ਜਲੰਧਰ (ਸੋਨੂੰ)— ਜਲੰਧਰ ਦੇ ਰਾਮਾ ਮੰਡੀ 'ਚ ਉਸ ਸਮੇਂ ਹੰਗਾਮਾ ਹੋ ਗਿਆ ਜਦੋਂ ਮਹਿਲਾ ਚੋਰ ਗਿਰੋਹ ਨੇ ਬੱਸ 'ਚ ਬੈਠੇ ਇਕ ਬਜ਼ੁਰਗ ਦੀ ਜੇਬ 'ਚੋਂ ਪੈਸੇ ਕੱਢ ਲਏ। ਬੱਸ 'ਚ ਬੈਠੇ ਮੁਸਾਫਿਰਾਂ ਨਾਲ ਚੋਰੀ ਕਰਨ 'ਚ ਕਈ ਵਾਰ ਇਹ ਗਿਰੋਹ ਸਫਲ ਹੋ ਚੁੱਕਾ ਹੈ। ਮਿਲੀ ਜਾਣਕਾਰੀ ਮੁਤਾਬਕ ਬੱਸ 'ਚ ਬੈਠੇ ਇਕ ਬਜ਼ੁਰਗ ਤੋਂ 4 ਮਹਿਲਾਵਾਂ ਨੇ ਰੁਪਏ ਲੁੱਟ ਲਏ ਸਨ। ਪੀੜਤ ਬਜ਼ੁਰਗ ਦੀ ਪਛਾਣ ਅਮਰਜੀਤ ਸਿੰਘ ਵਾਸੀ ਡੱਲਾ ਸਾਹਿਬ ਦੇ ਰੂਪ 'ਚ ਹੋਈ ਹੈ।
ਦੱਸਿਆ ਜਾ ਰਿਹਾ ਹੈ ਕਿ 60 ਸਾਲਾ ਬਜ਼ੁਰਗ ਗੁਰਦੁਆਰੇ 'ਚ ਸੇਵਾਦਾਰ ਹੈ। ਉਸ ਦੀ ਉਮਰ ਕਰੀਬ 60 ਸਾਲ ਦੇ ਕਰੀਬ ਹੈ। ਭੋਗਪੁਰ ਤੋਂ ਜਲੰਧਰ ਬੱਸ ਸਟੈਂਡ ਆਉਂਦੇ ਸਮੇਂ ਪੀ. ਏ. ਪੀ. ਚੌਕ 'ਚ 4 ਔਰਤਾਂ ਦੇ ਗਿਰੋਹ ਨੇ ਬਜ਼ੁਰਗ ਦੀ ਜੇਬ 'ਚੋਂ 10-10 ਰੁਪਏ ਦੇ 100 ਨੋਟ ਕੁੱਲ ਹਜ਼ਾਰ ਰੁਪਏ ਕੱਢ ਲਏ ਅਤੇ ਔਰਤਾਂ ਪੀ. ਏ. ਪੀ. ਤੋਂ ਹੇਠਾਂ ਉਤਰ ਗਈਆਂ ਸਨ। ਬਜ਼ੁਰਗ ਨੇ ਬੱਸ ਕੰਡਕਟਰ ਨੂੰ ਇਸ ਬਾਰੇ ਦੱਸਿਆ ਤਾਂ ਕੰਡਕਟਰ ਅਤੇ ਬਜ਼ੁਰਗ ਨੇ ਔਰਤਾਂ ਨੂੰ ਰਾਮਾਮੰਡੀ ਚੌਕ 'ਤੇ ਦਬੋਚ ਲਿਆ।
ਇਸ ਦੌਰਾਨ ਮਹਿਲਾ ਚੋਰ ਗਿਰੋਹ ਦਾ ਲੋਕਾਂ ਵੱਲੋਂ ਜੰਮ ਕੇ ਕੁਟਾਪਾ ਚਾੜ੍ਹਿਆ ਗਿਆ ਅਤੇ ਸਾਰੇ ਰੁਪਏ ਬਰਾਮਦ ਕੀਤੇ। ਉਥੇ ਹੀ ਮੌਕੇ 'ਤੇ ਪਹੁੰਚੀ ਪੁਲਸ ਵੱਲੋਂ ਉਕਤ ਸਥਾਨ ਦਾ ਜਾਇਜ਼ਾ ਲਿਆ ਗਿਆ। ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਵੀ ਬੱਸਾਂ 'ਚ ਇਸੇ ਥਾਂ ਦੇ ਨੇੜੇ ਕਈ ਲੋਕ ਚੋਰੀ ਦਾ ਸ਼ਿਕਾਰ ਹੁੰਦੇ ਰਹੇ ਹਨ।
ਸਿੰਗਰ ਰੰਧਾਵਾ ਭਰਾਵਾਂ ਨੂੰ ਪੁਲਸ ਪ੍ਰੋਟੈਕਸ਼ਨ ਦੇਣ ਤੋਂ ਕੋਰਟ ਦਾ ਇਨਕਾਰ
NEXT STORY