ਲੁਧਿਆਣਾ (ਰਾਜ): ਲੁਧਿਆਣਾ ਦੇ ਬਾਜ਼ਾਰ ਵਿਚ ਠੱਗੀ ਦਾ ਇਕ ਅਨੋਖਾ ਅਤੇ ਹੈਰਾਨ ਕਰ ਦੇਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ, ਜਿੱਥੇ ਇਕ ਸ਼ਾਤਰ ਮੁਲਜ਼ਮ ਨੇ ਦੁਕਾਨਦਾਰ ਨੂੰ ਆਪਣੀਆਂ ਗੱਲਾਂ ਦੇ ਜਾਲ ਵਿਚ ਅਜਿਹਾ ਫਸਾਇਆ ਕਿ ਦੁਕਾਨਦਾਰ ਠੱਗੀ ਦਾ ਸ਼ਿਕਾਰ ਹੋ ਗਿਆ। ਜਾਣਕਾਰੀ ਅਨੁਸਾਰ ਵਿਕਾਸ ਥਾਪਰ ਨੇ ਦੱਸਿਆ ਕਿ ਉਸ ਦੀ 'ਆਰ ਜੌਨੀ ਗਾਰਮੈਂਟ' ਦੀ ਦੁਕਾਨ ਤੋਂ 'ਤੇ ਇਕ ਵਿਅਕਤੀ ਗਾਹਕ ਬਣ ਕੇ ਆਇਆ ਅਤੇ ਉਸ ਨੇ ਕਾਫੀ ਸਾਰਾ ਕੀਮਤੀ ਸਾਮਾਨ ਪਸੰਦ ਕਰਕੇ ਉਸ ਨੂੰ ਪੈਕ ਕਰਨ ਲਈ ਕਿਹਾ। ਜਦੋਂ ਦੁਕਾਨਦਾਰ ਸਾਮਾਨ ਪੈਕ ਕਰਨ ਵਿਚ ਰੁੱਝਿਆ ਹੋਇਆ ਸੀ, ਤਾਂ ਮੁਲਜ਼ਮ ਨੇ ਬੜੀ ਚਲਾਕੀ ਨਾਲ ਆਪਣੇ ਮੋਬਾਈਲ ਦਾ ਸਕੈਨਰ ਅੱਗੇ ਕਰ ਦਿੱਤਾ ਅਤੇ ਦੁਕਾਨਦਾਰ ਤੋਂ ਹੀ ਆਪਣੇ ਖਾਤੇ ਵਿਚ 12 ਹਜ਼ਾਰ ਰੁਪਏ ਗੂਗਲ ਪੇਅ ਕਰਵਾ ਲਏ।
ਹੈਰਾਨੀ ਦੀ ਗੱਲ ਇਹ ਰਹੀ ਕਿ ਪੈਸੇ ਟ੍ਰਾਂਸਫਰ ਕਰਵਾਉਣ ਤੋਂ ਬਾਅਦ ਮੁਲਜ਼ਮ ਨੇ ਬੜੀ ਸਫਾਈ ਨਾਲ ਦੁਕਾਨਦਾਰ ਨੂੰ ਕਿਹਾ ਕਿ ਉਹ ਬਾਥਰੂਮ ਹੋ ਕੇ ਹੁਣੇ ਵਾਪਸ ਆਉਂਦਾ ਹੈ। ਦੁਕਾਨਦਾਰ ਵਿਚਾਰਾ ਉਸ 'ਤੇ ਭਰੋਸਾ ਕਰਕੇ ਬੈਠਾ ਰਿਹਾ ਅਤੇ ਮੁਲਜ਼ਮ ਆਪਣਾ ਪੈਕ ਕੀਤਾ ਹੋਇਆ ਸਾਮਾਨ ਦੁਕਾਨ 'ਤੇ ਹੀ ਛੱਡ ਕੇ ਰਫੂਚੱਕਰ ਹੋ ਗਿਆ। ਜਦੋਂ ਕਾਫੀ ਸਮਾਂ ਬੀਤਣ ਤੋਂ ਬਾਅਦ ਵੀ ਉਹ ਵਾਪਸ ਨਹੀਂ ਆਇਆ ਤਾਂ ਪੀੜਤ ਦੁਕਾਨਦਾਰ ਦੇ ਪੈਰਾਂ ਹੇਠੋਂ ਜ਼ਮੀਨ ਖਿਸਕ ਗਈ। ਠੱਗੀ ਦਾ ਅਹਿਸਾਸ ਹੁੰਦੇ ਹੀ ਜਦੋਂ ਦੁਕਾਨਦਾਰ ਨੇ ਆਲੇ-ਦੁਆਲੇ ਪਤਾ ਕੀਤਾ ਤਾਂ ਹੈਰਾਨ ਕਰ ਦੇਣ ਵਾਲਾ ਖੁਲਾਸਾ ਹੋਇਆ ਕਿ ਇਹ ਸ਼ਾਤਰ ਠੱਗ ਪਹਿਲਾਂ ਵੀ ਕਈ ਦੁਕਾਨਦਾਰਾਂ ਨਾਲ ਇਸੇ ਤਰ੍ਹਾਂ ਹੱਥ ਸਫਾਈ ਕਰ ਚੁੱਕਾ ਹੈ। ਫਿਲਹਾਲ ਥਾਣਾ ਡਵੀਜ਼ਨ ਨੰਬਰ 4 ਦੀ ਪੁਲਸ ਨੇ ਮੁਸਤੈਦੀ ਦਿਖਾਉਂਦੇ ਹੋਏ ਮੁਲਜ਼ਮ ਸਾਹਿਲ ਮੱਕੜ ਖਿਲਾਫ ਕੇਸ ਦਰਜ ਕਰਕੇ ਉਸ ਨੂੰ ਦਬੋਚ ਲਿਆ ਹੈ ਅਤੇ ਉਸ ਕੋਲੋਂ ਡੂੰਘਾਈ ਨਾਲ ਪੁੱਛਗਿੱਛ ਕੀਤੀ ਜਾ ਰਹੀ ਹੈ।
ਵੱਡੇ ਸੁਫ਼ਨੇ ਲੈ ਕੇ ਓਮਾਨ ਗਈ ਕੁੜੀ ਦੀ ਤਾਬੂਤ 'ਚ ਆਈ ਲਾਸ਼! ਮਾਂ ਨੂੰ ਕਹਿੰਦੀ ਸੀ ਵਿਦੇਸ਼ੋਂ ਆ ਕੇ ਬਣਾਵਾਂਗੀ ਨਵਾਂ ਘਰ
NEXT STORY 
