ਪਟਨਾ- ਆਏ ਦਿਨ ਸੜਕ ਹਾਦਸਿਆਂ ਕਾਰਨ ਲੱਖਾਂ ਜ਼ਿੰਦਗੀਆਂ ਮੌਤ ਦੀ ਲਪੇਟ ਵਿਚ ਆ ਜਾਂਦੀਆਂ ਹਨ। ਜ਼ਿਆਦਾ ਕਾਹਲੀ ਅਤੇ ਅਣਗਿਹਲੀ ਕਾਰਨ ਕੀਮਤੀ ਜਾਨਾਂ ਮੌਤ ਦੇ ਮੂੰਹ 'ਚ ਚੱਲੀਆਂ ਜਾਂਦੀਆਂ ਹਨ। ਮੰਗਲਵਾਰ ਦੀ ਸ਼ਾਮ ਨੂੰ ਬੇਲਗਾਮ ਟਰੱਕ ਡਰਾਈਵਰਾਂ ਨੇ ਨੈਸ਼ਨਲ ਹਾਈਵੇਅ 'ਤੇ ਇਕ ਵਿਅਕਤੀ ਦੀ ਜਾਨ ਲੈ ਲਈ। ਮ੍ਰਿਤਕ ਵਿਅਕਤੀ ਆਪਣੇ ਵਿਆਹ ਦੇ ਕਾਰਡ ਵੰਡਣ ਘਰੋਂ ਨਿਕਲਿਆ ਸੀ ਅਤੇ ਦੂਜਾ ਵਿਅਕਤੀ ਜੋ ਉਸ ਦਾ ਰਿਸ਼ਤੇ ਵਜੋਂ ਭਰਾ ਲੱਗਦਾ ਸੀ, ਗੰਭੀਰ ਰੂਪ ਨਾਲ ਜ਼ਖਮੀ ਹੋ ਗਿਆ।
ਇਹ ਘਟਨਾ ਪਟਨਾ ਦੇ ਫੁਲਵਾਰੀਸ਼ਰੀਫ 'ਚ ਵਾਪਰੀ। ਹਾਦਸੇ ਵਿਚ ਗੁੱਸੇ ਵਿਚ ਆਏ ਲੋਕਾਂ ਨੇ ਹਾਈਵੇਅ ਨੂੰ ਜਾਮ ਕਰ ਕੇ ਪ੍ਰਦਰਸ਼ਨ ਕੀਤਾ। ਮੌਕੇ 'ਤੇ ਪੁੱਜੀ ਪੁਲਸ ਨੂੰ ਲੋਕਾਂ ਨੇ ਪਥਰਾਅ ਕਰ ਕੇ ਖਦੇੜਿਆ। ਆਪਣੇ ਵਿਆਹ ਦੇ ਕਾਰਡ ਵੰਡਣ ਨਿਕਲਿਆ ਵਿਅਕਤੀ ਮੌਤ ਦੇ ਮੂੰਹ 'ਚ ਚਲਾ ਗਿਆ ਅਤੇ ਸਿਹਰੇ ਤੋਂ ਪਹਿਲਾਂ ਕਫਨ 'ਚ ਲਪਟ ਗਿਆ।
ਮ੍ਰਿਤਕ ਦੀ ਪਛਾਣ ਪਟਨਾ ਸਿਟੀ ਦੇ ਰਾਨੀਪੁਰ ਖਿੜਕੀ ਢਾਲਾ ਦੇ ਜਗਨਾਰਾਇਣ ਰਾਏ ਦੇ ਪੁੱਤਰ ਬਾਦਲ ਕੁਮਾਰ ਉਰਫ ਭੋਲਾ ਰਾਏ ਦੇ ਰੂਪ ਵਿਚ ਕੀਤੀ ਗਈ। ਜ਼ਖਮੀ ਵਿਅਕਤੀ ਉਸ ਦਾ ਚਚੇਰਾ ਭਰਾ ਹੈ। ਬਾਦਲ ਆਪਣੇ ਭਰਾ ਰਾਜੂ ਨਾਲ ਵਿਆਹ ਦੇ ਕਾਰਡ ਵੰਡਣ ਨਿਕਲਿਆ ਸੀ ਤਾਂ ਉਹ ਰਾਹ ਵਿਚ ਹਾਦਸੇ ਦਾ ਸ਼ਿਕਾਰ ਹੋ ਗਏ। ਦੋਵੇਂ ਮੋਟਰਸਾਈਕਲ 'ਤੇ ਸਵਾਰ ਹੋ ਕੇ ਮਾਮੇ ਦੇ ਘਰ ਕਾਰਡ ਵੰਡਣ ਜਾ ਰਹੇ ਸਨ। ਉਸ ਦੀ ਮੌਤ ਦੀ ਖਬਰ ਮਿਲਦੇ ਹੀ ਪਰਿਵਾਰ ਵਿਚ ਹੜਕੰਪ ਮਚ ਗਿਆ। ਮਾਮੇ ਨੇ ਦੱਸਿਆ ਕਿ 30 ਅਪ੍ਰੈਲ ਨੂੰ ਬਾਦਲ ਦੀ ਬਾਰਾਤ ਸੀਤਾਮੜ੍ਹੀ ਦੇ ਧਰਮਪੁਰ ਚੌਕ ਸਥਿਤ ਨਰੇਸ਼ ਦੇ ਘਰ ਜਾਣੀ ਸੀ।
ਘਰ 'ਚ ਸਾਰੇ ਵਿਆਹ ਦੀਆਂ ਕਰ ਰਹੇ ਸੀ ਤਿਆਰੀਆਂ-
ਬਾਦਲ ਦੇ ਵਿਆਹ ਦੀਆਂ ਘਰ 'ਚ ਜ਼ੋਰਾਂ-ਸ਼ੋਰਾਂ ਨਾਲ ਤਿਆਰੀਆਂ ਹੋ ਰਹੀਆਂ ਸਨ। ਆਪਣੇ ਵਿਆਹ ਦੇ ਕਾਰਡ ਵੰਡਣ ਨਿਕਲਿਆ ਬਾਦਲ ਸਿਹਰੇ ਤੋਂ ਪਹਿਲਾਂ ਕਫਨ 'ਚ ਲਪਟ ਗਿਆ। 30 ਅਪ੍ਰੈਲ ਨੂੰ ਬਾਰਾਤ ਜਾਣੀ ਸੀ। ਮਾਮਾ ਆਪਣੇ ਭਾਣਜੇ ਦੇ ਵਿਆਹ ਨੂੰ ਖਾਸ ਬਣਾਉਣ ਲਈ ਕੋਈ ਕਸਰ ਨਹੀਂ ਛੱਡਣਾ ਚਾਹੁੰਦੇ ਸਨ। ਬਸ ਇੰਨਾ ਹੀ ਨਹੀਂ ਬਾਦਲ ਨੂੰ ਵੀ ਆਪਣੇ ਵਿਆਹ ਦਾ ਬਹੁਤ ਚਾਅ ਸੀ ਅਤੇ ਉਹ ਲਗਜ਼ਰੀ ਗੱਡੀ ਖੁਦ ਹੀ ਬੁੱਕ ਕਰਵਾ ਆਇਆ ਸੀ ਪਰ ਕਿਸਮਤ ਨੂੰ ਕੁਝ ਹੋਰ ਹੀ ਮਨਜ਼ੂਰ ਸੀ।
ਪਤਨੀ ਦਾ ਖੁਲਾਸਾ: 'ਸਰ! ਮੇਰਾ ਪਤੀ ਦਿੱਲੀ 'ਚ ਸੈਕਸ ਰੈਕੇਟ ਚਲਾਉਂਦਾ ਹੈ'
NEXT STORY 
