ਜੀਂਦ- ਹਰਿਆਣਾ ਦੇ ਜੀਂਦ ’ਚ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਆਪਣੇ ਪਤੀ ਦੇ ਮੋਬਾਇਲ ਫ਼ੋਨ ’ਚ ਦੂਜੀ ਜਨਾਨੀ ਦੀ ਤਸਵੀਰ ਅਤੇ ਉਸ ਦੇ ਨਾਜਾਇਜ਼ ਸੰਬੰਧਾਂ ਤੋਂ ਦੁਖ਼ੀ ਪਤਨੀ ਨੇ ਜ਼ਹਿਰੀਲਾ ਪਦਾਰਥ ਖਾ ਕੇ ਖ਼ੁਦਕੁਸ਼ੀ ਕਰ ਲਈ। ਸ਼ਹਿਰ ਥਾਣਾ ਸਫੀਦੋਂ ਪੁਲਸ ਨੇ ਪੀੜਤਾ ਦੇ ਭਰਾ ਦੇ ਸ਼ਿਕਾਇਤ ’ਤੇ ਉਸ ਦੀ ਪਤੀ, ਗੁਆਂਢੀ ਜਨਾਨੀ ਸਮੇਤ ਚਾਰ ਲੋਕਾਂ ਵਿਰੁੱਧ ਖ਼ੁਦਕੁਸ਼ੀ ਲਈ ਮਜ਼ਬੂਰ ਕਰਨ ਦਾ ਮਾਮਲਾ ਦਰਜ ਕੀਤਾ ਹੈ। ਪੁਲਸ ਅਨੁਸਾਰ ਸੁੰਦਰਲਾਲ ਦੀ ਪਤਨੀ ਊਸ਼ਾ (38) ਨੂੰ 21 ਅਗਸਤ ਨੂੰ ਇਲਾਜ ਲਈ ਪੀ.ਜੀ.ਆਈ. ਰੋਹਤਕ ਲਿਜਾਇਆ ਗਿਆ, ਜਿੱਥੇ ਬੀਤੀ ਰਾਤ ਊਸ਼ਾ ਦੀ ਮੌਤ ਹੋ ਗਈ।
ਇਹ ਵੀ ਪੜ੍ਹੋ : ਦੇਸ਼ ’ਚ ਸਤੰਬਰ-ਅਕਤੂਬਰ ’ਚ ਆ ਸਕਦੀ ਹੈ ਕੋਰੋਨਾ ਦੀ ਤੀਜੀ ਲਹਿਰ, ਬੱਚਿਆਂ ਨੂੰ ਹੋਵੇਗਾ ਜ਼ਿਆਦਾ ਖ਼ਤਰਾ
ਪੁਲਸ ਨੇ ਦੱਸਿਆ ਕਿ ਮ੍ਰਿਤਕਾ ਦੇ ਭਰਾ ਬਲਰਾਜ ਅਨੁਸਾਰ ਉਸ ਦੀ ਭੈਣ ਦਾ ਵਿਆਹ 2005 ’ਚ ਰਾਡਾ ਮੁਹੱਲਾ ਵਾਸੀ ਸੁੰਦਰਲਾਲ ਨਾਲ ਹੋਇਆ ਸੀ ਅਤੇ ਵਿਆਹ ਦੇ ਬਾਅਦ ਤੋਂ ਹੀ ਸਹੁਰੇ ਪਰਿਵਾਰ ਵਾਲੇ ਦਾਜ ਦੀ ਮੰਗ ਕਰਦੇ ਰਹਿੰਦੇ ਸਨ। ਸੁੰਦਰਲਾਲ ਦੇ ਗੁਆਂਢ ਦੀ ਇਕ ਜਨਾਨੀ ਨਾਲ ਨਾਜਾਇਜ਼ ਸੰਬੰਧ ਸਨ। ਇਸ ਗੱਲ ਨੂੰ ਲੈ ਕੇ ਘਰ ’ਚ ਕਲੇਸ਼ ਰਹਿੰਦੀ ਸੀ। ਪੁਲਸ ਨੇ ਕਿਹਾ ਕਿ ਦਰਜ ਸ਼ਿਕਾਇਤ ਅਨੁਸਾਰ ਊਸ਼ਾ ਨੇ 21 ਅਗਸਤ ਨੂੰ ਆਪਣੇ ਪਤੀ ਦੇ ਫ਼ੋਨ ’ਚ ਗੁਆਂਢੀ ਜਨਾਨੀ ਦੀ ਫ਼ੋਟੋ ਦੇਖੀ। ਇਸ ਗੱਲ ਨੂੰ ਲੈ ਕੇ ਸੁੰਦਰਲਾਲ ਅਤੇ ਊਸ਼ਾ ਦਰਮਿਆਨ ਕਹਾਸੁਣੀ ਹੋਈ ਅਤੇ ਊਸ਼ਾ ਨੇ ਜ਼ਹਿਰੀਲਾ ਪਦਾਰਥ ਨਿਗਲ ਕੇ ਖ਼ੁਦਕੁਸ਼ੀ ਕਰ ਲਈ। ਸ਼ਹਿਰ ਥਾਣਾ ਸਫੀਦੋਂ ਦੇ ਜਾਂਚ ਅਧਿਕਾਰੀ ਭੂਪਿੰਦਰ ਨੇ ਦੱਸਿਆ ਕਿ ਮ੍ਰਿਤਕਾ ਦੇ ਭਰਾ ਦੀ ਸ਼ਿਕਾਇਤ ਦੇ ਆਧਾਰ ’ਤੇ ਚਾਰ ਲੋਕਾਂ ਵਿਰੁੱਧ ਮਾਮਲਾ ਦਰਜ ਕਰ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ।
ਇਹ ਵੀ ਪੜ੍ਹੋ : ਗੋਲਗੱਪੇ ਵੇਚਣ ਵਾਲੇ ਦੀ ਘਿਨੌਣੀ ਹਰਕਤ, ਪਾਣੀ ’ਚ ਮਿਲਾਇਆ ਪਿਸ਼ਾਬ, ਵੀਡੀਓ ਵਾਇਰਲ
ਨੋਟ : ਇਸ ਖ਼ਬਰ ਸੰਬੰਧੀ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਬਾਕਸ ’ਚ ਦਿਓ ਜਵਾਬ
ਡੈਲਟਾ ਪਲੱਸ ਵੈਰੀਐਂਟ ਦੇ ਫੈਲਾਅ ਨਾਲ ਚਿੰਤਾ ’ਚ ਪਏ ਸਿਹਤ ਮਾਹਰ
NEXT STORY 
