ਸੱਚੇ ਵਚਨ ਹਮੇਸ਼ਾ ਸਫਲ ਹੁੰਦੇ ਹਨ

Updated: 17 Mar, 2015 02:29 PM

► ਵੱਡਾ ਪੁੰਨ
ਦਸ ਗਊਆਂ ਦਾ ਦਾਨ ਕਰਨਾ ਵੱਡਾ ਪੁੰਨ ਹੈ ਪਰ ਉਸ ਤੋਂ ਵੀ ਵੱਡਾ ਪੁੰਨ ਬੁੱਚੜਖਾਨੇ 'ਚ ਜਾਂਦੀ ਹੋਈ ਇਕ ਗਾਂ ਨੂੰ ਬਚਾ ਲੈਣਾ ਹੈ। ਦਸ ਮੰਦਰਾਂ ਦਾ ਨਿਰਮਾਣ ਕਰਨਾ ਵੱਡਾ ਪੁੰਨ ਹੈ ਪਰ ਉਸ ਤੋਂ ਵੀ ਵੱਡਾ ਪੁੰਨ ਇਕ ਪ੍ਰਾਚੀਨ ਮੰਦਰ ਦੀ ਸਾਂਭ-ਸੰਭਾਲ ਹੈ।
ਦਸ ਪ੍ਰਾਚੀਨ ਮੰਦਰਾਂ ਦੀ ਸਾਂਭ-ਸੰਭਾਲ ਕਰਨਾ ਵੱਡਾ ਪੁੰਨ ਹੈ ਪਰ ਉਸ ਤੋਂ ਵੀ ਵੱਡਾ ਪੁੰਨ ਇਕ ਅੱਤਵਾਦੀ ਨੂੰ ਅਹਿੰਸਾਵਾਦੀ ਬਣਾ ਦੇਣਾ ਹੈ। ਜੇਕਰ ਤੁਸੀਂ ਆਪਣੀ ਪ੍ਰੇਰਨਾ ਨਾਲ ਇਕ ਮਾਸਾਹਾਰੀ ਵਿਅਕਤੀ ਨੂੰ ਸ਼ਾਕਾਹਾਰੀ ਬਣਾ ਦਿੰਦੇ ਹੋ ਤਾਂ ਸਮਝਣਾ ਤੁਸੀਂ ਘਰ ਬੈਠੇ ਹੀ ਚਾਰ ਧਾਮ ਦੀ ਯਾਤਰਾ ਕਰਨ ਦਾ ਪੁੰਨ ਹਾਸਲ ਕਰ ਲਿਆ।
► ਪ੍ਰੇਸ਼ਾਨੀ
ਮੈਂ ਸੂਰਤ ਗਿਆ ਸੀ। ਉਥੇ ਇਕ ਬੁੱਢੀ ਨੇ ਕਿਹਾ, ''ਮੁਨੀਸ਼੍ਰੀ! ਤੁਹਾਡੇ ਆਉਣ ਨਾਲ ਮੈਨੂੰ ਪ੍ਰੇਸ਼ਾਨੀ ਹੋ ਗਈ।''
ਮੈਂ ਪੁੱਛਿਆ, ''ਉਹ ਕਿਵੇਂ?''
ਬੁੱਢੀ ਬੋਲੀ, ''ਮੈਂ ਅਤੇ ਮੇਰੀ ਨੂੰਹ ਰੋਜ਼ ਸਵੇਰੇ ਪ੍ਰਵਚਨ 'ਚ, ਤੱਤ ਚਰਚਾ 'ਚ ਅਤੇ ਸ਼ਾਮ ਨੂੰ ਆਨੰਦ ਯਾਤਰਾ 'ਚ ਆਉਂਦੀਆਂ ਹਾਂ।''
ਮੈਂ ਕਿਹਾ, ''ਇਹ ਤਾਂ ਚੰਗੀ ਗੱਲ ਹੈ, ਇਸ 'ਚ ਪ੍ਰੇਸ਼ਾਨੀ ਦੀ ਕੀ ਗੱਲ ਹੈ?''
ਬੁੱਢੀ ਬੋਲੀ, ''ਪ੍ਰੇਸ਼ਾਨੀ ਇਹੀ ਹੈ ਕਿ ਜਦੋਂ ਤੋਂ ਤੁਸੀਂ ਸੂਰਤ ਆਏ ਹੋ, ਉਦੋਂ ਤੋਂ ਨੂੰਹ ਨਾਲ ਲੜਨ ਤਕ ਦਾ ਸਮਾਂ ਨਹੀਂ ਮਿਲ ਰਿਹਾ ਹੈ। (ਹੱਸਦੀ ਹੈ)।''
ਮੈਂ ਕਿਹਾ, ''ਅੰਮਾ! ਫਿਰ ਤਾਂ ਮੁਨੀ ਤਰੁਣਸਾਗਰ ਦਾ ਸੂਰਤ ਆਉਣਾ ਅਤੇ ਤੁਹਾਡਾ ਸਤਿਸੰਗ ਸੁਣਨਾ ਸਾਰਥਕ ਹੋ ਗਿਆ।''
► ਪੁੱਤਰ ਚਾਰ ਤਰ੍ਹਾਂ ਦੇ
ਪੁੱਤਰ ਚਾਰ ਤਰ੍ਹਾਂ ਦੇ ਹੁੰਦੇ ਹਨ। ਇਕ ਲੈਣਦਾਰ ਪੁੱਤਰ¸ਪਿਛਲੇ ਜਨਮ ਦਾ ਲੈਣਦਾਰ ਸੀ, ਪੁੱਤਰ ਹੋ ਕੇ ਆ ਗਿਆ। ਹੁਣ ਉਸ ਨੂੰ ਪੜ੍ਹਾਓ-ਲਿਖਾਓ, ਵਿਆਹ ਕਰੋ, ਉਸ ਦਾ ਲੈਣਾ-ਦੇਣਾ ਪੂਰਾ ਹੋ ਗਿਆ ਅਤੇ ਉਹ ਚੱਲ ਵਸੇਗਾ। ਦੋ, ਦੁਸ਼ਮਣ ਪੁੱਤਰ¸ਪਿਛਲੇ ਜਨਮ ਦਾ ਦੁਸ਼ਮਣ ਵੀ ਪੁੱਤਰ ਬਣ ਕੇ ਆ ਜਾਂਦਾ ਹੈ। ਅਜਿਹਾ ਪੁੱਤਰ ਕਦਮ-ਕਦਮ 'ਤੇ ਦੁੱਖ ਦਿੰਦਾ ਹੈ। ਤਿੰਨ, ਉਦਾਸੀਨ ਪੁੱਤਰ¸ਅਜਿਹਾ ਪੁੱਤਰ ਮਾਂ-ਬਾਪ ਨੂੰ ਨਾ ਸੁੱਖ ਦਿੰਦਾ ਹੈ, ਨਾ ਦੁੱਖ। ਬਸ ਕਹਿਣ ਨੂੰ ਪੁੱਤਰ ਹੁੰਦਾ ਹੈ। ਚਾਰ, ਸੇਵਕ ਪੁੱਤਰ¸ਪਿਛਲੇ ਜਨਮ 'ਚ ਤੁਸੀਂ ਕਿਸੇ ਦੀ ਸੇਵਾ ਕੀਤੀ, ਉਹ ਤੁਹਾਡਾ ਪੁੱਤਰ ਬਣ ਕੇ ਆ ਗਿਆ। ਅਜਿਹਾ ਪੁੱਤਰ ਮਾਂ-ਬਾਪ ਨੂੰ ਬੜਾ ਸੁੱਖ ਦਿੰਦਾ ਹੈ।