ਇੰਦੌਰ (ਭਾਸ਼ਾ)- ਇੰਦੌਰ 'ਚ 'ਡਿਜੀਟਲ ਅਰੈਸਟ' ਦੇ ਤਾਜ਼ਾ ਮਾਮਲੇ 'ਚ ਠੱਗ ਗਿਰੋਹ ਨੇ ਇਕ 65 ਸਾਲਾ ਔਰਤ ਨੂੰ ਜਾਲ 'ਚ ਫਸਾ ਕੇ ਉਸ ਤੋਂ 46 ਲੱਖ ਰੁਪਏ ਠੱਗ ਲਏ। 'ਡਿਜੀਟਲ ਅਰੈਸਟ' ਸਾਈਬਰ ਠੱਗੀ ਦਾ ਨਵਾਂ ਤਰੀਕਾ ਹੈ। ਅਜਿਹੇ ਮਾਮਲਿਆਂ ’ਚ ਠੱਗ ਖੁਦ ਨੂੰ ਲਾਅ ਇਨਫੋਰਸਮੈਂਟ ਅਧਿਕਾਰੀ ਦੱਸ ਕੇ ਲੋਕਾਂ ਨੂੰ ਆਡੀਓ ਜਾਂ ਵੀਡੀਓ ਕਾਲ ਕਰ ਕੇ ਡਰਾਉਂਦੇ ਹਨ ਅਤੇ ਉਨ੍ਹਾਂ ਨੂੰ ਗ੍ਰਿਫ਼ਤਾਰੀ ਦਾ ਡਰਾਵਾ ਦੇ ਕੇ ਉਨ੍ਹਾਂ ਦੇ ਹੀ ਘਰ ’ਚ ਬੰਧਕ ਬਣਾ ਲੈਂਦੇ ਹਨ।
ਪੁਲਸ ਦੇ ਐਡੀਸ਼ਨਲ ਡਿਪਟੀ ਕਮਿਸ਼ਨਰ ਰਾਜੇਸ਼ ਦੰਡੋਤੀਆ ਨੇ ਦੱਸਿਆ ਕਿ ਠੱਗ ਗਿਰੋਹ ਦੇ ਇਕ ਮੈਂਬਰ ਨੇ 65 ਸਾਲਾ ਔਰਤ ਨੂੰ ਪਿਛਲੇ ਮਹੀਨੇ ਫੋਨ ਕੀਤਾ ਅਤੇ ਖੁਦ ਨੂੰ ਸੀ.ਬੀ.ਆਈ. ਦਾ ਅਧਿਕਾਰੀ ਦੱਸਿਆ। ਠੱਗ ਗਿਰੋਹ ਦੇ ਮੈਂਬਰ ਨੇ ਔਰਤ ਨੂੰ ਡਰਾਵਾ ਦਿੱਤਾ ਕਿ ਨਸ਼ੀਲੇ ਪਦਾਰਥਾਂ ਦੀ ਖਰੀਦੋ-ਫਰੋਖਤ, ਅੱਤਵਾਦੀ ਗਤੀਵਿਧੀਆਂ ਅਤੇ ਮਨੀ ਲਾਂਡਰਿੰਗ ਲਈ ਇਕ ਵਿਅਕਤੀ ਨੇ ਉਸ ਦੇ ਬੈਂਕ ਖਾਤੇ ਦੀ ਦੁਰਵਰਤੋਂ ਕੀਤੀ ਹੈ ਅਤੇ ਇਸ ਵਿਅਕਤੀ ਨਾਲ ਮਿਲੀਭੁਗਤ ਕਾਰਨ ਔਰਤ ਖ਼ਿਲਾਫ਼ ਗ੍ਰਿਫ਼ਤਾਰੀ ਵਾਰੰਟ ਜਾਰੀ ਕੀਤਾ ਗਿਆ ਹੈ। ਠੱਗ ਗਿਰੋਹ ਦੇ ਮੈਂਬਰ ਨੇ ਵੀਡੀਓ ਕਾਲ ਰਾਹੀਂ ਔਰਤ ਨੂੰ 'ਡਿਜੀਟਲ ਅਰੈਸਟ' ਕਰ ਲਿਆ ਅਤੇ ਪੰਜ ਦਿਨ ਤੱਕ ਉਸ ਕੋਲੋਂ ਫਰਜ਼ੀ ਪੁੱਛ-ਗਿੱਛ ਕੀਤੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਕਾਂਗਰਸ ਉਮੀਦਵਾਰ ਭੁਪਿੰਦਰ ਹੁੱਡਾ ਦੀ ਗੜ੍ਹੀ ਸਾਂਪਲਾ ਸੀਟ 'ਤੇ ਬੰਪਰ ਜਿੱਤ
NEXT STORY 
