ਹਲਵਾਰਾ (ਲਾਡੀ) : ਐੱਸਡੀਐੱਮ ਗੁਰਬੀਰ ਸਿੰਘ ਕੋਹਲੀ ਦੇ ਸਟੈਨੋ ਜਤਿੰਦਰ ਸਿੰਘ ਨੀਟਾ ਦੀ ਰਿਸ਼ਵਤ ਕੇਸ 'ਚ ਗ੍ਰਿਫ਼ਤਾਰੀ ਤੋਂ ਬਾਅਦ ਰਾਏਕੋਟ ਐੱਸਡੀਐੱਮ ਦਫ਼ਤਰ 'ਚ ਤਾਲੇ ਲੱਗੇ ਹੋਏ ਹਨ। ਐੱਸਡੀਐੱਮ ਦਫ਼ਤਰ 'ਤੇ ਤਾਲਾ ਲੱਗਣ ਕਾਰਨ ਅਤੇ ਨਵੇਂ ਐੱਸਡੀਐੱਮ ਦੀ ਨਿਯੁਕਤੀ ਵਿੱਚ ਚੱਲ ਰਹੀ ਦੇਰੀ ਕਾਰਨ ਸਾਰਾ ਵਿਭਾਗੀ ਕੰਮ ਠੱਪ ਹੋ ਗਿਆ ਹੈ। ਸਰਕਾਰ ਵੱਲੋਂ ਨਵੇਂ ਐੱਸਡੀਐੱਮ ਦੀ ਨਿਯੁਕਤੀ ਵਿੱਚ ਦੇਰੀ ਕਈ ਸਵਾਲ ਖੜ੍ਹੇ ਕਰ ਰਹੀ ਹੈ, ਉੱਥੇ ਆਮ ਲੋਕਾਂ ਨੂੰ ਆਪਣਾ ਕੰਮ ਕਰਵਾਉਣ ਵਿੱਚ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਤਹਿਸੀਲ ਪ੍ਰਧਾਨ ਭੁਪਿੰਦਰ ਸਿੰਘ ਗੋਬਿੰਦਗੜ੍ਹ ਨੇ ਕਿਹਾ ਕਿ ਡਰਾਈਵਿੰਗ ਲਾਇਸੈਂਸ ਬਣਾਉਣ ਅਤੇ ਰੀਨਿਊ (ਨਵਿਆਉਣ) ਕਰਵਾਉਣ ਸਮੇਤ ਸਾਰੇ ਸਰਕਾਰੀ ਦਸਤਾਵੇਜ਼ਾਂ 'ਤੇ ਅੰਤਿਮ ਪ੍ਰਵਾਨਗੀ ਸਿਰਫ਼ ਐੱਸਡੀਐੱਮ ਦੇ ਦਸਤਖਤ ਨਾਲ ਹੀ ਮਿਲਦੀ ਹੈ। ਸਾਰਾ ਕੰਮ ਠੱਪ ਹੈ, ਲੋਕਾਂ ਨੂੰ ਦਫ਼ਤਰਾਂ ਵਿੱਚ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਅਤੇ ਲੰਬਿਤ ਕੰਮਾਂ ਦੀਆਂ ਫਾਈਲਾਂ ਦੇ ਢੇਰ ਲੱਗ ਰਹੇ ਹਨ। ਲੋਕ ਇਸ ਭਿਆਨਕ ਗਰਮੀ ਵਿੱਚ ਹਰ ਰੋਜ਼ ਇੱਥੇ ਆਉਣ ਲਈ ਮਜਬੂਰ ਹਨ ਅਤੇ ਸ਼ਾਮ ਨੂੰ ਨਿਰਾਸ਼ ਵਾਪਸ ਪਰਤਦੇ ਹਨ। ਹਰ ਰੋਜ਼ ਨਵੇਂ ਐੱਸਡੀਐੱਮ ਦੇ ਆਉਣ ਦੀ ਖ਼ਬਰ ਤਾਂ ਆਉਂਦੀ ਹੈ ਪਰ ਆਉਂਦਾ ਕੋਈ ਨਹੀਂ ਹੈ। ਵਿਸ਼ੇਸ਼ ਤੌਰ 'ਤੇ ਐੱਨਆਰਆਈ ਪਰਿਵਾਰ ਜੋ ਵਿਦੇਸ਼ਾਂ ਤੋਂ ਆਪਣੇ ਜ਼ਮੀਨੀ ਕੰਮ ਅਤੇ ਕੇਸ ਨਿਪਟਾਉਣ ਲਈ ਆਏ ਹਨ, ਉਹ ਚਿੰਤਤ ਹਨ ਕਿਉਂਕਿ ਉਨ੍ਹਾਂ ਦੀ ਵਾਪਸੀ ਦੀ ਤਾਰੀਖ ਨੇੜੇ ਆ ਰਹੀ ਹੈ ਅਤੇ ਉਨ੍ਹਾਂ ਦੀਆਂ ਵਾਪਸੀ ਦੀਆਂ ਟਿਕਟਾਂ ਵੀ ਕਨਫਰਮ ਹਨ ਪਰ ਐੱਸਡੀਐੱਮ ਆਪਣੀ ਸੀਟ ਦਾ ਚਾਰਜ ਕਦੋਂ ਲੈਣਗੇ, ਇਸ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ।
ਉੱਧਰ, ਰਿਸ਼ਵਤ ਕਾਂਡ 'ਚ ਐੱਸਡੀਐੱਮ ਗੁਰਬੀਰ ਸਿੰਘ ਕੋਹਲੀ ਦੇ ਰੀਡਰ/ਸਟੈਨੋ ਜਤਿੰਦਰ ਸਿੰਘ ਨੀਟਾ ਨੂੰ 24 ਲੱਖ 6 ਹਜ਼ਾਰ ਰੁਪਏ ਦੀ ਰਿਸ਼ਵਤ ਲੈਂਦਿਆਂ ਗ੍ਰਿਫ਼ਤਾਰ ਕਰਨ ਤੋਂ ਬਾਅਦ ਲੱਖਾਂ ਰੁਪਏ ਦੀ ਰਿਸ਼ਵਤ ਲੈਣ ਦੇ ਦੋਸ਼ ਹੇਠ ਵਿਜੀਲੈਂਸ ਵਿਭਾਗ ਨੇ ਐੱਸਡੀਐੱਮ ਦਫਤਰ ਦੇ ਅਧਿਕਾਰੀਆਂ ਸਮੇਤ ਯੂਥ ਅਕਾਲੀ ਦਲ ਦੇ ਸੀਨੀਅਰ ਮੀਤ ਪ੍ਰਧਾਨ ਸੁਖਜੀਤ ਸਿੰਘ ਉਰਫ਼ ਬੱਗੀ, ਵਾਸੀ ਝੋਰੜਾਂ ਨੂੰ ਵੀ ਨਾਮਜ਼ਦ ਕਰਕੇ ਗ੍ਰਿਫ਼ਤਾਰ ਕਰ ਲਿਆ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਰਮਨ ਅਰੋੜਾ ਦੇ ਕੁੜਮ ਰਾਜੂ ਮਦਨ ਦੀ ਅਗਾਊਂ ਜ਼ਮਾਨਤ 'ਤੇ ਸੁਣਵਾਈ 25 ਨੂੰ
NEXT STORY 
