ਅੰਮ੍ਰਿਤਸਰ(ਵੈੱਬ ਡੈਸਕ) : 17 ਸਾਲ ਪਹਿਲਾਂ, ਇਕ ਬਜ਼ੁਰਗ ਸਿੱਖ ਵਿਅਕਤੀ ਨੇ ਜਗਦੀਪ ਸਿੰਘ ਨਾਲ ਇਕ ਤਸਵੀਰ ਲਈ ਬੇਨਤੀ ਕੀਤੀ ਸੀ। ਇਹ ਉਹ ਦਿਨ ਸਨ ਜਦੋਂ ਸੈਲਫੀ ਦਾ ਕਰੇਜ ਭਾਰਤ ਵਿਚ ਆਇਆ ਹੀ ਸੀ। 7 ਫੁੱਟ 6 ਇੰਚ ਦੇ ਸ਼ਾਂਤ ਸੁਭਾਅ ਵਾਲੇ ਜਗਦੀਪ ਇਕੱਲੇ ਰਹਿਣਾ ਪਸੰਦ ਕਰਦੇ ਸਨ। ਉਨ੍ਹਾਂ ਨੇ ਬਜ਼ੁਰਗ ਨੂੰ ਤਸਵੀਰ ਲੈਣ ਤੋਂ ਇਨਕਾਰ ਕਰ ਦਿੱਤਾ ਸੀ । ਜਗਦੀਪ ਨੇ ਕਿਹਾ, ਉਸ ਸਿੱਖ ਵਿਅਕਤੀ ਨੇ ਮੈਨੂੰ ਜੋ ਕੁੱਝ ਕਿਹਾ ਉਸ ਨੂੰ ਮੈਂ ਕਦੇ ਨਹੀਂ ਭੁੱਲ ਸਕਦਾ। ਉਨ੍ਹਾਂ ਕਿਹਾ, ਤੁਹਾਡੀ ਹਾਈਟ ਤੁਹਾਡੀ ਨਹੀਂ, ਇਸ਼ਵਰ ਦਾ ਤੋਹਫਾ ਹੈ। ਜੇਕਰ ਤੁਸੀਂ ਕਿਸੇ ਨੂੰ ਖੁਸ਼ ਕਰ ਸਕਦੇ ਹੋ ਤਾਂ ਉਸ ਨੂੰ ਨਾਹ, ਨਾ ਕਰੋ। ਉਦੋਂ ਤੋਂ ਲੈ ਕੇ ਅੱਜ ਤੱਕ ਭਾਰਤ ਦੇ ਸਭ ਤੋਂ ਲੰਬੇ ਪੁਲਸ ਵਾਲੇ ਜਗਦੀਪ ਨੇ ਕਦੇ ਵੀ ਕਿਸੇ ਵਿਅਕਤੀ ਨੂੰ ਫੋਟੋ ਖਿੱਚਵਾਉਣ ਤੋਂ ਇਨਕਾਰ ਨਹੀਂ ਕੀਤਾ।
ਹਮੇਸ਼ਾ ਹੁੰਦੀ ਹੈ ਪਰੇਸ਼ਾਨੀ :
ਜਗਦੀਪ ਦੀ ਇਸ ਪ੍ਰਸਿੱਧੀ ਨੂੰ ਇਕ ਪਾਸੇ ਰੱਖ ਦੇਈਏ ਤਾਂ ਉਨ੍ਹਾਂ ਲਈ ਚੀਜ਼ਾਂ ਹਮੇਸ਼ਾ ਆਸਾਨ ਜਾਂ ਸੁਵਿਧਾਜਨਕ ਨਹੀਂ ਹੁੰਦੀਆਂ ਹਨ। ਪੁਲਸ ਸਟੇਸ਼ਨ ਜਾਂ ਦਫ਼ਤਰ ਵਿਚ ਪ੍ਰਵੇਸ਼ ਕਰਦੇ ਸਮੇਂ ਉਹ ਪਹਿਲਾਂ ਦੇਖਦੇ ਹਨ ਕਿ ਕੁਰਸੀ ਮਜਬੂਤ ਹੈ ਕਿ ਨਹੀਂ। ਪੰਜਾਬ ਪੁਲਸ ਵਿਚ ਤਾਇਨਾਤ 35 ਸਾਲ ਦੇ ਹੈਡ ਕਾਂਸਟੇਬਲ ਦਾ ਭਾਰ 190 ਕਿੱਲੋਗ੍ਰਾਮ ਹੈ। ਉਹ ਕਹਿੰਦੇ ਹਨ, ਮੈਂ ਸਪੋਰਟ ਲਈ ਕੁਰਸੀ ਨੂੰ ਕੰਧ ਨਾਲ ਲਗਾ ਕੇ ਰੱਖਦਾ ਹਾਂ ਅਤੇ ਫਿਰ ਉਸ 'ਤੇ ਬੈਠਦਾ ਹਾਂ। ਨਹੀਂ ਤਾਂ ਇਹ ਟੁੱਟ ਜਾਂਦੀ ਹੈ ਅਤੇ ਸ਼ਰਮਿੰਦਗੀ ਹੁੰਦੀ ਹੈ।
ਆਪਣੀ ਜੇਬ 'ਚੋਂ ਕਰਨਾ ਪੈਂਦਾ ਹੈ ਖਰਚ :
ਜਗਦੀਪ ਨੂੰ ਆਮਤੌਰ 'ਤੇ ਪੁਲ ਵਰਗੇ ਸੰਵੇਦਨਸ਼ੀਲ ਇਲਾਕਿਆਂ 'ਤੇ ਸੁਰੱਖਿਆ ਡਿਊਟੀ ਵਿਚ ਤਾਇਨਾਤ ਕੀਤਾ ਜਾਂਦਾ ਹੈ ਅਤੇ ਉਹ ਕਿਸੇ ਵਿਸ਼ੇਸ਼ ਪੁਲਸ ਸਟੇਸ਼ਨ ਵਿਚ ਕੰਮ ਨਹੀਂ ਕਰ ਪਾਉਂਦੇ ਹਨ। ਉਨ੍ਹਾਂ ਦੀ ਜਿਸ ਪੋਸਟ 'ਤੇ ਨਿਯੁਕਤੀ ਹੁੰਦੀ ਹੈ ਉੱਥੇ ਉਨ੍ਹਾਂ ਨੂੰ ਲਗਾਤਾਰ ਗਸ਼ਤ ਕਰਨੀ ਪੈਂਦੀ ਹੈ ਪਰ ਇਸ ਲਈ ਉਹ ਪੁਲਸ ਵਾਹਨਾਂ ਦਾ ਪ੍ਰਯੋਗ ਨਹੀਂ ਕਰ ਪਾਉਂਦੇ, ਕਿਉਂਕਿ ਗੱਡੀਆਂ ਉਨ੍ਹਾਂ ਦੇ ਲਈ ਬਹੁਤ ਛੋਟੀਆਂ ਹੁੰਦੀਆਂ ਹਨ। ਇਸ ਦੀ ਬਜਾਏ, ਉਹ ਆਪਣੀ ਮੋਡੀਫਾਈ ਮਹਿੰਦਰਾ ਬਲੈਰੋ ਦਾ ਇਸਤੇਮਾਲ ਕਰਦੇ ਹਨ। ਜਗਦੀਪ ਨੇ ਕਿਹਾ, ਇਹ ਮੇਰੇ ਲਈ ਮਹਿੰਗਾ ਪੈ ਜਾਂਦਾ ਹੈ ਕਿਉਂਕਿ ਮੈਨੂੰ ਆਪਣੀ ਜੇਬ 'ਚੋਂ ਗੱਡੀ ਵਿਚ ਤੇਲ ਪਵਾਉਣਾ ਪੈਂਦਾ ਹੈ ਪਰ ਕੋਈ ਦੂਜਾ ਬਦਲ ਨਹੀਂ ਹੈ।
ਅਮਰੀਕਾ ਤੋਂ ਆਉਂਦੇ ਹਨ ਬੂਟ ਅਤੇ ਚੱਪਲਾਂ :
ਜਗਦੀਪ ਹਾਲ ਹੀ ਵਿਚ ਲਾਸ ਏਂਜਲਸ ਵਿਚ 'ਅਮਰੀਕਾਜ਼ ਗਾਟ ਟੈਲੰਟ' ਸ਼ੋਅ ਵਿਚ ਹਿੱਸਾ ਲੈਣ ਤੋਂ ਬਾਅਦ ਅਮਰੀਕਾ ਤੋਂ ਪਰਤੇ ਹਨ। ਉਨ੍ਹਾਂ ਕਿਹਾ ਕਿ ਹਰ ਦਿਨ ਜੀਵਨ ਵਿਚ ਉਨ੍ਹਾਂ ਲਈ ਪਰੇਸ਼ਾਨੀਆਂ ਲੈ ਕੇ ਆਉਂਦਾ ਹੈ। ਜਗਦੀਪ ਨੂੰ ਆਪਣੇ ਕੱਪੜੇ ਅਤੇ ਵਰਦੀ ਸਵਾਉਣ ਤੋਂ ਪਹਿਲਾਂ ਕਈ ਸ਼ਰਤਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ ਅਤੇ ਬੂਟ ਲੱਭਣ ਲਈ ਕਾਫ਼ੀ ਸੰਘਰਸ਼ ਕਰਨਾ ਪੈਂਦਾ ਹੈ। ਉਹ ਅਮਰੀਕਾ ਤੋਂ ਇੰਪੋਰਟ ਹੋਣ ਵਾਲੇ ਯੂ.ਐਸ.ਸਾਈਜ਼ 20 ਦੇ ਬੂਟ ਅਤੇ ਚੱਪਲਾਂ ਪਾਉਂਦੇ ਹਨ। ਖਾਣ ਦੇ ਬਾਰੇ ਵਿਚ ਉਹ ਉਹ ਕਹਿੰਦੇ ਹਨ, ਜਦੋਂ ਮੈਂ ਛੋਟਾ ਸੀ, ਤਾਂ ਮੈਂ ਸਲਾਦ,ਜਈ, ਫਲ ਅਤੇ ਲੱਗਭਗ 8 ਲਿਟਰ ਦੁੱਧ ਦੇ ਨਾਲ ਹਰ ਦਿਨ ਲੱਗਭਗ ਦੋ ਦਰਜਨ ਆਂਡੇ ਖਾਂਦਾ ਸੀ ਪਰ ਹੁਣ ਮੇਰਾ ਖਾਣਾ ਘੱਟ ਹੋ ਗਿਆ ਹੈ।
ਵਿਆਹ ਲਈ ਕੁੜੀ ਲੱਭਣ ਵਿਚ ਵੀ ਹੋਈ ਸੀ ਪਰੇਸ਼ਾਨੀ :
ਜਗਦੀਪ ਨੇ ਦੱਸਿਆ ਕਿ ਉਨ੍ਹਾਂ ਦੀ ਇਕ 10 ਸਾਲ ਦੀ ਧੀ ਹੈ। ਜਦੋਂ ਉਨ੍ਹਾਂ ਦਾ ਵਿਆਹ ਹੋਣਾ ਸੀ ਉਦੋਂ ਕੁੜੀ ਲੱਭਣ ਵਿਚ ਬਹੁਤ ਪਰੇਸ਼ਾਨੀ ਆਈ। ਕਾਫ਼ੀ ਕੋਸ਼ਿਸ਼ ਤੋਂ ਬਾਅਦ ਉਨ੍ਹਾਂ ਨੂੰ 5 ਫੁੱਟ 11 ਇੰਚ ਲੰਮੀ ਸੁਖਬੀਰ ਕੌਰ ਮਿਲੀ ਅਤੇ ਫਿਰ ਦੋਵਾਂ ਦਾ ਵਿਆਹ ਹੋਇਆ। ਜਗਦੀਪ ਦੇ ਪਰਿਵਾਰ ਵਾਲੇ ਬਹੁਤ ਖੁਸ਼ ਹਨ। ਸੁਖਬੀਰ ਕੌਰ ਨੇ ਕਿਹਾ, ਮੈਨੂੰ ਬਹੁਤ ਖੁਸ਼ੀ ਹੁੰਦੀ ਹੈ ਕਿ ਮੇਰੇ ਪਤੀ ਸੈਲੀਬਰਿਟੀ ਹਨ। ਇਕ ਸਮੱਸਿਆ ਇਹ ਹੈ ਕਿ ਜਦੋਂ ਅਸੀਂ ਬਾਹਰ ਜਾਂਦੇ ਹਾਂ ਤਾਂ ਹਰ ਕੋਈ ਉਨ੍ਹਾਂ ਦੇ ਅਤੇ ਮੇਰੇ ਨਾਲ ਇਕ ਫੋਟੋ ਖਿਚਵਾਉਣਾ ਚਾਹੁੰਦਾ ਹੈ।
ਬਰਨਾਲਾ ਵਿਚ ਵੀ ਹੈ 7 ਫੁੱਟ ਲੰਬਾ ਪੁਲਸ ਵਾਲਾ :
ਇਕ ਹੋਰ ਲੰਬਾ ਪੁਲਸ ਵਾਲਾ, ਬਰਨਾਲਾ ਵਿਚ ਹੈ, ਜੋ ਜਗਦੀਪ ਦੀ ਹਾਲਤ ਨੂੰ ਬਹੁਤ ਚੰਗੀ ਤਰ੍ਹਾਂ ਨਾਲ ਸਮੱਝਦਾ ਹੈ। ਪੰਜਾਬ ਪੁਲਸ ਦੇ ਇੰਸਪੈਕਟਰ ਰਾਜਪਾਲ ਸਿੰਘ 7 ਫੁੱਟ ਲੰਬੇ ਹਨ ਅਤੇ ਉਨ੍ਹਾਂ ਦਾ ਭਾਰ 160 ਕਿੱਲੋ ਹੈ। ਇਸ ਮਹੀਨੇ ਦੀ ਸ਼ੁਰੁਆਤ ਵਿਚ ਉਨ੍ਹਾਂ ਲਈ ਇਕ ਅਜੀਬ ਸਥਿਤੀ ਪੈਦਾ ਹੋਈ ਜਦੋਂ ਬਰਨਾਲੇ ਦੇ ਐਸ.ਐਸ.ਪੀ. ਹਰਜੀਤ ਸਿੰਘ ਅਤੇ ਡੀ.ਐਸ.ਪੀ. ਜਸਬੀਰ ਸਿੰਘ ਉਨ੍ਹਾਂ ਨੂੰ ਬੈਜ ਲਗਾ ਰਹੇ ਸਨ। ਉਨ੍ਹਾਂ ਨੂੰ ਰਾਜਪਾਲ ਦੇ ਮੌਢੇ ਤੱਕ ਪੁੱਜਣ ਲਈ ਆਪਣੇ ਪੈਰਾਂ ਨੂੰ ਉਚਾ ਚੁੱਕਣਾ ਪਿਆ ਸੀ।
ਗਰੀਬਾਂ ਲਈ ਚੁੱਕੇ ਕਦਮ ਸਬੰਧੀ ਕੈਪਟਨ ਵਲੋਂ ਰਾਹੁਲ ਗਾਂਧੀ ਦੀ ਸ਼ਲਾਘਾ
NEXT STORY