ਜਲੰਧਰ (ਸੁਨੀਲ) : ਗਾਲਾਂ ਕੱਢਣ ਤੋਂ ਰੋਕਣਾ ਬਜ਼ੁਰਗ ਨੂੰ ਇਸ ਕਦਰ ਮਹਿੰਗਾ ਪਿਆ ਕਿ ਉਸ ਦੀ ਜਾਨ 'ਤੇ ਬਣ ਆਈ। ਦੱਸਿਆ ਜਾ ਰਿਹਾ ਹੈ ਕਿ ਜ਼ਖਮੀ ਨੂੰ ਪਹਿਲਾਂ ਸਿਵਲ ਹਸਪਤਾਲ ਵਿਚ ਦਾਖਲ ਕਰਾਇਆ ਗਿਆ, ਜਿੱਥੋਂ ਉਸ ਦੀ ਹਾਲਤ ਨੂੰ ਗੰਭੀਰ ਦੇਖਦੇ ਹੋਏ ਉਸ ਨੂੰ ਨਿੱਜੀ ਹਸਪਤਾਲ ਵਿਚ ਰੈਫਰ ਕਰ ਦਿੱਤਾ ਗਿਆ।
ਦਰਅਸਲ ਜਲੰਧਰ ਦੇ ਦਿਲਬਾਗ ਨਗਰ ਵਿਚ ਜਗਮੋਹਨ ਸਿੰਘ ਨਾਂ ਦਾ ਵਿਅਕਤੀ ਘਰ ਦੇ ਸਾਹਮਣੇ ਰਹਿੰਦੇ ਸੁਮਿਤ ਉਰਫ ਲੱਕੀ ਨਾਂ ਦੇ ਵਿਅਕਤੀ ਨੂੰ ਗਾਲ੍ਹਾਂ ਕੱਢਣ ਤੋਂ ਰੋਕ ਰਿਹਾ ਸੀ ਅਤੇ ਇਸ ਦੌਰਾਨ ਹੱਥੋਪਾਈ ਵੀ ਹੋਈ। ਫਿਰ ਲੱਕੀ ਚਾਕੂ ਲੈ ਆਇਆ। ਸੁਮਿਤ ਦੇ ਹੱਥ ਵਿਚ ਚਾਕੂ ਦੇਖ ਜਗਮੋਹਨ ਦਾ ਭਰਾ ਮਨਮੋਹਨ ਬਚਾਅ ਕਰਨ ਲਈ ਅੱਗੇ ਆਇਆ ਤਾਂ ਲੱਕੀ ਨੇ ਮਨਮੋਹਨ 'ਤੇ ਹੀ ਚਾਕੂ ਨਾਲ ਹਮਲਾ ਕਰ ਦਿੱਤਾ। ਉਧਰ ਪੁਲਸ ਦਾ ਕਹਿਣਾ ਹੈ ਕਿ ਜ਼ਖ਼ਮੀ ਵਿਅਕਤੀ ਦੇ ਬੇਟੇ ਦੇ ਬਿਆਨਾਂ 'ਤੇ ਮਾਮਲਾ ਦਰਜ ਕਰਕੇ ਕਾਰਵਾਈ ਕੀਤੀ ਜਾ ਰਹੀ ਹੈ।
ਅਮਲੋਹ ਨੇੜੇ ਵਾਪਰੇ ਸੜਕ ਹਾਦਸੇ ’ਚ 1 ਦੀ ਮੌਤ, 1 ਜ਼ਖਮੀ
NEXT STORY 
