ਅਜਿਹਾ ਨਹੀਂ ਕਿ ਜਦੋਂ ਪਾਪ ਵਧੇਗਾ ਤਾਂ ਹੀ ਪ੍ਰਮਾਤਮਾ ਪ੍ਰਗਟ ਹੁੰਦਾ ਹੈ। ਜੇ ਪ੍ਰਮਾਤਮਾ ਇਸ ਵੇਲੇ ਨਹੀਂ ਹੈ ਤਾਂ ਇਹ ਸ੍ਰਿਸ਼ਟੀ ਕਿਵੇਂ ਚੱਲ ਰਹੀ ਹੈ? ਅਸਲੀਅਤ 'ਚ ਪ੍ਰਮਾਤਮਾ ਬਾਹਰ ਪ੍ਰਗਟ ਨਹੀਂ ਹੁੰਦਾ, ਸਗੋਂ ਉਹ ਤਾਂ ਸਾਡੇ ਸਾਰਿਆਂ ਦੇ ਅੰਦਰ ਪਹਿਲਾਂ ਤੋਂ ਹੀ ਹੈ ਪਰ ਕੋਈ ਉਸ ਨੂੰ ਜਗਾ ਕੇ ਬੈਠਾ ਹੈ ਤਾਂ ਕੋਈ ਭੁਲਾ ਕੇ। ਕੋਈ ਉਸ ਨੂੰ ਹਰ ਵਲ ਯਾਦ ਕਰ ਰਿਹਾ ਹੈ ਜਦੋਂਕਿ ਕੋਈ ਉਸ ਨੂੰ ਯਾਦ ਹੀ ਨਹੀਂ ਕਰਦਾ। ਇਨਸਾਨ ਵਿਚ ਸੱਚ ਦੇ ਗਿਆਨ ਦੇ ਨਾਲ ਹੀ ਪ੍ਰੇਮ ਦਾ ਹੋਣਾ ਵੀ ਉਸ ਦਾ ਪ੍ਰਗਟ ਹੋਣਾ ਹੈ। ਇਨਸਾਨ ਵਿਚ ਘੁਮੰਡ ਦਾ ਹੋਣਾ ਹੀ ਉਸ ਨੂੰ ਭੁਲਾਉਣਾ ਹੈ। ਪ੍ਰਮਾਤਮਾ ਨੂੰ ਯਾਦ ਕਰਦਿਆਂ ਹੀ ਉਹ ਸਾਡੇ ਸਾਰਿਆਂ ਦੇ ਦਿਲਾਂ ਵਿਚ ਪ੍ਰਗਟ ਹੋ ਜਾਂਦਾ ਹੈ ਅਤੇ ਜਦੋਂ ਉਹ ਪ੍ਰਗਟ ਹੁੰਦਾ ਹੈ ਤਾਂ ਇਨਸਾਨ ਸਾਧੂ ਬਣ ਜਾਂਦਾ ਹੈ। ਸਾਧੂ ਦਾ ਮਤਲਬ ਉਹ ਇਨਸਾਨ ਹੈ ਜਿਸ ਦਾ ਮਨ ਨਿਰਮਲ ਹੈ ਅਤੇ ਉਹ ਹਰ ਪਲ ਪ੍ਰਮਾਤਮਾ ਨੂੰ ਯਾਦ ਕਰਦਾ ਹੈ। ਇਨਸਾਨ ਪਾਪੀ ਉਸ ਵੇਲੇ ਹੀ ਬਣਦਾ ਹੈ ਜਦੋਂ ਉਹ ਪ੍ਰਮਾਤਮਾ ਨੂੰ ਯਾਦ ਨਹੀਂ ਕਰਦਾ ਅਤੇ ਇਸ ਕਾਰਨ ਉਹ ਮਨੁੱਖ ਤੋਂ ਵੀ ਹੇਠਾਂ ਦੀ ਜੂਨ ਵਿਚ ਜਨਮ ਲੈਂਦਾ ਹੈ। ਯੁੱਗਾਂ-ਯੁੱਗਾਂ ਦਾ ਅਰਥ ਇਹ ਨਹੀਂ ਕਿ ਪ੍ਰਮਾਤਮਾ ਹਜ਼ਾਰਾਂ ਮੀਲ ਬਾਅਦ ਪ੍ਰਗਟ ਹੁੰਦਾ ਹੈ। ਯੁੱਗ-ਯੁੱਗ ਦਾ ਅਰਥ ਹੈ ਕਿ ਉਹ ਪਲ-ਪਲ ਸਾਡੇ ਅੰਦਰ ਪ੍ਰਗਟ ਹੋ ਕੇ ਸਾਨੂੰ ਪਾਪ ਕਰਮ ਤੋਂ ਬਚਾਉਣ ਅਤੇ ਫਲ ਦੀ ਚਿੰਤਾ ਕੀਤੇ ਬਿਨਾਂ ਆਪਣੇ ਕੰਮ ਵਿਚ ਮਨ ਲਗਾਉਣ ਦੀ ਪ੍ਰੇਰਣਾ ਦਿੰਦਾ ਰਹਿੰਦਾ ਹੈ।
ਚੰਗੀਆਂ ਆਦਤਾਂ ਵਾਲਿਆਂ ਦੇ ਰੱਬ ਨੇੜੇ ਹੁੰਦਾ ਹੈ
NEXT STORY 
