ਜਲੰਧਰ (ਵਰੁਣ)- ਜਲੰਧਰ ਵਿਚ ਦੀਵਾਲੀ ਦੀ ਰਾਤ ਮੌਕੇ ਵੱਡਾ ਧਮਾਕਾ ਹੋਇਆ ਹੈ। ਇਹ ਧਮਾਕਾ ਅੰਮ੍ਰਿਤਸਰ ਬਾਈਪਾਸ ਨੇੜੇ ਵੇਰਕਾ ਮਿਲਕ ਪਲਾਂਟ ਕੋਲ ਸਥਿਤ ਬਾਬਾ ਮੋਹਨ ਦਾਸ ਨਗਰ ਵਿਚ ਹੋਣ ਦੀ ਸੂਚਨਾ ਹੈ। ਸ਼ੁਰੂਆਤੀ ਜਾਣਕਾਰੀ ਮੁਤਾਬਕ ਇਲਾਕੇ ਦੇ ਇਕ ਖਾਲੀ ਪਲਾਟ ਵਿਚ ਅਚਾਨਕ ਜਬਰਦਸਤ ਧਮਾਕਾ ਹੋਇਆ, ਧਮਾਕਾ ਇੰਨਾ ਜਬਰਦਸਤ ਸੀ ਕਿ ਇਸ ਦੀ ਗੂੰਜ ਨੇੜਲੇ ਇਕ ਕਿਲੋਮੀਟਰ ਦੇ ਇਲਾਕੇ ਤਕ ਸੁਣਾਈ ਦਿੱਤੀ। ਧਮਾਕੇ ਕਾਰਨ ਨੇੜਲੇ ਸਾਰੇ ਘਰਾਂ ਨੂੰ ਨੁਕਸਾਨ ਪੁੱਜਾ ਹੈ। ਘਰਾਂ ਦੀਆਂ ਖਿੜਕੀਆਂ ਦੇ ਸ਼ੀਸ਼ੇ ਟੁੱਟ ਗਏ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਜਿਸ ਪਲਾਟ ਵਿਚ ਧਮਾਕਾ ਹੋਇਆ ਹੈ, ਉਸ ਦੀ ਕੰਧ ਵੀ ਡਿੱਗ ਪਈ ਹੈ। ਧਮਾਕੇ ਦੀ ਅਵਾਜ ਕਾਰਨ 1 ਕਿਲੋਮੀਟਰ ਤਕ ਦੇ ਇਲਾਕੇ ‘ਚ ਜਬਰਦਸਤ ਕੰਬਨੀ ਮਹਿਸੂਸ ਕੀਤੀ ਗਈ, ਜਿਸ ਕਾਰਨ ਲੋਕ ਪਹਿਲਾਂ ਤਾਂ ਇਹ ਸਮਝਦੇ ਰਹਿ ਕੇ ਭੂਚਾਲ ਦਾ ਝਟਕਾ ਲੱਗਾ ਹੈ ਪਰ ਬਾਅਦ ਵਿਚ ਧਮਾਕੇ ਦੀ ਖਬਰ ਫੈਲਦੇ ਹੀ ਲੋਕ ਵਿਚ ਸਹਿਮ ਦਾ ਮਾਹੌਲ ਪੈਦਾ ਹੋ ਗਿਆ।
ਧਮਾਕੇ ਵਾਲੇ ਸਥਾਨ ਤੋਂ ਕੁਝ ਪਲਾਸਿਟਕ ਦੀਆਂ ਵਸਤਾਂ ਬਰਾਮਦ ਹੋਈਆਂ ਹਨ, ਜਿਨ੍ਹਾਂ ਕਾਰਨ ਧਮਾਕਾ ਹੋਇਆ ਦੱਸਿਆ ਜਾ ਰਿਹਾ ਹੈ। ਫਿਲਹਾਲ ਮੌਕੇ ਪੁਲਸ ਦੇ ਉਚ ਅਧਿਕਾਰੀ ਪੁੱਜ ਗਏ ਹਨ। ਉਥੇ ਹੀ ਮੌਕੇ ਉਤੇ ਪੁੱਜੇ ਪੁਲਸ ਅਧਿਕਾਰੀਆਂ ਮੁਤਾਬਕ ਉਕਤ ਪਲਾਟ ਵਿਚ ਧਮਕਾ ਦੀਵਾਲੀ ਦੇ ਦਿਨਾਂ ਵਿਚ ਵਿਕਣ ਵਾਲੀਆਂ ਨਕਲੀ ਪਿਸਤੌਲਾਂ ਵਿਚ ਇਸਤੇਮਾਲ ਹੋਣ ਵਾਲੀਆਂ ਗੋਲੀਆਂ ਕਾਰਨ ਹੋਇਆ ਹੈ, ਜੋ ਕਿ ਉਕਤ ਪਲਾਟ ਵਿਚ ਕਿਸੇ ਹੋਲਸੇਲਰ ਪਟਾਕਾ ਵਪਾਰੀ ਵਲੋਂ ਡੰਪ ਕੀਤੀਆਂ ਗਈਆਂ ਸਨ। ਉਥੇ ਹੀ ਸੂਚਨਾ ਮਿਲਣ ਉਤੇ ਮੌਕੇ ਉਤੇ ਪੁਲਸ ਕਮਿਸ਼ਨਰ ਜਲੰਧਰ ਗੁਰਪ੍ਰੀਤ ਸਿੰਘ ਭੁੱਲਰ ਵੀ ਪਹੁੰਚ ਗਏ ਹਨ। ਪੁਲਸ ਵਲੋਂ ਡਾਗ ਸਕੂਐਡ ਤੇ ਫਰਾਂਸੀਕ ਮਾਹਿਰਾਂ ਦੀ ਟੀਮ ਨੂੰ ਸੱਦਿਆ ਗਿਆ ਹੈ, ਜੋ ਕਿ ਸਾਰੇ ਮਾਮਲੇ ਦੀ ਜਾਂਚ ਕਰ ਰਹੇ ਹਨ।
ਦੇਰ ਰਾਤ ਪੁਲਸ ਕਮਿਸ਼ਨਰ ਗੁਰੁਪ੍ਰੀਤ ਸਿੰਘ ਭੁਲੱਰ ਨੇ ਸਾਰੇ ਮਾਮਲੇ ਦੀ ਪੁਸ਼ਟੀ ਕਰਦਿਆਂ ਦੱਸਿਆ ਕਿ ਧਮਾਕਾ ਖਾਲੀ ਪਲਾਟ ਵਿਚ ਡੰਪ ਕੀਤੇ ਗਏ ਧਮਾਕਾਖੇਜ਼ ਪਟਾਕਿਆਂ ਕਾਰਨ ਹੀ ਹੋਇਆ ਹੈ। ਉਕਤ ਪਲਾਟ ਬਸਤੀ ਖੇਤਰ ਵਿਚ ਰਹਿਣ ਵਾਲੇ ਕਿਸੇ ਪਟਾਕਾ ਵਪਾਰੀ ਦਾ ਦੱਸਿਆ ਜਾ ਰਿਹਾ ਹੈ। ਜਿਸ ਨੇ ਪ੍ਰਸ਼ਾਸਨਿਕ ਸਖਤੀ ਕਾਰਨ ਪਟਾਕੇ ਇਥੇ ਡੰਪ ਕੀਤੇ ਹੋਏ ਸਨ,। ਜਿਨ੍ਹਾਂ ਕਾਰਨ ਅੱਜ ਉਕਤ ਪਲਾਟ ਵਿਚ ਧਮਾਕਾ ਹੋ ਗਿਆ। ਸੀ. ਪੀ. ਭੁੱਲਰ ਨੇ ਦੱਸਿਆ ਕਿ ਪੁਲਸ ਵਲੋਂ ਫਿਰ ਵੀ ਸਾਰੇ ਮਾਮਲੇ ਦੀ ਜਾਂਚ ਬਾਰੀਕੀ ਨਾਲ ਕੀਤੀ ਜਾ ਰਹੀ ਹੈ, ਕਿਸੇ ਵੀ ਦੋਸ਼ੀ ਨੂੰ ਬਖਸ਼ੀਆ ਨਹੀਂ ਜਾਵੇਗਾ।
ਅੰਮ੍ਰਿਤਸਰ ਤੋਂ ਪਟਨਾ ਸਾਹਿਬ ਲਈ ਉਡਾਣ ਸ਼ੁਰੂ, ਸਿੱਖ ਸੰਗਤ'ਚ ਖੁਸ਼ੀ ਦੀ ਲਹਿਰ
NEXT STORY 
