ਕਦੇ ਵੀ ਕਿਸੇ ਕੰਮ ਜਾਂ ਵਤੀਰੇ ਵਿਚ ਅੱਤ ਨਾ ਕਰੋ। ਆਪਣੀ ਮਰਿਆਦਾ ਤੇ ਹੱਦ ਵਿਚ ਰਹੋ। ਇੱਧਰ-ਉੱਧਰ ਟੱਕਰਾਂ ਮਾਰਨ ਨਾਲ ਕੁਝ ਨਹੀਂ ਮਿਲਦਾ, ਸਗੋਂ ਨੁਕਸਾਨ ਹੋਣ ਦਾ ਖਤਰਾ ਵੱਧ ਜਾਂਦਾ ਹੈ।
ਪਿਆਰ, ਅਭਿਆਸ ਤੇ ਪ੍ਰਸਿੱਧੀ ਵਿਚ ਹੌਲੀ-ਹੌਲੀ ਵਾਧਾ ਹੁੰਦਾ ਹੈ। ਇਨ੍ਹਾਂ ਦਾ ਹੌਲੀ-ਹੌਲੀ ਹੁੰਦਾ ਵਿਕਾਸ ਲੰਮੀ ਮਿਆਦ ਵਾਲਾ ਹੁੰਦਾ ਹੈ। ਇਹ ਸਭ ਆਦਮੀ ਵਿਚ ਜਮਾਂਦਰੂ ਨਹੀਂ ਹੁੰਦੇ। ਇਨ੍ਹਾਂ ਸਾਰਿਆਂ ਦਾ ਸਰੂਪ ਆਦਮੀ ਦੇ ਵਤੀਰੇ ਤੇ ਸਾਧਨਾ ਦੇ ਨਤੀਜੇ ਅਨੁਸਾਰ ਉਸ ਦੇ ਸਾਹਮਣੇ ਆਉਂਦਾ ਹੈ।
ਜ਼ਿੰਦਗੀ ਵਿਚ ਪ੍ਰਾਪਤੀਆਂ ਹਾਸਲ ਕਰਨ ਦਾ ਕੋਈ ਵੀ ਛੋਟਾ ਰਸਤਾ ਨਹੀਂ ਹੁੰਦਾ। ਦੂਜਿਆਂ ਦੀ ਪ੍ਰਸਿੱਧੀ ਦੇਖ ਕੇ ਕੁਝ ਲੋਕ ਸੰਜਮ ਗੁਆਉਣ ਲੱਗਦੇ ਹਨ ਅਤੇ ਸੋਚਦੇ ਹਨ ਕਿ ਉਹ ਤੁਰੰਤ ਉਨ੍ਹਾਂ ਨੂੰ ਮਿਲ ਜਾਵੇ। ਬਹੁਤ ਸਾਰੇ ਲੋਕਾਂ ਨੂੰ ਸਖਤ ਸੰਘਰਸ਼ ਕਰਨ ਤੋਂ ਬਾਅਦ ਪ੍ਰਸਿੱਧੀ ਤੇ ਪੈਸੇ ਦੀ ਪ੍ਰਾਪਤੀ ਹੁੰਦੀ ਹੈ। ਉਸ ਵੇਲੇ ਉਨ੍ਹਾਂ ਦੀ ਉਮਰ ਵੀ ਜ਼ਿਆਦਾ ਹੋ ਗਈ ਹੁੰਦੀ ਹੈ ਪਰ ਨੌਜਵਾਨ ਸੋਚਦੇ ਹਨ ਕਿ ਉਨ੍ਹਾਂ ਵਰਗੀ ਪ੍ਰਸਿੱਧੀ ਤੇ ਸੁੱਖ ਤੁਰੰਤ ਸ਼ਾਰਟ ਕੱਟ ਨਾਲ ਮਿਲ ਜਾਵੇ। ਜਿਨ੍ਹਾਂ ਲੋਕਾਂ ਦੇ ਮਾਪੇ ਪ੍ਰਸਿੱਧ ਤੇ ਅਮੀਰ ਹਨ, ਉਨ੍ਹਾਂ ਨੌਜਵਾਨਾਂ ਲਈ ਇਹ ਸੰਭਵ ਹੈ ਪਰ ਜੋ ਛੋਟੇ ਤੇ ਗਰੀਬ ਪਰਿਵਾਰਾਂ ਦੇ ਹਨ, ਉਨ੍ਹਾਂ ਲਈ ਤਾਂ ਇਹ ਸੰਭਵ ਨਹੀਂ ਹੁੰਦਾ। ਇਸ ਲਈ ਉਨ੍ਹਾਂ ਨੂੰ ਸੰਜਮ ਰੱਖ ਕੇ ਅੱਗੇ ਵਧਣਾ ਚਾਹੀਦਾ ਹੈ। ਸ਼ਾਰਟ ਕੱਟ ਦੇ ਚੱਕਰ ਵਿਚ ਉਨ੍ਹਾਂ ਦੀ ਜ਼ਿੰਦਗੀ ਵਿਚ ਭਟਕਣਾ ਆ ਸਕਦੀ ਹੈ।
ਤੁਸੀਂ ਮਿਹਨਤ ਕਰਦੇ ਹੋ ਜੇ ਫਲ ਨਾ ਮਿਲੇ ਤਾਂ ਨਿਰਾਸ਼ ਨਾ ਹੋਣਾ
NEXT STORY 
