ਪਿਆਕੜ ਸਮਰੱਥਾ ਤੋਂ ਜ਼ਿਆਦਾ ਦਾਰੂ ਖਰੀਦ ਕੇ ਲੈ ਗਏ
ਲੁਧਿਆਣਾ(ਸੇਠੀ)-1 ਅਪ੍ਰੈਲ ਤੋਂ ਨਵੇਂ ਠੇਕੇਦਾਰ ਆਪਣੀਆਂ ਦੁਕਾਨਾਂ ਖੋਲ੍ਹਣਗੇ ਪਰ ਹਰ ਸਾਲ ਵਾਂਗ ਇਸ ਵਾਰ ਵੀ 30 ਮਾਰਚ ਨੂੰ ਸ਼ਰਾਬ ਠੇਕਿਆਂ 'ਤੇ ਘੱਟ ਰੇਟਾ 'ਤੇ ਲੁੱਟਦੀ ਹੋਈ ਨਜ਼ਰ ਆਈ। ਸ਼ੌਕੀਨਾਂ ਨੇ ਘੱਟ ਰੇਟ ਦੇਖਦੇ ਹੋਏ ਆਪਣੀ ਸਮਰਥਾ ਤੋਂ ਜ਼ਿਆਦਾ ਮਤਲਬ 1 ਬੋਤਲ ਦੀ ਜਗ੍ਹਾ 2 ਜਾਂ 3 ਪੇਟੀਆਂ ਸ਼ੁੱਕਰਵਾਰ ਨੂੰ ਸ਼ਰਾਬ ਦੇ ਠੇਕਿਆਂ ਤੋਂ ਚੁੱਕੀਆਂ। ਚਾਹੇ ਜ਼ਿਲਾ ਲੁਧਿਆਣਾ ਦੀ ਰੋਜ਼ਾਨਾ ਸ਼ਰਾਬ ਦੀ ਸੇਲ 3.5 ਕਰੋੜ ਰੁਪਏ ਹੈ ਪਰ ਇਨ੍ਹੀਂ ਦਿਨੀਂ ਇਹ ਸੇਲ 1.5 ਗੁਣਾ ਵਧੀ ਹੈ। ਜ਼ਿਕਰਯੋਗ ਹੈ ਕਿ ਸਾਲ 2017-18 ਵਿਚ ਜ਼ਿਲੇ ਭਰ ਦੇ 760 ਠੇਕੇ ਸਿੰਡੀਕੇਟ ਦੇ ਕੋਲ ਸਨ, ਜਦੋਂਕਿ ਨਵੀਂ ਪਾਰੀ ਵਿਚ ਮਤਲਬ 1 ਅਪ੍ਰੈਲ ਤੋਂ ਇਨ੍ਹਾਂ ਸ਼ਰਾਬ ਦੇ ਠੇਕਿਆਂ 'ਤੇ ਦਰਜਨ ਭਰ ਨਵੇਂ ਅਤੇ ਪੁਰਾਣੇ ਠੇਕੇਦਾਰਾਂ ਦਾ ਕਬਜ਼ਾ ਹੋ ਜਾਵੇਗਾ ਪਰ ਮਾਲ ਵਿਕਦਾ ਹੈ ਤਾਂ ਕਿਸੇ ਨੂੰ ਚੁੱਭਦਾ ਹੈ। ਇਸ ਵਾਰ ਵਿਭਾਗ ਨੇ 98 ਗਰੁੱਪਾਂ 'ਚ ਲੁਧਿਆਣਾ ਕਾਰਪੋਰੇਸ਼ਨ ਨੂੰ ਵੰਡਿਆ ਹੈ। ਜਦੋਂਕਿ ਦਿਹਾਤੀ ਖੇਤਰ ਵਿਚ 51 ਗਰੁੱਪ ਵੀ ਜ਼ਿਲਾ ਲੁਧਿਆਣਾ ਦੇ ਹੀ ਹਿੱਸਾ ਹਨ। ਚਾਹੇ ਸਿੰਡੀਕੇਟ ਪਿਛਲੇ ਸਾਲ ਲਈ ਠੇਕਿਆਂ ਤੋਂ ਹੋਣ ਵਾਲੇ ਨੁਕਸਾਨ ਦੀ ਗੱਲ ਕਰ ਰਹੇ ਹਨ, ਜਦੋਂਕਿ ਵਿਭਾਗ ਨੇ ਇਸ ਵਾਰ 72 ਕਰੋੜ ਰੁਪਏ ਦਾ ਵਾਧਾ ਦਰਜ ਕੀਤਾ ਹੈ। ਇਸ ਦੇ ਬਾਵਜੂਦ ਸਾਲ 2018-19 ਦੇ ਲਈ ਨਵੇਂ ਅਤੇ ਪੁਰਾਣੇ ਲਾਇਸੈਂਸੀਆਂ ਨੇ ਉਤਸ਼ਾਹ ਦਿਖਾਇਆ ਹੈ ਅਤੇ ਵਧ-ਚੜ੍ਹ ਕੇ ਹਿੱਸਾ ਲਿਆ ਹੈ। ਸ਼ਾਮ ਢਲਦੇ ਹੀ ਸ਼ਰਾਬ ਦੇ ਸ਼ੌਕੀਨਾਂ ਦੀ ਭੀੜ ਠੇਕਿਆਂ ਦੇ ਬਾਹਰ ਲੱਗ ਗਈ ਅਤੇ ਸ਼ਰਾਬ ਖਰੀਦਣ ਲਈ ਹਰ ਉਮਰ ਦਾ ਵਿਅਕਤੀ ਠੇਕੇ 'ਤੇ ਨਜ਼ਰ ਆਇਆ। ਕੁੱਝ ਤਾਂ ਸਸਤੀ ਦੀ ਖੁਸ਼ੀ ਵਿਚ ਸੜਕ 'ਤੇ ਹੀ ਪੀ ਕੇ ਟੁਨ ਹੋ ਗਏ, ਜਦੋਂਕਿ ਕੁੱਝ ਦਾ ਲਿਜਾਂਦੇ ਸਮੇਂ ਜ਼ਿਆਦਾ ਮਾਤਰਾ 'ਚ ਬੋਤਲ ਹੋਣ ਕਾਰਨ ਟੁੱਟ ਜਾਣ 'ਤੇ ਨੁਕਸਾਨ ਵੀ ਹੋਇਆ।
ਕੀ ਹੈ ਕਾਨੂੰਨ?
ਐਕਸਾਈਜ਼ ਪਾਲਿਸੀ ਮੁਤਾਬਕ ਪ੍ਰਤੀ ਵਿਅਕਤੀ ਸ਼ਰਾਬ ਦੇ ਠੇਕੇ ਤੋਂ ਸਿਰਫ ਇਕ ਬੋਤਲ ਹੀ ਖਰੀਦ ਸਕਦਾ ਹੈ ਪਰ ਐੱਲ-50-1 ਲਾਇਸੈਂਸ ਹੋਣ ਦੀ ਸੂਰਤ ਵਿਚ 2 ਪੇਟੀਆਂ ਸ਼ਰਾਬ ਅਤੇ 4 ਪੇਟੀਆਂ ਬੀਅਰ ਇੱਕੋ ਸਮੇਂ ਖਰੀਦੀਆਂ ਜਾ ਸਕਦੀਆਂ ਹਨ ਪਰ ਸ਼ੁੱਕਰਵਾਰ ਨੂੰ ਸ਼ਰਾਬ ਦੇ ਸ਼ੌਕੀਨ ਦਰਜਨ ਦੇ ਲਗਭਗ ਪੇਟੀਆਂ ਵੀ ਲਿਜਾ ਰਹੇ ਸਨ। ਜਦੋਂਕਿ ਵਿਭਾਗ ਦਾ ਦਾਅਵਾ ਹੈ ਕਿ ਉਨ੍ਹਾਂ ਦੇ ਅਧਿਕਾਰੀ ਬਾਜ਼ਾਰ ਵਿਚ ਸਰਗਰਮ ਹਨ ਅਤੇ ਉਨ੍ਹਾਂ ਨੇ ਸਾਰੇ ਠੇਕਿਆਂ 'ਤੇ ਪੈਨੀ ਨਜ਼ਰ ਬਣਾਈ ਹੋਈ ਹੈ। ਸਵਾਲ ਹੈ, ਜ਼ਿਲਾ ਲੁਧਿਆਣਾ ਵਿਚ ਜਿੰਨੇ ਠੇਕੇ ਹਨ, ਇੰਨਾ ਸਟਾਫ ਤਾਂ ਆਬਕਾਰੀ ਵਿਭਾਗ ਦੇ ਕੋਲ ਰਾਜ ਭਰ ਵਿਚ ਵੀ ਨਹੀਂ ਹੈ। ਇਹੀ ਕਾਰਨ ਹੈ ਕਿ ਲੋਕ ਇਸ ਗੱਲ ਦਾ ਫਾਇਦਾ ਲੈ ਰਹੇ ਹਨ ਅਤੇ ਲੋਕ ਵੱਡੇ ਪੱਧਰ 'ਤੇ ਸਸਤੀ ਸ਼ਰਾਬ ਖਰੀਦ ਰਹੇ ਹਨ।
ਸੀਮੈਂਟ ਦੀ ਦੁਕਾਨ 'ਚ ਚੋਰੀ
NEXT STORY 
