ਲਖਨਊ— ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਆਦਿੱਤਿਯਨਾਥ ਦੇ ਮੰਤਰੀ ਮੰਡਲ ਦਾ ਬੁੱਧਵਾਰ ਨੂੰ ਵਿਸਥਾਰ ਹੋ ਗਿਆ। ਰਾਜ ਭਵਨ 'ਚ ਆਯੋਜਿਤ ਹੋਏ ਸਹੁੰ ਚੁੱਕ ਸਮਾਰੋਹ 'ਚ ਯੋਗੀ ਦੇ 23 ਮੰਤਰੀਆਂ ਨੇ ਸਹੁੰ ਚੁਕੀ। ਇਨ੍ਹਾਂ 23 ਮੰਤਰੀਆਂ 'ਚੋਂ 18 ਨਵੇਂ ਚਿਹਰੇ ਯੋਗੀ ਮੰਤਰੀ ਮੰਡਲ 'ਚ ਸ਼ਾਮਲ ਕੀਤੇ ਗਏ, ਜਦੋਂ ਕਿ 5 ਮੰਤਰੀਆਂ ਨੂੰ ਪ੍ਰਮੋਟ ਕੀਤਾ ਗਿਆ ਹੈ। ਰਾਜਪਾਲ ਆਨੰਦੀਬੇਨ ਪਟੇਲ ਨੇ ਸਾਰੇ ਮੰਤਰੀਆਂ ਨੂੰ ਸਹੁੰ ਚੁਕਾਈ।
7 ਮੰਤਰੀਆਂ ਨੂੰ ਬਿਹਤਰ ਕੰਮ ਲਈ ਮਿਲਿਆ ਇਨਾਮ
ਯੋਗੀ ਨੇ ਮੰਤਰੀ ਮੰਡਲ ਦੇ ਨਵੇਂ ਚਿਹਰੇ ਤੈਅ ਕਰਦੇ ਸਮੇਂ ਜਾਤੀ ਅਤੇ ਖੇਤਰੀ ਸੰਤੁਲਨ ਨਾਲ ਲੋਕ ਸਭਾ ਚੋਣਾਂ 'ਚ ਉਨ੍ਹਾਂ ਦੇ ਸਮਰਥਨ ਦਾ ਵੀ ਧਿਆਨ ਰੱਖਿਆ ਹੈ। ਮੰਤਰੀ ਮੰਡਲ 'ਚ ਜਗ੍ਹਾ ਪਾਉਣ ਵਾਲਿਆਂ 'ਚ ਕਈ ਅਜਿਹੇ ਹਨ, ਜੋ ਪਹਿਲੀ ਵਾਰ ਵਿਧਾਇਕ ਬਣੇ ਹਨ। ਯੋਗੀ ਦੇ ਮੰਤਰੀ ਮੰਡਲ 'ਚ ਸ਼ਾਮਲ 7 ਤੋਂ ਵਧ ਮੰਤਰੀ ਅਜਿਹੇ ਹਨ, ਜਿਨ੍ਹਾਂ ਨੂੰ ਬਿਹਤਰ ਕੰਮ ਲਈ ਇਨਾਮ ਦਿੱਤਾ ਗਿਆ ਹੈ। ਇਨ੍ਹਾਂ 'ਚੋਂ 5 ਆਜ਼ਾਦ ਚਾਰਜ ਮੰਤਰੀਆਂ ਨੂੰ ਕੈਬਨਿਟ ਮੰਤਰੀ ਬਣਾਇਆ ਗਿਆ ਹੈ। 2 ਰਾਜ ਮੰਤਰੀ ਪ੍ਰਮੋਸ਼ਨ ਪਾ ਕੇ ਆਜ਼ਾਦ ਚਾਰਜ ਦੇ ਰਾਜ ਮੰਤਰੀ ਬਣੇ ਹਨ।
ਯੋਗੀ ਨੇ 19 ਮਾਰਚ 2017 ਨੂੰ ਚੁੱਕੀ ਸੀ ਸੀ.ਐੱਮ. ਅਹੁਦੇ ਦੀ ਸਹੁੰ
19 ਮਾਰਚ 2017 ਨੂੰ ਜਦੋਂ ਮੁੱਖ ਮੰਤਰੀ ਯੋਗੀ ਆਦਿੱਤਿਯਨਾਥ ਨੇ ਸਹੁੰ ਚੁੱਕੀ ਸੀ, ਉਦੋਂ ਉਨ੍ਹਾਂ ਦੀ ਟੀਮ 47 ਲੋਕਾਂ ਦੀ ਸੀ। ਅਸਤੀਫ਼ਿਆਂ ਤੋਂ ਬਾਅਦ ਹੁਣ ਟੀਮ 40 ਲੋਕਾਂ ਦੀ ਹੋ ਚੁਕੀ ਸੀ। ਕੈਬਨਿਟ ਮੰਤਰੀ ਅਤੇ ਐੱਸ.ਬੀ.ਐੱਸ.ਪੀ. ਪ੍ਰਧਾਨ ਓਮ ਪ੍ਰਕਾਸ਼ ਰਾਜਭਰ ਨੂੰ ਲੋਕ ਸਭਾ ਚੋਣਾਂ ਖਤਮ ਹੋਣ ਤੋਂ ਬਾਅਦ ਬਰਖ਼ਾਸਤ ਕਰ ਦਿੱਤਾ ਗਿਆ ਸੀ। ਉੱਥੇ ਹੀ ਰੀਤਾ ਬਹੁਗੁਣਾ ਜੋਸ਼ੀ, ਐੱਸ.ਪੀ. ਸਿੰਘ ਬਘੇਲ ਅਤੇ ਸੱਤਿਆਦੇਵ ਪਚੌਰੀ ਨੇ ਸੰਸਦ ਮੈਂਬਰ ਬਣਨ ਤੋਂ ਬਾਅਦ ਅਸਤੀਫ਼ਾ ਦੇ ਦਿੱਤਾ ਸੀ। ਪ੍ਰਦੇਸ਼ ਪ੍ਰਧਾਨ ਬਣਨ ਤੋਂ ਬਾਅਦ ਆਜ਼ਾਦ ਚਾਰਜ ਰਾਜ ਮੰਤਰੀ ਦੇ ਅਹੁਦੇ ਤੋਂ ਸਵਤੰਤਰ ਦੇਵ ਸਿੰਘ ਅਸਤੀਫ਼ਾ ਦੇ ਚੁਕੇ ਸਨ। ਮੰਗਲਵਾਰ ਨੂੰ ਵਿੱਤ ਮੰਤਰੀ ਰਾਜੇਸ਼ ਅਗਰਵਾਲ ਅਤੇ ਬੇਸਿਕ ਸਿੱਖਿਆ ਰਾਜ ਮੰਤਰੀ ਆਜ਼ਾਦ ਚਾਰਜ ਅਨੁਪਮਾ ਜਾਇਸਵਾਲ ਦਾ ਵੀ ਅਸਤੀਫਾ ਮਨਜ਼ੂਰ ਹੋ ਗਿਆ।
ਇਹ ਨਵੇਂ ਚਿਹਰੇ ਬਣੇ ਹਨ ਮੰਤਰੀ
ਸ਼੍ਰੀਰਾਮ ਚੌਹਾਨ, ਨੀਲਿਮਾ ਕਟਿਆਰ, ਅਸ਼ੋਕ ਕਟਾਰੀਆ, ਚੌਧਰੀ ਉਦੇਭਾਨ, ਅਨਿਲ ਸ਼ਰਮਾ, ਆਨੰਦ ਸਵਰੂਪ ਸ਼ੁਕਲਾ, ਸਤੀਸ਼ ਚੰਦਰ ਦਿਵੇਦੀ, ਚੰਦਰਿਕਾ ਉਪਾਧਿਆਏ, ਜੀ.ਐੱਸ. ਧਰਮੇਸ਼, ਮਹੇਂਦਰ ਚੰਦ ਗੁਪਤਾ, ਵਿਜੇ ਕਸ਼ਯਪ, ਵਿਨੇ ਸ਼ਾਕਯ, ਰਾਮਨਰੇਸ਼ ਅਗਨੀਹੋਤਰੀ, ਕਮਲਾ ਰਾਣੀ ਵਰੁਣ।
ਇਹ ਬਣੇ ਹਨ ਕੈਬਨਿਟ ਮੰਤਰੀ
ਡਾ. ਮਹੇਂਦਰ ਸਿੰਘ, ਪੇਂਡੂ ਵਿਕਾਸ ਮੰਤਰੀ
ਚੌਧਰੀ ਭੂਪਿਵੰਦਰ ਸਿੰਘ, ਪੰਚਾਇਤੀ ਰਾਜ ਮੰਤਰੀ
ਸੁਰੇਸ਼ ਰਾਣਾ, ਗੰਨਾ ਵਿਕਾਸ ਮੰਤਰੀ
ਅਨਿਲ ਰਾਜਭਰ, ਹੋਮਗਾਰਡ ਅਤੇ ਪਿਛੜਾ ਕਲਿਆਣ ਮੰਤਰੀ
ਉਪੇਂਦਰ ਤਿਵਾੜੀ, ਪਰਤੀ ਅਤੇ ਜ਼ਮੀਨ ਵਿਕਾਸ ਮੰਤਰੀ
ਰਾਮ ਨਰੇਸ਼ ਅਗਨੀਹੋਤਰੀ
ਕਮਲਾ ਰਾਣੀ ਵਰੁਣ
ਇਨ੍ਹਾਂ ਨੂੰ ਮਿਲਿਆ ਆਜ਼ਾਦ ਚਾਰਜ
ਨੀਲਕੰਠ ਤਿਵਾੜੀ, ਕਪਿਲ ਦੇਵ ਅਗਰਵਾਲ, ਸਤੀਸ਼ ਦਿਵੇਦੀ, ਅਸ਼ੋਕ ਕਟਾਰੀਆ, ਸ਼੍ਰੀਰਾਮ ਚੌਹਾਨ, ਰਵਿੰਦਰ ਜਾਇਸਵਾਲ।
ਇਹ ਬਣੇ ਰਾਜ ਮੰਤਰੀ
ਅਨਿਲ ਸ਼ਰਮਾ, ਮਹੇਸ਼ ਗੁਪਤਾ, ਆਨੰਦ ਸਵਰੂਪ ਸ਼ੁਕਲਾ, ਵਿਜੇ ਕਸ਼ਯਪ, ਡਾ. ਗਿਰਰਾਜ ਸਿੰਘ ਧਰਮੇਸ਼, ਲਾਖਨ ਸਿੰਘ ਰਾਜਪੂਤ, ਨਿਲਿਮਾ ਕਟਿਆਰ, ਚੌਧਰੀ ਉਦੇਭਾਨ ਸਿੰਘ, ਚੰਦਰਿਕਾ ਪ੍ਰਸਾਦ ਉਪਾਧਿਆਏ, ਰਮਾਸ਼ੰਕਰ ਸਿੰਘ ਪਟੇਲ, ਅਜੀਤ ਸਿੰਘ ਪਾਲ।
ਦਿੱਲੀ, ਹਰਿਆਣਾ 'ਚ ਵਧਿਆ ਹੜ੍ਹ ਦਾ ਖਤਰਾ
NEXT STORY 
