ਰਾਜਾਸਾਂਸੀ/ਚੇਤਨਪੁਰਾ(ਨਿਰਵੈਲ)- ਅੱਜ ਕਸਬਾ ਰਾਜਾਸਾਂਸੀ ਅੱਡਾ ਮੁੱਖ ਚੌਕ ਅਜਨਾਲਾ-ਅੰਮ੍ਰਿਤਸਰ ਮਾਰਗ 'ਤੇ ਭਾਰਤੀ ਇਨਕਲਾਬੀ ਪਾਰਟੀ ਤੇ ਕਿਸਾਨ-ਮਜ਼ਦੂਰ ਨੌਜਵਾਨ ਸਭਾ ਨੇ ਜੀ. ਐੱਸ. ਟੀ. ਦੇ ਵਿਰੋਧ 'ਚ ਨਾਅਰੇਬਾਜ਼ੀ ਕਰਦਿਆਂ ਕੇਂਦਰ ਸਰਕਾਰ ਦਾ ਪੁਤਲਾ ਫੂਕਿਆ ਤੇ ਜਮ ਕੇ ਨਾਅਰੇਬਾਜ਼ੀ ਕੀਤੀ। ਇਸ ਮੌਕੇ ਕਿਸਾਨ ਆਗੂ ਸਤਨਾਮ ਸਿੰਘ ਸਮੇਤ ਵੱਖ-ਵੱਖ ਜਥੇਬੰਦੀਆਂ ਦੇ ਆਗੂਆਂ ਨੇ ਜੀ. ਐੱਸ. ਟੀ. ਦੇ ਵਿਰੋਧ 'ਚ ਕੇਂਦਰ ਸਰਕਾਰ ਦਾ ਪੁਤਲਾ ਫੂਕਣ ਉਪਰੰਤ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਜੀ. ਐੱਸ. ਟੀ. ਲਾਗੂ ਕਰਨ ਨਾਲ ਗਰੀਬ ਵਰਗ ਦੇ ਲੋਕਾਂ 'ਤੇ ਹੋਰ ਜ਼ਿਆਦਾ ਬੋਝ ਵਧੇਗਾ ਤੇ ਕਿਰਸਾਨੀ ਵੀ ਹੋਰ ਸੰਕਟ 'ਚ ਘਿਰ ਜਾਵੇਗੀ, ਇਸ ਲਈ ਇਸ ਨੂੰ ਤੁਰੰਤ ਬੰਦ ਕੀਤਾ ਜਾਵੇ। ਇਸ ਮੌਕੇ ਸ਼ਹੀਦ ਭਗਤ ਸਿੰਘ ਨੌਜਵਾਨ ਸਭਾ, ਮਜ਼ਦੂਰ ਸਭਾ, ਇਨਕਲਾਬੀ ਪਾਰਟੀ ਤੇ ਕਿਸਾਨ ਮਜ਼ਦੂਰ ਨੌਜਵਾਨ ਸਭਾ ਦੇ ਮੈਂਬਰ ਹਾਜ਼ਰ ਸਨ।
ਖਾਕੀ ਫਿਰ ਹੋਈ ਸ਼ਰਮਸਾਰ, ਨਸ਼ੇ 'ਚ ਟੱਲੀ ਪੁਲਸ ਵਾਲੇ ਦੀ ਵੀਡੀਓ ਵਾਇਰਲ
NEXT STORY