ਜਲਾਲਾਬਾਦ : ਇੱਥੇ ਫਾਜ਼ਿਲਕਾ ਰੋਡ 'ਤੇ ਨਸ਼ੇ 'ਚ ਟੱਲੀ ਇਕ ਨੌਜਵਾਨ ਵਲੋਂ ਸੜਕ 'ਤੇ ਵੱਡੇ ਹਾਦਸੇ ਨੂੰ ਸੱਦਾ ਦੇਣ ਦੀ ਵੀਡੀਓ ਵਾਇਰਲ ਹੋਈ ਹੈ। ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਸੜਕ 'ਤੇ ਦੋਹਾਂ ਪਾਸਿਓਂ ਲਗਾਤਾਰ ਗੱਡੀਆਂ, ਟਰੱਕ ਅਤੇ ਦੋਪਹੀਆ ਵਾਹਨ ਲੰਘ ਰਹੇ ਹਨ ਪਰ ਉਕਤ ਨੌਜਵਾਨ ਝੂਮਦਾ ਹੋਇਆ ਇਨ੍ਹਾਂ ਵਾਹਨਾਂ ਅੱਗੇ ਆਪਣਾ ਮੋਟਰਸਾਈਕਲ ਲਿਜਾ ਰਿਹਾ ਹੈ।
ਇਹ ਵੀ ਪੜ੍ਹੋ : ਪੰਜਾਬ 'ਚ ਇਸ ਜ਼ਿਲ੍ਹੇ ਦੇ ਲੋਕਾਂ 'ਤੇ ਲੱਗੀਆਂ ਸਖ਼ਤ ਪਾਬੰਦੀਆਂ, ਪੜ੍ਹੋ ਕੀ ਹੈ ਪੂਰੀ ਖ਼ਬਰ
ਫਿਰ ਅਚਾਨਕ ਉਸ ਦੇ ਮੋਟਰਸਾਈਕਲ ਦਾ ਸੁਤੰਲਨ ਵਿਗੜ ਜਾਂਦਾ ਹੈ ਅਤੇ ਉਹ ਮੋਟਰਸਾਈਕਲ ਸਮੇਤ ਸਾਈਡ 'ਤੇ ਝਾੜੀਆਂ 'ਚ ਡਿੱਗ ਜਾਂਦਾ ਹੈ। ਉਕਤ ਨੌਜਵਾਨ ਦੀ ਤਿੰਨ ਵਾਰ ਵੱਡੇ ਵਾਹਨਾਂ ਨਾਲ ਟੱਕਰ ਹੋਣ ਤੋਂ ਬਚੀ। ਸਭ ਤੋਂ ਪਹਿਲਾਂ ਕਾਰ, ਫਿਰ ਟਰੱਕ ਅਤੇ ਅਖ਼ੀਰ 'ਚ ਟਰੈਕਟਰ-ਟਰਾਲੀ ਨਾਲ ਉਸ ਦੇ ਮੋਟਰਸਾਈਕਲ ਦੀ ਟੱਕਰ ਮਸਾਂ ਹੀ ਹੋਣੋਂ ਬਚੀ ਹੈ।
ਇਹ ਵੀ ਪੜ੍ਹੋ : ਭਾਖੜਾ ਡੈਮ ਤੋਂ ਪਾਣੀ ਛੱਡਣ ਦੀ ਤਿਆਰੀ, ਪਿੰਡਾਂ ਵਾਲੇ ਹੋ ਜਾਣ Alert (ਵੀਡੀਓ)
ਆਮ ਵਿਅਕਤੀ ਸੜਕ 'ਤੇ ਇਸ ਤਰ੍ਹਾਂ ਆਪਣੀ ਜਾਨ ਖ਼ਤਰੇ 'ਚ ਨਹੀਂ ਪਾਉਂਦਾ। ਇਸ ਤੋਂ ਇਹੀ ਜਾਪ ਰਿਹਾ ਹੈ ਕਿ ਉਕਤ ਨੌਜਵਾਨ ਨੇ ਕਿਸੇ ਤਰ੍ਹਾਂ ਦਾ ਨਸ਼ਾ ਕੀਤਾ ਹੋਇਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਸਾਰੀ ਘਟਨਾ ਦੀ ਵੀਡੀਓ ਕਿਸੇ ਰਾਹਗੀਰ ਵਲੋਂ ਬਣਾਈ ਗਈ ਹੈ, ਜੋ ਕਿ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਜੱਸੀਆਂ ਰੋਡ ਨੇੜੇ ਸਥਿਤ ਮਾਰਕੀਟ ਬਣਨ ਤੋਂ ਬਾਅਦ ਖੁੱਲ੍ਹੀ ਨਗਰ ਨਿਗਮ ਦੀ ਨੀਂਦ
NEXT STORY 
