ਫਿਰੋਜ਼ਪੁਰ (ਕੁਮਾਰ) : ਫਿਰੋਜ਼ਪੁਰ ਦੇ ਪਿੰਡ ਮਿਸ਼ਰੀ ਵਾਲਾ ’ਚ ਇਕ ਨੌਜਵਾਨ ਨੂੰ ਅਗਵਾ ਕਰਨ ਲਈ ਗੱਡੀਆਂ ’ਚ ਆਏ ਲੋਕਾਂ ਨੇ ਗੋਲੀਆਂ ਚਲਾ ਦਿੱਤੀਆਂ ਅਤੇ ਗੋਲੀਆਂ ਲੱਗਣ ਕਾਰਨ ਗੁਰਮੀਤ ਸਿੰਘ ਨਾਂ ਦਾ ਇਕ ਨੌਜਵਾਨ ਬੁਰੀ ਤਰ੍ਹਾਂ ਜ਼ਖਮੀ ਹੋ ਗਿਆ, ਜਦੋਂ ਕਿ ਫਿਰੋਜ਼ਸ਼ਾਹ ਟੋਲ ਪਲਾਜ਼ਾ ’ਤੇ ਕੰਮ ਕਰਨ ਵਾਲੇ ਇਕ ਨੌਜਵਾਨ ਦੇ ਸਿਰ ’ਚ ਸੱਟਾਂ ਲੱਗੀਆਂ ਹਨ। ਦੋਹਾਂ ਜ਼ਖਮੀਆਂ ਨੂੰ ਫਿਰੋਜ਼ਪੁਰ ਸ਼ਹਿਰ ਦੇ ਇਕ ਨਿੱਜੀ ਹਸਪਤਾਲ ’ਚ ਦਾਖ਼ਲ ਕਰਵਾਇਆ ਗਿਆ, ਜਿੱਥੇ ਗੁਰਮੀਤ ਸਿੰਘ ਦੀ ਹਾਲਤ ਨਾਜ਼ੁਕ ਦੱਸੀ ਜਾ ਰਹੀ ਹੈ।
ਇਹ ਵੀ ਪੜ੍ਹੋ : ਬੋਰਡ Exams ਦੇਣ ਵਾਲੇ ਵਿਦਿਆਰਥੀਆਂ ਲਈ ਖ਼ੁਸ਼ਖ਼ਬਰੀ, ਵਿਭਾਗ ਨੇ ਦਿੱਤੀ ਵੱਡੀ ਸਹੂਲਤ
ਘਟਨਾ ’ਚ ਜ਼ਖਮੀ ਹੋਏ ਨੌਜਵਾਨ ਜਸ਼ਨ ਨੇ ਦੱਸਿਆ ਕਿ ਉਹ ਫਿਰੋਜ਼ਸ਼ਾਹ ਟੋਲ ਪਲਾਜ਼ਾ ’ਤੇ ਕੰਮ ਕਰਦਾ ਹੈ ਅਤੇ ਬੀਤੀ ਦੁਪਹਿਰ ਨੂੰ ਕੁੱਝ ਲੋਕ ਇਕ ਸਕਾਰਪੀਓ ਗੱਡੀ ’ਤੇ ਆਏ, ਜਿਨ੍ਹਾਂ ਨੂੰ ਉਸ ਨੇ ਟੋਲ ਟੈਕਸ ਦੇਣ ਲਈ ਰੋਕਿਆ ਤਾਂ ਉਨ੍ਹਾਂ ਨਾਲ ਕੁੱਝ ਕਿਹਾ-ਸੁਣੀ ਹੋ ਗਈ ਪਰ ਜਲਦੀ ’ਚ ਹੋਣ ਕਾਰਨ ਉਹ ਉੱਥੋਂ ਬਿਨਾ ਟੋਲ ਟੈਕਸ ਦਿੱਤੇ ਜਿਵੇਂ ਹੀ ਨਿਕਲੇ ਤਾਂ ਉਸ ਦਾ ਹੱਥ ਲੱਗਣ ਨਾਲ ਅਚਾਨਕ ਉਨ੍ਹਾਂ ਦੀ ਗੱਡੀ ਦਾ ਸਾਈਡ ਵਾਲਾ ਸ਼ੀਸ਼ਾ ਟੁੱਟ ਗਿਆ ਪਰ ਉਹ ਚਲੇ ਗਏ। ਜਸ਼ਨ ਦੇ ਅਨੁਸਾਰ ਜਦੋਂ ਉਹ ਆਪਣੀ ਡਿਊਟੀ ਖ਼ਤਮ ਕਰਨ ਤੋਂ ਬਾਅਦ ਆਪਣੇ ਦੋਸਤ ਨਾਲ ਮੋਟਰਸਾਈਕਲ ’ਤੇ ਆਪਣੇ ਪਿੰਡ ਮਿਸ਼ਰੀ ਵਾਲਾ ਵੱਲ ਜਾ ਰਿਹਾ ਸੀ ਤਾਂ ਇਕ ਆਈ-20 ਕਾਰ ਆਈ।
ਇਹ ਵੀ ਪੜ੍ਹੋ : ਪੰਜਾਬ 'ਚ ਸਵਿੱਫਟ ਕਾਰ ਚਾਲਕ ਨਾਲ ਵੱਡੀ ਘਟਨਾ, ਸੁਣ ਤੁਹਾਡੇ ਵੀ ਉੱਡ ਜਾਣਗੇ ਹੋਸ਼
ਇਸ ’ਚੋਂ ਇਕ ਵਿਅਕਤੀ ਬਾਹਰ ਆਇਆ ਅਤੇ ਉਸਨੂੰ ਪੁੱਛਿਆ ਕਿ ਕੀ ਉਹ ਟੋਲ ਪਲਾਜ਼ਾ ’ਤੇ ਕੰਮ ਕਰਦਾ ਹੈ ਤਾਂ ਜਿਵੇਂ ਹੀ ਉਨ੍ਹਾਂ ’ਚ ਗੱਲਬਾਤ ਹੋਈ ਤਾਂ ਪਿੱਛੋਂ ਇਕ ਹੋਰ ਗੱਡੀ ਆ ਗਈ, ਜਿਸ ’ਚੋਂ ਕੁੱਝ ਲੋਕ ਬਾਹਰ ਨਿਕਲੇ ਅਤੇ ਉਸ ਤੋਂ ਬਾਅਦ ਉਹੀ ਸਕਾਰਪੀਓ ਕਾਰ ਆ ਗਈ, ਜਿਸ ’ਚੋਂ ਉਹੀ ਪਹਿਲਾ ਵਿਅਕਤੀ ਬਾਹਰ ਆਇਆ। ਕਰੀਬ 15 ਲੋਕਾਂ ਨੇ ਉਸ ਨੂੰ ਗੱਡੀ ’ਚ ਸੁੱਟ ਕੇ ਅਗਵਾ ਕਰਨ ਕੋਸ਼ਿਸ਼ ਕੀਤੀ ਅਤੇ ਬੇਸਬਾਲ ਉਸ ਦੇ ਸਿਰ ’ਚ ਮਾਰਿਆ ਤੇ ਉਸ ਨੂੰ ਕੁੱਟਣਾ ਸ਼ੁਰੂ ਕਰ ਦਿੱਤਾ। ਇਸ ਦੌਰਾਨ ਜਦੋਂ ਮਿਸ਼ਰੀ ਵਾਲਾ ਦੇ ਲੋਕ ਉਥੇ ਇਕੱਠੇ ਹੋ ਗਏ ਤਾਂ ਹਮਲਾਵਰਾਂ ਨੇ ਗੋਲੀਆਂ ਚਲਾ ਦਿੱਤੀਆਂ ਅਤੇ ਪਿੰਡ ਦੇ ਨੌਜਵਾਨ ਗੁਰਮੀਤ ਸਿੰਘ ਦੀ ਛਾਤੀ ’ਚ ਕਰੀਬ 2 ਗੋਲੀਆਂ ਲੱਗੀਆਂ, ਜੋ ਉਸ ਨੂੰ ਬਚਾਅ ਰਿਹਾ ਸੀ। ਇਸ ਤੋਂ ਬਾਅਦ ਹਮਲਾਵਰ ਉਥੋਂ ਭੱਜ ਗਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਤੂਫਾਨ, ਭਾਰੀ ਮੀਂਹ ਦਾ ਅਲਰਟ, ਪੰਜਾਬ ਸਣੇ 20 ਸੂਬਿਆਂ 'ਚ ਖਰਾਬ ਹੋੇਵੇਗਾ ਮੌਸਮ
NEXT STORY 
