ਸਮਰਾਲਾ (ਗਰਗ/ਬੰਗੜ) : ਇਥੋਂ ਨੇੜਲੇ ਪਿੰਡ ਮਾਣੀ ਦੀ 26 ਸਾਲਾ ਮੁਟਿਆਰ ਨੇ ਸ਼ੁੱਕਰਵਾਰ ਤੜਕੇ ਆਪਣੇ ਪਿਤਾ ਦੀ ਪਿਸਤੌਲ ਨਾਲ ਖੁਦ ਨੂੰ ਸਿਰ 'ਚ ਗੋਲੀ ਮਾਰ ਕੇ ਦਰਦਨਾਕ ਤਰੀਕੇ ਨਾਲ ਖੁਦਕੁਸ਼ੀ ਕਰ ਲਈ। ਇਸ ਘਟਨਾ ਤੋਂ ਬਾਅਦ ਪੂਰੇ ਪਿੰਡ 'ਚ ਸਹਿਮ ਦਾ ਮਾਹੌਲ ਹੈ ਅਤੇ ਮੌਕੇ 'ਤੇ ਪੁੱਜੀ ਪੁਲਸ ਨੇ ਲਾਸ਼ ਨੂੰ ਕਬਜ਼ੇ ਵਿੱਚ ਲੈਂਦੇ ਹੋਏ ਪਿੰਡ ਦੀਆਂ ਦੋ ਔਰਤਾਂ ਅਤੇ ਇਕ ਲੜਕੇ ਸਮੇਤ ਇੱਥੋਂ ਪਰਿਵਾਰ ਦੇ ਤਿੰਨ ਜੀਆਂ ਖਿਲਾਫ਼ ਮਾਮਲਾ ਦਰਜ ਕੀਤਾ ਹੈ। ਮ੍ਰਿਤਕ ਲੜਕੀ ਦਾ 2 ਸਾਲ ਪਹਿਲਾ ਹੀ ਅਮਰੀਕਨ ਸਿਟੀਜ਼ਨ ਲੜਕੇ ਨਾਲ ਬੜੀ ਧੂਮਧਾਮ ਨਾਲ ਵਿਆਹ ਹੋਇਆ ਸੀ ਅਤੇ ਪਿੰਡ ਦੇ ਹੀ ਇਕ ਲੜਕੇ ਵੱਲੋਂ, ਜੋ ਕਿ ਉਹ ਵੀ ਅਮਰੀਕਾ ਦਾ ਹੀ ਸਿਟੀਜ਼ਨ ਹੈ, ਵੱਲੋਂ ਲੜਕੀ ਦੀ ਵਿਆਹੁਤਾ ਜ਼ਿੰਦਗੀ ਖਰਾਬ ਕਰਨ 'ਤੇ ਦੁਖੀ ਹੋਈ ਲੜਕੀ ਵੱਲੋਂ ਖੁਦਕੁਸ਼ੀ ਵਰਗਾ ਕਦਮ ਚੁੱਕਿਆ ਗਿਆ ਹੈ।
ਜਾਣਕਾਰੀ ਮੁਤਾਬਕ ਪਿੰਡ ਮਾਣਕੀ ਦੀ ਰਹਿਣ ਵਾਲੀ 26 ਸਾਲਾ ਲੜਕੀ ਗਗਨਦੀਪ ਕੌਰ ਦਾ ਪਰਿਵਾਰ ਤਿੰਨ ਸਾਲ ਪਹਿਲਾਂ ਹੀ ਕਲਕੱਤਾ ਤੋਂ ਆ ਕੇ ਇਥੇ ਵੱਸਣ ਲੱਗਿਆ ਸੀ ਅਤੇ ਦੋ ਸਾਲ ਪਹਿਲਾ ਅਮਰੀਕਾ ਦੇ ਪੱਕੇ ਨਿਵਾਸੀ ਸਰਬਜੀਤ ਸਿੰਘ ਨਾਲ ਉਸ ਦਾ ਵਿਆਹ ਹੋਇਆ ਸੀ। ਇਸੇ ਦੌਰਾਨ ਗਗਨਦੀਪ ਕੌਰ ਦੇ ਪਿੰਡ ਦਾ ਹੀ ਇਕ ਲੜਕਾ ਗੁਰਿੰਦਰ ਸਿੰਘ ਉਰਫ ਤੋਤੀ ਜੋ ਕਿ ਖੁਦ ਵੀ ਅਮਰੀਕਾ ਦਾ ਸਿਟੀਜ਼ਨ ਹੈ, ਲੜਕੀ ਨੂੰ ਤੰਗ-ਪਰੇਸ਼ਾਨ ਕਰਨ ਲੱਗਾ ਅਤੇ ਉਸਨੂੰ ਇਹ ਕਹਿ ਕੇ ਬਲੈਕ ਮੇਲ ਕਰਦੇ ਹੋਏ ਪੰਜ ਲੱਖ ਰੁਪਏ ਦੀ ਮੰਗ ਕੀਤੀ ਕਿ ਜੇਕਰ ਉਸ ਨੇ ਪੈਸੇ ਨਾ ਦਿੱਤੇ ਤਾਂ ਉਹ ਉਸ ਦੇ ਪਤੀ ਨੂੰ ਉਸ ਦੇ ਕਰੈਕਟਰ ਬਾਰੇ ਗਲਤ ਗੱਲ ਕਰਕੇ ਉਸ ਦਾ ਤਲਾਕ ਕਰਵਾ ਦੇਵੇਗਾ।
ਗੁਰਿੰਦਰ ਸਿੰਘ ਲਗਾਤਾਰ ਗਗਨਦੀਪ ਕੌਰ ਨੂੰ ਵਾਰ-ਵਾਰ ਫੋਨ ਕਰਕੇ ਤੰਗ-ਪਰੇਸ਼ਾਨ ਕਰਦਾ ਰਿਹਾ ਅਤੇ ਜਦੋਂ ਪੈਸਿਆਂ ਦੀ ਮੰਗ ਪੂਰੀ ਨਾ ਹੋਈ ਤਾਂ ਉਸ ਨੇ ਅਮਰੀਕਾ ਵਿੱਚ ਹੀ ਉਸ ਦੇ ਕੋਲ ਰਹਿੰਦੇ ਗਗਨਦੀਪ ਦੇ ਪਤੀ ਸਰਬਜੀਤ ਸਿੰਘ ਉਸ ਦੇ ਕਰੈਕਰਟ ਬਾਰੇ ਬਹੁਤ ਚੰਗਾ-ਮਾੜਾ ਕਹਿੰਦੇ ਹੋਏ ਦੋਵਾਂ ਦਾ ਪਿਛਲੇ ਮਹੀਨੇ ਤਲਾਕ ਕਰਵਾ ਦਿੱਤਾ। ਤਲਾਕ ਹੋਣ ਮਗਰੋਂ ਗਗਨਦੀਪ ਕੌਰ ਬਹੁਦ ਦੁਖੀ ਰਹਿਣ ਲੱਗੀ ਅਤੇ ਉਸ ਦੀ ਵਿਆਹੁਤਾ ਜ਼ਿੰਦਗੀ ਖਰਾਬ ਕਰਨ ਵਾਲੇ ਗੁਰਿੰਦਰ ਸਿੰਘ ਤੋਤੀ ਅਤੇ ਉਸ ਦੀ ਮਾਤਾ ਗੁਰਮੀਤ ਕੌਰ ਅਤੇ ਦਾਦੀ ਬਲਜਿੰਦਰ ਕੌਰ ਨੇ ਵੀ ਲੜਕੀ ਨੂੰ ਕਾਫੀ ਪਰੇਸ਼ਾਨ ਕਰਨਾ ਸ਼ੁਰੂ ਕਰ ਦਿੱਤਾ। ਅਖੀਰ ਆਪਣੀ ਜ਼ਿੰਦਗੀ ਤੋਂ ਤੰਗ ਆਈ ਗਗਨਦੀਪ ਕੌਰ ਨੇ ਤੜਕੇ 5 ਵਜੇ ਆਪਣੇ ਪਿਤਾ ਦੀ ਲਾਇਸੰਸੀ 38 ਬੋਰ ਰਿਵਾਲਵਰ ਨਾਲ ਖੁਦ ਨੂੰ ਸਿਰ 'ਚ ਗੋਲੀ ਮਾਰ ਲਈ।
ਗਗਨਦੀਪ ਦੀ ਗੋਲੀ ਲੱਗਣ ਨਾਲ ਮੌਕੇ 'ਤੇ ਹੀ ਮੌਤ ਹੋ ਗਈ ਅਤੇ ਮਰਨ ਤੋਂ ਪਹਿਲਾ ਉਸ ਨੇ ਗੁਰਿੰਦਰ ਸਿੰਘ ਤੋਤੀ, ਉਸ ਦੀ ਮਾਤਾ ਅਤੇ ਦਾਦੀ ਨੂੰ ਆਪਦੀ ਮੌਤ ਦਾ ਜਿੰਮੇਵਾਰ ਦੱਸਦੇ ਹੋਏ ਖੁਦਕੁਸ਼ੀ ਨੋਟ ਵੀ ਲਿੱਖਿਆ, ਜੋ ਕਿ ਮੌਕੇ 'ਤੇ ਪੁੱਜੀ ਪੁਲਸ ਨੇ ਬਰਾਮਦ ਕਰ ਲਿਆ ਹੈ। ਇਸ ਸੰਬੰਧ 'ਚ ਸਹਾਇਕ ਥਾਣੇਦਾਰ ਜੋਗਿੰਦਰ ਸਿੰਘ ਨੇ ਮ੍ਰਿਤਕ ਲੜਕੀ ਦੇ ਪਿਤਾ ਭਾਗ ਸਿੰਘ ਦੇ ਬਿਆਨਾਂ 'ਤੇ ਤਿੰਨੇ ਦੋਸ਼ੀਆਂ ਖਿਲਾਫ਼ ਧਾਰਾ 306 ਅਧੀਨ ਕੇਸ ਦਰਜ਼ ਕਰ ਲਿਆ ਹੈ ਅਤੇ ਡਾਕਟਰਾਂ ਦੇ ਪੈਨਲ ਵੱਲੋਂ ਮ੍ਰਿਤਕ ਲੜਕੀ ਦਾ ਪੋਸਟਮਾਰਟਮ ਕੀਤਾ ਜਾ ਰਿਹਾ ਹੈ।
ਬੇਰੁਜ਼ਗਾਰ ਨੌਜਵਾਨਾਂ ਲਈ ਵੱਡੀ ਖਬਰ : ਪੰਜਾਬ ਸਰਕਾਰ ਲਗਾ ਰਹੀ ਰੋਜ਼ਗਾਰ ਮੇਲਾ, ਨੌਕਰੀ ਲਈ ਇਥੇ ਕਰੋ ਰਜਿਸਟ੍ਰੇਸ਼ਨ
NEXT STORY 
