ਜਲੰਧਰ (ਵਰੁਣ)–ਵਿਧਾਇਕ ਰਮਨ ਅਰੋੜਾ ਦੇ ਬਾਅਦ ਹੁਣ ਆਮ ਆਦਮੀ ਪਾਰਟੀ ਦੇ ਇਕ ਕੌਂਸਲਰ ਪਤੀ ਦੀ ਆਡੀਓ ਵਾਇਰਲ ਹੋਈ ਹੈ। ਇਹ ਰਿਕਾਰਡਿੰਗ ਵ੍ਹਟਸਐਪ ਕਾਲ ਦੀ ਹੈ, ਜਿਸ ਦੀ ਬਤੌਰ ਵੀਡੀਓ ਬਣਾਈ ਗਈ ਹੈ। 50 ਸੈਕਿੰਡ ਦੀ ਇਸ ਗੱਲਬਾਤ ਵਿਚ ਪ੍ਰਧਾਨ ਮੰਤਰੀ ਆਵਾਸ ਯੋਜਨਾ ਸਕੀਮ ਤਹਿਤ ਮਿਲੇ ਫੰਡ ਦੀ ਕਮੀਸ਼ਨ ਦਾ ਜ਼ਿਕਰ ਕੀਤਾ ਜਾ ਰਿਹਾ ਹੈ।
ਉੱਤਰੀ ਹਲਕੇ ਦਾ ਸਾਬਕਾ ਕੌਂਸਲਰ ਅਤੇ ਕੌਂਸਲਰ ਪਤੀ ਦੀ ਪਹਿਲਾਂ ਤੋਂ ਹੀ ਪ੍ਰਧਾਨ ਮੰਤਰੀ ਆਵਾਸ ਯੋਜਨਾ ਵਿਚ ਹੋਏ ਘਪਲੇ ਦੀ ਜਾਂਚ ਵਿਜੀਲੈਂਸ ਕਰ ਰਹੀ ਹੈ। ਇਸ ਕੇਸ ਵਿਚ ਕਈ ਲੋਕਾਂ ਦੇ ਬਿਆਨ ਵੀ ਹੋ ਚੁੱਕੇ ਹਨ, ਜਿਨ੍ਹਾਂ ਨੂੰ ਨਾਜਾਇਜ਼ ਢੰਗ ਨਾਲ ਫੰਡ ਦਿਵਾਇਆ ਗਿਆ, ਜਦਕਿ ਉਨ੍ਹਾਂ ਦੇ ਘਰ ਵੀ ਪੱਕੇ ਸਨ।
ਇਹ ਵੀ ਪੜ੍ਹੋ: ਜਲੰਧਰ 'ਚ 2 ਮਹੀਨੇ ਪਹਿਲਾਂ ਵਿਆਹੇ ਨੌਜਵਾਨ ਵੱਲੋਂ ਖ਼ੁਦਕੁਸ਼ੀ, ਮਰਨ ਤੋਂ ਪਹਿਲਾਂ ਪਤਨੀ ਬਾਰੇ ਖੋਲ੍ਹੇ ਵੱਡੇ ਰਾਜ਼
ਭਰੋਸੇਯੋਗ ਸੂਤਰਾਂ ਨੇ ਦਾਅਵਾ ਕੀਤਾ ਕਿ ਫੰਡ ਮਿਲਣ ਤੋਂ ਪਹਿਲਾਂ ਹੀ ਸਕੀਮ ਦਾ ਲਾਭ ਲੈਣ ਵਾਲੇ ਲੋਕਾਂ ਤੋਂ ਕਮੀਸ਼ਨ ਦੇ ਚੈੱਕ ਲੈ ਲਏ ਜਾਂਦੇ ਸਨ ਅਤੇ ਫੰਡ ਆਉਂਦੇ ਹੀ ਪੈਸੇ ਤੈਅ ਕੀਤੀ ਗਈ ਕਮੀਸ਼ਨ ਦਾ ਰਕਮ ਕਢਵਾ ਲਈ ਜਾਂਦੀ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਵਿਚ ਨਗਰ ਨਿਗਮ ਦੇ ਕਲਰਕ ਦਾ ਨਾਂ ਵੀ ਉੱਛਲ ਰਿਹਾ ਹੈ, ਜੋ ਪੱਕੇ ਘਰ ਹੋਣ ਦੇ ਬਾਵਜੂਦ ਫਰਜ਼ੀ ਤਸਵੀਰਾਂ ਲਾ ਕੇ ਫਾਈਲ ਤਿਆਰ ਕਰਦਾ ਸੀ। ਇਹ ਸਿਰਫ਼ ਇਕ ਰਿਕਾਰਡਿੰਗ ਸਾਹਮਣੇ ਆਈ ਹੈ ਪਰ ਅਜਿਹੇ ਸੈਂਕੜੇ ਘਰ ਹਨ, ਜਿਨ੍ਹਾਂ ਦੇ ਘਰ ਪੱਕੇ ਸਨ ਅਤੇ ਉਨ੍ਹਾਂ ਨੂੰ ਬਾਲਿਆਂ ਵਾਲੀਆਂ ਛੱਤਾਂ ਵਿਖਾ ਕੇ ਫੰਡ ਦਿੱਤਾ ਗਿਆ ਅਤੇ ਫੰਡ ਰਿਲੀਜ਼ ਹੋਣ ’ਤੇ ਕਮੀਸ਼ਨ ਦੀ ਰਕਮ ਲੈ ਲਈ ਗਈ।
ਇਹ ਵੀ ਪੜ੍ਹੋ: ਲੋਕਾਂ ਦੇ ਸੁੱਖ-ਦੁੱਖ ’ਚ ਸ਼ਾਮਲ ਨਾ ਹੋਣ ਵਾਲੇ ਆਗੂਆਂ ਨੂੰ ਵੋਟਰ ਨਕਾਰ ਦੇਣ : ਭਗਵੰਤ ਮਾਨ
ਦੱਸਿਆ ਜਾ ਰਿਹਾ ਹੈ ਕਿ ਜਿਹੜਾ ਵਿਅਕਤੀ ਕੌਂਸਲਰ ਪਤੀ ਨਾਲ ਗੱਲ ਕਰ ਰਿਹਾ ਸੀ, ਉਸ ਦਾ 1.75 ਲੱਖ ਰੁਪਏ ਦਾ ਫੰਡ ਪਾਸ ਹੋਇਆ ਸੀ, ਜਿਸ ਨੂੰ ਅਜੇ ਤਕ 1.12 ਲੱਖ ਰੁਪਏ ਹੀ ਮਿਲੇ ਹਨ ਅਤੇ ਉਸ ਕੋਲੋਂ 50 ਹਜ਼ਾਰ ਰੁਪਏ ਵੀ ਕਮੀਸ਼ਨ ਮੰਗੀ ਗਈ। ਜਿਉਂ ਹੀ ਫੰਡ ਉਸ ਵਿਅਕਤੀ ਦੇ ਬੈਂਕ ਖ਼ਾਤੇ ਵਿਚ ਟਰਾਂਸਫ਼ਰ ਹੋਏ ਤਾਂ ਨਿਗਮ ਦਾ ਇਕ ਅਧਿਕਾਰੀ ਉਸ ਨੂੰ ਫੋਨ ਕਰਨ ਲੱਗ ਪਿਆ, ਜਿਹੜਾ ਕਿ ਇਕ ਪਲਾਨਿੰਗ ਦਾ ਹਿੱਸਾ ਹੈ। ਅਧਿਕਾਰੀ ਦੇ ਫੋਨ ਤੋਂ ਡਰ ਕੇ ਹੀ ਇਸ ਵਿਅਕਤੀ ਨੇ ਕੌਂਸਲਰ ਪਤੀ ਨੂੰ ਫੋਨ ਕੀਤਾ ਅਤੇ ਉਸ ਨੂੰ 40 ਹਜ਼ਾਰ ਰੁਪਏ ਤਕ ਦੇਣ ਨੂੰ ਕਹਿ ਰਿਹਾ ਹੈ। ਜ਼ਿਕਰਯੋਗ ਹੈ ਕਿ ਪ੍ਰਧਾਨ ਮੰਤਰੀ ਆਵਾਸ ਯੋਜਨਾ ਵਿਚ ਹੋਏ ਇਸ ਘਪਲੇ ਨੂੰ ਲੈ ਕੇ 'ਜਗ ਬਾਣੀ' ਪਹਿਲਾਂ ਹੀ ਖ਼ੁਲਾਸਾ ਕਰ ਚੁੱਕੀ ਹੈ, ਜਿਸ ਨੂੰ ਲੈ ਕੇ ਉਨ੍ਹਾਂ ਨੂੰ ਪੱਕੇ ਘਰਾਂ ਦੀਆਂ ਤਸਵੀਰਾਂ ਵੀ ਛਾਪੀਆਂ ਗਈਆਂ ਸਨ, ਜਿਨ੍ਹਾਂ ਨੂੰ ਬਾਲਿਆਂ ਵਾਲੀਆਂ ਛੱਤਾਂ ਕਹਿ ਕੇ ਫੰਡ ਜਾਰੀ ਕਰਵਾਏ ਗਏ ਸਨ।
ਇਹ ਵੀ ਪੜ੍ਹੋ: ਜਲੰਧਰ ਵਾਸੀਆਂ ਲਈ ਨਵੀਂ ਮੁਸੀਬਤ! ਮੰਡਰਾ ਰਿਹੈ ਵੱਡਾ ਖ਼ਤਰਾ, 15-20 ਦਿਨ ਬਾਅਦ...
ਵਿਜੀਲੈਂਸ ਕੋਲ ਵੀ ਪਹੁੰਚੀ ਆਡੀਓ
ਭਰੋਸੇਯੋਗ ਸੂਤਰਾਂ ਦੀ ਮੰਨੀਏ ਤਾਂ ਜਿਉਂ ਹੀ ਆਡੀਓ ਵਾਇਰਲ ਹੋਈ ਤਾਂ ਉਕਤ ਆਡੀਓ ਵਿਜੀਲੈਂਸ ਦੇ ਅਧਿਕਾਰੀਆਂ ਤਕ ਵੀ ਪਹੁੰਚ ਗਈ। ਪਹਿਲਾਂ ਤੋਂ ਹੀ ਇਸ ਕੇਸ ਦੀ ਜਾਂਚ ਵਿਜੀਲੈਂਸ ਕਰ ਰਹੀ ਹੈ ਪਰ ਵਿਧਾਇਕ ਰਮਨ ਅਰੋੜਾ ਦੇ ਕੇਸ ਤੋਂ ਬਾਅਦ ਇਸ ਮਾਮਲੇ ਦੀ ਜਾਂਚ ਠੱਪ ਹੋ ਗਈ। ਆਡੀਓ ਮਿਲਣ ਤੋਂ ਬਾਅਦ ਹੁਣ ਜ਼ਾਹਰ ਹੈ ਕਿ ਵਿਜੀਲੈਂਸ ਦੀ ਟੀਮ ਇਸ ਮਾਮਲੇ ਦੀ ਸੱਚਾਈ ਤੋਂ ਪਰਦਾ ਉਠਾਵੇਗੀ, ਹਾਲਾਂਕਿ 'ਜਗ ਬਾਣੀ' ਇਸ ਵਾਇਰਲ ਹੋਈ ਆਡੀਓ ਦੀ ਪੁਸ਼ਟੀ ਨਹੀਂ ਕਰਦਾ ਪਰ ਗੱਲ ਕਰਨ ਵਾਲੇ ਬਜ਼ੁਰਗ ਵਿਅਕਤੀ ਦੇ ਬੈਂਕ ਖ਼ਾਤੇ ਦੀ ਡਿਟੇਲ ਕਢਵਾਈ ਜਾਵੇ ਤਾਂ ਸੱਚ ਸਾਹਮਣੇ ਆ ਸਕਦਾ ਹੈ। ਬੈਂਕ ਖ਼ਾਤੇ ਤੋਂ ਫੰਡ ਆਉਣ ਤੋਂ ਬਾਅਦ ਕਿੰਨੇ ਪੈਸੇ ਨਿਕਲੇ ਅਤੇ ਕਿੱਥੇ ਲੱਗੇ ਇਹ ਵਿਜੀਲੈਂਸ ਜਾਂਚ ਕਰ ਸਕਦੀ ਹੈ।
ਇਹ ਵੀ ਪੜ੍ਹੋ: Punjab: ਔਰਤ ਘਰ 'ਚ ਕਰਦੀ ਸੀ ਦੇਹ ਵਪਾਰ ਦਾ ਧੰਦਾ, ਜਦ ਪਹੁੰਚੀ ਪੁਲਸ ਤਾਂ ਹੋਏ ਹੈਰਾਨੀਜਨਕ ਖ਼ੁਲਾਸੇ
ਵਾਇਰਲ ਹੋਈ ਵੀਡੀਓ
ਕੌਂਸਲਰ ਪਤੀ : ਮੈਨੂੰ ਨਹੀਂ ਸਮਝ ਆਂਦੀ ਤੁਹਾਡੀ ਗੱਲ।
ਬਜ਼ੁਰਗ : ਨਈਂ ਮੈਂ ਜਨਾਬ, ਮੈਨੂੰ ਕੋਈ ਫੋਨ ਕਰੀ ਜਾਂਦਾ, ਕਹਿੰਦਾ ਕੋਈ ਬਾਲਿਆਂ ਵਾਲੀ ਛੱਤ।
ਕੌਂਸਲਰ ਪਤੀ : ਗੱਲ ਕੱਟਦੇ ਹੋਏ-ਅਫ਼ਸਰਾਂ ਨੇ ਤਾਂ ਕਰਨਾ ਹੀ ਹੈ ਫੋਨ, ਅਫ਼ਸਰਾਂ ਦਾ ਤਾਂ ਹੱਕ ਬਣਦਾ। ਮੈਂ ਥੋੜ੍ਹਾ ਰੋਕ ਸਕਦਾਂ ਤੁਹਾਨੂੰ ਫੋਨ ਕਰਨ ਤੋਂ।
ਬਜ਼ੁਰਗ : ਮੇਰੀ ਗੱਲ ਸੁਣੋ, ਘਰ ਕਲੇਸ਼ ਪਿਆ, ਤੁਸੀਂ ਪੈਸੇ ਲਓ, ਮੇਰੀ ਜਾਨ ਛੁਡਾਓ, ਨਈਂ ਚੰਗਾ ਲੱਗਦਾ।
ਕੌਂਸਲਰ ਪਤੀ : ਆਜੋ ਮੇਰੇ ਕੋਲ, ਜਦੋਂ ਤੁਸੀਂ ਫ੍ਰੀ ਹੋਵੋਗੇ ਆਜਿਓ ਮੇਰੇ ਕੋਲ।
ਬਜ਼ੁਰਗ : ਨਈਂ ਫਿਰ ਜੇ ਬਾਲਿਆਂ ਦੀਆਂ ਛੱਤਾਂ ਦੇ ਪੈਸੇ ਥੋੜ੍ਹੇ ਹਨ ਤਾਂ ਲੈਲੋ ਮੇਰੇ ਕੋਲੋਂ। ਜਿੰਨੇ ਕਹੋ ਮੈਂ ਦੇ ਦਿੰਦਾਂ। 40 ਹਜ਼ਾਰ ਰੁਪਏ।
ਕੌਂਸਲਰ ਪਤੀ : ਆਜੋ-ਆਜੋ ਮੈਂ 10 ਮਿੰਟ ਤਕ ਘਰ ਪਹੁੰਚ ਜਾਣਾ।
ਬਜ਼ੁਰਗ : ਬਾਹਰ ਹੋ ਤੁਸੀਂ।
ਕੌਂਸਲਰ ਪਤੀ : ਹਾਂਜੀ ਮੈਂ ਕਾਰਪੋਰੇਸ਼ਨ ਬੈਠਾਂ। 15 ਮਿੰਟ ਤਕ ਪਹੁੰਚ ਜਾਣਾ ਆਜੋ ਤੁਸੀਂ।
ਬਜ਼ੁਹਗ : ਨਬੇੜੋ ਤੁਸੀਂ, ਮੈਨੂੰ ਫੋਨ ਕਰੀ ਜਾਂਦਾ।
ਕੌਂਸਲਰ ਪਤੀ : ਆਜੋ-ਆਜੋ ਮੈਂ ਪੁੱਛ ਵੀ ਲੈਂਦਾ। (ਫੋਨ ਕੱਟ ਦਿੱਤਾ)
ਇਸ ਰਿਕਾਰਡਿੰਗ ਵਿਚ ਕਈ ਵਾਰ ਬਜ਼ੁਰਗ ਦੀ ਗੱਲ ਨੂੰ ਕੱਟ ਕੇ ਵੀ ਬੋਲ ਰਹੇ ਸਨ ਤਾਂ ਕਿ ਬਜ਼ੁਰਗ ਨੂੰ ਕਹਿ ਰਿਹਾ ਹੈ ਉਹ ਜਾਂ ਤਾਂ ਸੁਣਾਈ ਨਾ ਦੇਵੇ ਜਾਂ ਫਿਰ ਆਪਣੀ ਗੱਲ ਪੂਰੀ ਨਾ ਬੋਲ ਸਕੇ।
ਮੈਨੂੰ ਪਤਾ ਲੱਗਾ ਕਿ ਕੋਈ ਰਿਕਾਰਡਿੰਗ ਵਾਇਰਲ ਹੋਈ ਹੈ ਪਰ ਮੇਰੀ ਆਵਾਜ਼ ਨਹੀਂ ਹੈ। ਮੈਨੂੰ ਲੱਗਦਾ ਹੈ ਕਿ ਇਹ ਚੋਣਾਂ ਦੀ ਹੈ, ਜਿਸ ਵਿਚ ਸਾਨੂੰ ਹਰਾਉਣ ਲਈ ਵਿਰੋਧੀ ਪਾਰਟੀਆਂ ਨੇ ਇਹ ਦਾਅ ਖੇਡਿਆ ਸੀ। ਅਜਿਹੇ ਕਈ ਐਪ ਆ ਚੁੱਕੇ ਹਨ, ਜਿਸ ਵਿਚ ਆਵਾਜ਼ ਦਾ ਪਤਾ ਨਹੀਂ ਲੱਗਦਾ। ਮੇਰੀ ਅਜਿਹੀ ਕੋਈ ਗੱਲਬਾਤ ਕਿਸੇ ਨਾਲ ਨਹੀਂ ਹੋਈ ਹੈ। -ਕੌਂਸਲਰ ਪਤੀ
ਇਹ ਵੀ ਪੜ੍ਹੋ: ਕੈਨੇਡਾ ਤੋਂ ਆਈ ਸਹੇਲੀ ਨਾਲ ਬਿਆਸ ਪਹੁੰਚੀ ਮਸ਼ਹੂਰ ਕਾਰੋਬਾਰੀ ਦੀ ਨੂੰਹ, ਪਤੀ ਨੂੰ 'ਆਈ ਲਵ ਯੂ' ਦਾ ਮੈਸੇਜ ਭੇਜ...
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਹੁਣ ਅੰਮ੍ਰਿਤਸਰ 'ਚ ਕੁੜੀ-ਮੁੰਡੇ ਦੀ ਵਾਇਰਲ ਵੀਡੀਓ ਨੇ ਮਚਾਇਆ ਤਹਿਲਕਾ, ਸੜਕ 'ਤੇ ਹੀ...
NEXT STORY 
