨਾਵਾਂ ਦਾ ਪਤਾ ਲਗਾਉਣ ਦਾ ਨਹੀਂ, ਸਗੋਂ ਤਿਆਗ ਅਤੇ ਕੁਰਬਾਨੀ ਦਾ ਹੈ। ਲੋਕ ਭਲਾਈ ਦੇ ਪਰਉਪਕਾਰੀ ਮਾਰਗ 'ਤੇ ਸਵਾਰਥ ਲਈ ਕੋਈ ਥਾਂ ਨਹੀਂ ਹੈ। ਸੁਆਰਥੀ ਲੋਕ ਕਦੇ ਵੀ ਇਤਿਹਾਸ ਵਿਚ ਆਪਣਾ ਨਾਂ ਦਰਜ ਨਹੀਂ ਕਰਵਾ ਸਕਦੇ। ਅਸੀਂ ਹਰਿਆਣਾ ਦੇ ਹਿੱਤ ਵਿਚ ਸੱਚੇ ਦਿਲ ਨਾਲ ਕੁਰਬਾਨੀ ਦੇਣ ਲਈ ਤਿਆਰ ਹਾਂ। ਦੱਸ ਦੇਈਏ ਕਿ ਹਰਿਆਣਾ ਦੀਆਂ 90 ਵਿਧਾਨ ਸਭਾ ਸੀਟਾਂ ਲਈ 5 ਅਕਤੂਬਰ ਨੂੰ ਵੋਟਾਂ ਪੈਣੀਆਂ ਹਨ ਅਤੇ ਵੋਟਾਂ ਦੀ ਗਿਣਤੀ 8 ਅਕਤੂਬਰ ਨੂੰ ਹੋਵੇਗੀ।
ਇਨਾਮੀ ਮਹਿਲਾ ਨਕਸਲੀ ਗ੍ਰਿਫ਼ਤਰ, ਕਈ ਥਾਣਿਆਂ 'ਚ ਦਰਜ ਹਨ ਕਤਲ ਦੇ ਮਾਮਲੇ
NEXT STORY 
