ਜਲੰਧਰ (ਚੋਪੜਾ)–ਪੰਜਾਬ ਸਰਕਾਰ ਨੇ ਡਰਾਈਵਿੰਗ ਲਾਇਸੈਂਸ ਬਣਵਾਉਣ ਦੀ ਪ੍ਰਕਿਰਿਆ ਨੂੰ ਜ਼ਿਆਦਾ ਪਾਰਦਰਸ਼ੀ, ਨਿਰਪੱਖ ਅਤੇ ਏਜੰਟ ਰਹਿਤ ਬਣਾਉਣ ਦੀ ਦਿਸ਼ਾ ਵਿਚ ਇਕ ਵੱਡਾ ਕਦਮ ਉਠਾਇਆ ਹੈ। ਟਰਾਂਸਪੋਰਟ ਵਿਭਾਗ ਦੇ ਐੱਨ. ਆਈ. ਸੀ. ਪੋਰਟਲ ਵਿਚ ਅੱਜ ਤੋਂ ਇਕ ਨਵੀਂ ਅਪਡੇਸ਼ਨ ਲਾਗੂ ਕੀਤੀ ਗਈ ਹੈ, ਜਿਸ ਤਹਿਤ ਹੁਣ ਕੋਈ ਵੀ ਵਾਹਨ, ਭਾਵੇਂ ਉਹ ਦੋਪਹੀਆ ਹੋਵੇ ਜਾਂ ਚਾਰ ਪਹੀਆ, ਇਕ ਹੀ ਦਿਨ ਵਿਚ ਸਿਰਫ਼ ਇਕ ਵਾਰ ਡਰਾਈਵਿੰਗ ਟੈਸਟ ਲਈ ਵਰਤੋਂ ਵਿਚ ਲਿਆਂਦਾ ਜਾ ਸਕੇਗਾ।
ਇਹ ਮਹੱਤਵਪੂਰਨ ਬਦਲਾਅ ਸੂਬੇ ਭਰ ਦੇ ਆਟੋਮੇਟਿਡ ਡਰਾਈਵਿੰਗ ਟੈਸਟ ਸੈਂਟਰਾਂ ਵਿਚ ਲਾਗੂ ਕੀਤਾ ਗਿਆ ਹੈ। ਇਸ ਨਿਯਮ ਦੇ ਲਾਗੂ ਹੁੰਦੇ ਹੀ ਹੁਣ ਇਹ ਸੰਭਵ ਨਹੀਂ ਹੋਵੇਗਾ ਕਿ ਇਕ ਹੀ ਵਾਹਨ ਦੀ ਕਈ ਵਾਰ ਵਰਤੋਂ ਕਰਕੇ ਵੱਖ-ਵੱਖ ਬਿਨੈਕਾਰਾਂ ਦਾ ਟੈਸਟ ਕਰਵਾਇਆ ਜਾਵੇ। ਇਸ ਨਵੇਂ ਨਿਯਮ ਤਹਿਤ ਜੇ ਕੋਈ ਬਿਨੈਕਾਰ ਆਪਣੇ ਡਰਾਈਵਿੰਗ ਟੈਸਟ ਲਈ ਕਿਸੇ ਵਿਸ਼ੇਸ਼ ਵਾਹਨ ਦੀ ਵਰਤੋਂ ਕਰਦਾ ਹੈ ਤਾਂ ਉਹੀ ਵਾਹਨ ਉਸੇ ਦਿਨ ਕਿਸੇ ਹੋਰ ਬਿਨੈਕਾਰ ਦੇ ਡਰਾਈਵਿੰਗ ਟੈਸਟ ਲਈ ਨਹੀਂ ਵਰਤਿਆ ਜਾ ਸਕੇਗਾ। ਸਿਸਟਮ ਉਸ ਦੂਜੇ ਟ੍ਰੈਕ ਟੈਸਟ ਨੂੰ ਆਟੋਮੈਟਿਕ ਰਿਜੈਕਟ ਕਰ ਦੇਵੇਗਾ। ਇਹ ਵਿਵਸਥਾ ਦੋਪਹੀਆ ਅਤੇ ਚਾਰ ਪਹੀਆ ਦੋਵਾਂ ਸ਼੍ਰੇਣੀਆਂ ਦੇ ਵਾਹਨਾਂ ’ਤੇ ਬਰਾਬਰ ਰੂਪ ਵਿਚ ਲਾਗੂ ਹੋਵੇਗੀ। ਇਸ ਦਾ ਉਦੇਸ਼ ਲਾਇਸੈਂਸ ਪ੍ਰਕਿਰਿਆ ਵਿਚ ਪਾਰਦਰਸ਼ਿਤਾ ਵਧਾਉਣਾ, ਫਰਜ਼ੀਵਾੜਾ ਰੋਕਣਾ ਅਤੇ ਅਸਲੀ ਬਿਨੈਕਾਰਾਂ ਨੂੰ ਪਹਿਲ ਦੇਣਾ ਹੈ।
ਇਹ ਵੀ ਪੜ੍ਹੋ: ਇਕ ਹੋਰ ਮਸ਼ਹੂਰ ਇੰਫਲੂਐਂਸਰ ਅੰਮ੍ਰਿਤਪਾਲ ਸਿੰਘ ਦੇ ਨਿਸ਼ਾਨੇ 'ਤੇ, ਦਿੱਤੀ ਸਿੱਧੀ ਧਮਕੀ
ਆਖਿਰ ਟਰਾਂਸਪੋਰਟ ਵਿਭਾਗ ਨੇ ਕਿਉਂ ਚੁੱਕਿਆ ਇਹ ਕਦਮ?
ਇਸ ਬਦਲਾਅ ਦੀ ਪ੍ਰਮੁੱਖ ਵਜ੍ਹਾ ਫਰਜ਼ੀਵਾੜੇ ਦੀਆਂ ਵਧਦੀਆਂ ਸ਼ਿਕਾਇਤਾਂ ਹਨ। ਆਟੋਮੇਟਿਡ ਡਰਾਈਵਿੰਗ ਟੈਸਟ ਸੈਂਟਰਾਂ ਦੇ ਬਾਹਰ ਏਜੰਟਾਂ ਦੀ ਸਰਗਰਮੀ ਲਗਾਤਾਰ ਪ੍ਰਸ਼ਾਸਨ ਲਈ ਚਿੰਤਾ ਦਾ ਵਿਸ਼ਾ ਬਣੀ ਹੋਈ ਸੀ। ਇਨ੍ਹਾਂ ਏਜੰਟਾਂ ਕੋਲ ਖ਼ੁਦ ਦੇ ਵਾਹਨ ਹੁੰਦੇ ਸਨ, ਜਿਨ੍ਹਾਂ ਨੂੰ ਉਹ ਪੈਸੇ ਲੈ ਕੇ ਉਨ੍ਹਾਂ ਬਿਨੈਕਾਰਾਂ ਨੂੰ ਉਪਲੱਬਧ ਕਰਵਾਉਂਦੇ ਸਨ, ਜਿਨ੍ਹਾਂ ਕੋਲ ਖ਼ੁਦ ਦਾ ਵਾਹਨ ਨਹੀਂ ਹੁੰਦਾ। ਅਜਿਹੇ ਵਿਚ ਇਕ ਹੀ ਵਾਹਨ ਦੀ ਦਿਨ ਵਿਚ ਕਈ ਵਾਰ ਵੱਖ-ਵੱਖ ਲੋਕਾਂ ਵੱਲੋਂ ਵਰਤੋਂ ਹੁੰਦੀ ਸੀ, ਜਿਸ ਨਾਲ ਨਾ ਸਿਰਫ ਸਿਸਟਮ ਦੀ ਭਰੋਸੇਯੋਗਤਾ ’ਤੇ ਸਵਾਲੀਆ ਨਿਸ਼ਾਨ ਲੱਗਦਾ ਸੀ, ਸਗੋਂ ਬਿਨੈਕਾਰਾਂ ਤੋਂ ਵੀ ਮੋਟੀ ਰਕਮ ਵਸੂਲੀ ਜਾਂਦੀ ਸੀ।
ਏਜੰਟਾਂ ’ਤੇ ਸ਼ਿਕੰਜਾ ਕੱਸਣ ਦੀ ਤਿਆਰੀ
ਇਸ ਸਬੰਧੀ ਏ. ਆਰ. ਟੀ. ਓ. ਵਿਸ਼ਾਲ ਗੋਇਲ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਨਵੀਂ ਪ੍ਰਣਾਲੀ ਨਾਲ ਏਜੰਟਾਂ ਦੀਆਂ ਨਾਜਾਇਜ਼ ਗਤੀਵਿਧੀਆਂ ’ਤੇ ਰੋਕ ਲੱਗੇਗੀ। ਉਨ੍ਹਾਂ ਕਿਹਾ ਕਿ ਵਿਭਾਗ ਵੱਲੋਂ ਆਟੋਮੇਟਿਡ ਟੈਸਟ ਸੈਂਟਰ ਵਿਚ ਪਹਿਲਾਂ ਹੀ ਏਜੰਟਾਂ ’ਤੇ ਸਖ਼ਤ ਕਾਰਵਾਈ ਕੀਤੀ ਜਾ ਰਹੀ ਸੀ ਪਰ ਕੁਝ ਏਜੰਟ ਪਾਰਕਿੰਗ ਏਰੀਏ ਅਤੇ ਸੈਂਟਰ ਦੇ ਬਾਹਰ ਰਹਿ ਕੇ ਆਪਣਾ ‘ਕਾਰੋਬਾਰ’ ਚਲਾ ਰਹੇ ਸਨ। ਉਨ੍ਹਾਂ ਦੱਸਿਆ ਕਿ ਇਹ ਸਥਿਤੀ ਸਿਰਫ ਜਲੰਧਰ ਵਿਚ ਹੀ ਨਹੀਂ, ਸਗੋਂ ਪੂਰੇ ਸੂਬੇ ਵਿਚ ਦੇਖੀ ਜਾ ਰਹੀ ਸੀ। ਇਸ ਲਈ ਸਰਕਾਰ ਨੇ ਇਹ ਸਖ਼ਤ ਕਦਮ ਚੁੱਕਿਆ ਹੈ।
ਇਹ ਵੀ ਪੜ੍ਹੋ: ਪੰਜਾਬ ਦੇ 9 ਜ਼ਿਲ੍ਹਿਆਂ 'ਚ Red Alert! ਮੌਸਮ ਦੀ ਹੋਈ ਵੱਡੀ ਭਵਿੱਖਬਾਣੀ, ਇਨ੍ਹਾਂ ਤਾਰੀਖ਼ਾਂ ਨੂੰ ਪਵੇਗਾ ਮੀਂਹ
ਸੂਬੇ ਭਰ ਵਿਚ ਅੱਜ ਤੋਂ ਪ੍ਰਭਾਵੀ ਹੋਇਆ ਨਵਾਂ ਨਿਯਮ
ਇਸ ਨਵੀਂ ਵਿਵਸਥਾ ਨੂੰ ਸਿਰਫ ਜਲੰਧਰ ਵਿਚ ਹੀ ਨਹੀਂ, ਸਗੋਂ ਪੰਜਾਬ ਦੇ ਸਾਰੇ ਆਟੋਮੇਟਿਡ ਡਰਾਈਵਿੰਗ ਟੈਸਟ ਸੈਂਟਰਾਂ ਵਿਚ ਇਕੱਠੇ ਲਾਗੂ ਕੀਤਾ ਗਿਆ ਹੈ। ਇਸ ਨਾਲ ਪੂਰੇ ਸੂਬੇ ਵਿਚ ਇਕ ਬਰਾਬਰ ਪ੍ਰਣਾਲੀ ਤਹਿਤ ਡਰਾਈਵਿੰਗ ਟੈਸਟ ਆਯੋਜਿਤ ਹੋਣਗੇ, ਜਿਸ ਨਾਲ ਏਜੰਟਾਂ ਦੇ ਨੈੱਟਵਰਕ ਨੂੰ ਤੋੜਨ ਵਿਚ ਮਦਦ ਮਿਲੇਗੀ। ਇਸ ਦੇ ਨਾਲ ਹੀ ਟਰਾਂਸਪੋਰਟ ਵਿਭਾਗ ਹੁਣ ਹੋਰ ਜ਼ਿਆਦਾ ਤਕਨੀਕੀ ਅਪਡੇਸ਼ਨ ਵੱਲ ਵਧਿਆ ਹੈ, ਜਿਸ ਨਾਲ ਫੇਸ ਰਿਕਗਿਨੇਸ਼ਨ, ਲਾਈਵ ਕੈਮਰਾ ਟ੍ਰੈਕਿੰਗ ਅਤੇ ਈ-ਰਿਪੋਰਟਿੰਗ ਵਰਗੇ ਕਦਮ ਵੀ ਸ਼ਾਮਲ ਕੀਤੇ ਜਾ ਸਕਦੇ ਹਨ।
ਇਹ ਵੀ ਪੜ੍ਹੋ: ਗਰਮੀ ਨੇ ਤੋੜੇ ਰਿਕਾਰਡ, ਪੰਜਾਬ ਤੇ ਹਰਿਆਣਾ ’ਚ ਸਭ ਤੋਂ ਗਰਮ ਚੰਡੀਗੜ੍ਹ ਦੀਆਂ ਰਾਤਾਂ, Red Alert ਜਾਰੀ
ਜਨਤਾ ਨੂੰ ਇਸ ਨਾਲ ਆਖਿਰ ਕੀ ਹੋਵੇਗਾ ਲਾਭ?
-ਧੋਖਾਦੇਹੀ ’ਤੇ ਰੋਕ : ਹੁਣ ਫਰਜ਼ੀਵਾੜਾ ਨਹੀਂ ਚੱਲੇਗਾ, ਹਰ ਵਿਅਕਤੀ ਨੂੰ ਆਪਣਾ ਵਾਹਨ ਖੁਦ ਲਿਆਉਣਾ ਹੋਵੇਗਾ ਜਾਂ ਆਪਣੇ ਜਾਣੂ ਤੋਂ ਵਿਵਸਥਾ ਕਰਨੀ ਹੋਵੇਗੀ।
-ਏਜੰਟਾਂ ਤੋਂ ਮੁਕਤੀ : ਲੋਕਾਂ ਨੂੰ ਦਲਾਲਾਂ ’ਤੇ ਨਿਰਭਰ ਨਹੀਂ ਰਹਿਣਾ ਪਵੇਗਾ ਅਤੇ ਭ੍ਰਿਸ਼ਟਾਚਾਰ ਦੀ ਗੁੰਜਾਇਸ਼ ਖਤਮ ਹੋਵੇਗੀ।
-ਨਿਰਪੱਖ ਪ੍ਰਕਿਰਿਆ : ਇਕ ਹੀ ਵਾਹਨ ਨਾਲ ਵਾਰ-ਵਾਰ ਟੈਸਟ ਨਾ ਦੇਣ ਕਾਰਨ ਈਮਾਨਦਾਰ ਬਿਨੈਕਾਰਾਂ ਨੂੰ ਬਰਾਬਰੀ ਦਾ ਮੌਕਾ ਮਿਲੇਗਾ।
-ਪ੍ਰਸ਼ਾਸਨ ਦੀ ਨਿਗਰਾਨੀ ਮਜ਼ਬੂਤ : ਟ੍ਰੈਕ ’ਤੇ ਹਰ ਵਾਹਨ ਦੀ ਵਰਤੋਂ ਦਾ ਡਾਟਾ ਸਿਸਟਮ ਵਿਚ ਰਿਕਾਰਡ ਰਹੇਗਾ, ਇਸ ਨਾਲ ਗਲਤ ਗਤੀਵਿਧੀਆਂ ਦੀ ਪਛਾਣ ਆਸਾਨ ਹੋਵੇਗੀ।
ਏ. ਆਰ. ਟੀ. ਓ. ਨੇ ਨਾਕਾਬੰਦੀ ਕਰ ਕੇ 10 ਵਾਹਨਾਂ ਦੇ ਕੱਟੇ ਚਲਾਨ, 3.50 ਲੱਖ ਰੁਪਏ ਜੁਰਮਾਨਾ ਵਸੂਲਿਆ
ਏ. ਆਰ. ਟੀ. ਓ. ਵਿਸ਼ਾਲ ਗੋਇਲ ਨੇ ਦੱਸਿਆ ਕਿ ਡਰਾਈਵਿੰਗ ਲਾਇਸੈਂਸ ਪ੍ਰਕਿਰਿਆ ਦੇ ਨਾਲ-ਨਾਲ ਸੜਕ ਸੁਰੱਖਿਆ ਨਿਯਮਾਂ ਦੀ ਉਲੰਘਣਾ ’ਤੇ ਵੀ ਵਿਭਾਗ ਸਖ਼ਤ ਨਜ਼ਰ ਰੱਖ ਰਿਹਾ ਹੈ। ਉਨ੍ਹਾਂ ਜਾਣਕਾਰੀ ਦਿੱਤੀ ਕਿ ਅੱਜ ਫਿਲੌਰ ਕੋਲ ਇਕ ਵਿਸ਼ੇਸ਼ ਨਾਕਾਬੰਦੀ ਮੁਹਿੰਮ ਚਲਾਈ ਗਈ, ਜਿਸ ਵਿਚ ਓਵਰਲੋਡਿੰਗ, ਬਿਨਾਂ ਆਰ. ਸੀ., ਬਿਨਾਂ ਇੰਸ਼ੋਰੈਂਸ, ਬਿਨਾਂ ਜਾਇਜ਼ ਪਰਮਿਟ ਅਤੇ ਹੋਰ ਜ਼ਰੂਰੀ ਦਸਤਾਵੇਜ਼ਾਂ ਦੀ ਕਮੀ ਕਾਰਨ ਕੁੱਲ੍ਹ 10 ਟਰੱਕਾਂ, ਟਿੱਪਰਾਂ ਅਤੇ ਕਮਰਸ਼ੀਅਲ ਵਾਹਨਾਂ ਦੇ ਚਲਾਨ ਕੀਤੇ ਗਏ। ਉਨ੍ਹਾਂ ਵਾਹਨਾਂ ਦੇ ਚਾਲਕਾਂ ਅਤੇ ਮਾਲਕਾਂ ਤੋਂ ਕੁੱਲ੍ਹ 3.50 ਲੱਖ ਰੁਪਏ ਦਾ ਜੁਰਮਾਨਾ ਵਸੂਲਿਆ ਗਿਆ।
ਇਹ ਵੀ ਪੜ੍ਹੋ: ਪੰਜਾਬ ਦੇ ਵਿਦਿਆਰਥੀਆਂ ਲਈ ਛੁੱਟੀਆਂ ਵਿਚਾਲੇ ਆ ਗਈ ਵੱਡੀ ਖ਼ਬਰ, PSEB ਨੇ ਸ਼ੁਰੂ ਕੀਤਾ...
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਸਿਕੰਦਰ ਸਿੰਘ ਮਲੂਕਾ ਦੀ ਅਕਾਲੀ ਦਲ 'ਚ ਵਾਪਸੀ, ਸੁਖਬੀਰ ਬਾਦਲ ਨੇ ਆਖੀ ਵੱਡੀ ਗੱਲ (ਵੀਡੀਓ)
NEXT STORY 
