ਜਲੰਧਰ/ਚੰਡੀਗੜ੍ਹ (ਧਵਨ)-ਪੰਜਾਬ ਸਰਕਾਰ ਦੀ ਸਾਲ 2026-27 ਦੀ ਆਬਕਾਰੀ ਨੀਤੀ ਤਹਿਤ ਸ਼ਰਾਬ ਠੇਕੇਦਾਰਾਂ ਨੂੰ ਇਸ ਵਾਰ 6-7 ਫ਼ੀਸਦੀ ਮਾਲੀਆ ਵਾਧੇ ਦੇ ਨਾਲ ਆਪਣੇ ਸ਼ਰਾਬ ਠੇਕਿਆਂ ਦੇ ਗਰੁੱਪਾਂ ਨੂੰ ਨਵਿਆਉਣ (ਰੀਨਿਊ ਕਰਨ) ਦਾ ਬਦਲ ਦਿੱਤਾ ਗਿਆ ਸੀ। ਹੁਣ ਤੱਕ ਸੂਬੇ ਦੇ ਕਰੀਬ 71 ਫ਼ੀਸਦੀ ਠੇਕੇਦਾਰਾਂ ਨੇ ਆਪਣੇ ਠੇਕਿਆਂ ਦਾ ਨਵੀਨੀਕਰਨ ਕਰਵਾ ਲਿਆ ਹੈ, ਜਦਕਿ ਬਾਕੀ 29 ਫ਼ੀਸਦੀ ਠੇਕਿਆਂ ਦੀ ਅਲਾਟਮੈਂਟ ਲਈ ਹੁਣ ਸਰਕਾਰ ਟੈਂਡਰ ਪ੍ਰਣਾਲੀ ਅਪਣਾਏਗੀ।
ਇਹ ਵੀ ਪੜ੍ਹੋ: ਬੱਚਿਆਂ ਨੂੰ ਜ਼ਰੂਰ ਵਿਖਾਓ ਇਹ Funny ਵੀਡੀਓ, ਆਸਾਨੀ ਨਾਲ ਯਾਦ ਹੋਣਗੇ ਹਫ਼ਤੇ ਦੇ ਦਿਨਾਂ ਦੇ ਨਾਮ
ਸਰਕਾਰ ਹੁਣ ਟੈਂਡਰ ਲਗਾਵੇਗੀ ਅਤੇ ਉਸ ਵਿਚ ਜੇਕਰ ਪੁਰਾਣੇ ਜਾਂ ਨਵੇਂ ਠੇਕੇਦਾਰਾਂ ਵੱਲੋਂ ਠੇਕੇ ਲੈਣ ਲਈ ਅਪਲਾਈ ਕੀਤਾ ਜਾਂਦਾ ਹੈ ਤਾਂ ਠੀਕ ਹੈ, ਨਹੀਂ ਤਾਂ ਸਰਕਾਰ ਨੂੰ ਦੁਬਾਰਾ ਟੈਂਡਰ ਲਾਉਣ ਲਈ ਸ਼ਰਾਬ ਠੇਕਿਆਂ ਦੀ ਰਾਖਵੀਂ ਕੀਮਤ (ਰਿਜ਼ਰਵ ਪ੍ਰਾਈਸ) ਨੂੰ ਘੱਟ ਕਰਨਾ ਪਵੇਗਾ ਤਾਂ ਜੋ ਠੇਕੇ ਅਲਾਟ ਕੀਤੇ ਜਾ ਸਕਣ। ਠੇਕੇਦਾਰਾਂ ਅਨੁਸਾਰ ਬਰਨਾਲਾ, ਫਰੀਦਕੋਟ, ਫਤਹਿਗੜ੍ਹ ਸਾਹਿਬ, ਗੁਰਦਾਸਪੁਰ, ਮਾਨਸਾ, ਪਟਿਆਲਾ ਅਤੇ ਤਰਨਤਾਰਨ ਜ਼ਿਲ੍ਹਿਆਂ ਵਿਚ ਸਾਰੇ ਗਰੁੱਪਾਂ ਦਾ ਮੁਕੰਮਲ ਨਵੀਨੀਕਰਨ ਹੋ ਚੁੱਕਾ ਹੈ। ਉੱਥੇ ਹੀ ਲੁਧਿਆਣਾ ਵਿਚ 73 ਫ਼ੀਸਦੀ, ਜਲੰਧਰ ’ਚ 76 ਫੀਸਦੀ ਅਤੇ ਅੰਮ੍ਰਿਤਸਰ ’ਚ 75 ਫ਼ੀਸਦੀ ਠੇਕਿਆਂ ਦਾ ਨਵੀਨੀਕਰਨ ਹੋਇਆ ਹੈ। ਇਸ ਦੇ ਉਲਟ ਹੁਸ਼ਿਆਰਪੁਰ ’ਚ 46 ਫ਼ੀਸਦੀ, ਕਪੂਰਥਲਾ ’ਚ 43 ਅਤੇ ਮੋਗਾ ’ਚ ਸਿਰਫ਼ 40 ਫ਼ੀਸਦੀ ਠੇਕੇਦਾਰਾਂ ਨੇ ਹੀ ਨਵੀਨੀਕਰਨ ਦਾ ਬਦਲ ਚੁਣਿਆ ਹੈ।
ਇਹ ਵੀ ਪੜ੍ਹੋ: ISI ਦੇ ਮਨਸੂਬਿਆਂ ਦਾ ਪਰਦਾਫਾਸ਼! AK-47 ਰਾਈਫਲ, 3 ਪਿਸਤੌਲਾਂ ਤੇ 36 ਜ਼ਿੰਦਾ ਕਾਰਤੂਸਾਂ ਸਣੇ 2 ਗ੍ਰਿਫ਼ਤਾਰ
ਠੇਕੇਦਾਰਾਂ ਅਨੁਸਾਰ ਸਾਲ 2025-26 ਦੌਰਾਨ ਭਾਰੀ ਵਿੱਤੀ ਨੁਕਸਾਨ ਇਸ ਵਾਰ ਨਵੀਨੀਕਰਨ ਨਾ ਕਰਨ ਦਾ ਸਭ ਤੋਂ ਵੱਡਾ ਕਾਰਨ ਰਿਹਾ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਆਈ. ਐੱਮ. ਐੱਫ਼. ਐੱਲ. (ਅੰਗਰੇਜ਼ੀ ਸ਼ਰਾਬ) ਦੇ ਓਪਨ ਕੋਟੇ ਦੀ ਨੀਤੀ ਨਾਲ ਬਾਜ਼ਾਰ ਵਿਚ ਅੰਗਰੇਜ਼ੀ ਸ਼ਰਾਬ ਦੀ ਬਹੁਤ ਜ਼ਿਆਦਾ ਸਪਲਾਈ ਹੋ ਗਈ, ਜਿਸ ਨਾਲ ਪ੍ਰਚੂਨ ਠੇਕੇਦਾਰਾਂ ਵਿਚਾਲੇ ਤਿੱਖੀ ਮੁਕਾਬਲੇਬਾਜ਼ੀ ਵਧੀ ਅਤੇ ਮੁਨਾਫ਼ਾ ਘਟ ਗਿਆ। ਠੇਕੇਦਾਰਾਂ ਨੇ ਕਿਹਾ ਕਿ ਓਪਨ ਕੋਟਾ ਪ੍ਰਣਾਲੀ ਦਾ ਵੱਧ ਫ਼ਾਇਦਾ ਸ਼ਰਾਬ ਫੈਕਟਰੀਆਂ ਅਤੇ ਡਿਸਟਿਲਰੀ ਮਾਲਕਾਂ ਨੂੰ ਮਿਲਿਆ, ਜਦਕਿ ਪ੍ਰਚੂਨ ਠੇਕੇਦਾਰਾਂ ਨੂੰ ਘਟਦੇ ਮੁਨਾਫ਼ੇ ਅਤੇ ਬਾਜ਼ਾਰ ਦੀ ਮੁਕਾਬਲੇਬਾਜ਼ੀ ਦਾ ਸਭ ਤੋਂ ਵੱਧ ਨੁਕਸਾਨ ਉਠਾਉਣਾ ਪਿਆ। ਠੇਕੇਦਾਰਾਂ ਨੇ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਆਬਕਾਰੀ ਮਾਲੀਏ ਨੂੰ ਸਥਿਰ ਬਣਾਉਣ ਲਈ ਆਈ. ਐੱਮ. ਐੱਫ. ਐੱਲ. ਦੇ ਓਪਨ ਕੋਟੇ ਦੀ ਅਲਾਟਮੈਂਟ ਨੂੰ ਸਖ਼ਤੀ ਨਾਲ ਕੰਟਰੋਲ ਕੀਤਾ ਜਾਵੇ।
ਠੇਕੇਦਾਰਾਂ ਦਾ ਕਹਿਣਾ ਹੈ ਕਿ ਜੇਕਰ ਸਰਕਾਰ ਆਈ. ਐੱਮ. ਐੱਫ. ਐੱਲ. ਦੇ ਓਪਨ ਕੋਟੇ ਦੀ ਵਿਵਸਥਾ ’ਤੇ ਸਖ਼ਤ ਕੰਟਰੋਲ ਨਹੀਂ ਕਰਦੀ ਤਾਂ ਆਉਣ ਵਾਲੇ ਸਮੇਂ ਵਿਚ ਕਈ ਹੋਰ ਠੇਕੇਦਾਰ ਕਾਰੋਬਾਰ ਤੋਂ ਬਾਹਰ ਹੋ ਸਕਦੇ ਹਨ। ਉਨ੍ਹਾਂ ਨੇ ਸਰਕਾਰ ਤੋਂ ਮੰਗ ਕੀਤੀ ਕਿ ਬਾਜ਼ਾਰ ਵਿਚ ਸਪਲਾਈ ਅਤੇ ਮੰਗ ਵਿਚਾਲੇ ਸੰਤੁਲਨ ਬਣਾਏ ਰੱਖਣ ਲਈ ਨੀਤੀ ਵਿਚ ਲੋੜੀਂਦੇ ਸੁਧਾਰ ਕੀਤੇ ਜਾਣ, ਤਾਂ ਜੋ ਪ੍ਰਚੂਨ ਠੇਕੇਦਾਰਾਂ ਨੂੰ ਵੀ ਢੁਕਵਾਂ ਮੁਨਾਫ਼ਾ ਮਿਲ ਸਕੇ ਅਤੇ ਸੂਬੇ ਦੇ ਆਬਕਾਰੀ ਮਾਲੀਏ ’ਤੇ ਵੀ ਨਕਾਰਾਤਮਕ ਪ੍ਰਭਾਵ ਨਾ ਪਵੇ।
ਇਹ ਵੀ ਪੜ੍ਹੋ:ਪੰਜਾਬ ਲਈ 5 ਦਿਨ ਅਹਿਮ! ਭਾਰੀ ਮੀਂਹ ਤੇ ਹਨ੍ਹੇਰੀ-ਤੂਫ਼ਾਨ ਦਾ Alert, 18 ਤਾਰੀਖ਼ ਤੱਕ ਸਾਵਧਾਨ ਰਹਿਣ ਇਹ ਜ਼ਿਲ੍ਹੇ
ਅੰਗਰੇਜ਼ੀ ਸ਼ਰਾਬ ਦੇ ਓਪਨ ਕੋਟਾ ਸਿਸਟਮ ਨੂੰ ਖ਼ਤਮ ਕਰਨ ਦੀ ਮੰਗ
ਪੰਜਾਬ ਦੇ ਸ਼ਰਾਬ ਠੇਕੇਦਾਰਾਂ ਨੇ ਸੂਬਾ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਅੰਗਰੇਜ਼ੀ ਸ਼ਰਾਬ ਦੇ ਓਪਨ ਕੋਟੇ ਸਿਸਟਮ ਨੂੰ ਤੁਰੰਤ ਖ਼ਤਮ ਕੀਤਾ ਜਾਵੇ, ਕਿਉਂਕਿ ਇਸ ਨਾਲ ਠੇਕੇਦਾਰਾਂ ਨੂੰ ਭਾਰੀ ਆਰਥਿਕ ਨੁਕਸਾਨ ਉਠਾਉਣਾ ਪੈ ਰਿਹਾ ਹੈ। ਠੇਕੇਦਾਰਾਂ ਦਾ ਕਹਿਣਾ ਹੈ ਕਿ ਪੰਜਾਬ ਵਿਚ ਦੇਸੀ ਸ਼ਰਾਬ ਦੀ ਵਿਕਰੀ ਸਰਕਾਰ ਵੱਲੋਂ ਕੰਟਰੋਲ ਅਤੇ ਤੈਅ ਕੋਟੇ ਅਨੁਸਾਰ ਹੁੰਦੀ ਹੈ, ਇਸ ਲਈ ਉਸੇ ਤਰ੍ਹਾਂ ਅੰਗਰੇਜ਼ੀ ਸ਼ਰਾਬ ਦੀ ਸਪਲਾਈ ਵੀ ਕੰਟਰੋਲ ਕੀਤੀ ਜਾਣੀ ਚਾਹੀਦੀ ਹੈ।
ਉਨ੍ਹਾਂ ਦਾ ਕਹਿਣਾ ਹੈ ਕਿ ਅੰਗਰੇਜ਼ੀ ਸ਼ਰਾਬ ਦੇ ਓਪਨ ਕੋਟੇ ਕਾਰਨ ਬਾਜ਼ਾਰ ਵਿਚ ਇਸ ਦੀ ਜ਼ਿਆਦਾ ਸਪਲਾਈ ਹੋ ਰਹੀ ਹੈ, ਜਿਸ ਨਾਲ ਠੇਕੇਦਾਰਾਂ ਵਿਚਾਲੇ ਗੈਰ-ਸਿਹਤਮੰਦ ਮੁਕਾਬਲੇਬਾਜ਼ੀ ਪੈਦਾ ਹੋ ਰਹੀ ਹੈ ਅਤੇ ਉਨ੍ਹਾਂ ਦੇ ਕਾਰੋਬਾਰ ’ਤੇ ਬੁਰਾ ਅਸਰ ਪੈ ਰਿਹਾ ਹੈ। ਠੇਕੇਦਾਰਾਂ ਨੇ ਸਰਕਾਰ ਤੋਂ ਮੰਗ ਕੀਤੀ ਕਿ ਇਸ ਸਬੰਧ ਵਿਚ ਵਿਸ਼ੇਸ਼ ਨੋਟੀਫਿਕੇਸ਼ਨ ਜਾਰੀ ਕਰਕੇ ਅੰਗਰੇਜ਼ੀ ਸ਼ਰਾਬ ਦੇ ਕੋਟੇ ਨੂੰ ਵੀ ਰੈਗੂਲਰ ਕੀਤਾ ਜਾਵੇ।
ਉਨ੍ਹਾਂ ਦਾ ਇਹ ਵੀ ਕਹਿਣਾ ਹੈ ਕਿ ਮੌਜੂਦਾ ਓਪਨ ਕੋਟਾ ਪ੍ਰਣਾਲੀ ਨਾਲ ਸਭ ਤੋਂ ਵੱਧ ਲਾਭ ਡਿਸਟਿਲਰੀ ਕੰਪਨੀਆਂ ਨੂੰ ਹੋ ਰਿਹਾ ਹੈ, ਜਦਕਿ ਠੇਕੇਦਾਰਾਂ ਨੂੰ ਨੁਕਸਾਨ ਉਠਾਉਣਾ ਪੈ ਰਿਹਾ ਹੈ। ਠੇਕੇਦਾਰਾਂ ਅਨੁਸਾਰ ਜੇਕਰ ਇਸ ਵਿਵਸਥਾ ਨੂੰ ਜਾਰੀ ਰੱਖਿਆ ਗਿਆ ਤਾਂ ਆਉਣ ਵਾਲੇ ਸਮੇਂ ਵਿਚ ਕਈ ਠੇਕੇਦਾਰਾਂ ਲਈ ਕਾਰੋਬਾਰ ਚਲਾਉਣਾ ਮੁਸ਼ਕਲ ਹੋ ਜਾਵੇਗਾ। ਉਨ੍ਹਾਂ ਨੇ ਸਰਕਾਰ ਨੂੰ ਅਪੀਲ ਕੀਤੀ ਕਿ ਬਾਜ਼ਾਰ ਵਿਚ ਸੰਤੁਲਨ ਬਣਾਈ ਰੱਖਣ ਅਤੇ ਠੇਕੇਦਾਰਾਂ ਦੇ ਹਿੱਤਾਂ ਦੀ ਰਾਖੀ ਲਈ ਅੰਗਰੇਜ਼ੀ ਸ਼ਰਾਬ ਦੇ ਓਪਨ ਕੋਟਾ ਸਿਸਟਮ ’ਤੇ ਜਲਦੀ ਮੁੜ ਵਿਚਾਰ ਕੀਤਾ ਜਾਵੇ।
ਨਵੀਂ ਆਬਕਾਰੀ ਨੀਤੀ ਦਾ ਵਿਸ਼ਲੇਸ਼ਣ :
ਕੁੱਲ ਸ਼ਰਾਬ ਠੇਕੇ (ਵੈਂਡਜ਼) : 207
ਨਵੀਨੀਕਰਨ ਹੋ ਚੁੱਕੇ : 147
ਅਜੇ ਪੈਂਡਿੰਗ : 60
ਕੁੱਲ ਨਵੀਨੀਕਰਨ ਫ਼ੀਸਦੀ 71 ਫ਼ੀਸਦੀ
ਇਹ ਵੀ ਪੜ੍ਹੋ:ਜਲੰਧਰ: ਕੈਂਬ੍ਰਿਜ ਸਕੂਲ ਦੀ ਵਿਦਿਆਰਥਣ ਦੀ ਮੌਤ ਬਾਰੇ ਵੱਡਾ ਖ਼ੁਲਾਸਾ! ਸੁਸਾਈਡ ਨੋਟ 'ਚ ਲਿਖਿਆ...
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਤਪਾ ਪੁਲਸ ਦੀ ਵੱਡੀ ਕਾਰਵਾਈ : 2 ਕੁਇੰਟਲ ਭੁੱਕੀ ਸਣੇ 3 ਨਸ਼ਾ ਤਸਕਰ ਗ੍ਰਿਫ਼ਤਾਰ
NEXT STORY 
