ਲੁਧਿਆਣਾ : ਗੈਸ ਸਿਲੰਡਰ ਬੁੱਕ ਕਰਵਾਉਣ ਲਈ ਆਨਲਾਈਨ ਕਸਟਮਰ ਕੇਅਰ ਨੰਬਰ ਲੱਭਣਾ ਬਜ਼ੁਰਗ ਵਿਅਕਤੀ ਲਈ ਮਹਿੰਗਾ ਸਾਬਤ ਹੋਇਆ। ਗੂਗਲ ’ਤੇ ਮਿਲੇ ਆਨਲਾਈਨ ਨੰਬਰ ਕਿਸੇ ਗੈਸ ਕੰਪਨੀ ਦੇ ਨਹੀਂ ਸਗੋਂ ਸਾਈਬਰ ਠੱਗਾਂ ਦੇ ਨਿਕਲੇ, ਜਿਸ ਨੇ ਬਜ਼ੁਰਗ ਨਾਲ ਧੋਖਾ ਕੀਤਾ ਅਤੇ ਉਸ ਨੂੰ ਲਿੰਕ ਭੇਜ ਕੇ ਉਸ ’ਤੇ ਕਲਿੱਕ ਕਰਨ ਲਈ ਕਿਹਾ ਜਿਉਂ ਹੀ ਬਜ਼ੁਰਗ ਨੇ ਲਿੰਕ ’ਤੇ ਕਲਿੱਕ ਕੀਤਾ, ਸਾਈਬਰ ਠੱਗਾਂ ਨੇ ਮੋਬਾਈਲ ਹੈਕ ਕਰ ਲਿਆ ਅਤੇ ਬੈਂਕ ਖਾਤੇ ’ਚੋਂ 11 ਲੱਖ ਰੁਪਏ ਟਰਾਂਸਫਰ ਕਰ ਲਏ।
ਇਸ ਸਬੰਧੀ ਬਜ਼ੁਰਗ ਰਾਕੇਸ਼ ਖੰਨਾ ਨੇ ਸਭ ਤੋਂ ਪਹਿਲਾਂ 1930 ’ਤੇ ਸ਼ਿਕਾਇਤ ਦਿੱਤੀ ਸੀ, ਜਿਸ ਤੋਂ ਬਾਅਦ ਸਾਈਬਰ ਪੁਲਸ ਸਟੇਸ਼ਨ ਵਿਖੇ ਪੁਲਸ ਜਾਂਚ ਕੀਤੀ ਗਈ। ਇਸ ਮਾਮਲੇ ’ਚ ਸਾਈਬਰ ਪੁਲਸ ਨੇ ਰਾਕੇਸ਼ ਖੰਨਾ ਦੀ ਸ਼ਿਕਾਇਤ ’ਤੇ ਅਣਪਛਾਤੇ ਵਿਅਕਤੀਆਂ ਖਿਲਾਫ ਕੇਸ ਦਰਜ ਕਰ ਲਿਆ ਹੈ।
ਪੁਲਸ ਸ਼ਿਕਾਇਤ ’ਚ ਰਾਕੇਸ਼ ਖੰਨਾ ਨੇ ਦੱਸਿਆ ਕਿ ਉਹ ਸ਼ਾਮ ਸਿੰਘ ਰੋਡ, ਮਾਲ ਰੋਡ ’ਤੇ ਰਹਿੰਦਾ ਹੈ। ਉਨ੍ਹਾਂ ਨੂੰ ਗੈਸ ਸਿਲੰਡਰ ਦੀ ਡਲਿਵਰੀ ਦੇਰ ਨਾਲ ਹੋਣ ਦੀ ਸ਼ਿਕਾਇਤ ਦਰਜ ਕਰਵਾਉਣੀ ਸੀ। ਉਨ੍ਹਾਂ ਕੋਲ ਮੌਜੂਦ ਹੈਲਪਲਾਈਨ ਨੰ. 1906 ਤੱਕ ਪਹੁੰਚ ਨਹੀਂ ਹੋ ਰਹੀ ਸੀ।
ਬਜ਼ੁਰਗ ਵਿਅਕਤੀ ਨੇ ਦੱਸਿਆ ਕਿ 17 ਸਤੰਬਰ ਨੂੰ, ਮੈਂ ਗੂਗਲ ’ਤੇ ਕੰਪਨੀ ਦੇ ਗਾਹਕ ਦੇਖਭਾਲ ਨੰਬਰ ਦੀ ਖੋਜ ਕਰ ਰਿਹਾ ਸੀ ਪਰ ਨੰਬਰ ਦੀ ਭਾਲ ਕਰਦੇ ਹੋਏ ਉਹ ਸਾਈਬਰ ਠੱਗਾਂ ਦੇ ਜਾਲ ’ਚ ਫਸ ਗਿਆ। ਜਦੋਂ ਮੈਂ ਮਿਲੇ ਨੰਬਰ ’ਤੇ ਕਾਲ ਕੀਤੀ, ਤਾਂ ਗੱਲ ਕਰਨ ਵਾਲੇ ਵਿਅਕਤੀ ਨੇ ਆਪਣੀ ਪਛਾਣ ਇੰਡੇਨ ਦੇ ਗਾਹਕ ਦੇਖਭਾਲ ਕਾਰਜਕਾਰੀ ਵਜੋਂ ਦਿੱਤੀ।
ਉਸ ਨੇ ਗੱਲ ਕਰ ਕੇ ਉਨ੍ਹਾਂ ਨੂੰ ਭਰਮਾਇਆ ਅਤੇ ਕਿਹਾ ਸੀ ਕਿ ਉਸ ਦੀ ਕੇ. ਵਾਈ. ਸੀ. ਪੂਰੀ ਨਹੀਂ ਹੋਈ ਹੈ। ਇਸ ਲਈ ਉਸ ਨੂੰ ਕੇ. ਵਾਈ. ਸੀ. ਫੀਸ ਲਈ 10 ਰੁਪਏ ਅਦਾ ਕਰਨ ਲਈ ਕਿਹਾ, ਜੋ ਕਿ ਸਬਸਿਡੀ ਦੇ ਭੁਗਤਾਨ ਅਤੇ ਜਲਦੀ ਡਲਿਵਰੀ ਲਈ ਸਰਕਾਰੀ ਨਿਰਦੇਸ਼ਾਂ ਦਾ ਹਿੱਸਾ ਹੈ। ਸਾਈਬਰ ਠੱਗ ਨੇ ਉਸ ਨੂੰ ਵਟਸਐਪ ’ਤੇ ਇਕ ਲਿੰਕ ਭੇਜਿਆ, ਜਿਉਂ ਹੀ ਉਸ ਨੇ ਲਿੰਕ ’ਤੇ ਕਲਿੱਕ ਕੀਤਾ ਅਤੇ 10 ਲੱਖ ਰੁਪਏ ਆਨਲਾਈਨ ਪਾਏ, ਉਸ ਦੇ ਖਾਤੇ ਤੋਂ ਇਕ ਵੱਖਰੀ ਐਂਟਰੀ ਕੀਤੀ ਗਈ ਅਤੇ 11 ਲੱਖ ਰੁਪਏ ਟਰਾਂਸਫਰ ਹੋ ਗਏ।
ਗਲ਼ੇ 'ਚ ਪੇਚਕਸ ਮਾਰ ਕੇ ਕੀਤਾ ਸੀ ਨਵੀਂ ਵਿਆਹੀ ਪਤਨੀ ਦਾ ਕਤਲ, ਮੁਲਜ਼ਮ ਦੀ ਮਾਂ ਤੇ ਭੈਣ ਨੇ ਕੀਤੇ ਵੱਡੇ ਖੁਲਾਸੇ
NEXT STORY 
