ਲੁਧਿਆਨਾ, (ਸਹਿਗਲ)- ਮਹਾਮਾਰੀ ਬਣ ਕੇ ਫੈਲੇ ਕੋਰੋਨਾ ਵਾਇਰਸ ਨੇ ਹੁਣ ਪਿੰਡਾਂ ਵਿਚ ਵੀ ਪੈਰ ਪਸਾਰਨੇ ਸ਼ੁਰੂ ਕਰ ਦਿੱਤੇ ਹਨ। ਕਈ ਦਿਹਾਤੀ ਖੇਤਰਾਂ ਵਿਚ ਪਿਛਲੇ ਕੁੱਝ ਦਿਨਾਂ ਤੋਂ ਕੋਰੋਨਾ ਪਾਜ਼ੇਟਿਵ ਮਰੀਜ਼ਾਂ ਦਾ ਗਿਣਤੀ ਵਿਚ ਤੇਜ਼ੀ ਨਾਲ ਵਧਾ ਹੋਇਆ ਹੈ। ਜ਼ਿਲੇ ਵਿਚ ਹੁਣ ਤੱਕ ਸਾਹਮਣੇ ਆਏ ਮਰੀਜ਼ਾਂ ਵਿਚੋਂ 12.31 ਫ਼ੀਸਦੀ ਮਰੀਜ਼ ਦਿਹਾਤੀ ਅਤੇ ਸਬ-ਡਿਵੀਜ਼ਨ ਖੇਤਰਾਂ ਦੇ ਹਨ ਜਦਕਿ ਇਸ ਵਾਇਰਸ ਕਾਰਨ ਮਰਨੇ ਵਾਲੇ ਮਰੀਜ਼ਾਂ ਵਿਚੋਂ 12.86 ਫ਼ੀਸਦੀ ਦਿਹਾਤੀ ਖੇਤਰਾਂ ਦੇ ਰਹਿਣ ਵਾਲੇ ਹਨ ।
ਅੱਜ ਜ਼ਿਲੇ ਵਿਚ 258 ਨਵੇਂ ਪਾਜ਼ੇਟਿਵ ਮਰੀਜ਼ ਸਾਹਮਣੇ ਆਏ ਹਨ ਜਦੋਂਕਿ ਇਨ੍ਹਾਂ ਵਿਚੋਂ 9 ਦੀ ਮੌਤ ਹੋ ਗਈ ਹੈ। ਸਿਹਤ ਅਧਿਕਾਰੀਆਂ ਅਨੁਸਾਰ 9 ਵਿਚੋਂ 5 ਮਰੀਜ਼ ਜ਼ਿਲੇ ਦੇ ਰਹਿਣ ਵਾਲੇ ਹਨ ਜਦੋਂਕਿ 4 ਹੋਰ ਜ਼ਿਲਿਆਂ ਨਾਲ ਸਬੰਧਤ ਹਨ। ਇਸੇ ਤਰ੍ਹਾਂ ਪਾਜ਼ੇਟਿਵ ਮਰੀਜ਼ਾਂ ਵਿਚੋਂ 208 ਜ਼ਿਲੇ ਦੇ ਰਹਿਣ ਵਾਲੇ ਹਨ ਜਦਕਿ 40 ਦੂਜੇ ਜ਼ਿਲਿਆਂ ਤੋਂ ਇਲਾਜ ਲਈ ਸਥਾਨਕ ਹਸਪਤਾਲਾਂ ਵਿਚ ਭਰਤੀ ਸਨ। ਹੁਣ ਤੱਕ ਮਹਾਨਗਰ ਵਿਚ 9427 ਪਾਜ਼ੇਟਿਵ ਮਰੀਜ਼ ਸਾਹਮਣੇ ਆ ਚੁੱਕੇ ਹਨ ਜਦਕਿ 351 ਦੀ ਮੌਤ ਹੋ ਚੁੱਕੀ ਹੈ। ਇਸੇ ਤਰ੍ਹਾਂ ਦੂੱਜੇ ਜ਼ਿਲਿਆਂ ਅਤੇ ਹੋਰ ਸੂਬੇ ਵਿਚੋਂ ਸਥਾਨਕ ਹਸਪਤਾਲਾਂ ਵਿਚ ਭਰਤੀ ਹੋਏ ਮਰੀਜ਼ਾਂ ਵਿਚੋਂ 972 ਪਾਜ਼ੇਟਿਵ ਆ ਚੁੱਕੇ ਹਨ, ਜਿਨ੍ਹਾਂ ਵਿਚੋਂ 80 ਦੀ ਮੌਤ ਹੋ ਚੁੱਕੀ ਹੈ।
ਫਿਰ ਸਾਹਮਣੇ ਆਇਆ 142 ਮਰੀਜ਼ਾਂ ਦਾ ਫਰਕ
ਚੰਡੀਗੜ੍ਹ ਤੋਂ ਜਾਰੀ ਕੋਵਿਡ-19 ਬੁਲੇਟਿਨ ਅਤੇ ਜ਼ਿਲਾ ਸਿਹਤ ਵਿਭਾਗ ਵੱਲੋਂ ਜਾਰੀ ਮਰੀਜ਼ਾਂ ਦੀ ਸੂਚੀ ਵਿਚ ਫਿਰ 142 ਦਾ ਮਰੀਜ਼ਾਂ ਦਾ ਫਰਕ ਸਾਹਮਣੇ ਆਇਆ ਹੈ। ਚੰਡੀਗੜ੍ਹ ਤੋਂ ਜਾਰੀ ਬੁਲੇਟਿਨ ਵਿਚ ਅੱਜ ਲੁਧਿਆਣਾ ਵਿਚ 350 ਪਾਜ਼ੇਟਿਵ ਮਰੀਜ਼ ਆਉਣ ਦੀ ਗੱਲ ਕਹੀ ਗਈ ਹੈ ਜਦਕਿ ਜ਼ਿਲਾ ਸਿਹਤ ਵਿਭਾਗ ਨੇ 208 ਮਰੀਜ਼ਾਂ ਦੀ ਪੁਸ਼ਟੀ ਕੀਤੀ ਹੈ।
ਕੁਲ ਮਰੀਜ਼ਾਂ ਵਿਚ ਵੀ 720 ਦਾ ਫਰਕ
ਜ਼ਿਲਾ ਸਿਹਤ ਵਿਭਾਗ ਹੁਣ ਤੱਕ ਕੁਲ 9427 ਮਰੀਜ਼ਾਂ ਦੇ ਪਾਜ਼ੇਟਿਵ ਹੋਣ ਦੀ ਪੁਸ਼ਟੀ ਕਰ ਰਿਹਾ ਹੈ ਜਦੋਂਕਿ ਸਿਹਤ ਵਿਭਾਗ ਵਲੋਂ ਜਾਰੀ ਰਿਪੋਰਟ ਅਨੁਸਾਰ ਲੁਧਿਆਣਾ ਦੇ ਕੁਲ ਮਰੀਜ਼ਾਂ ਦੀ ਗਿਣਤੀ 10147 ਤੱਕ ਪਹੁੰਚ ਚੁੱਕੀ ਹੈ। ਇਸ ਤਰ੍ਹਾਂ ਮਰੀਜ਼ਾਂ ਦੀ ਕੁਲ ਗਿਣਤੀ ਵਿਚ ਵੀ 720 ਦਾ ਅੰਤਰ ਆ ਰਿਹਾ ਹੈ। ਇਸੇ ਤਰ੍ਹਾਂ ਐਕਟਿਵ ਮਰੀਜ਼ਾਂ ਦੀ ਗਿਣਤੀ ਨੂੰ ਵੀ ਤੋਡ਼-ਮਰੋੜ ਕੇ ਪੇਸ਼ ਕੀਤਾ ਜਾ ਰਿਹਾ ਹੈ। ਲੋਕ ਇਹ ਮੰਨ ਕੇ ਚੱਲ ਰਹੇ ਹਨ ਕਿ ਜ਼ਿਲਾ ਸਿਹਤ ਵਿਭਾਗ ਆਪਣੀ ਬਿਹਤਰ ਕਾਰਗੁਜਾਰੀ ਦਰਸਾਉਣ ਲਈ ਆਂਕੜਿਆਂ ਦਾ ਖੇਡ ਖੇਡ ਰਿਹਾ ਹੈ।
ਕਿਸੇ ਕੋਲੋਂ ਵੀ ਨਹੀਂ ਮਿਲਦਾ ਤਸੱਲੀਬਖਸ਼ ਜਵਾਬ
ਇਸ ਸਿਲਸਿਲੇ ਵਿਚ ਜਦੋਂ ਜ਼ਿਲਾ ਏਪੀਡੇਮਾਲੋਜਿਸਟ ਨਾਲ ਸੰਪਰਕ ਕਰਣ ਦੀ ਕੋਸ਼ਿਸ਼ ਕੀਤੀ ਜਾਂਦੀ ਹੈ ਤਾਂ ਉਹ ਫੋਨ ਹੀ ਨਹੀਂ ਚੁੱਕਦੇ ਜੇਕਰ ਚੁੱਕਦੇ ਵੀ ਹਨ ਤਾਂ ਇਹ ਕਹਿ ਕੇ ਕੁੱਝ ਦੱਸਣ ਤੋਂ ਮਨ੍ਹਾ ਕਰ ਦਿੰਦੇ ਹਨ ਕਿ ਉਨ੍ਹਾਂ ਨੂੰ ਸੀਨੀਅਰ ਅਧਿਕਾਰੀਆਂ ਨੇ ਕੁੱਝ ਵੀ ਬੋਲਣ ਵਲੋਂ ਮਨ੍ਹਾ ਕੀਤਾ ਹੋਇਆ ਹੈ। ਦੂਜੇ ਪਾਸੇ ਚੰਡੀਗੜ੍ਹ ਦੇ ਸੀਨੀਅਰ ਅਧਿਕਾਰੀਆਂ ਨੇ ਦੱਸਿਆ ਕਿ ਜ਼ਿਲਾ ਸਿਹਤ ਵਿਭਾਗ ਨੂੰ ਰਿਪੋਰਟਾਂ ਵਿਚ ਆ ਰਹੇ ਫਰਕ ਨੂੰ ਜਲਦੀ ਦੂਰ ਕਰਣ ਅਤੇ ਉਨ੍ਹਾਂ ਨੂੰ ਪੂਰੀ ਰਿਪੋਰਟ ਸਬਮਿਟ ਕਰਨ ਲਈ ਕਿਹਾ ਗਿਆ ਹੈ।
3624 ਸ਼ੱਕੀ ਮਰੀਜ਼ਾਂ ਦੇ ਸੈਂਪਲ ਜਾਂਚ ਲਈ ਭੇਜੇ
ਸਿਹਤ ਵਿਭਾਗ ਵੱਲੋਂ ਅੱਜ 3624 ਸ਼ੱਕੀ ਮਰੀਜ਼ਾਂ ਦੇ ਸੈਂਪਲ ਜਾਂਚ ਲਈ ਭੇਜੇ ਹਨ ਜਦਕਿ 5245 ਮਰੀਜ਼ਾਂ ਦੀ ਰਿਪੋਰਟ ਅਜੇ ਪੈਂਡਿੰਗ ਚੱਲ ਰਹੀ ਹੈ। ਸਿਵਲ ਸਰਜਨ ਡਾ. ਰਾਜੇਸ਼ ਬੱਗਾ ਨੇ ਦੱਸਿਆ ਕਿ ਪੈਂਡਿੰਗ ਸੈਂਪਲਾਂ ਦੀ ਰਿਪੋਰਟ ਜਲਦੀ ਆਉਣ ਦੀ ਸੰਭਾਵਨਾ ਹੈ।
425 ਮਰੀਜ਼ਾਂ ਨੂੰ ਘਰ ਵਿਚ ਇਕਾਂਤਵਾਸ ਕੀਤਾ
ਸਿਹਤ ਵਿਭਾਗ ਦੀ ਟੀਮ ਨੇ ਅੱਜ 425 ਲੋਕਾਂ ਨੂੰ ਘਰ ਵਿਚ ਇਕਾਂਤਵਾਸ ਕੀਤਾ। ਹੁਣ ਤੱਕ 5774 ਲੋਕ ਘਰ ਵਿਚ ਇਕਾਂਤਵਾਸ ਰਹਿ ਰਹੇ ਹਨ। ਸਿਹਤ ਅਧਿਕਾਰੀਆਂ ਅਨੁਸਾਰ ਹੁਣ ਤੱਕ 32974 ਲੋਕਾਂ ਨੂੰ ਘਰ ਵਿਚ ਇਕਾਂਤਵਾਸ ਲਈ ਭੇਜਿਆ ਜਾ ਚੁੱਕਾ ਹੈ ।
ਮ੍ਰਿਤਕ ਮਰੀਜ਼ਾਂ ਦਾ ਵੇਰਵਾ
ਨਾਮ ਪਤਾ ਹੋਰ ਰੋਗ ਹਸਪਤਾਲ
* ਕੁਲਦੀਪ ਸਿੰਘ (59) ਮੋਹਰ ਸਿੰਘ ਨਗਰ, ਸ਼ੂਗਰ ਓਸਵਾਲ
* ਹਰਵੰਤ ਸਿੰਘ (75) ਮਹਾਰਾਜ ਨਗਰ, ਬਲੱਡ ਪ੍ਰੈਸ਼ਰ, ਸ਼ੂਗਰ ਦੀਪਕ ਹਸਪਤਾਲ
* ਮੁਕੇਸ਼ ਕੁਮਾਰ (50) ਪ੍ਰੇਮ ਨਗਰ ਖੰਨਾ, ਬਲੱਡ ਪ੍ਰੈਸ਼ਰ ਰਾਜਿੰਦਰਾ ਹਾਸਪਤਾਲ ਪਟਿਆਲਾ
* ਰਮਾਸ਼ੰਕਰ (65) ਢੰਡਾਰੀ, ਰਾਜਿੰਦਰਾ ਹਸਪਤਾਲ ਪਟਿਆਲਾ
* ਵਿਮਲਾ ਦੇਵੀ (82) ਕ੍ਰਿਸ਼ਨਾ ਨਗਰ ਖੰਨਾ, ਬਲੱਡ ਪ੍ਰੈਸ਼ਰ , ਸ਼ੂਗਰ , ਸੀ. ਐੱਮ. ਸੀ.
ਬਾਹਰੀ ਜ਼ਿਲਿਆਂ ਦੇ ਮ੍ਰਿਤਕ ਮਰੀਜ਼
* ਅਵਤਾਰ ਸਿੰਘ (50) ਐੱਸ. ਬੀ . ਐੱਸ. ਨਗਰ ਡੀ. ਐੱਮ. ਸੀ.
* ਦਵਿੰਦਰ ਸਿੰਘ (27) ਸੰਗਰੂਰ ਡੀ. ਐੱਮ. ਸੀ.
* ਮਨਵੀਰ ਸਿੰਘ (32) ਮੋਗਾ ਡੀ. ਐੱਮ. ਸੀ.
* ਰਾਜਿੰਦਰ ਕੌਰ (72) ਧੂਰੀ ਡੀ. ਐੱਮ. ਸੀ.
ਸ਼ਹਿਰੀ ਅਤੇ ਸਬ-ਡਿਵੀਜ਼ਨ ਖੇਤਰਾਂ ਦੇ ਮਰੀਜ਼
ਖੇਤਰ ਪਾਜ਼ੇਟਿਵ ਮਰੀਜ਼ ਮ੍ਰਿਤਕ ਮਰੀਜ਼
* ਜਗਰਾਵਾਂ 312 10 * ਰਾਏਕੋਟ 133 4 * ਖੰਨਾ 302 14 ਸਮਰਾਲਾ 114 6 * ਪਾਇਲ 173 6 * ਲੁਧਿਆਣਾ ਸ਼ਹਿਰ 8393 311
ਪਟਿਆਲਾ ਜ਼ਿਲ੍ਹੇ 'ਚ ਕੋਰੋਨਾ ਦੇ 181 ਨਵੇਂ ਕੇਸਾਂ ਦੀ ਪੁਸ਼ਟੀ, 4 ਦੀ ਹੋਈ ਮੌਤ
NEXT STORY 
