ਇਕ ਵਾਰ ਇਕ ਕਿਸਾਨ ਨੇ ਆਪਣੇ ਗੁਆਂਢੀ ਨੂੰ ਮਾੜਾ-ਚੰਗਾ ਕਹਿ ਦਿੱਤਾ ਪਰ ਜਦੋਂ ਬਾਅਦ 'ਚ ਉਸ ਨੂੰ ਆਪਣੀ ਗਲਤੀ ਦਾ ਅਹਿਸਾਸ ਹੋਇਆ ਤਾਂ ਉਹ ਇਕ ਸੰਤ ਕੋਲ ਗਿਆ। ਉਸ ਨੇ ਸੰਤ ਨੂੰ ਆਪਣੇ ਸ਼ਬਦ ਵਾਪਸ ਲੈਣ ਦਾ ਢੰਗ ਪੁੱਛਿਆ। ਸੰਤ ਨੇ ਕਿਸਾਨ ਨੂੰ ਕਿਹਾ,''ਤੂੰ ਬਹੁਤ ਸਾਰੇ ਖੰਭ ਇਕੱਠੇ ਕਰ ਲੈ ਅਤੇ ਉਨ੍ਹਾਂ ਨੂੰ ਚੌਕ ਵਿਚ ਰੱਖ ਦੇ।'' ਕਿਸਾਨ ਨੇ ਇੰਝ ਹੀ ਕੀਤਾ ਅਤੇ ਫਿਰ ਸੰਤ ਕੋਲ ਪਹੁੰਚ ਗਿਆ।
ਫਿਰ ਸੰਤ ਨੇ ਕਿਹਾ,''ਹੁਣ ਜਾ ਅਤੇ ਉਨ੍ਹਾਂ ਖੰਭਾਂ ਨੂੰ ਇਕੱਠੇ ਕਰਕੇ ਵਾਪਸ ਲੈ ਆ।'' ਕਿਸਾਨ ਵਾਪਸ ਗਿਆ ਪਰ ਉਸ ਵੇਲੇ ਤਕ ਸਾਰੇ ਖੰਭ ਹਵਾ ਨਾਲ ਇੱਧਰ-ਉੱਧਰ ਉੱਡ ਚੁੱਕੇ ਸਨ ਅਤੇ ਕਿਸਾਨ ਖਾਲੀ ਹੱਥ ਸੰਤ ਕੋਲ ਪਹੁੰਚਿਆ। ਸੰਤ ਨੇ ਕਿਹਾ,''ਠੀਕ ਇਸੇ ਤਰ੍ਹਾਂ ਤੇਰੇ ਵਲੋਂ ਕਹੇ ਗਏ ਸ਼ਬਦਾਂ ਨਾਲ ਹੁੰਦਾ ਹੈ। ਤੂੰ ਆਸਾਨੀ ਨਾਲ ਇਨ੍ਹਾਂ ਨੂੰ ਆਪਣੇ ਮੂੰਹ ਵਿਚੋਂ ਕੱਢ ਤਾਂ ਸਕਦਾ ਏਂ ਪਰ ਚਾਹ ਕੇ ਵੀ ਵਾਪਸ ਨਹੀਂ ਲੈ ਸਕਦਾ।'' ਇਸ ਕਹਾਣੀ ਤੋਂ ਕੀ ਨਸੀਹਤ ਮਿਲਦੀ ਹੈ? ਕੁਝ ਵੀ ਕੌੜਾ ਬੋਲਣ ਤੋਂ ਪਹਿਲਾਂ ਇਹ ਯਾਦ ਰੱਖੋ ਕਿ ਮਾੜਾ-ਚੰਗਾ ਕਹਿਣ ਤੋਂ ਬਾਅਦ ਕੁਝ ਵੀ ਕਰਕੇ ਆਪਣੇ ਸ਼ਬਦ ਵਾਪਸ ਨਹੀਂ ਲਏ ਜਾ ਸਕਦੇ। ਤੁਸੀਂ ਉਸ ਵਿਅਕਤੀ ਕੋਲ ਜਾ ਕੇ ਮੁਆਫੀ ਜ਼ਰੂਰ ਮੰਗ ਸਕਦੇ ਹੋ ਅਤੇ ਮੰਗਣੀ ਵੀ ਚਾਹੀਦੀ ਹੈ। ਜਦੋਂ ਤੁਸੀਂ ਕਿਸੇ ਨੂੰ ਮਾੜਾ-ਚੰਗਾ ਕਹਿੰਦੇ ਹੋ ਤਾਂ ਤੁਹਾਡਾ ਉਦੇਸ਼ ਉਸ ਵਿਅਕਤੀ ਨੂੰ ਤਕਲੀਫ ਦੇਣਾ ਹੁੰਦਾ ਹੈ ਪਰ ਬਾਅਦ 'ਚ ਇਹੀ ਸ਼ਬਦ ਤੁਹਾਨੂੰ ਹੀ ਜ਼ਿਆਦਾ ਤਕਲੀਫ ਦਿੰਦੇ ਹਨ। ਖੁਦ ਨੂੰ ਤਕਲੀਫ ਦੇਣ ਦਾ ਕੀ ਫਇਦਾ, ਇਸ ਨਾਲੋਂ ਤਾਂ ਚੰਗਾ ਹੈ ਕਿ ਚੁੱਪ ਰਿਹਾ ਜਾਵੇ।
ਸ਼੍ਰੀ ਕ੍ਰਿਸ਼ਨ ਅਵਤਾਰ
NEXT STORY 
