ਵੈੱਬ ਡੈਸਕ- ਅੱਜਕੱਲ ਦੀਆਂ ਮੁਟਿਆਰਾਂ ਫੈਸ਼ਨ ’ਚ ਆਰਾਮ ਅਤੇ ਸਟਾਈਲ ਦਾ ਪਰਫੈਕਟ ਬੈਲੈਂਸ ਤਲਾਸ਼ ਰਹੀਆਂ ਹਨ ਅਤੇ ਇਸ ’ਚ ਓਵਰਸਾਈਜ਼ ਸ਼ਰਟ ਨੇ ਸਭ ਤੋਂ ਅੱਗੇ ਰਹਿ ਕੇ ਆਪਣੀ ਜਗ੍ਹਾ ਬਣਾ ਲਈ ਹੈ। ਇਹ ਟ੍ਰੈਂਡ ਹੁਣ ਸਿਰਫ਼ ਇਕ ਫੈਸ਼ਨ ਸਟੇਟਮੈਂਟ ਨਹੀਂ, ਸਗੋਂ ਰੋਜ਼ਾਨਾ ਦੀ ਜ਼ਿੰਦਗੀ ਦਾ ਹਿੱਸਾ ਬਣ ਗਿਆ ਹੈ। ਓਵਰਸਾਈਜ਼ ਸ਼ਰਟ ਲੂਜ਼ ਅਤੇ ਰਿਲੈਕਸਡ ਹੁੰਦੀ ਹੈ, ਜੋ ਬਾਡੀ ਨੂੰ ਫ੍ਰੀ ਫੀਲ ਦਿੰਦੀ ਹੈ ਅਤੇ ਪਹਿਨਣ ’ਚ ਬੇਹੱਦ ਕੰਫਰਟੇਬਲ ਰਹਿੰਦੀ ਹੈ। ਗਰਮੀਆਂ ਤੋਂ ਲੈ ਕੇ ਠੰਡ ਦੇ ਮੌਸਮ ਤੱਕ ਇਹ ਹਰ ਸੀਜ਼ਨ ’ਚ ਆਸਾਨੀ ਨਾਲ ਸਟਾਈਲ ਕੀਤੀ ਜਾ ਸਕਦੀ ਹੈ। ਮੁਟਿਆਰਾਂ ਓਵਰਸਾਈਜ਼ ਸ਼ਰਟ ਨੂੰ ਤਰ੍ਹਾਂ-ਤਰ੍ਹਾਂ ਦੇ ਡਿਜ਼ਾਈਨਾਂ ’ਚ ਚੁਣ ਰਹੀਆਂ ਹਨ। ਪਲੇਨ ਕਲਰ ਜਿਵੇਂ ਵ੍ਹਾਈਟ, ਬਲੈਕ, ਗ੍ਰੇਅ ਤੋਂ ਲੈ ਕੇ ਸਟ੍ਰਾਈਪਸ, ਫਲੋਰਲ ਪ੍ਰਿੰਟ, ਮਲਟੀਕਲਰ ਪੈਟਰਨ ਅਤੇ ਗ੍ਰਾਫਿਕ ਪ੍ਰਿੰਟ ਤੱਕ ਹਰ ਬਦਲ ਉਪਲਬਧ ਹੈ। ਇਨ੍ਹਾਂ ’ਚ ਪਾਕਿਟਸ, ਕਾਲਰ, ਬਟਨ ਅਤੇ ਕਫ਼ਸ ਵਰਗੇ ਡਿਟੇਲਸ ਮਿਲਦੇ ਹਨ, ਜੋ ਲੁੱਕ ਨੂੰ ਮਾਡਰਨ ਅਤੇ ਟ੍ਰੈਂਡੀ ਬਣਾਉਂਦੇ ਹਨ। ਬਾਲੀਵੁੱਡ ਅਦਾਕਾਰਾਂ, ਮਾਡਲਾਂ ਅਤੇ ਇੰਫਲੂਐਂਸਰਾਂ ਨੂੰ ਵੀ ਅਕਸਰ ਓਵਰਸਾਈਜ਼ ਸ਼ਰਟ ’ਚ ਦੇਖਿਆ ਜਾਂਦਾ ਹੈ, ਜੋ ਇਸ ਟ੍ਰੈਂਡ ਨੂੰ ਹੋਰ ਪਾਪੂਲਰ ਬਣਾ ਰਿਹਾ ਹੈ।
ਸਟਾਈਲਿੰਗ ਦੇ ਮਾਮਲੇ ’ਚ ਓਵਰਸਾਈਜ਼ ਸ਼ਰਟ ਕਾਫ਼ੀ ਵਰਸੇਟਾਈਲ ਹੈ। ਇਸ ਨੂੰ ਜੀਨਸ, ਸਕਿਨੀ ਜੀਨਸ, ਕਾਰਗੋ ਪੈਂਟਸ, ਫਾਰਮਲ ਟਰਾਊਜ਼ਰਸ, ਪਲਾਜ਼ੋ, ਪਲੀਟਿਡ ਸਕਰਟਸ, ਲੈਗਿੰਗਸ ਜਾਂ ਜੈਗਿੰਗਸ ਦੇ ਨਾਲ ਪੇਅਰ ਕੀਤਾ ਜਾ ਸਕਦਾ ਹੈ। ਕੈਜ਼ੁਅਲ ਲੁੱਕ ਲਈ ਇਸ ਨੂੰ ਕ੍ਰਾਪ ਟਾਪ ਜਾਂ ਸ਼ਾਰਟ ਟਾਪ ’ਤੇ ਸ਼੍ਰਗ ਵਾਂਗ ਪਹਿਨਿਆ ਜਾ ਰਿਹਾ ਹੈ, ਜੋ ਸਟਾਈਲਿਸਟ ਟੱਚ ਦਿੰਦਾ ਹੈ। ਕਈ ਮੁਟਿਆਰਾਂ ਇਸ ਨੂੰ ਬੈਲਟ ਨਾਲ ਵੇਸਟਲਾਈਨ ਨੂੰ ਡਿਫਾਈਨ ਕਰਦੀਆਂ ਹਨ, ਜਿਸ ਨਾਲ ਲੁੱਕ ਹੋਰ ਵੀ ਐਲੀਗੈਂਟ ਹੋ ਜਾਂਦੀ ਹੈ। ਆਊਟਿੰਗ, ਸ਼ਾਪਿੰਗ, ਪਿਕਨਿਕ, ਕਾਲਜ, ਟ੍ਰੈਵਲ ਜਾਂ ਕੈਜ਼ੁਅਲ ਪਾਰਟੀ ’ਚ ਇਹ ਮੁਟਿਆਰਾਂ ਦੀ ਪਹਿਲੀ ਪਸੰਦ ਰਹਿੰਦੀ ਹੈ। ਕੰਫਰਟ ਦੇ ਨਾਲ-ਨਾਲ ਇਹ ਬਾਡੀ ਪਾਜ਼ੇਟਿਵ ਵੀ ਹੈ, ਕਿਉਂਕਿ ਹਰ ਬਾਡੀ ਟਾਈਪ ’ਤੇ ਜੱਚਦੀ ਹੈ।
ਅਸੈਸਰੀਜ਼ ਦੇ ਨਾਲ ਇਸ ਨੂੰ ਹੋਰ ਆਕਰਸ਼ਕ ਬਣਾਇਆ ਜਾ ਸਕਦਾ ਹੈ, ਜਿਵੇਂ ਸਨਗਲਾਸਿਜ਼, ਕੈਪ, ਬ੍ਰੈਸਲੇਟ, ਕ੍ਰਾਸ ਬਾਡੀ ਬੈਗ ਜਾਂ ਸਟੇਟਮੈਂਟ ਨੈਕਲੈੱਸ। ਹੇਅਰਸਟਾਈਲ ’ਚ ਓਪਨ ਹੇਅਰ, ਹਾਫ ਅੱਪ-ਹਾਫ ਡਾਊਨ, ਮੈਸਡ ਬੰਨ ਜਾਂ ਪੋਨੀਟੇਲ ਸਭ ਦੇ ਨਾਲ ਇਹ ਪਰਫੈਕਟ ਮੈਚ ਕਰਦੀ ਹੈ। ਫੁੱਟਵੀਅਰ ’ਚ ਵੀ ਬਦਲ ਭਰਪੂਰ ਹਨ। ਸਪੋਰਟਸ ਸ਼ੂਜ਼, ਸਨੀਕਰਸ, ਬੈਲੀ ਜੁੱਤੀ, ਫਲੈਟ ਸੈਂਡਲਸ, ਹਾਈ ਹੀਲਸ ਜਾਂ ਬੂਟਸ ਆਦਿ ਸਭ ਦੇ ਨਾਲ ਇਹ ਲੁੱਕ ਨੂੰ ਕੰਪਲੀਟ ਕਰ ਦਿੰਦੀ ਹੈ। ਕੁੱਲ ਮਿਲਾ ਕੇ, ਓਵਰਸਾਈਜ਼ ਸ਼ਰਟ ਨੇ ਮੁਟਿਆਰਾਂ ਦੇ ਵਾਰਡਰੋਬ ’ਚ ਕ੍ਰਾਂਤੀ ਲਿਆ ਦਿੱਤੀ ਹੈ। ਇਹ ਨਾ ਸਿਰਫ਼ ਟ੍ਰੈਂਡੀ ਹੈ, ਸਗੋਂ ਪ੍ਰੈਕਟੀਕਲ ਵੀ, ਜੋ ਉਨ੍ਹਾਂ ਨੂੰ ਕਾਨਫੀਡੈਂਟ ਅਤੇ ਫੈਸ਼ਨੇਬਲ ਫੀਲ ਕਰਾਉਂਦੀ ਹੈ। ਓਵਰਸਾਈਜ਼ ਸ਼ਰਟ ਮੁਟਿਆਰਾਂ ਦੇ ਸਟਾਈਲ ਨੂੰ ਨਵੇਂ ਲੈਵਲ ’ਤੇ ਲੈ ਜਾਂਦੀ ਹੈ।
ਦਿੱਲੀ-NCR 'ਚ ਬਦਲਿਆ ਮੌਸਮ: ਮੀਂਹ ਤੇ ਤੇਜ਼ ਹਵਾਵਾਂ ਨਾਲ ਪਾਰਾ ਡਿੱਗਿਆ, ਟੁੱਟਿਆ 3 ਸਾਲਾਂ ਦਾ ਰਿਕਾਰਡ
NEXT STORY 
