ਭੋਪਾਲ- ਇਕ ਨੌਜਵਾਨ 80 ਫੁੱਟ 'ਤੇ ਚੜ੍ਹ ਗਿਆ। ਲੋਕਾਂ ਨੇ ਵੇਖਿਆ ਤਾਂ ਉਹ ਹੈਰਾਨ ਰਹਿ ਗਏ। ਹਾਲਾਂਕਿ ਕੁਝ ਹੀ ਦੇਰ ਬਾਅਦ ਨੌਜਵਾਨ ਖ਼ੁਦ ਹੀ ਹੇਠਾਂ ਉਤਰ ਆਇਆ, ਜਿਸ ਤੋਂ ਬਾਅਦ ਪੁਲਸ ਨੇ ਉਸ ਨੂੰ ਹਿਰਾਸਤ ਵਿਚ ਲੈ ਲਿਆ। ਮੱਧ ਪ੍ਰਦੇਸ਼ ਦੀ ਰਾਜਧਾਨੀ ਭੋਪਾਲ ਤੋਂ ਇਹ ਹਾਈ ਵੋਲਟੇਜ ਡਰਾਮਾ ਵੇਖਣ ਨੂੰ ਮਿਲਿਆ। ਜਾਣਕਾਰੀ ਮੁਤਾਬਕ ਇਹ ਘਟਨਾ ਜਹਾਂਗੀਰਾਬਾਦ ਥਾਣਾ ਖੇਤਰ ਦੇ ਬਰਖੇੜੀ ਇਲਾਕੇ ਦੀ ਹੈ। ਇੱਥੇ ਇਕ ਨੌਜਵਾਨ ਰੇਲਵੇ ਅੰਡਰਬ੍ਰਿਜ ਨੇੜੇ ਸਥਿਤ ਮੋਬਾਈਲ ਟਾਵਰ 'ਤੇ ਚੜ੍ਹ ਗਿਆ ਸੀ। ਜਦੋਂ ਲੋਕਾਂ ਨੇ ਉਸ ਨੂੰ ਚੜ੍ਹਦੇ ਦੇਖਿਆ ਤਾਂ ਉਨ੍ਹਾਂ ਨੇ ਉਸ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ ਪਰ ਉਹ ਨਹੀਂ ਮੰਨਿਆ ਅਤੇ ਟਾਵਰ 'ਤੇ ਬਹੁਤ ਉੱਚਾ ਪਹੁੰਚ ਗਿਆ। ਕੁਝ ਦੇਰ ਵਿੱਚ ਹੀ ਨੌਜਵਾਨ ਟਾਵਰ ਦੀ ਵੱਧ ਤੋਂ ਵੱਧ ਉਚਾਈ ਯਾਨੀ 80 ਫੁੱਟ ਤੱਕ ਪਹੁੰਚ ਗਿਆ।
ਇਹ ਵੀ ਪੜ੍ਹੋ- ਕੜਾਕੇ ਦੀ ਠੰਡ ਲਈ ਹੋ ਜਾਓ ਤਿਆਰ, IMD ਵਲੋਂ ਮੀਂਹ ਦਾ ਅਲਰਟ
ਮੌਕੇ 'ਤੇ ਪਹੁੰਚੀ ਨਗਰ ਨਿਗਮ ਦੀ ਕਰੇਨ
ਇਸ ਤੋਂ ਬਾਅਦ ਨੌਜਵਾਨ ਨੇ ਟਾਵਰ ਨੂੰ ਜ਼ੋਰ-ਜ਼ੋਕ ਨਾਲ ਹਿਲਾਉਣਾ ਸ਼ੁਰੂ ਕਰ ਦਿੱਤਾ। ਉੱਚੇ ਟਾਵਰ ਨੂੰ ਹਿੱਲ ਦਾ ਵੇਖ ਕੇ ਸਥਾਨਕ ਲੋਕ ਦੰਗ ਰਹਿ ਗਏ ਅਤੇ ਹਾਦਸੇ ਦਾ ਖਦਸ਼ਾ ਬਣ ਗਿਆ। ਲੋਕਾਂ ਨੇ ਤੁਰੰਤ ਇਸ ਮਾਮਲੇ ਦੀ ਸੂਚਨਾ ਜਹਾਂਗੀਰਾਬਾਦ ਪੁਲਸ ਸਟੇਸ਼ਨ ਨੂੰ ਦਿੱਤੀ। ਕੁਝ ਲੋਕਾਂ ਨੇ ਨਗਰ ਨਿਗਮ ਦੇ ਕੰਟਰੋਲ ਰੂਮ ਨੂੰ ਵੀ ਸੂਚਨਾ ਦਿੱਤੀ। ਸੂਚਨਾ ਮਿਲਦੇ ਹੀ ਨਗਰ ਨਿਗਮ ਦੀ ਕਰੇਨ ਮੌਕੇ 'ਤੇ ਪਹੁੰਚ ਗਈ।
ਇਹ ਵੀ ਪੜ੍ਹੋ- ਮਹਾਕੁੰਭ ਜਾਣ ਦੀ ਸ਼ਖ਼ਸ ਦੀ ਅਜਿਹੀ ਜ਼ਿੱਦ, ਪੜ੍ਹ ਤੁਸੀਂ ਵੀ ਰਹਿ ਜਾਓਗੇ ਦੰਗ
ਨਸ਼ੇ ਦੀ ਹਾਲਤ 'ਚ ਟਾਵਰ 'ਤੇ ਚੜ੍ਹਿਆ ਸੀ ਨੌਜਵਾਨ
ਟਾਵਰ ਦੇ ਹੇਠਾਂ ਤੋਂ ਪੁਲਸ ਅਤੇ ਨਗਰ ਨਿਗਮ ਦੀ ਟੀਮ ਫੋਨ ਕਰਕੇ ਨੌਜਵਾਨ ਨੂੰ ਮਨਾਉਣ ਦੀ ਕੋਸ਼ਿਸ਼ ਕਰਦੀ ਰਹੀ। ਕਰੀਬ 20 ਮਿੰਟ ਦੀ ਜੱਦੋ-ਜਹਿਦ ਤੋਂ ਬਾਅਦ ਨੌਜਵਾਨ ਖੁਦ ਟਾਵਰ ਤੋਂ ਹੇਠਾਂ ਆ ਗਿਆ। ਨੌਜਵਾਨ ਜਿਵੇਂ ਹੀ ਹੇਠਾਂ ਆਇਆ ਤਾਂ ਪੁਲਸ ਨੇ ਉਸ ਨੂੰ ਹਿਰਾਸਤ 'ਚ ਲੈ ਲਿਆ। ਨੌਜਵਾਨ ਦਾ ਨਾਂ ਵਿਵੇਕ ਹੈ, ਜਿਸ ਦੀ ਉਮਰ ਕਰੀਬ 33 ਸਾਲ ਹੈ। ਉਹ ਬਹੁਤ ਨਸ਼ੇ ਦੀ ਹਾਲਤ ਵਿਚ ਸੀ। ਉਹ ਨਸ਼ੇ ਦੀ ਹਾਲਤ ਵਿਚ ਟਾਵਰ 'ਤੇ ਚੜ੍ਹਿਆ ਸੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਬਦਰੀਨਾਥ ਜਾਣ ਵਾਲੇ ਸ਼ਰਧਾਲੂਆਂ ਲਈ ਖ਼ਾਸ ਖ਼ਬਰ: 4 ਮਈ ਨੂੰ ਖੁੱਲ੍ਹਣਗੇ ਕਪਾਟ
NEXT STORY 
