ਨੈਸ਼ਲਲ ਡੈਸਕ : ਨੋਇਡਾ ਰੇਵ ਪਾਰਟੀ ਮਾਮਲੇ 'ਚ ਗਵਾਹ ਨੂੰ ਧਮਕਾਉਣ ਦੇ ਦੋਸ਼ 'ਚ ਯੂਟਿਊਬਰ ਐਲਵਿਸ਼ ਯਾਦਵ ਖਿਲਾਫ ਗਾਜ਼ੀਆਬਾਦ ਦੇ ਨੰਦਗ੍ਰਾਮ ਪੁਲਸ ਸਟੇਸ਼ਨ 'ਚ ਐੱਫ. ਆਈ. ਆਰ. ਦਰਜ ਕੀਤੀ ਗਈ ਹੈ। ਪੁਲਸ ਨੇ ਮੰਗਲਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਵਧੀਕ ਸਿਵਲ ਜੱਜ ਪ੍ਰਤਿਭਾ ਵੱਲੋਂ 24 ਜਨਵਰੀ ਨੂੰ ਦਿੱਤੇ ਹੁਕਮਾਂ ਤੋਂ ਬਾਅਦ ਐੱਫ. ਆਈ. ਆਰ. ਦਰਜ ਕੀਤੀ ਗਈ ਹੈ। ਪੀਪਲ ਫਾਰ ਐਨੀਮਲਜ਼ (ਪੀਐੱਫਏ) ਅਧਿਕਾਰੀ ਸੌਰਭ ਗੁਪਤਾ ਨੋਇਡਾ ਵਿੱਚ ਯਾਦਵ ਦੁਆਰਾ ਆਯੋਜਿਤ ਇੱਕ ਪਾਰਟੀ ਵਿੱਚ ਸੱਪ ਦੇ ਜ਼ਹਿਰ ਦੀ ਸ਼ੱਕੀ ਵਰਤੋਂ ਦੇ ਮਾਮਲੇ ਵਿੱਚ ਗਵਾਹ ਹੈ।
ਉਸ ਨੇ ਦੋਸ਼ ਲਗਾਇਆ, "10 ਮਈ, 2024 ਨੂੰ ਅਲਵਿਸ਼ ਅਤੇ ਉਸਦੇ ਸਮਰਥਕ ਕਈ ਵਾਹਨਾਂ ਵਿੱਚ ਰਾਜ ਨਗਰ ਐਕਸਟੈਂਸ਼ਨ ਵਿੱਚ ਉਸਦੀ ਸੁਸਾਇਟੀ ਵਿੱਚ ਆਏ ਸਨ ਅਤੇ ਉਸ ਨੂੰ ਧਮਕੀ ਦਿੱਤੀ ਸੀ ਕਿ ਉਸਨੇ ਨੰਦਗ੍ਰਾਮ ਪੁਲਸ ਨੂੰ ਇਸਦੀ ਸ਼ਿਕਾਇਤ ਕੀਤੀ ਸੀ।" ਉਸ ਨੇ ਅਦਾਲਤ ਤੱਕ ਪਹੁੰਚ ਕੀਤੀ। ਸੌਰਭ ਦੇ ਭਰਾ ਗੌਰਵ ਗੁਪਤਾ ਨੇ ਨਵੰਬਰ 2023 ਵਿੱਚ ਨੋਇਡਾ ਵਿੱਚ ਇੱਕ ਪਾਰਟੀ ਵਿੱਚ ਸੱਪ ਦੇ ਜ਼ਹਿਰ ਦੀ ਸ਼ੱਕੀ ਵਰਤੋਂ ਲਈ ਐਲਵਿਸ਼ ਖ਼ਿਲਾਫ਼ ਸ਼ਿਕਾਇਤ ਦਰਜ ਕਰਵਾਈ ਸੀ।
ਇਹ ਵੀ ਪੜ੍ਹੋ : ਪ੍ਰਯਾਗਰਾਜ ਮਹਾਕੁੰਭ ਜਾ ਰਹੀ ਬੱਸ ਹੋਈ ਹਾਦਸੇ ਦੀ ਸ਼ਿਕਾਰ, 25 ਸ਼ਰਧਾਲੂ ਜ਼ਖਮੀ
ਸੌਰਭ ਨੇ ਦੋਸ਼ ਲਾਇਆ, “ਜਦੋਂ ਤੋਂ ਨੋਇਡਾ ਵਿੱਚ ਕੇਸ ਦਰਜ ਹੋਇਆ ਹੈ, ਉਦੋਂ ਤੋਂ ਹੀ ਐਲਵਿਸ਼ ਸਾਨੂੰ ਦੋਵਾਂ ਨੂੰ ਝੂਠੇ ਕੇਸ ਵਿੱਚ ਫਸਾਉਣ ਜਾਂ ਦੁਰਘਟਨਾ ਕਰਕੇ ਜਾਨੋਂ ਮਾਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਯਾਦਵ ਸੋਸ਼ਲ ਮੀਡੀਆ ਰਾਹੀਂ ਰੋਜ਼ਾਨਾ ਧਮਕੀਆਂ ਦੇ ਰਿਹਾ ਹੈ। ਨੰਦਗ੍ਰਾਮ ਥਾਣੇ ਦੇ ਇੰਚਾਰਜ ਧਰਮਪਾਲ ਸਿੰਘ ਨੇ ਪੀਟੀਆਈ ਨੂੰ ਦੱਸਿਆ ਕਿ ਸੋਮਵਾਰ ਰਾਤ ਨੂੰ ਭਾਰਤੀ ਦੰਡਾਵਲੀ ਦੀ ਧਾਰਾ 506 (ਅਪਰਾਧਿਕ ਧਮਕੀ) ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਸੀ ਅਤੇ ਜਾਂਚ ਚੱਲ ਰਹੀ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
'IPO 'ਚ ਕੀਤਾ ਨਿਵੇਸ਼'... ਹੋ ਗਈ 1 ਕਰੋੜ 35 ਲੱਖ ਦੀ ਠੱਗੀ
NEXT STORY 
