ਦਿੱਲੀ- ਹਰਿਆਣਾ ਅਤੇ ਮਹਾਰਾਸ਼ਟਰ 'ਚ ਪ੍ਰਧਾਨ ਮੰਤਰੀ ਮੋਦੀ ਦੇ ਜ਼ਬਰਦਸਤ ਪ੍ਰਚਾਰ ਤੋਂ ਬਾਅਦ ਕਾਂਗਰਸ ਨੂੰ ਆਪਣੀ ਖਰਾਬ ਸਥਿਤੀ ਦੀ ਰਿਪੋਰਟ ਮਿਲ ਰਹੀ ਹੈ। ਕਾਂਗਰਸ ਦਾ ਪਾਰਟੀ ਪ੍ਰਚਾਰ ਅਭਿਆਨ ਮੋਦੀ ਦੀਆਂ ਰੈਲੀਆਂ ਸਾਹਮਣੇ ਕਮਜ਼ੋਰ ਸਾਬਤ ਹੋਈਆਂ ਹਨ। ਮੋਦੀ ਦੇ ਭਾਸ਼ਣਾਂ ਅਤੇ ਮੀਡਿਆ ਦੀ ਤਵਜੋ ਕਾਰਨ ਦੋਹਾਂ ਸੂਬਿਆਂ 'ਚ ਕਾਂਗਰਸ ਸਰਕਾਰਾਂ ਦੇ ਵਿਰੁੱਧ ਲੋਕਾਂ ਦੇ ਗੁੱਸੇ ਨੂੰ ਹੋਰ ਹਵਾ ਮਿਲੀ ਹੈ। ਸੋਨੀਆ ਅਤੇ ਰਾਹੁਲ ਨੂੰ ਦੋਹਾਂ ਸੂਬਿਆਂ 'ਚ 20 ਰੈਲੀਆਂ ਕਰਨੀਆਂ ਸਨ ਪਰ ਦੋਹਾਂ ਨੇ ਮਿਲ ਕੇ ਸਿਰਫ 17 ਰੈਲੀਆਂ ਹੀ ਕਰ ਪਾਏ ਸਨ। ਦੂਜੇ ਪਾਸੇ ਮੋਦੀ ਨੇ ਦੋਹਾਂ ਸੂਬਿਆਂ 'ਚ 37 ਰੈਲੀਆਂ ਕਰਕੇ ਜਨਤਾ ਨਾਲ ਸਿਧੀ ਗੱਲਬਾਤ ਕੀਤੀ।
ਮੋਦੀ ਨੇ ਮਹਾਰਾਸ਼ਟਰ 'ਚ 27 ਅਤੇ ਹਰਿਆਣਾ 'ਚ 10 ਰੈਲੀਆਂ ਕੀਤੀਆਂ। ਹਰਿਆਣਾ ਦੇ ਬੁਲਾਰੇ ਕਾਂਗਰਸ ਸੱਕਤਰ ਸ਼ਕੀਲ ਅਹਿਮਦ ਨੂੰ ਸੌਂਪੀ ਗਈ ਰਿਪੋਰਟ 'ਚ ਭਾਜਪਾ ਦੇ ਜ਼ਮੀਨੀ ਪ੍ਰਚਾਰ ਨੂੰ ਵੀ ਜੀਵੰਤ ਕਿਹਾ ਗਿਆ ਹੈ। ਰਿਪੋਰਟ 'ਚ ਉਦਾਹਰਣ ਦਿੱਤਾ ਗਿਆ ਕਿ ਦੁਸ਼ਹਿਰੇ ਦੇ ਦਿਨ ਭਾਜਪਾ ਨੇ ਲੱਗਭਗ ਸਾਰੀਆਂ ਵਿਧਾਨ ਸਭਾ ਸੀਟਾਂ 'ਚ ਰਾਵਣ ਦੇ ਰੂਪ 'ਚ ਮੁਖ ਮੰਤਰੀ ਭੁੰਪਿਦਰ ਸਿਘ ਹੁੱਡਾ, ਮੇਘਨਾਥ ਦੇ ਰੂਪ 'ਚ ਪਾਰਟੀ ਦੇ ਉਮੀਦਵਾਰਾਂ ਦੇ ਪੁੱਤਲੇ ਵੀ ਸਾੜੇ ਹਨ। ਮਹਾਰਾਸ਼ਟਰ ਦੇ ਬੁਲਾਰੇ ਕਾਂਗਰਸ ਸੱਕਤਰ ਮੋਹਨ ਪ੍ਰਕਾਸ਼ ਨੂੰ ਮਿਲੀ ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਮੋਦੀ ਹੀ ਨਹੀਂ ਸਗੋਂ ਅਮਿਤ ਸ਼ਾਹ ਦੀਆਂ ਰੈਲੀਆਂ ਵੀ ਬਹੁਤ ਸਫਲ ਰਹੀਆਂ। ਅਮਿਤ ਸ਼ਾਹ ਦੇ ਦੋਹਾਂ ਸੂਬਿਆਂ 'ਚ ਲੱਗਭਗ ਢਾਈ ਦਰਜਨ ਰੈਲੀਆਂ ਕੀਤੀਆਂ। ਉਧਰ ਹਰਿਆਣਾ 'ਚ ਸੋਨੀਆ ਨੇ ਸਿਰਫ ਤਿੰਨ ਅਤੇ ਰਾਹੁਲ ਨੇ ਚਾਰ ਰੈਲੀਆਂ ਕੀਤੀਆਂ। ਮਹਾਰਾਸ਼ਟਰ 'ਚ ਸੋਨੀਆ ਨੇ ਚਾਰ ਰੈਲੀਆਂ ਕੀਤੀਆਂ ਤਾਂ ਰਾਹੁਲ ਨੇ 10 ਰੈਲੀਆਂ ਕੀਤੀਆਂ।
ਦੋਹਾਂ ਸੁਬਿਆਂ 'ਚ ਦੋਹਾਂ ਦੀ ਸਿਰਫ 17 ਰੈਲੀਆਂ ਹੀ ਹੋਈਆਂ ਜਦਕਿ ਦੋਹਾਂ ਦੀਆਂ 20 ਰੈਲੀਆਂ ਪ੍ਰਸਤਾਵਿਤ ਸਨ। ਉਥੇ ਮੋਦੀ ਨੇ ਮਹਾਰਸ਼ਟਰ 'ਚ 27 ਅਤੇ ਹਰਿਆਣਾ 'ਚ 10 ਰੈਲੀਆਂ 'ਚ ਸ਼ਿਰਕਤ ਕੀਤੀ। ਸੋਨੀਆ ਅਤੇ ਰਾਹੁਲ 'ਤੇ ਮੋਦੀ ਫਿਰ ਭਾਰੀ ਪਏ। ਪਾਰਟੀ ਦੀ ਮੀਡਿਆ ਵਿਭਾਗ ਦੀ ਰਿਪੋਰਟ ਵੀ ਕਹਿ ਰਹੀ ਹੈ ਕਿ ਚਾਰ ਅਕਤੂਬਰ ਤੋਂ ਬਾਅਦ ਦੋਹਾਂ ਸੂਬਿਆਂ ਦੀਆਂ ਅਖਬਾਰਾਂ ਦੇ ਪਹਿਲੇ ਪੰਨ੍ਹੇ 'ਤੇ ਮੋਦੀ ਦੀਆਂ ਰੈਲੀਆਂ ਦੀਆਂ ਖਬਰਾਂ ਪ੍ਰਮੁੱਖਤਾ ਨਾਲ ਛੱਪੀਆਂ। ਉਥੇ ਹੀ ਰਾਹੁਲ ਗਾਂਧੀ ਨੇ ਵੋਟਿੰਗ ਤੋਂ 8 ਦਿਨ ਪਹਿਲਾਂ ਚੋਣ ਪ੍ਰਚਾਰ ਸ਼ੁਰੂ ਕੀਤਾ ਅਤੇ ਉਨ੍ਹਾਂ ਦੀਆਂ ਰੈਲੀਆਂ ਨੂੰ ਮੋਦੀ ਦੇ ਮੁਕਾਬਲੇ ਘੱਟ ਤਵਜੋ ਮਿਲੀ। ਰਿਪੋਰਟ 'ਚ ਕਿਹਾ ਗਿਆ ਕਿ ਸੋਨੀਆ ਨੇ ਮਹਾਰਾਸ਼ਟਰ ਦੀ ਰੈਲੀ 'ਚ ਕਿਹਾ ਸੀ ਕਿ ਜਿਹੜੇ ਲੋਕ ਚਿਕਦੇ ਹਨ। ਉਹ ਸੱਚ ਨਹੀਂ ਬੋਲਦੇ। ਇਹ ਬਿਆਨ ਮੀਡਿਆ 'ਚ ਖਾਸ ਚਰਚਾ 'ਚ ਰਿਹਾ ਪਰ ਇਸ ਤੋਂ ਬਾਅਦ ਵੀ ਪ੍ਰਚਾਰ 'ਚ ਤਿਖਾਪਨ ਦੇਖਣ ਨੂੰ ਨਹੀਂ ਮੀਲਿਆ।
ਚੋਣ ਕਮਿਸ਼ਨ ਨੇ ਰਾਜ ਠਾਕਰੇ ਦੇ ਖਿਲਾਫ ਨੋਟਿਸ ਜਾਰੀ ਕੀਤਾ
NEXT STORY 
