ਨੈਸ਼ਨਲ ਡੈਸਕ- ਪੱਛਮੀ ਏਸ਼ੀਆ 'ਚ ਜਾਰੀ ਜੰਗ ਅਤੇ ਤਣਾਅ ਕਾਰਨ ਹੁਣ ਭਾਰਤ ਦੇ ਇੰਟਰਨੈੱਟ ਸੰਪਰਕ 'ਤੇ ਖ਼ਤਰੇ ਦੇ ਬੱਦਲ ਮੰਡਰਾ ਰਹੇ ਹਨ। ਸਮੁੰਦਰ ਦੇ ਹੇਠਾਂ ਵਿਛੀਆਂ ਇੰਟਰਨੈੱਟ ਕੇਬਲਾਂ (ਤਾਰਾਂ), ਜਿਨ੍ਹਾਂ ਰਾਹੀਂ ਭਾਰਤ ਦਾ ਜ਼ਿਆਦਾਤਰ ਡਾਟਾ ਆਉਂਦਾ-ਜਾਂਦਾ ਹੈ, ਇਸ ਸੰਕਟ ਕਾਰਨ ਪ੍ਰਭਾਵਿਤ ਹੋ ਸਕਦੀਆਂ ਹਨ। ਜੇਕਰ ਇਹ ਕੇਬਲਾਂ ਖਰਾਬ ਹੁੰਦੀਆਂ ਹਨ, ਤਾਂ ਭਾਰਤ 'ਚ ਇੰਟਰਨੈੱਟ ਪੂਰੀ ਤਰ੍ਹਾਂ ਬੰਦ ਤਾਂ ਨਹੀਂ ਹੋਵੇਗਾ, ਪਰ ਇਸ ਦੀ ਰਫ਼ਤਾਰ ਕਾਫ਼ੀ ਸੁਸਤ ਹੋ ਸਕਦੀ ਹੈ।
ਭਾਰਤ ਦੀ ਨਿਰਭਰਤਾ ਅਤੇ ਮੌਜੂਦਾ ਸਥਿਤੀ
ਭਾਰਤ ਦਾ ਲਗਭਗ 60% ਇੰਟਰਨੈੱਟ ਟ੍ਰੈਫਿਕ ਮੁੰਬਈ ਦੇ ਰਸਤੇ ਯੂਰਪ ਜਾਂਦਾ ਹੈ, ਜੋ ਲਾਲ ਸਾਗਰ ਅਤੇ ਹੋਰਮੁਜ਼ ਵਰਗੇ ਅਸ਼ਾਂਤ ਖੇਤਰਾਂ 'ਚੋਂ ਲੰਘਦਾ ਹੈ। ਬਾਕੀ 40% ਟ੍ਰੈਫਿਕ ਚੇਨਈ ਦੇ ਰਸਤੇ ਸਿੰਗਾਪੁਰ ਅਤੇ ਪ੍ਰਸ਼ਾਂਤ ਮਹਾਂਸਾਗਰ ਵੱਲ ਜਾਂਦਾ ਹੈ। ਭਾਰਤ ਦੀ ਲਗਭਗ 95% ਕਨੈਕਟੀਵਿਟੀ ਇਨ੍ਹਾਂ ਸਮੁੰਦਰੀ ਰਸਤਿਆਂ 'ਤੇ ਹੀ ਨਿਰਭਰ ਹੈ। ਮੌਜੂਦਾ ਸਮੇਂ 'ਚ ਭਾਰਤ ਦੇ 14 ਲੈਂਡਿੰਗ ਸਟੇਸ਼ਨਾਂ 'ਤੇ 17 ਅੰਤਰਰਾਸ਼ਟਰੀ ਕੇਬਲਾਂ ਕੰਮ ਕਰ ਰਹੀਆਂ ਹਨ।
ਕੀ ਹੋਵੇਗਾ ਨੁਕਸਾਨ?
ਜੇਕਰ ਜੰਗ ਕਾਰਨ ਇਨ੍ਹਾਂ ਕੇਬਲਾਂ ਨੂੰ ਨੁਕਸਾਨ ਪਹੁੰਚਦਾ ਹੈ, ਤਾਂ ਕੰਪਨੀਆਂ ਨੂੰ ਡਾਟਾ ਭੇਜਣ ਲਈ ਦੂਜੇ ਲੰਬੇ ਰਸਤਿਆਂ ਦਾ ਸਹਾਰਾ ਲੈਣਾ ਪਵੇਗਾ। ਇਸ ਦੇ ਨਤੀਜੇ ਵਜੋਂ ਬਫਰਿੰਗ ਅਤੇ ਸਲੋ ਸਪੀਡ ਕਾਰਨ ਵੀਡੀਓ ਕਾਲਾਂ 'ਚ ਰੁਕਾਵਟ ਆ ਸਕਦੀ ਹੈ ਅਤੇ ਮੋਬਾਈਲ ਐਪਸ ਖੁੱਲ੍ਹਣ 'ਚ ਦੇਰੀ ਹੋ ਸਕਦੀ ਹੈ। ਡਾਟਾ ਟ੍ਰਾਂਸਫਰ 'ਚ ਦੇਰੀ ਕਾਰਨ ਵੱਡੀਆਂ ਕੰਪਨੀਆਂ ਅਤੇ ਗਲੋਬਲ ਕੈਪੇਬਿਲਟੀ ਸੈਂਟਰਾਂ ਦਾ ਕੰਮ ਪ੍ਰਭਾਵਿਤ ਹੋ ਸਕਦਾ ਹੈ। ਜੰਗ ਦੇ ਹਾਲਾਤ 'ਚ ਸਮੁੰਦਰ ਦੇ ਹੇਠਾਂ ਕੇਬਲਾਂ ਨੂੰ ਠੀਕ ਕਰਨਾ ਲਗਭਗ ਅਸੰਭਵ ਹੋ ਜਾਂਦਾ ਹੈ।
ਵੱਡੀਆਂ ਕੰਪਨੀਆਂ 'ਤੇ ਅਸਰ
ਇਸ ਤਣਾਅ ਕਾਰਨ ਸਿਰਫ਼ ਮੌਜੂਦਾ ਸੇਵਾਵਾਂ ਹੀ ਨਹੀਂ, ਸਗੋਂ ਭਵਿੱਖ ਦੇ ਪ੍ਰਾਜੈਕਟ ਵੀ ਪ੍ਰਭਾਵਿਤ ਹੋ ਰਹੇ ਹਨ। ਮੈਟਾ (ਫੇਸਬੁੱਕ) ਨੇ ਆਪਣੇ '2ਅਫਰੀਕਾ' ਕੇਬਲ ਵਿਸਤਾਰ ਪ੍ਰਾਜੈਕਟ ਨੂੰ ਫਿਲਹਾਲ ਰੋਕ ਦਿੱਤਾ ਹੈ। ਇਸ ਤੋਂ ਇਲਾਵਾ, ਭਾਰਤ ਦੀਆਂ ਦਿੱਗਜ ਕੰਪਨੀਆਂ ਜਿਵੇਂ ਏਅਰਟੈੱਲ ਅਤੇ ਟਾਟਾ ਕਮਿਊਨੀਕੇਸ਼ਨ ਲਈ ਵੀ ਇਹ ਚਿੰਤਾ ਦਾ ਵਿਸ਼ਾ ਹੈ ਕਿਉਂਕਿ ਉਨ੍ਹਾਂ ਦਾ ਗਲੋਬਲ ਨੈੱਟਵਰਕ ਇਨ੍ਹਾਂ ਰਸਤਿਆਂ 'ਤੇ ਟਿਕਿਆ ਹੋਇਆ ਹੈ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਭਾਰਤ ਨੂੰ ਹੁਣ ਅਜਿਹੇ ਨਵੇਂ ਸਮੁੰਦਰੀ ਰਸਤਿਆਂ ਦੀ ਤਲਾਸ਼ ਕਰਨੀ ਪਵੇਗੀ ਜੋ ਪੱਛਮੀ ਏਸ਼ੀਆ ਦੇ ਖ਼ਤਰਨਾਕ ਇਲਾਕਿਆਂ ਤੋਂ ਨਾ ਲੰਘਣ। ਏਅਰਟੈੱਲ ਵਰਗੀਆਂ ਕੰਪਨੀਆਂ ਪਹਿਲਾਂ ਹੀ ਜੋਖਮ ਭਰੇ ਖੇਤਰਾਂ ਤੋਂ ਬਚ ਕੇ ਬਦਲਵੇਂ ਰੂਟ ਤਿਆਰ ਕਰਨ 'ਤੇ ਧਿਆਨ ਦੇ ਰਹੀਆਂ ਹਨ। ਇਸ ਦੇ ਨਾਲ ਹੀ ਭਾਰਤ ਨੂੰ ਸਮੁੰਦਰ ਦੇ ਹੇਠਾਂ ਕੇਬਲ ਠੀਕ ਕਰਨ ਲਈ ਆਪਣੀ ਤਕਨੀਕੀ ਸਮਰੱਥਾ ਵਧਾਉਣ ਦੀ ਵੀ ਲੋੜ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਵਿੱਤੀ ਨਵੇਂ ਸਾਲ ਦੇ ਪਹਿਲੇ ਦਿਨ ਝਟਕਾ! ਮਹਿੰਗੇ ਹੋ ਗਏ ਸੋਨਾ-ਚਾਂਦੀ, ਜਾਣੋ 24-22-18K ਦੇ ਭਾਅ
NEXT STORY 
