ਮਹਾਕੁੰਭ ਨਗਰ (ਏਜੰਸੀ)- ਉਪ ਰਾਸ਼ਟਰਪਤੀ ਜਗਦੀਪ ਧਨਖੜ ਨੇ ਸ਼ਨੀਵਾਰ ਨੂੰ ਪ੍ਰਯਾਗਰਾਜ ਮਹਾਕੁੰਭ ਵਿਖੇ ਆਪਣੀ ਪਤਨੀ ਅਤੇ ਹੋਰ ਪਰਿਵਾਰਕ ਮੈਂਬਰਾਂ ਨਾਲ ਸੰਗਮ ਵਿੱਚ ਡੁਬਕੀ ਲਗਾਈ ਅਤੇ ਸੂਰਜ ਦੇਵਤਾ ਨੂੰ ਅਰਘ ਦਿੱਤੀ। ਧਨਖੜ ਆਪਣੀ ਪਤਨੀ ਅਤੇ ਹੋਰ ਪਰਿਵਾਰਕ ਮੈਂਬਰਾਂ ਨਾਲ ਹੈਲੀਕਾਪਟਰ ਰਾਹੀਂ ਪਵਿੱਤਰ ਸ਼ਹਿਰ ਪ੍ਰਯਾਗਰਾਜ ਪਹੁੰਚੇ, ਜਿੱਥੇ ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਨੇ ਹੈਲੀਪੈਡ 'ਤੇ ਉਨ੍ਹਾਂ ਦਾ ਸਵਾਗਤ ਕੀਤਾ। ਇੱਥੋਂ ਉਹ ਅਰੈਲ ਸੰਗਮ ਘਾਟ ਗਏ, ਜਿੱਥੇ ਉਹ ਇੱਕ ਕਰੂਜ਼ 'ਤੇ ਸਵਾਰ ਹੋ ਕੇ ਇਨ੍ਹਾਂ ਨੇ ਕਿਸ਼ਤੀ ਦਾ ਆਨੰਦ ਮਾਣਿਆ ਅਤੇ ਤ੍ਰਿਵੇਣੀ ਸੰਗਮ ਵਿਖੇ ਨਿਸ਼ਾਨਬੱਧ ਸਥਾਨ 'ਤੇ ਇਸ਼ਨਾਨ ਕੀਤਾ।
ਇਸ਼ਨਾਨ ਦੌਰਾਨ ਵ੍ਰਿੰਦਾਵਨ ਦੇ ਮੁੱਖ ਪੁਜਾਰੀ ਪੁੰਡ੍ਰਿਕ ਗੋਸਵਾਮੀ ਨੇ ਪੂਜਾ ਕੀਤੀ। ਕਿਸ਼ਤੀ ਯਾਤਰਾ ਦੌਰਾਨ ਸਾਇਬੇਰੀਅਨ ਪੰਛੀਆਂ ਨੂੰ ਦੇਖ ਕੇ ਉਪ ਰਾਸ਼ਟਰਪਤੀ ਬਹੁਤ ਉਤਸ਼ਾਹਿਤ ਦਿਖਾਈ ਦਿੱਤੇ। ਉਨ੍ਹਾਂ ਨੇ ਚਹਿਕਦੇ ਪੰਛੀਆਂ ਨੂੰ ਖਾਣਾ ਖੁਆਇਆ ਅਤੇ ਆਪਣੇ ਪਰਿਵਾਰ ਨਾਲ ਇਸ ਪਲ ਦਾ ਆਨੰਦ ਮਾਣਿਆ। ਇਸ ਯਾਤਰਾ ਦੌਰਾਨ ਉਨ੍ਹਾਂ ਨੇ ਮੁੱਖ ਮੰਤਰੀ ਤੋਂ ਤ੍ਰਿਵੇਣੀ ਸੰਗਮ ਦੀ ਮਹੱਤਤਾ ਬਾਰੇ ਜਾਣਿਆ।
ਵਿੱਤ ਮੰਤਰੀ ਨੇ 20 ਹਜ਼ਾਰ ਕਰੋੜ ਰੁਪਏ ਦੇ ਪਰਮਾਣੂ ਊਰਜਾ ਮਿਸ਼ਨ ਦਾ ਕੀਤਾ ਐਲਾਨ
NEXT STORY 
