ਵੈਬ ਡੈਸਕ : ਇੰਟਰਨੈੱਟ ਸ਼ਟਡਾਊਨ (ਬੰਦ) ਨੂੰ ਲੈ ਕੇ ਵੱਡਾ ਦਾਅਵਾ ਕੀਤਾ ਗਿਆ ਹੈ। ਸੋਸ਼ਲ ਮੀਡੀਆ 'ਤੇ ਐਡਿਟ ਕੀਤੀ ਵੀਡੀਓ ਪੋਸਟ ਕਰਕੇ ਕਿਹਾ ਜਾ ਰਿਹਾ ਹੈ ਕਿ 16 ਜਨਵਰੀ 2025 ਨੂੰ ਪੂਰੀ ਦੁਨੀਆ 'ਚ ਇੰਟਰਨੈੱਟ ਠੱਪ ਹੋ ਸਕਦਾ ਹੈ। ਇਸ ਦੇ ਸਬੂਤ ਵਜੋਂ ਮਸ਼ਹੂਰ ਟੀਵੀ ਸ਼ੋਅ ਸਿਮਪਸਨ ਨੂੰ ਪੇਸ਼ ਕੀਤਾ ਜਾ ਰਿਹਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਸਿਮਪਸਨ ਨੂੰ ਸਹੀ ਭਵਿੱਖ ਦੱਸਣ ਲਈ ਜਾਣਿਆ ਜਾਂਦਾ ਹੈ। ਸੋਸ਼ਲ ਮੀਡੀਆ 'ਤੇ ਕਈ ਪੋਸਟਾਂ ਵਿੱਚ ਤਾਂ ਇਹ ਵੀ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਅੱਜ ਭਾਵ 16 ਜਨਵਰੀ ਨੂੰ ਥੋੜੀ ਦੇਰ ਤਕ ਪੂਰੀ ਦੁਨੀਆ ਭਰ ਦਾ ਇੰਟਰਨੈ੍ਰਟ ਬੰਦ ਹੋਣ ਵਾਲਾ ਹੈ। ਇਨ੍ਹਾਂ ਦਾਅਵਿਆਂ ਕਾਰਨ ਦੁਨੀਆਂ ਭਰ ਦੇ ਲੋਕਾਂ ਵਿੱਚ ਬੇਚੈਨੀ ਵੱਧਦੀ ਜਾ ਰਹੀ ਹੈ, ਹਰ ਕੋਈ ਇਨ੍ਹਾਂ ਦਾਅਵਿਆਂ ਦੀ ਸੱਚਾਈ ਜਾਣਨ ਵਿੱਚ ਲੱਗਾ ਹੋਇਆ ਹੈ, ਤਾਂ ਆਓ ਅਸੀਂ ਤਹਾਨੂੰ ਦੱਸਦੇ ਹਾਂ ਕਿ ਇਨ੍ਹਾਂ ਦਾਅਵਿਆਂ 'ਚ ਕਿੰਨੀ ਸੱਚਾਈ ਹੈ?
16 ਜਨਵਰੀ ਨੂੰ ਇੰਟਰਨੈੱਟ ਬੰਦ ਹੋਣ ਦਾ ਦਾਅਵਾ
ਦਰਅਸਲ, ਸੋਸ਼ਲ ਮੀਡੀਆ ਪੋਸਟਾਂ ਵਿੱਚ ਇਹ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ 16 ਜਨਵਰੀ, 2025 ਨੂੰ ਜਿਸ ਦਿਨ ਟਰੰਪ ਦੇ ਸਹੁੰ ਚੁੱਕਣਗੇ, ਵਿਸ਼ਵਵਿਆਪੀ ਇੰਟਰਨੈਟ ਬੰਦ ਹੋ ਜਾਵੇਗਾ। ਹਾਲਾਂਕਿ ਸੱਚਾਈ ਇਹ ਹੈ ਕਿ ਟਰੰਪ ਦਾ ਸਹੁੰ ਚੁੱਕ ਸਮਾਗਮ 20 ਜਨਵਰੀ 2025 ਨੂੰ ਹੈ। ਅਜਿਹੇ 'ਚ ਇਹ ਸੋਸ਼ਲ ਮੀਡੀਆ ਪੋਸਟ ਇੰਟਰਨੈੱਟ 'ਤੇ ਹਾਸੇ ਦਾ ਕਾਰਨ ਬਣ ਗਈ ਹੈ। ਇੰਸਟਾਗ੍ਰਾਮ ਅਤੇ ਹੋਰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ 'ਤੇ ਇਸ ਪੋਸਟ ਨੂੰ ਲੈ ਕੇ ਮੀਮ ਬਣਾਏ ਜਾ ਰਹੇ ਹਨ। ਅਜਿਹੇ 'ਚ ਪਹਿਲੀ ਨਜ਼ਰ 'ਚ ਇਹ ਦਾਅਵਾ ਝੂਠਾ ਲੱਗਦਾ ਹੈ।
ਇੰਟਰਨੈੱਟ ਨੂੰ ਨੁਕਸਾਨ ਪਹੁੰਚਾ ਸਕਦੀਆਂ ਹਨ ਸ਼ਾਰਕ
ਹਾਲਾਂਕਿ, ਇਨ੍ਹਾਂ ਦਾਅਵਿਆਂ ਦੇ ਵਿਚਕਾਰ, ਲੋਕ ਇਹ ਜਾਣਨ ਲਈ ਬੇਤਾਬ ਹਨ ਕਿ ਕੀ ਸਮੁੰਦਰ ਦੇ ਹੇਠਾਂ ਸ਼ਾਰਕਾਂ ਦੁਆਰਾ ਇੰਟਰਨੈਟ ਬੰਦ ਹੋ ਸਕਦਾ ਹੈ, ਕਿਉਂਕਿ ਕੁਝ ਮੀਡੀਆ ਅਦਾਰਿਆਂ ਦੀ ਰਿਪੋਰਟ ਦੇ ਅਨੁਸਾਰ, ਕਈ ਰਿਪੋਰਟਾਂ ਹਨ ਜਿਨ੍ਹਾਂ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਸ਼ਾਰਕਾਂ ਦੇ ਕਾਰਨ ਬ੍ਰਾਡਬੈਂਡ ਕੇਬਲਾਂ ਨੂੰ ਨੁਕਸਾਨ ਪਹੁੰਚ ਸਕਦਾ ਹੈ। ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਇਨੀਂ ਦਿਨੀਂ ਪਾਕਿਸਤਾਨ ਵਿੱਚ ਵੀ ਇੰਟਰਨੈੱਟ ਬੰਦ ਹੈ। ਉੱਥੇ ਹੀ ਇਹ ਵੀ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਸਮੁੰਦਰ ਦੇ ਹੇਠਾਂ ਵਿਛਾਈ ਗਈ ਇੰਟਰਨੈਟ ਕੇਬਲ ਨੂੰ ਸ਼ਾਰਕ ਨੇ ਕੱਟ ਦਿੱਤਾ ਹੈ, ਜਿਸ ਕਾਰਨ ਇੰਟਰਨੈਟ ਦੀ ਪਹੁੰਚ ਵਿੱਚ ਸਮੱਸਿਆ ਆ ਰਹੀ ਹੈ। ਪਾਕਿਸਤਾਨ ਸੈਟੇਲਾਈਟ ਇੰਟਰਨੈਟ ਪ੍ਰਦਾਤਾ ਸਟਾਰਲਿੰਕ ਨਾਲ ਗੱਲਬਾਤ ਕਰ ਰਿਹਾ ਹੈ, ਜਿਸਦਾ ਮਾਲਕ ਐਲੋਨ ਮਸਕ ਹੈ।
ਕੇਬਲ ਖਰਾਬ ਹੋਣ ਕਾਰਨ ਇੰਟਰਨੈਟ ਬੰਦ!
ਰਿਪੋਰਟਾਂ ਦੇ ਅਨੁਸਾਰ, ਇੰਟਰਨੈਟ ਬ੍ਰਾਡਬੈਂਡ ਕੇਬਲਾਂ 'ਤੇ ਸ਼ਾਰਕ ਦੇ ਦੰਦਾਂ ਦੇ ਨਿਸ਼ਾਨ ਲੱਭਣ ਦਾ ਇਤਿਹਾਸ ਰਿਹਾ ਹੈ। ਇਹੀ ਕਾਰਨ ਹੈ ਕਿ ਗੂਗਲ ਨੇ ਆਪਣੀ ਅੰਡਰਵਾਟਰ ਕੇਬਲ ਨੂੰ ਸੁਰੱਖਿਅਤ ਕਰਨ ਲਈ ਕੇਬਲ 'ਤੇ Kevlar ਵਰਗੀ ਸਮੱਗਰੀ ਦੀ ਵਰਤੋਂ ਕਰਨੀ ਸ਼ੁਰੂ ਕਰ ਦਿੱਤੀ ਹੈ। ਜਿਹੜੇ ਲੋਕ ਨਹੀਂ ਜਾਣਦੇ, ਉਨ੍ਹਾਂ ਨੂੰ ਦੱਸ ਦੇਈਏ ਕਿ ਸਾਡੀ ਧਰਤੀ ਚਾਰੇ ਪਾਸਿਓਂ ਬਰਾਡਬੈਂਡ ਕੇਬਲਾਂ ਨਾਲ ਘਿਰੀ ਹੋਈ ਹੈ। ਇਨ੍ਹਾਂ ਕੇਬਲਾਂ ਰਾਹੀਂ ਇੰਟਰਨੈੱਟ ਤੱਕ ਪਹੁੰਚ ਕੀਤੀ ਜਾਂਦੀ ਹੈ। ਜੇਕਰ ਕੋਈ ਕੇਬਲ ਖਰਾਬ ਹੋ ਜਾਂਦੀ ਹੈ, ਤਾਂ ਇਸਨੂੰ ਬਦਲ ਦਿੱਤਾ ਜਾਂਦਾ ਹੈ। ਇਸ ਦੀ ਮੁਰੰਮਤ ਵੀ ਕੀਤੀ ਜਾਂਦੀ ਹੈ। ਮਤਲਬ ਤੁਸੀਂ ਆਪਟੀਕਲ ਫਾਈਬਰ ਕੇਬਲ ਰਾਹੀਂ ਇੰਟਰਨੈੱਟ ਪ੍ਰਾਪਤ ਕਰਦੇ ਹੋ, ਜੋ ਮੋਬਾਈਲ ਟਾਵਰ ਦੀ ਮਦਦ ਨਾਲ ਤੁਹਾਡੇ ਮੋਬਾਈਲ 'ਤੇ ਪਹੁੰਚਾਇਆ ਜਾਂਦਾ ਹੈ। ਹਰ ਮੋਬਾਈਲ ਟਾਵਰ ਆਪਟੀਕਲ ਫਾਈਬਰ ਨਾਲ ਜੁੜਿਆ ਹੋਇਆ ਹੈ।
ਆਖਿਰ 'ਤੇ ਦੱਸ ਦਈਏ ਕਿ ਇਹ ਸਾਰੇ ਦਾਅਵੇ ਇਕ ਭਵਿੱਖਬਾਣੀ ਉੱਤੇ ਟਿਕੇ ਹੋਏ ਹਨ। ਫਿਲਹਾਲ ਇਹ ਭਵਿੱਖਬਾਣੀ ਅੱਜ ਕਿੰਨੀ ਕੁ ਸੱਚ ਹੋਵੇਗੀ ਇਹ ਤਾਂ ਸਮਾਂ ਹੀ ਦੱਸੇਗਾ।
ਡੇਰਾ ਰਾਧਾ ਸੁਆਮੀ ਬਿਆਸ ਦੀ ਪਹਿਲਕਦਮੀ, ਸ਼ੁਰੂ ਕੀਤੀ ਵੱਡੀ ਸੇਵਾ
NEXT STORY 
