ਮਨੁੱਖ ਇੰਨਾ ਧੋਖੇਬਾਜ਼ ਹੈ ਕਿ ਉਹ ਆਪਣੀਆਂ ਹੀ ਗੱਲਾਂ ਨਾਲ ਖੁਦ ਨੂੰ ਧੋਖਾ ਦੇਣ 'ਚ ਸਮਰੱਥ ਹੋ ਜਾਂਦਾ ਹੈ। ਪ੍ਰਮਾਤਮਾ ਦੀ ਬਹੁਤ ਚਰਚਾ ਕਰਕੇ ਤੁਹਾਨੂੰ ਲਗਦਾ ਹੈ ਕਿ ਤੁਸੀਂ ਪ੍ਰਮਾਤਮਾ ਨੂੰ ਜਾਣ ਲਿਆ ਹੈ। ਅਸਲ ਵਿਚ ਪ੍ਰਮਾਤਮਾ ਬਾਰੇ ਜਾਣਨਾ ਉਸ ਨੂੰ ਜਾਣਨਾ ਨਹੀਂ। ਇਹ ਤਾਂ ਇੰਝ ਹੈ ਜਿਵੇਂ ਕੋਈ ਪਿਆਸਾ ਪਾਣੀ ਬਾਰੇ ਸੁਣਦਾ-ਸੁਣਦਾ ਸੋਚ ਲਵੇ ਕਿ ਪਾਣੀ ਨੂੰ ਜਾਣ ਲਿਆ। ਇਸ ਨਾਲ ਪਿਆਸ ਨਹੀਂ ਬੁੱਝੇਗੀ। ਪਾਣੀ ਦੀ ਚਰਚਾ ਕਰਨ ਨਾਲ ਕਦੇ ਕਿਸੇ ਦੀ ਪਿਆਸ ਬੁਝੀ ਹੈ? ਪ੍ਰਮਾਤਮਾ ਦੀ ਚਰਚਾ ਨਾਲ ਵੀ ਪਿਆਸ ਨਹੀਂ ਬੁੱਝੇਗੀ ਅਤੇ ਜਿਸ ਦੀ ਬੁਝ ਜਾਵੇ, ਸਮਝੋ ਕਿ ਪਿਆਸ ਲੱਗੀ ਹੀ ਨਹੀਂ ਸੀ। ਬੁੱਧ ਕਹਿੰਦੇ ਹਨ ਕਿ ਜੇ ਜਾਣਨਾ ਹੀ ਹੋਵੇ ਤਾਂ ਪ੍ਰਮਾਤਮਾ ਬਾਰੇ ਨਾ ਸੋਚੋ, ਆਪਣੇ ਬਾਰੇ ਸੋਚੋ। ਤੁਸੀਂ ਬਦਲ ਜਾਵੋ, ਤੁਹਾਡੀ ਅੱਖ ਬਦਲ ਜਾਵੇ, ਤੁਹਾਡਾ ਦੇਖਣ ਦਾ ਢੰਗ ਬਦਲ ਜਾਵੇ, ਤੁਹਾਡੇ ਬੰਦ ਝਰੋਖੇ ਖੁੱਲ੍ਹ ਜਾਣ, ਤੁਹਾਡਾ ਹਨੇਰੇ ਨਾਲ ਭਰਿਆ ਅੰਤਰਮਨ ਰੌਸ਼ਨ ਹੋ ਜਾਵੇ ਤਾਂ ਤੁਸੀਂ ਪ੍ਰਮਾਤਮਾ ਨੂੰ ਜਾਣ ਲਵੋਗੇ।
ਹਰੇਕ ਭੁੱਲ ਕੁਝ ਨਾ ਕੁਝ ਸਿੱਖਿਆ ਦਿੰਦੀ ਹੈ
NEXT STORY 
