* ਜੇ ਤੁਸੀਂ ਫੁੱਲ ਚਾਹੁੰਦੇ ਹੋ ਤਾਂ ਪਾਣੀ ਨਾਲ ਪੌਦਿਆਂ ਨੂੰ ਸਿੰਜਣਾ ਵੀ ਸਿੱਖੋ।
* ਜੇ ਕੋਈ ਦੂਜਿਆਂ ਦੀ ਜ਼ਿੰਦਗੀ ਖੁਸ਼ਹਾਲ ਬਣਾਉਂਦਾ ਹੈ ਤਾਂ ਉਸ ਦੀ ਜ਼ਿੰਦਗੀ ਆਪਣੇ-ਆਪ ਖੁਸ਼ਹਾਲ ਬਣ ਜਾਂਦੀ ਹੈ।
* ਜੇ ਕੋਈ ਤੁਹਾਡੇ ਨੇੜੇ ਹੋਰ ਕਿਸੇ ਸਾਥੀ ਦੀ ਨਿੰਦਾ ਕਰਨਾ ਚਾਹੇ ਤਾਂ ਤੁਸੀਂ ਉਸ ਵੱਲ ਕੋਈ ਧਿਆਨ ਨਾ ਦਿਓ। ਇਨ੍ਹਾਂ ਗੱਲਾਂ ਨੂੰ ਸੁਣਨਾ ਵੀ ਵੱਡਾ ਪਾਪ ਹੈ। ਇਸ ਨਾਲ ਭਵਿੱਖ ਵਿਚ ਲੜਾਈ-ਝਗੜੇ ਪੈਦਾ ਹੋਣਗੇ।
* ਜੇ ਵਿਅਕਤੀ ਦੇ ਸੰਸਕਾਰ ਪ੍ਰਬਲ ਹੁੰਦੇ ਹਨ ਤਾਂ ਉਹ ਨੈਤਿਕਤਾ ਤੋਂ ਭਟਕਦਾ ਨਹੀਂ।
* ਜੇ ਪੁੱਤਰ ਵਿਦਵਾਨ ਤੇ ਮਾਪਿਆਂ ਦੀ ਸੇਵਾ ਕਰਨ ਵਾਲਾ ਨਾ ਹੋਵੇ ਤਾਂ ਉਸ ਦਾ ਧਰਤੀ 'ਤੇ ਜਨਮ ਲੈਣਾ ਵਿਅਰਥ ਹੈ।
* ਜੇ ਜ਼ਿਆਦਾ ਪੈਸਾ ਕਮਾਉਣਾ ਹੱਥ ਦੀ ਗੱਲ ਨਹੀਂ ਤਾਂ ਘੱਟ ਖਰਚ ਕਰਨਾ ਤਾਂ ਹੱਥ ਦੀ ਗੱਲ ਹੈ ਕਿਉਂਕਿ ਖਰਚੀਲਾ ਜੀਵਨ ਬਣਾਉਣਾ ਆਪਣੀ ਆਜ਼ਾਦੀ ਗੁਆਉਣਾ ਹੈ।
* ਜੇ ਸੱਜਣਾਂ ਦੇ ਰਸਤੇ 'ਤੇ ਪੂਰਾ ਨਹੀਂ ਚੱਲਿਆ ਜਾ ਸਕਦਾ ਤਾਂ ਥੋੜ੍ਹਾ ਹੀ ਚੱਲੋ।
* ਜੇ ਤੁਹਾਨੂੰ ਮਰਨ ਦਾ ਡਰ ਹੈ ਤਾਂ ਇਸ ਦਾ ਮਤਲਬ ਇਹੋ ਹੈ ਕਿ ਤੁਸੀਂ ਜ਼ਿੰਦਗੀ ਦੀ ਅਹਿਮੀਅਤ ਹੀ ਨਹੀਂ ਸਮਝਦੇ।
* ਜੇ ਤੁਹਾਨੂੰ ਕੋਈ ਕੰਮ ਮੁਸ਼ਕਿਲ ਲਗਦਾ ਹੈ ਤਾਂ ਇਸ ਦਾ ਮਤਲਬ ਹੈ ਕਿ ਤੁਸੀਂ ਉਸ ਕੰਮ ਨੂੰ ਗਲਤ ਢੰਗ ਨਾਲ ਕਰ ਰਹੇ ਹੋ।
* ਜੇ ਬਚਪਨ ਤੇ ਮਾਂ ਦੀ ਕੁੱਖ ਦੀ ਯਾਦ ਰਹੇ ਤਾਂ ਅਸੀਂ ਕਦੇ ਵੀ ਮਾਪਿਆਂ ਨਾਲ ਧੋਖਾ ਨਹੀਂ ਕਰ ਸਕਦੇ। ਅਪਮਾਨ ਦੀਆਂ ਉਚਾਈਆਂ ਛੂਹਣ ਤੋਂ ਬਾਅਦ ਵੀ ਬੀਤੇ ਸਮੇਂ ਦੀ ਯਾਦ ਵਿਅਕਤੀ ਦੇ ਪੈਰ ਜ਼ਮੀਨ ਤੋਂ ਉਖੜਣ ਨਹੀਂ ਦਿੰਦੀ।
* ਜੇ ਮਨੁੱਖ ਕੁਝ ਸਿੱਖਣਾ ਚਾਹੇ ਤਾਂ ਉਸ ਦੀ ਹਰੇਕ ਭੁੱਲ ਕੁਝ ਨਾ ਕੁਝ ਸਿਖਾ ਦਿੰਦੀ ਹੈ।
* ਜੇ ਉਪਯੋਗੀ ਤੇ ਅਹਿਮ ਬਣ ਕੇ ਸਨਮਾਨ ਹਾਸਿਲ ਕਰਨਾ ਹੈ ਤਾਂ ਸਾਰਿਆਂ ਦੇ ਕੰਮ ਦੇ ਬਣੋ ਅਤੇ ਹਮੇਸ਼ਾ ਸਰਗਰਮ ਰਹੋ।
* ਇਹ ਸੱਚ ਹੈ ਕਿ ਸੱਚਾਈ ਨੂੰ ਅਪਨਾਉਣਾ ਚੰਗੀ ਗੱਲ ਹੈ ਪਰ ਕਿਸੇ ਸੱਚ ਨਾਲ ਦੂਜੇ ਦਾ ਨੁਕਸਾਨ ਹੁੰਦਾ ਹੋਵੇ ਤਾਂ ਅਜਿਹਾ ਸੱਚ ਬੋਲਣ ਤੋਂ ਪਹਿਲਾਂ ਸੌ ਵਾਰ ਸੋਚ ਲੈਣਾ ਚਾਹੀਦਾ ਹੈ।
ਪਏ-ਪਏ ਤਾਂ ਫੌਲਾਦ ਨੂੰ ਵੀ ਜੰਗਾਲ ਲੱਗ ਜਾਂਦਾ ਹੈ
NEXT STORY 
