ਅਕਸਰ ਮੋਟਾਪੇ ਤੋਂ ਪੀੜਤ ਲੋਕਾਂ ਨੂੰ ਆਪਣੀ ਖੁਰਾਕ 'ਤੇ ਕੰਟਰੋਲ ਅਤੇ ਕਸਰਤ ਕਰਨ ਲਈ ਕਿਹਾ ਜਾਂਦਾ ਹੈ। ਇਹ ਜ਼ਰੂਰੀ ਵੀ ਹੈ ਪਰ ਇਸ ਦੇ ਨਾਲ ਹੀ 8 ਕਿਸਮ ਦੇ ਖਾਧ ਪਦਾਰਥਾਂ ਦਾ ਜ਼ਿਕਰ ਕਰ ਰਹੇ ਹਾਂ, ਜਿਨ੍ਹਾਂ ਦੇ ਸੇਵਨ ਨਾਲ ਤੁਹਾਡੀ ਚਰਬੀ ਮੱਖਣ ਵਾਂਗ ਪਿਘਲੇਗੀ। ਇਹ ਖਾਧ ਪਦਾਰਥ ਪਾਚਨ ਸ਼ਕਤੀ ਨੂੰ ਵਧਾ ਕੇ ਫੈਟ ਘਟਾਉਣ ਵਾਲੇ ਹਾਰਮੋਨਸ ਨੂੰ ਉਤੇਜਿਤ ਕਰਦੇ ਹਨ। ਸਰੀਰ ਅੰਦਰਲੇ ਜ਼ਹਿਰੀਲੇ ਪਦਾਰਥਾਂ ਨੂੰ ਬਾਹਰ ਕਰਕੇ ਫੈਟ ਘਟਾਉਣ 'ਚ ਮਦਦ ਕਰਦੇ ਹਨ। ਇਸ ਲਈ ਇਨ੍ਹਾਂ ਖਾਧ ਪਦਾਰਥਾਂ ਨੂੰ ਆਪਣੇ ਭੋਜਨ 'ਚ ਜ਼ਰੂਰ ਸ਼ਾਮਲ ਕਰੋ।
1. ਕੇਲਾ
ਅਕਸਰ ਤੁਸੀਂ ਸੁਣਦੇ ਹੋ ਕਿ ਕੇਲੇ ਨਾਲ ਫੈਟ ਵਧਦੀ ਹੈ ਪਰ ਇਹ ਜਾਣ ਕੇ ਤੁਹਾਨੂੰ ਹੈਰਾਨੀ ਹੋਵੇਗੀ ਕਿ ਕੇਲਾ ਫੈਟ ਨੂੰ ਗਾਲਣ ਵਾਲਾ ਫਲ ਹੈ। ਇਸ 'ਚ ਮੌਜੂਦ ਪ੍ਰਤੀਰੋਧਕ ਸਟਾਰਚ ਪੇਟ 'ਚ ਮੌਜੂਦ ਚੰਗੇ ਬੈਕਟੀਰੀਆ ਕਾਰਨ ਪੇਟ 'ਚ ਫੈਟੀ ਐਸਿਡ 'ਚ ਬਦਲ ਜਾਂਦੀ ਹੈ। ਇਹ ਫੈਟ ਨੂੰ ਰੋਕਣ 'ਚ ਮਦਦ ਕਰਦਾ ਹੈ। ਭਾਰ ਘਟਾਉਣ ਲਈ ਤੁਸੀਂ ਇਸ ਨੂੰ ਸਮੂਦੀ ਜਾਂ ਫਰੂਟ ਸਲਾਦ ਦੇ ਤੌਰ 'ਤੇ ਖਾ ਸਕਦੇ ਹੋ।
2. ਬਦਾਮ
ਬਦਾਮ ਬਾਰੇ ਸਭ ਜਾਣਦੇ ਹਨ ਕਿ ਇਹ ਯਾਦ ਸ਼ਕਤੀ ਵਧਾਉਣ 'ਚ ਬੜਾ ਸਹਾਇਕ ਹੁੰਦਾ ਹੈ। ਪ੍ਰੋਟੀਨ ਨਾਲ ਭਰਪੂਰ ਇਹ ਮੇਵਾ ਮਾਸਪੇਸ਼ੀਆਂ ਦੇ ਨਿਰਮਾਣ ਦੇ ਨਾਲ-ਨਾਲ ਸਰੀਰ 'ਚ ਫੈਟ ਨੂੰ ਵੀ ਜਮ੍ਹਾ ਨਹੀਂ ਹੋਣ ਦਿੰਦਾ। ਇਸ ਨੂੰ ਫੈਟ ਨੂੰ ਗਾਲਣ 'ਚ ਮਦਦ ਕਰਨ ਕਾਰਨ ਵੀ ਜਾਣਿਆ ਜਾਂਦਾ ਹੈ। ਪੈਨਸਿਲਵੇਨੀਆ ਸਟੇਟ ਯੂਨੀਵਰਸਿਟੀ ਦੇ ਕਲਾਏਰ ਬੈਰੀਮੈਨ ਅਨੁਸਾਰ ਕਾਰਬੋਹਾਈਡ੍ਰੇਟ ਵਾਲੇ ਖਾਧ ਪਦਾਰਥਾਂ ਦੀ ਬਜਾਏ ਹਰ ਰੋਜ਼ ਨਾਸ਼ਤੇ 'ਚ ਬਦਾਮ ਦਾ ਸੇਵਨ ਕਰਨ ਨਾਲ ਦਿਲ ਸੰਬੰਧੀ ਰੋਗਾਂ ਦਾ ਖਤਰਾ ਤਾਂ ਘੱਟ ਹੁੰਦਾ ਹੀ ਹੈ, ਨਾਲ ਹੀ ਸਰੀਰ 'ਚ ਜਮ੍ਹਾ ਹੋਣ ਵਾਲੀ ਵਾਧੂ ਫੈਟ ਨੂੰ ਵੀ ਕੰਟਰੋਲ ਕੀਤਾ ਜਾ ਸਕਦਾ ਹੈ। ਇਸ ਨੂੰ ਰੋਜ਼ਾਨਾ ਆਪਣੇ ਭੋਜਨ 'ਚ ਸ਼ਾਮਲ ਕਰਕੇ ਮੈਟਾਬੋਲਿਕ ਅਤੇ ਦਿਲ ਸੰਬੰਧੀ ਰੋਗਾਂ ਨੂੰ ਅਸਾਨੀ ਨਾਲ ਘੱਟ ਕੀਤਾ ਜਾ ਸਕਦਾ ਹੈ। ਇਸ ਨੂੰ ਕਿਸੇ ਤਰ੍ਹਾਂ ਵੀ ਖਾਧਾ ਜਾ ਸਕਦਾ ਹੈ।
3. ਸਾਬਤ ਅਨਾਜ
ਇਹ ਫੈਟ ਨੂੰ ਘਟਾਉਣ ਦਾ ਇਕ ਬਿਹਤਰ ਬਦਲ ਹੈ। ਸਾਬਤ ਅਨਾਜਾਂ ਨੂੰ ਆਪਣੇ ਭੋਜਨ 'ਚ ਸ਼ਾਮਲ ਕਰਕੇ ਤੁਸੀਂ ਆਪਣੇ ਸਰੀਰ 'ਚੋਂ ਜ਼ਹਿਰੀਲੇ ਤੱਤ ਬਾਹਰ ਕੱਢ ਸਕਦੇ ਹੋ, ਜਿਨ੍ਹਾਂ ਕਾਰਨ ਫੈਟ ਜਮ੍ਹਾ ਹੁੰਦੀ ਹੈ। ਸਾਬਤ ਅਨਾਜ 'ਚ ਵਿਟਾਮਿਨ-ਈ ਅਤੇ ਵਿਟਾਮਿਨ ਬੀ ਸਮੇਤ ਹੋਰ ਤੱਤ ਜਿਵੇਂ ਜ਼ਿੰਕ, ਸੇਲੇਨੀਅਮ, ਕਾਪਰ, ਆਇਰਨ, ਮੈਗਨੀਜ਼ ਅਤੇ ਮੈਗਨੀਸ਼ੀਅਮ ਆਦਿ ਪਾਇਆ ਜਾਂਦਾ ਹੈ। ਇਨ੍ਹਾਂ 'ਚ ਫਾਈਬਰ ਵੀ ਭਰਪੂਰ ਮਾਤਰਾ 'ਚ ਪਾਇਆ ਜਾਂਦਾ ਹੈ, ਜਿਸ ਨਾਲ ਭਾਰ ਘੱਟ ਕਰਨ 'ਚ ਮਦਦ ਮਿਲਦੀ ਹੈ।
4. ਨਾਰੀਅਲ ਤੇਲ
ਨਾਰੀਅਲ ਦਾ ਤੇਲ ਟ੍ਰਾਈਗਲਿਸਰਾਈਡ ਭਰਪੂਰ ਹੁੰਦਾ ਹੈ। ਇਹ ਫੈਟੀ ਐਸਿਡ ਸਰੀਰ ਵਲੋਂ ਛੇਤੀ ਪਚਾ ਲਿਆ ਜਾਂਦਾ ਹੈ। ਇਸ ਤਰ੍ਹਾਂ ਇਹ ਸਰੀਰ 'ਚ ਜਮ੍ਹਾ ਨਹੀਂ ਹੁੰਦਾ। ਖਾਣਾ ਬਣਾਉਣ ਲਈ ਨਾਰੀਅਲ ਦੇ ਤੇਲ ਦੀ ਵਰਤੋਂ ਤੁਹਾਨੂੰ ਮੋਟਾਪੇ ਤੋਂ ਛੁਟਕਾਰਾ ਦਿਵਾ ਸਕਦੀ ਹੈ।
5. ਦਾਲਾਂ
ਜ਼ਿਆਦਾਤਰ ਲੋਕ ਦਾਲਾਂ ਤੋਂ ਨੱਕ ਚਿੜ੍ਹਾਉਂਦੇ ਹਨ ਪਰ ਉਹ ਸ਼ਾਇਦ ਨਹੀਂ ਜਾਣਦੇ ਕਿ ਦਾਲਾਂ ਆਇਰਨ ਦਾ ਭਰਪੂਰ ਸਰੋਤ ਹਨ। ਇਨ੍ਹਾਂ ਦੀ ਕਮੀ ਪਾਚਨ ਤੰਤਰ ਨੂੰ ਹੌਲੀ ਕਰ ਦਿੰਦੀ ਹੈ। ਫੈਟ ਅਕਸਰ ਪਾਚਨ ਤੰਤਰ ਦੇ ਕਮਜ਼ੋਰ ਹੋਣ ਕਾਰਨ ਹੀ ਹੁੰਦੀ ਹੈ। ਇਸ ਲਈ ਇਸ ਨੂੰ ਤੇਜ਼ ਕਰਨ ਲਈ ਆਪਣੇ ਭੋਜਨ 'ਚ ਦਾਲਾਂ ਨੂੰ ਅਹਿਮ ਸਥਾਨ ਦਿਓ।
6. ਲਾਲ ਮਿਰਚ
ਅਕਸਰ ਲਾਲ ਮਿਰਚ ਆਪਣੇ ਤਿੱਖੇ ਸਵਾਦ ਕਾਰਨ ਜਾਣੀ ਜਾਂਦੀ ਹੈ ਪਰ ਇਸ 'ਚ ਫੈਟ ਬਰਨ ਕਰਨ ਦੇ ਗੁਣ ਵੀ ਹਨ। ਮਿਰਚ ਕੈਪਸੇਸਿਨ ਭਰਪੂਰ ਹੋਣ ਕਾਰਨ ਆਕਸੀਕਰਨ ਰਾਹੀਂ ਪੇਟ ਦੀ ਫੈਟ ਨੂੰ ਘੱਟ ਕਰਨ 'ਚ ਮਦਦ ਕਰਦੀ ਹੈ। ਇਹ ਪਾਚਨ ਤੰਤਰ ਨੂੰ ਵਧਾ ਕੇ ਸਰੀਰ 'ਚੋਂ ਕੈਲੋਰੀ ਨੂੰ ਬਰਨ ਕਰਨ 'ਚ ਮਦਦ ਕਰਦੀ ਹੈ। ਇਸ ਸੰਬੰਧੀ ਬ੍ਰਿਟੇਨ 'ਚ ਹੋਈ ਖੋਜ ਅਨੁਸਾਰ ਲਾਲ ਮਿਰਚ ਸਰੀਰ 'ਚੋਂ ਅਣਲੋੜੀਂਦੀ ਕੈਲੋਰੀ ਬਰਨ ਕਰਨ ਅਤੇ ਮੋਟਾਪਾ ਘਟਾਉਣ 'ਚ ਸਹਾਇਕ ਸਿੱਧ ਹੁੰਦੀ ਹੈ। ਇਹ ਕੈਪਸੇਸਿਨ ਤੱਤ ਮਿਰਚ ਨੂੰ ਗਰਮੀ ਦੇ ਕੇ ਭੁੱਖ ਘਟਾਉਂਦਾ ਹੈ ਅਤੇ ਕੈਲੋਰੀ ਨੂੰ ਬਰਨ ਕਰਕੇ ਊਰਜਾ ਦੀ ਖਪਤ ਵਧਾਉਂਦਾ ਹੈ।
7. ਬ੍ਰੋਕਲੀ
ਬ੍ਰੋਕਲੀ ਖਾਣ ਨਾਲ ਨਾ ਸਿਰਫ ਸਰੀਰ ਨੂੰ ਪੋਸ਼ਣ ਮਿਲਦਾ ਹੈ, ਸਗੋਂ ਇਸ 'ਚ ਲੋਅ ਕੈਲੋਰੀ ਹੋਣ ਕਾਰਨ ਭਾਰ ਵੀ ਘੱਟ ਹੁੰਦਾ ਹੈ। ਬ੍ਰੋਕਲੀ 'ਚ ਮੌਜੂਦ ਫਿਟੋਨੂਟ੍ਰੀਐਂਟ ਐਂਜਾਈਮ ਨੂੰ ਉਤੇਜਿਤ ਕਰਕੇ, ਫੈਟ ਵਾਲੀਆਂ ਕੋਸ਼ਿਕਾਵਾਂ ਨੂੰ ਫੈਟ ਬਰਨ ਕਰਨ ਲਈ ਉਤੇਜਿਤ ਕਰਦਾ ਹੈ। ਤੁਸੀਂ ਚਾਹੋ ਤਾਂ ਇਸ ਨੂੰ ਸਲਾਦ ਦੇ ਤੌਰ 'ਤੇ ਵੀ ਖਾ ਸਕਦੇ ਹੋ।
8. ਐਵੋਕਾਡੋ
ਇਹ ਮੋਨੋ-ਅਨਸੈਚੁਰੇਟਿਡ ਨਾਲ ਭਰਪੂਰ ਹੁੰਦਾ ਹੈ ਅਤੇ ਪਾਚਨ ਤੰਤਰ 'ਚ ਸੁਧਾਰ ਲਿਆਉਂਦਾ ਹੈ। ਮੁਕਤ ਕਣਾਂ ਨਾਲ ਕੋਸ਼ਿਕਾਵਾਂ ਨੂੰ ਹੋਣ ਵਾਲੇ ਨੁਕਸਾਨ ਨੂੰ ਰੋਕਣ 'ਚ ਮਦਦ ਕਰਦਾ ਹੈ। ਤੁਸੀਂ ਇਸ ਫਲ ਨੂੰ ਸਲਾਦ ਜਾਂ ਸਮੂਦੀ ਰੂਪ 'ਚ ਲੈ ਸਕਦੇ ਹੋ। ਇਸ ਦਾ ਸਲਾਦ ਬਣਾਉਣ ਲਈ ਤੁਸੀਂ ਪਿਆਜ, ਟਮਾਟਰ ਅਤੇ ਹਰੀ ਮਿਰਚ ਨੂੰ ਇਕੱਠਿਆਂ ਮਿਲਾ ਲਓ, ਇਸ 'ਚ ਨਿੰਬੂ ਦਾ ਰਸ ਪਾਓ ਅਤੇ ਨਾ ਹੀ ਪੈਪਰ ਅਤੇ ਨਮਕ ਵੀ ਪਾਓ। ਸਭ ਨੂੰ ਚੰਗੀ ਤਰ੍ਹਾਂ ਰਲਾ ਕੇ ਐਵੋਕਾਡੋ ਪਾ ਲਓ। ਯਕੀਨਨ ਇਹ ਤੁਹਾਨੂੰ ਸੌਖਾ ਅਤੇ ਸਵਾਦੀ ਲੱਗੇਗਾ।
ਪੇਟ ਖਰਾਬ ਹੈ ਤਾਂ ਸਮੱਸਿਆ ਵਧਾ ਸਕਦੇ ਹਨ ਇਹ ਖਾਧ ਪਦਾਰਥ
NEXT STORY 
