ਚੰਡੀਗੜ੍ਹ (ਵੈਬ ਡੈਸਕ)- ਪਾਰਟੀ ਕਰਨ ਦੇ ਬਹਾਨੇ ਨਾਲ ਲੜਕੀ ਨੂੰ ਹੋਟਲ ਦੇ ਕਮਰੇ ’ਚ ਸੱਦਕੇ ਜ਼ਬਰਨ ਉਸ ਨਾਲ ਜਬਰ-ਜ਼ਨਾਹ ਕਰਨ ਦੇ ਮਾਮਲੇ ’ਚ ਇੰਡਸਟ੍ਰੀਅਲ ਏਰੀਆ ਥਾਣਾ ਪੁਲਸ ਨੇ ਇਕ ਵਿਕਅਤੀ ਨੂੰ ਗ੍ਰਿਫਤਾਰ ਕੀਤਾ ਹੈ। ਜਾਣਕਰੀ ਮੁਤਾਬਕ ਇਕ ਲੜਕੀ ਨੇ ਚੰਡੀਗੜ੍ਹ ਪੁਲਸ ਕੋਲ ਦਰਜ਼ ਕਰਵਾਈ ਸ਼ਿਕਾਇਤ ‘ਚ ਦੱਸਿਆ ਕਿ ਖੁਦ ਨੂੰ ਯੂ. ਪੀ ਵਾਸੀ ਇਕ ਵਪਾਰੀ ਦੱਸਣ ਵਾਲੇ ਅਮਨ ਰੰਧਾਵਾ ਨਾਮੀ ਵਿਅਕਤੀ ਵਲੋਂ ਉਸ ਨਾਲ ਜ਼ਬਰ-ਜ਼ਨਾਹ ਕੀਤਾ ਗਿਆ ਹੈ। ਲਡ਼ਕੀ ਨੇ ਦੱਸਿਆ ਕਿ 15 ਦਸੰਬਰ ਰਾਤ ਸਮੇਂ ਅਮਨ ਉਸਨੂੰ ਨਾਲ ਲੈ ਕੇ ਪਾਰਟੀ ਕਰਨ ਦੇ ਬਹਾਨੇ ਇੰਡੀਸਟ੍ਰਿਅਲ ਏਰੀਆ ਸਥਿਤ ਹੋਟਲ ਲੈਮਨ ਟ੍ਰੀ ਲੈ ਕੇ ਆਇਆ। ਉਸਨੇ ਦੱਸਿਆ ਕਿ ਪਹਿਲਾਂ ਤਾਂ ਉਸਨੇ ਪਾਰਟੀ ‘ਚ ਜਾਣ ਤੋਂ ਮਨ੍ਹਾਂ ਕਰ ਦਿੱਤਾ ਸੀ ਪਰ ਅਮਨ ਨੇ ਉਸਨੂੰ ਕਿਹਾ ਕਿ ਉਹ ਉਸਨੂੰ ਆਪਣੇ ਦੋਸਤਾਂ ਦੀ ਪਾਰਟੀ ’ਚ ਲੈਕੇ ਜਾਣਾ ਚਾਹੁੰਦਾ ਹੈ। ਜਿਸ ਕਾਰਨ ਅਮਨ ਦੇ ਵਾਰ-ਵਾਰ ਕਹਿਣ ’ਤੇ ਉਹ ਪਾਰਟੀ ’ਚ ਜਾਣ ਲਈ ਤਿਆਰ ਹੋ ਗਈ। ਇਸ ਤੋਂ ਬਾਅਦ ਮੁਲਜ਼ਮ ਨੇ ਉਸਨੂੰ ਟ੍ਰਿਬਿਊਨ ਚੌਕ ਤੋਂ ਆਪਣੀ ਕਾਰ ’ਚ ਲੈ ਲਿਆ ਅਤੇ ਬਹਾਨੇ ਨਾਲ ਉਸਨੂੰ ਹੋਟਲ ਦੇ ਕਮਰੇ ’ਚ ਲੈਕੇ ਆ ਗਿਆ। ਇੱਥੇ ਹੋਟਲ ਪਹੁੰਚਣ ’ਤੇ ਉਸਨੇ ਕਮਰਾ ਲਾਕ ਕਰ ਲਿਆ ਅਤੇ ਜ਼ਬਰਨ ਉਸ ਨਾਲ ਜਬਰ-ਜ਼ਨਾਹ ਕੀਤਾ। ਲੜਕੀ 16 ਦਸੰਬਰ ਦੀ ਸਵੇਰੇ ਕਮਰੇ ’ਚੋਂ ਬਾਹਰ ਨਿਕਲੀ ਅਤੇ ਤੁਰੰਤ ਪੁਲਸ ਕੰਟਰੋਲ ਰੂਮ ’ਤੇ ਕਾਲ ਕਰਕੇ ਆਪਣੇ ਨਾਲ ਵਾਪਰੀ ਘਟਨਾ ਦੀ ਜਾਣਕਾਰੀ ਦਿੱਤੀ।
ਸੂਚਨਾ ਮਿਲਦੇ ਹੀ ਥਾਣਾ ਪੁਲਸ ਟੀਮ ਤੁਰੰਤ ਹੋਟਲ ’ਚ ਲੜਕੀ ਦੀ ਸਹਾਇਤਾ ਲਈ ਪਹੁੰਚੀ। ਲੜਕੀ ਪੁਲਸ ਟੀਮ ਨੂੰ ਲੈ ਕੇ ਅਮਨ ਦੇ ਕਮਰੇ ’ਚ ਪਹੁੰਚੀ ਤਾਂ ਅਮਨ ਨੇ ਕਮਰਾ ਅੰਦਰੋਂ ਲਾਕ ਕੀਤਾ ਹੋਇਆ ਸੀ। ਇਸ ਸਮੇਂ ਪੁਲਸ ਨੂੰ ਕਮਰੇ ਅੰਦਰੋਂ ਆਵਾਜ਼ਾਂ ਆਉਣ ਲੱਗੀਆਂ। ਕੁਝ ਸਮੇਂ ਬਾਅਦ ਪਤਾ ਚੱਲਿਆ ਦੀ ਅਮਨ ਨੇ ਕਮਰੇ ਦੀ ਖਿੜਕੀ ਦਾ ਸ਼ੀਸ਼ਾ ਤੋੜਦੇ ਹੋਏ ਹੋਟਲ ਦੀ ਪਹਿਲੀ ਮੰਜਿਲ ਤੋਂ ਛਾਲ ਮਾਰ ਦਿੱਤੀ ਹੈ। ਜਿਸਦੇ ਚਲਦੇ ਉਹ ਹੋਟਲ ਦੀ ਇਮਾਰਤ ਤੋਂ ਡਿੱਗਕੇ ਬੁਰੀ ਤਰ੍ਹਾਂ ਨਾਲ ਜ਼ਖ਼ਮੀ ਹੋ ਗਿਆ। ਪੁਲਸ ਟੀਮ ਨੇ ਉਸਨੂੰ ਜ਼ਖ਼ਮੀ ਹਾਲਤ ’ਚ ਤੁਰੰਤ ਸੈਕਟਰ-32 ਦੇ ਹਸਪਤਾਲ ਪਹੁੰਚਾਇਆ। ਜਿੱਥੇ ਡਾਕਟਰਾਂ ਅਨੁਸਾਰ ਉਸਦੀ ਰੀੜ ਦੀ ਹੱਡੀ ਅਤੇ ਦੋਨਾਂ ਪੈਰਾਂ ਦੀਆਂ ਹੱਡੀਆਂ ’ਚ ਗੰਭੀਰ ਸੱਟਾਂ ਲੱਗੀਆਂ ਹਨ। ਪੁਲਸ ਨੇ ਜਾਂਚ ਤੋਂ ਬਾਅਦ ਲੜਕੀ ਦੀ ਸ਼ਿਕਾਇਤ ’ਤੇ ਅਮਨ ਖਿਲਾਫ ਕੇਸ ਦਰਜ ਕਰਦੇ ਹੋਏ ਉਸਦੀ ਗ੍ਰਿਫਤਾਰੀ ਪਾ ਦਿੱਤੀ ਹੈ। ਅਮਨ ਦੀ ਹਾਲਤ ਬਾਰੇ ਪੁਲਸ ਨੇ ਅਦਾਲਤ ਨੂੰ ਜਾਣੂ ਕਰਵਾਇਆ ਤਾਂ ਜੱਜ ਖੁਦ ਹਸਪਤਾਲ ਪਹੁੰਚੇ ਅਤੇ ਅਮਨ ਦੀ ਹਾਲਤ ਦਾ ਜਾਇਜ਼ਾ ਅਤੇ ਕੇਸ ਬਾਰੇ ਸੁਣਵਾਈ ਕਰਦੇ ਹੋਏ ਉਸਨੂੰ ਕਾਨੂੰਨੀ ਹਿਰਾਸਤ ’ਚ ਭੇਜ ਦਿੱਤਾ ਹੈ।
ਜਾਣਕਾਰੀ ਅਨੁਸਾਰ ਅਮਨ ਕੋਲੋਂ ਬਰਾਮਦ ਹੋਏ ਉਸਦੇ ਆਧਾਰ ਕਾਰਡ ਦੇ ਜ਼ਰੀਏ ਹੀ ਪੁਲਸ ਨੂੰ ਉਸਦੀ ਪਹਿਚਾਣ ਯੂ. ਪੀ. ਦੇ ਰਹਿਣ ਵਾਲੇ ਅਮਨ ਰੰਧਾਵਾ ਦੇ ਤੌਰ ’ਤੇ ਹੋਈ ਹੈ ਪਰ ਪੁਲਸ ਨੂੰ ਮੁੱਢਲੀ ਜਾਂਚ ’ਚ ਉਸਦਾ ਆਧਾਰ ਕਾਰਡ ਸ਼ੱਕੀ ਲੱਗ ਰਿਹਾ ਹੈ। ਪੁਲਸ ਕੇਸ ਦਰਜ ਕਰਨ ਤੋਂ ਬਾਅਦ ਵੀ ਉਸਦੀ ਪਹਿਚਾਣ ਨੂੰ ਲੈ ਕੇ ਸ਼ੱਕ ’ਚ ਸੀ। ਪੁਲਸ ਆਧਾਰ ’ਤੇ ਦਰਜ ਉਸਦੇ ਪਤੇ ਨੂੰ ਵੈਰੀਫਾਈ ਕਰਨ ’ਚ ਲੱਗੀ ਹੋਈ ਹੈ। ਅਧਿਕਾਰਿਕ ਸੂਤਰਾਂ ਦੀ ਮੰਨੀਏ ਤਾਂ ਪੁਲਸ ਨੂੰ ਅਮਨ ਦਾ ਹੁਲੀਆ ਪੰਜਾਬ ਦੇ ਇਕ ਗੈਂਗਸਟਰ ਹੈਰੀ ਚੀਮਾ ਨਾਲ ਵੀ ਮਿਲਦਾ ਜੁਲਦਾ ਹੈ ਜਿਸਦੇ ਆਧਾਰ ’ਤੇ ਵੀ ਪੁਲਸ ਜਾਂਚ ’ਚ ਲੱਗੀ ਹੋਈ ਹੈ। ਕੇਸ ਦੀ ਜਾਂਚ ਤਹਿਤ ਹੀ ਪੁਲਸ ਨੇ ਮੁਲਜ਼ਮ ਦੀ ਉਹ ਰੇਂਜ ਰੋਵਰ ਕਾਰ ਵੀ ਕਬਜੇ ’ਚ ਲੈ ਲਈ ਹੈ ਜਿਸ ’ਚ ਉਹ ਹੋਟਲ ’ਚ ਆਇਆ ਸੀ।
ਤਰਨਤਾਰਨ : ਕੈਂਸਰ ਜਾਗਰੂਕਤਾ ਕੈਂਪ ਦਾ 500 ਤੋਂ ਵਧੇਰੇ ਲੋਕਾਂ ਨੇ ਲਾਭ ਉਠਾਇਆ
NEXT STORY 
