ਪਾਣੀ ਦੀ ਇਕ-ਇਕ ਬੂੰਦ ਨਾਲ ਜਿਸ ਤਰ੍ਹਾਂ ਘੜਾ ਭਰ ਜਾਂਦਾ ਹੈ, ਉਸੇ ਤਰ੍ਹਾਂ ਥੋੜ੍ਹੇ ਜਿਹੇ ਅਭਿਆਸ ਨਾਲ ਹਰ ਤਰ੍ਹਾਂ ਦੀ ਵਿੱਦਿਆ, ਧਾਰਮਿਕ ਗਿਆਨ ਤੇ ਧਨ ਹਾਸਲ ਕੀਤਾ ਜਾ ਸਕਦਾ ਹੈ। ਵਿਦਵਾਨ ਨੂੰ ਭੋਜਨ ਤੇ ਹੋਰ ਲੋੜਾਂ ਪੂਰੀਆਂ ਕਰਨ ਦਾ ਫਿਕਰ ਛੱਡ ਕੇ ਸਿਰਫ ਧਰਮ ਸੰਗ੍ਰਹਿ ਦਾ ਫਿਕਰ ਕਰਨਾ ਚਾਹੀਦਾ ਹੈ ਕਿਉਂਕਿ ਪ੍ਰਮਾਤਮਾ ਨੇ ਉਸ ਦੀਆਂ ਸੰਸਾਰਕ ਲੋੜਾਂ ਦੀ ਪੂਰਤੀ ਦਾ ਪ੍ਰਬੰਧ ਪਹਿਲਾਂ ਹੀ ਕਰ ਦਿੱਤਾ ਹੈ। ਜੀਵਨ ਵਿਚ ਸਫਲਤਾ ਪ੍ਰਾਪਤ ਕਰਨ ਦਾ ਕੋਈ ਸ਼ਾਰਟਕਟ ਨਹੀਂ। ਜੀਵਨ ਵਿਚ ਧੀਰਜ ਨਾਲ ਆਪਣੇ ਕਰਮ ਦੇ ਨਾਲ ਹੀ ਗਿਆਨ ਹਾਸਲ ਕਰਨ ਦਾ ਲਗਾਤਾਰ ਅਭਿਆਸ ਕਰਨਾ ਹੀ ਸਫਲਤਾ ਦਾ ਮੰਤਰ ਹੈ। ਸ਼ਾਰਟਕਟ ਲੱਭਣ ਦਾ ਮਤਲਬ ਹੈ ਗੈਰ-ਕੁਦਰਤੀ ਸਾਧਨਾਂ ਵੱਲ ਆਕਰਸ਼ਿਤ ਹੋ ਕੇ ਆਪਣੇ ਲਈ ਮੁਸੀਬਤਾਂ ਨੂੰ ਸੱਦਾ ਦੇਣਾ। ਲੋਕ ਇਕ ਦਿਨ ਵਿਚ ਹੀ ਲੱਖਪਤੀ ਤੇ ਫਿਰ ਕਰੋੜਪਤੀ ਬਣਨਾ ਚਾਹੁੰਦੇ ਹਨ। ਸੱਚੀ ਗੱਲ ਤਾਂ ਇਹ ਹੈ ਕਿ ਗੈਰ-ਕਾਨੂੰਨੀ ਕੰਮਾਂ ਵਿਚ ਪੈ ਕੇ ਹੀ ਇਹ ਹੋ ਸਕਦਾ ਹੈ ਪਰ ਚੰਗੇ ਤੇ ਮਿਹਨਤ ਭਰੇ ਕਾਰੋਬਾਰ ਵਿਚ ਤਾਂ ਧੀਰਜ ਦੇ ਨਾਲ ਹੀ ਤਰੱਕੀ ਵੱਲ ਵਧਿਆ ਜਾ ਸਕਦਾ ਹੈ। ਸ਼ਾਂਤੀ ਭਰਿਆ ਜੀਵਨ ਜਿਊਣ ਦੀ ਇੱਛਾ ਰੱਖਣ ਵਾਲਿਆਂ ਨੂੰ ਆਪਣੇ ਕਾਰੋਬਾਰ ਤੇ ਨੌਕਰੀ ਦੇ ਨਾਲ ਹੀ ਅਧਿਆਤਮਿਕ ਵਿਸ਼ਿਆਂ ਵਿਚ ਵੀ ਦਿਲਚਸਪੀ ਲੈਣੀ ਚਾਹੀਦੀ ਹੈ। ਉਨ੍ਹਾਂ ਨੂੰ ਜੀਵਨ ਵਿਚ ਮਿਹਨਤ ਤੋਂ ਬਚਣ ਦੀ ਕੋਸ਼ਿਸ਼ ਨਹੀਂ ਕਰਨੀ ਚਾਹੀਦੀ। ਕੰਮ ਕਰਨ ਨਾਲ ਹੀ ਆਤਮਵਿਸ਼ਵਾਸ ਵਧਦਾ ਹੈ ਅਤੇ ਇਸ ਦੇ ਲਈ ਜ਼ਰੂਰੀ ਹੈ ਕਿ ਆਪਣੀਆਂ ਕੋਸ਼ਿਸ਼ਾਂ ਵਿਚ ਨੈਤਿਕਤਾ ਤੇ ਈਮਾਨਦਾਰੀ ਵਰਤੀ ਜਾਵੇ।
ਬਿਨਾਂ ਕਾਰਨ ਰੌਲਾ ਨਾ ਪਾਓ
NEXT STORY 
