* ਪਰਿਵਾਰ ਵਾਲੇ ਸਾਡੇ ਲਈ ਰੱਬ ਦਾ ਰੂਪ ਹਨ। ਉਨ੍ਹਾਂ ਨਾਲ ਜ਼ਿਆਦਾ ਤੋਂ ਜ਼ਿਆਦਾ ਪਿਆਰ ਬਣਾਈ ਰੱਖਣ ਦੀ ਇੱਛਾ ਮਨ ਵਿਚ ਪੈਦਾ ਹੁੰਦੀ ਰਹਿੰਦੀ ਹੈ। ਇਸ ਇੱਛਾ ਪਿੱਛੇ ਵੀ ਇਕ ਦਿਵਿਆ ਆਨੰਦ ਲੁਕਿਆ ਹੁੰਦਾ ਹੈ।
* ਤਰੱਕੀਸ਼ੀਲ ਜੀਵਨ ਸਿਰਫ ਉਹੀ ਜਿਊ ਸਕਦੇ ਹਨ, ਜਿਨ੍ਹਾਂ ਨੇ ਆਪਣੇ ਦਿਲ ਵਿਚ ਕੋਮਲਤਾ, ਦਿਮਾਗ ਵਿਚ ਤੇਜ਼ੀ ਅਤੇ ਸੁਭਾਅ ਵਿਚ ਦ੍ਰਿੜ੍ਹਤਾ ਦਾ ਸਮੁੱਚਾ ਸੁਮੇਲ ਪੈਦਾ ਕਰ ਲਿਆ ਹੁੰਦਾ ਹੈ।
* ਪਰਮਾਰਥ ਦੇ ਬਦਲੇ ਜੇ ਸਾਨੂੰ ਕੁਝ ਕੀਮਤ ਮਿਲੇ, ਭਾਵੇਂ ਉਹ ਪੈਸੇ ਜਾਂ ਅਹੁਦੇ ਦੇ ਰੂਪ ਵਿਚ ਹੋਵੇ ਤਾਂ ਉਹ ਸੱਚਾ ਪਰਮਾਰਥ ਨਹੀਂ।
* ਪਰਾਏ ਧਨ ਪ੍ਰਤੀ ਲਾਲਚ ਪੈਦਾ ਕਰਨਾ ਆਪਣਾ ਨੁਕਸਾਨ ਕਰਨਾ ਹੈ।
* ਪੇਟ ਤੇ ਦਿਮਾਗ ਸਿਹਤ ਦੀ ਗੱਡੀ ਨੂੰ ਠੀਕ ਢੰਗ ਨਾਲ ਚਲਾਉਣ ਵਾਲੇ 2 ਪਹੀਏ ਹਨ। ਇਨ੍ਹਾਂ ਵਿਚੋਂ ਇਕ ਵਿਗੜ ਗਿਆ ਤਾਂ ਦੂਜਾ ਵੀ ਬੇਕਾਰ ਹੀ ਬਣਿਆ ਰਹੇਗਾ।
* ਪੁੰਨ ਤੇ ਭਲਾਈ ਕਰਨ ਦਾ ਕੋਈ ਵੀ ਮੌਕਾ ਟਾਲਣਾ ਨਹੀਂ ਚਾਹੀਦਾ ਕਿਉਂਕਿ ਅਗਲੇ ਪਲ ਇਹ ਦੇਹ ਰਹੇ ਜਾਂ ਨਾ ਰਹੇ, ਕੀ ਪਤਾ।
* ਗੁਲਾਮੀ ਸਮਾਜ ਦੇ ਸਮੁੱੱਚੇ ਮੌਲਿਕ ਨਿਯਮਾਂ ਦੇ ਵਿਰੁੱਧ ਹੈ।
* ਪਤੀ ਨੂੰ ਕਦੇ-ਕਦੇ ਅੰਨ੍ਹਾ ਤੇ ਕਦੇ-ਕਦੇ ਬੋਲ਼ਾ ਵੀ ਬਣਨਾ ਚਾਹੀਦਾ ਹੈ।
* ਹਰੇਕ ਮਨੁੱਖ ਨੂੰ ਜੀਵਨ ਵਿਚ ਸਿਰਫ ਆਪਣੀ ਕਿਸਮਤ ਦੀ ਪ੍ਰੀਖਿਆ ਲੈਣ ਦਾ ਮੌਕਾ ਮਿਲਦਾ ਹੈ। ਉਹੀ ਭਵਿੱਖ ਦਾ ਫੈਸਲਾ ਕਰ ਦਿੰਦੀ ਹੈ।
* ਹਰੇਕ ਚੰਗਾ ਕੰਮ ਪਹਿਲਾਂ ਅਸੰਭਵ ਲੱਗਦਾ ਹੈ।
* ਪਏ-ਪਏ ਤਾਂ ਵਧੀਆ ਤੋਂ ਵਧੀਆ ਫੌਲਾਦ ਨੂੰ ਵੀ ਜੰਗਾਲ ਲੱਗ ਜਾਂਦਾ ਹੈ। ਆਲਸੀ ਬਣ ਕੇ ਹੱਥ 'ਤੇ ਹੱਥ ਰੱਖ ਕੇ ਬੈਠੇ ਰਹਿਣ ਨਾਲ ਸਾਰੀਆਂ ਦੈਵੀ ਸ਼ਕਤੀਆਂ ਮਨੁੱਖ ਦਾ ਸਾਥ ਛੱਡ ਦਿੰਦੀਆਂ ਹਨ।
* ਇਕ-ਇਕ ਪਲ ਦੀ ਸਹੀ ਵਰਤੋਂ ਕਰਨ ਵਾਲੇ ਲੋਕ ਕਦੇ ਵੀ ਅਸਫਲ ਨਹੀਂ ਹੁੰਦੇ। ਸਮੇਂ ਦੇ ਹਰ ਪਲ ਦੀ ਵਰਤੋਂ ਮਨੁੱਖ ਨੂੰ ਵਿਲੱਖਣ ਤੇ ਅਨੋਖਾ ਬਣਾ ਦਿੰਦੀ ਹੈ।
* ਮਾਹਿਰ ਵਿਅਕਤੀ ਉਹੀ ਹੁੰਦਾ ਹੈ ਜੋ ਹਰ ਤਰ੍ਹਾਂ ਦੀ ਸਥਿਤੀ ਵਿਚ ਮੁਹਾਰਤ ਨਾਲ ਕੰਮ ਕਰ ਸਕੇ।
ਮਾਂ ਦਾ ਜੀਵਨ ਬਲੀਦਾਨ ਦਾ ਹੈ
NEXT STORY 
