ਮਾੜਾ ਆਦਮੀ ਮਾੜਾ ਸਿਰਫ ਇਸ ਲਈ ਹੈ ਕਿ ਕਿਉਂਕਿ ਆਪਣੇ ਸਵਾਰਥ ਤੋਂ ਇਲਾਵਾ ਉਹ ਕੁਝ ਵੀ ਨਹੀਂ ਸੋਚਦਾ। ਚੰਗਾ ਆਦਮੀ ਇਸ ਲਈ ਚੰਗਾ ਹੈ ਕਿਉਂਕਿ ਉਹ ਆਪਣੇ ਸਵਾਰਥ ਨਾਲੋਂ ਦੂਜੇ ਦੇ ਸਵਾਰਥ ਨੂੰ ਪਹਿਲ ਦਿੰਦਾ ਹੈ। ਮਾੜਾ ਆਦਮੀ ਸੱਤਾ ਵਿਚ ਆਉਣ ਲਈ ਸਾਰੇ ਮਾੜੇ ਸਾਧਨਾਂ ਦੀ ਵਰਤੋਂ ਕਰਦਾ ਹੈ ਅਤੇ ਇਕ ਵਾਰ ਸੱਤਾ ਵਿਚ ਜਾਣ 'ਤੇ ਜੇ ਮਾੜੇ ਸਾਧਨਾਂ ਦੀ ਵਰਤੋਂ ਸ਼ੁਰੂ ਹੋ ਜਾਵੇ ਤਾਂ ਜੀਵਨ ਦੇ ਹਰ ਖੇਤਰ ਵਿਚ ਮਾੜੇ ਸਾਧਨ ਵਰਤੇ ਜਾਣ ਲੱਗ ਪੈਂਦੇ ਹਨ। ਸਿਆਸਤ ਪੂਰੇ ਜੀਵਨ ਦਾ ਥਰਮਾਮੀਟਰ ਹੈ। ਅੱਜ ਇਸ ਦੇਸ਼ ਵਿਚ ਭਲੇ ਹੋਣਾ ਅਸਫਲਤਾ ਦੀ ਗਾਰੰਟੀ ਮੰਨਿਆ ਜਾਣ ਲੱਗਾ ਹੈ। ਜਿਸ ਕੋਲ ਸੱਤਾ, ਉਹ ਪੂਰੇ ਮੁਲਕ ਨੂੰ ਨਜ਼ਰ ਆਉਂਦਾ ਹੈ। ਭੁੱਲ-ਭੁਲੇਖੇ ਅਸੀਂ ਉਸ ਦੀ ਨਕਲ ਕਰਨੀ ਸ਼ੁਰੂ ਕਰ ਦਿੰਦੇ ਹਾਂ। ਚੰਗੇ ਆਦਮੀ ਦੇ ਆਉਣ ਨਾਲ ਵੱਡੀ ਤਬਦੀਲੀ ਹੁੰਦੀ ਹੈ। ਫਿਰ ਚੰਗੇ ਆਦਮੀ ਦੀ ਵੱਡੀ ਤੋਂ ਵੱਡੀ ਜੋ ਖੂਬੀ ਹੈ, ਉਹ ਇਹ ਕਿ ਉਹ ਕੁਰਸੀ ਨੂੰ ਫੜੇਗਾ ਨਹੀਂ। ਚੰਗਾ ਆਦਮੀ ਕੁਰਸੀ ਕਾਰਨ ਉੱਚਾ ਨਹੀਂ ਹੋਇਆ, ਸਗੋਂ ਉੱਚਾ ਹੋਣ ਕਾਰਨ ਕੁਰਸੀ 'ਤੇ ਬਿਠਾਇਆ ਗਿਆ ਹੈ। ਸਾਨੂੰ ਇਹ ਫਰਕ ਸਮਝ ਲੈਣਾ ਚਾਹੀਦਾ ਹੈ। ਚੰਗਾ ਆਦਮੀ ਸੱਤਾ ਵਿਚ ਹੋਵੇਗਾ ਤਾਂ ਚੰਗੇ ਆਦਮੀ ਪੈਦਾ ਕਰਨ ਦਾ ਪ੍ਰਬੰਧ ਕਰੇਗਾ, ਜਦੋਂਕਿ ਮਾੜਾ ਆਦਮੀ ਜੋ ਪ੍ਰਤੀਕਰਮ ਪੈਦਾ ਕਰਦਾ ਹੈ, ਉਸ ਨਾਲ ਹੋਰ ਮਾੜੇ ਆਦਮੀ ਪੈਦਾ ਹੁੰਦੇ ਹਨ। ਮਾੜਾ ਆਦਮੀ ਜਦੋਂ ਅੱਗੇ ਆ ਜਾਂਦਾ ਹੈ ਤਾਂ ਚੰਗੇ ਆਦਮੀ ਨੂੰ ਬਾਹਰ ਕਰ ਦਿੰਦਾ ਹੈ।
ਸਵਰਗ ਤੇ ਨਰਕ ਕੋਈ ਭੁਗੋਲਿਕ ਸਥਿਤੀ ਨਹੀਂ
NEXT STORY 
